بصراحه وبدون تعقيد حسن تراك زودتها ماهي اول مباراه تغلط فيها ياخي من مدة وانت تلعب باعصابنا لو جبنا بدله الدعيع كان احسن ؟؟
تذكرون غلطاته يوم نهائي كأس الاتحاد ضدالاهلي كنا متقدمين بهدفين راح الله يهديه طلع من بابه وتسبب بهدفين مالهم داعلي من راس وليد الجيزاني
بعدين في مبارة ضدالاقصى الفلسطينى يتقدم من مرماه ويهدي الاقصى هدف لاعلى البال ولاعلى الخاطر؟مايصير ملينا!
واخرا وليس اخيرا مباراه الهلال ضد نادي الرياض امس في الشوط الاول طلع فوق راس المدافعين وكان راح يتسبب في هدف لولا لطف الله ثم شجاعه عبدالله الشريده،وفي الشوط الثاني وبالدقيقه 91 يعني بالوقت الضايع قبل نهايه المباراه فاول يشوتها داين فاييه شوته ماهي قويه تنطنط قدامه وقاعد يتفرج عليها (اخوي الصغيراللي عمره 6سنوات يقول انا اردها)ولكن بكل اسف يتركها تتهادى امامه وتدخل المرمى كهدف تعادل وكان الامر لايعنيه لامن قريب ولا من بعيد،الى متى ياابو علي نتحمل سرنا حمالين اسيه هذا غير الاخطاء عد واغلط اللي ماذكرتها ساعدوني وذكروني ان كنت ناسي واعتقد انها والله اخطاء كثيره(مافي باهالبلد إلا هالولد)
والله اني ماني متحامل على ابو علي بس تراه والله سمعة الزعيم راحت (حيص بيص)وضاعت الصداره من التفريط بالنقاط والجايات اكثر والله يستر.
ياحسن اقعد مع نفسك وراجع شريط المباراه تلاحظ ان تفكيرك موشوش مخك مو مع الكوره ياخي اذا الاداره ماتبي الا تلعب ياخي لاتغثنا(اطلع وريح واستريح)ليمن تحل امورك ومشاكلك وبعدين نرحب فيك (بصراحه سمعت المعلومه من ان الحارس ذهنه مو مركز بالمباريات من شخص قريب من حسن الله مير يعينه بس سمعت الزعيم فوق كل اعتبار ويارجالات الهلال ارحمونا
المشكله انا رئيس النادي يصب اللوم على الحكم ياخي عالج اخطاء فريقك وشف الشوط الثاني الهلال تلاقيه كان مهدد باكثر من كره خطيره واي لاعب ممكن يفيد الهلال رحب فيه ولاتعاديه ادعم الزعيم لاتنقص قوته
ودمتم.

بسم الله الرحمن الرحيم.

السلام عليكم ورحمة الله وبركاته.

الـلـه يسامح الكابتن / حـسن العتيـبي.
وان شاء الـله يرجع لـمستواه.

حسن حارس ممتاز ان شاء الله يعود لمستواه السابق و الذي انتحر النصر لكي يسجله من اجله اما الآن .............ز