|
هل يفعلها ابو سلطان ويرد الصاع !! اللي جاب ياسر يقدر يجيبه !! 00 0 يعاني الفريق الهلالي من مشكله في متوسط الدفاع الايسر من يوم اعتزل طيب الذكر الجنرال عبدالله الشريده.... ما في شك ان المفرج لاعب مجتهد لكن للاسف ان مستواه الفني لا يتطور بل العكس في هبوط واضح للعيان !! وفي ظل القوانين الجديده للجنه الاحتراف التي تتيح للاعب الانتقال الى نادي اخر بدون الرجوع الى ناديه... اصبح هناك مجال اكبر للاستفاده من هذا المستجدات لصالح النادي والاعب.. اللاعب حمد المنتشري ينتهي عقده في شهر شوال القادم.. العام الماضي جدد عقده قبل مباراه النهائيه مع الاهلي بمبلغ مليون لمد سنه وهو غير راضي على تعامل الاداراه الاتحاديه معه خصوصا بعد انتقال عبدالرحمن القحطاني لمده سنه بملغ 7 مليون !! حمد المنتشري لاعب محترم صحيح ان عنده عيوب فنيه كثير مثل الانبراش لكنه افضل الموجودين حاليا ويستطيع الهلال ان يرتقي بمستوى حمد ويطوره مثل ما حصل مع الشريده بعد انتقاله من القادسيه للهلال... تقديم عرض رسمي لحمد بملغ 7 مليون 4سنوات ...اعتقد انه معقول والهلال عنده استحقاقات كثيره ومشاركات خارجيه وهو بحاجه للاعب سعودي في هذا المركز... . الهدف الاخر من تقديم العرض الرد على استفزازات البلوي وارهاق الخزينه الاتحاديه حتى لا يستطيع ان يعترض الصفقات الهلاليه.. مثال/ منتشري يطلب 7 مليون اسامه يطلب 9مليون ابو شقير يطلب 10مليون نور يطلب 15مليون فينشغل في فريقه ويترك التخريب على الاخرين !! ملاحظه ( ماجد المرشدي لاعب كبير وينتظره مستقبل لكن للاسف ماعنده واسطه.... لو كان يلعب ماجد اساسي ... قد نستتغني عن التعاقد مع منتشري) هل يفعلها ابو سلطان ويرد الصاع صااااااعين !! اللي جاب ياسر يقدر يجيبه ... |
شبابنا فيهم الخير والبركه |
هي زينه لو نعرض عليه بس ياخوووي البلوي ما هو تاركه ابد لو تحب السماااء انا اقول لو الهلال يعرض عليه 20 مليون بس كذااا كانهم جادين ومنهاا البلوي يجدد بكثر من كذااااااا وتضعف خزينه نادي الاتحاد بس البلوي تخلص فلوسه لا بذمتي يكفي ان ابوه كان وزير الاموال بالمملكه الله يرحمه يعني عندهم خير خير يعني خلاص اسامه هوساوي افضل بكثير ولا صغير بعد ليته يجي يارب انه يلين راسه ويوافق يجي تحياتي هلالي ابوعزوز |
حمد لاعب ممتاز ويستاهل 15 مليون صراحه |
حمد المنتشري مدافع جيد بس الي افضل منه زكريا الهداف فعلا صخرة دفاع |
إقتباس:
منهم شبابنا !! تقصد المفرج !! __________________________ ياسر والشلهوب ( كثيره 15 مليون على مدافع ) __________________________________________ هادي بال ( زكريا راعي مشاكل وكروت ملونه و ثقيل الحركه..... ما يقارن بالمنتشري .. |
صعبه وصعبه للغايه انت تدري ان البلوي لو يموت افضل له من ان الهلال ياخذ لاعب منه .. |
zooom :) إقتباس:
ماجد المرشدي لو يخلي عنه الهجهجه في وقت زنقات الفريق و يترك عنه الغيابات و يشد حيله في التمارين .. إن شاء الله يظمنها ... و بلا منتشري بلا هم .. و صدّقني .... ما فيه واسطة تنفع مع كل الإدارات و كل المدربين إلا واسطة الإخلاص و التفاني ;) |
يعطيك العافيه اخوي zoom.. بالنسبه لموضوع المنتشري صعب انه يتركه البلوي لنا.. والله لويجددله 10 مليون ماعنده مانع.. وصراحه ادارتنا شكلهم ماعندهم نيه يجيبون لاعب محلي ابداً.. شكلهم يبون المفرج اساسي غصب!!! ولاتنسى ان الاحمد موجود بيحارب كل لاعب يلعب بخانة المفرج .. |
ماجد العمري و اسامة هوساوي ازين .. وشباب بعد |
إقتباس:
عندنا خير كثير بس ما ادري وين يروحون؟؟ |
ما اقول الا بتوفيق للزعيم الغالي |
إقتباس:
الموضوع يحتاج تخطيط.... واغراءت للاعب..... بالنسبه للبلوي لاتصدق كل مايقال عنه... في ناس تدعم وهو اللي يظهر في الصوره انت تدري انه مديون وعليه مطالبات وحقوق كثيره...وعليه دعاوي مقامه ضده في محاكم جده...واختلفات مع اخوانه على الميراث....الله يستر على المسلمين.. |
لا نريد حمد أبداً ...! أولاً:- البلوي ما يقدر يستغني عن حمد وبيجدد له على المبلغ اللي يبيه حمد ثانياً:- أعتقد حمد لاعب يزعل من أي شي بسرعة ثالثاً:- حمد لاعب كبير في السن (و نحن نريد لاعب ضغير في السن) يعني أعتقد ان حمد ما له فايده يجي مع الهلال وأنا أرفض لذلك مع احترامي لك |
ياشباب المنتدى تكفون انتم هلاليه نبي عقول اكثر احترافيه ياخي وش المشكله لو جاء الاعب والله لوالهلال يتعاقد مع سعد الحارثي ابكون اول المؤيد لاننا الحين بعالم اسمه احتراف ولو راح لاعب للنصر مو مشكله بكيف لاعب صخره وصغير مثل المنتشري .... وناظروا الدزل الاربيه الي ماتقارن بنا اليوم يلعب مع برشلونه وبكره مع الريال ومافيه مشكله |
إقتباس:
|
ليه نتعاقد مع المنتشري وعندنا لاعب مواصفاته مثل مواصفات المنتشري لاكن لو اعطي فرصه ما فكرنا في المنتشري.. لاكن الواســــــــــــطه !!!! هي مدمره المواهب . |
مالك الا اسامة هوساوي سي ياااا |
اللحين خلهم يدفعون رواتب اللاعبين المتأخرة من خمسة أشهر وبعدين يفكرون يتعاقدون مع حمد المنتشري |
إقتباس:
ياخي هي مره وحده اللي هج فيها ومسكتوها عليه !! رالي حائل ورالي حائل الميزه الوحيده اللي كانت تتوفر في المفرج هي القدم اليسار... وبعد انتقال المرشدي للهلال خلاص مافي اي ميزه تميز فهد عن غيره من المدافعين.. اوكيه لنفرض ان المرشدي غير منتظم !! اي مدافع ثاتي يلعب !! كل المدافعين يعني ما يتدربون ؟ بس المفرج اللي يتدرب !! صدقني الموضوع فيه واسطه قويه !! |
إقتباس:
لا والله لانه ماهو منضبط وانا اخوك ، نسينا كم مره ترك الهلال وطلع للبر في شمال حايل :) تكلم وانت واثق من كلامك الله يهداك لا تشوش العالم على الإداره ،، اعرف ناس كثيرين من حايل ويعرفون المرشدي ( اللاعب لك عليه شوي ) مع الف تحيه لك |
إقتباس:
الله يعافيك يالغالي... انا معك انه صعب .. بس مو مستحيل ... الموضوع يحتاج تخطيط ومفاوضات وياخوفي يكون تفكير الاداره انها تفضي الجو للمفرج..... ومنصور الاحمد >> في وقت عادل البطي كان المرشدي اساسي !!:wallbash: |
إقتباس:
عشانه استبعد من المنتخب ماتبيه !! بعدين ترهق الخزينه بالتدريج !! يعني المنتشري يجدد 9 مليون !! يجي مناف يبغى 12 مليون !! يجي نور يبغى 15 !! عرفت شلون !! غصب عليه ينشغل في نفسه ولا يفكر بالتخريب !! حتى لو فكر بيكون هو المتضرر !! بعدين ياناس البلوي فقط هو اللي في الصوره ... خلف الكواليس شخص يدعمه بقوووه !! |
الصراحة حمد النتشري له نكبات المرشدي افضل او يجيبون العمري |
زعيم توب ؛ الموضوع مو خذني جيتك !! يحتاج تخطيط ودراسه !! دمي ازرق : الهلال يحتاج المنتشري واسامه ... ماجد العمري ماينفع .. والمنتشري 25 سنه عمره .. مو كبير عمار الشلهوب : امين الله يوفق الهلال.. |
إقتباس:
لاعب يزعل بسرعه !! جديده اول مره اسمعها 25 سنه كبير في السن ؟ اذا جاء للهلال بيطلع اصغر لاعب فيهم !! |
والله مايخليه البلوي للهلال لوعلى حياته لوفريق غير الهلال يمكن |
إقتباس:
يعطيك العافيه اختصرت الكلام عليs60s |
كيف الحال |
ربعي عتيبه : الواسطه بتضيع الهلال _______________________________ بركان الهلال ؛ اي واحد بس المنتشري ضربه في الصميم ____________________ ساحرني الزعيم ؛ ياسر يوم يجي كان فيه رواتب متأخره !! |
إقتباس:
بعدين اي تشويش على الاداره !! واضح كل شي !! ابو سلطان بعد كل مباراه يمدح المفرج !! حتى لو كان اسوء لاعب في المباراه.. وبالنسبه للمرشدي اذا كنت تقصد اخلاقه .. الله يستر علينا وعليه ... اهم شيئ مستواه الفني ... والرجل استطاع يقنعنا فيه !! عالاقل افضل من المفرج !! |
المهم لاعب جيد يجي الهلال والله يوافقه |
لا تعليق |
شبابنا فيهم الخير والبركه |
ماجد صحيح ماعنده واسطه |
الصراحه ما نقدر لان المنتشري خاتم في يد محمد نور و منصور البلوي يعني هوساوي احسن |
ايه يقدر يجيبه ليش لا |
كلامك حلو بس البلوي ماهو مخليه |
تدري ان مشكله نادينا الواسطه المشكله انت هلالي طيب تبي مصلحة الهلال ليش الواسطه يا آدمي |
zooom انا اوافقك وبشدة ..بلاش صداع |
اتمنى انه يجي |
حمد المنتشري والله ما اجيبه بسبع ريالات اجل تقولي اجيبه بسبع ملايين والله لو قلت سبع ملايين نجيب اسامة ممكن |
والله لو يجدد له ب40 مليوون ولا يرووح لل هلال |
مارح يتركه البلوي ما ترك لاعبين الأنديه الثانيه يترك لاعبينه |
انا اقول المرشدي لو يعطونه فرصه,,,, افضل صراحه,,,,, |
ياشباب دام انه جدد سنه اكيدانه مايبغى يكمل معهم ومو صعب انه يجي الهلال اي لاعب يتمنى يجي للهلال لاكن بعرض قوي وجاد |
يالغالي صعبة حمد المنتشري يجي للهلال من كل النواحي خصوصا الماديه بعد ما ينتهي عقدة راح يجدد لنادية بسعر أكثر لو تقدم لة نادي الهلال؟؟؟؟؟؟؟؟ |
حرام عليك يازوووم.. مالقيت إلا المبنشري ..يعني إنتهو دفاع الأندية؟؟ وين هوساوي ووين ماجد العمري .. أنا أخاف يقول ابغى الكبتنية من سامي واريد رضا تكر بجانبي..وغيرو المدرب.!!!! |
حمد لاعب جيد واتمناه في الزعيم بقوه ويكفي انه لاعب صاحب خلق رفيع وبالتوفيق لزعيمنا :) |
zooom :) إقتباس:
أول شيء .. بسم الله عليك من الروعة :D الشيء الثاني ... ماهي مرّة وحده اللي كشت فيها ... راح مرتين أو ثلاث للبر ( غير الرالي ) و غير روحته لظروف والدته ( الله يخليها له ) .. غير الغيابات اللي صارت منه و هو ما تعدى الرياض ... و من جهة (( بس المفرج اللي يتدرب )) أقول ـ للمرة الألف ـ المفرج ما هو أفضل مدافع و لكنه أفضل الموجود .. ما هو لحاله يتدرب و لكنه من أكثر اللاعبين بذل و إجتهاد في التمارين .... أخيراً أخوي ياليت تفكر في السؤال هذا / ما هي الواسطة التي تمشي مع جميع الإدارات والإداريين والمدربين ؟؟!! أبغى إجابة منطقية . |
إقتباس:
شف من متى هو مدير الفريق... الفتره اللي راح فيها وكان عادل البطيئ لمدير الفريق المرشدي اساسي يلعب..! |
ياليت يسويها مع البلوي ويرد له الصاع صاعين مثل مااخذ الدوخي والعويران وتخريب كثير من الصفقات على الهلال ...والله لو يسويها ابو سلطان كان البلوي وجماهيره يمكن تجيهم سكته...والله ماينساها طول عمره..تكفى يابو سلطان لاتفوتها |
لا منشري ولا غيره بس عندنا الحمدلله الخير واجد بس يبون الفرصه اما عن المرشدي اذا انظبط مع الفريق زي ماكان في بدايه الموسم الماضي بياخذ ان شاالله مكانه حتى على مسوى المنتخب بعد |
اسامه هوساوي وماجد العمري اي واحد منهم افضل الف مرة من منتشري ماااااااااااااااااااااااااااااااااااااااااااااانبيه |
[ ملاحظه ( ماجد المرشدي لاعب كبير وينظره مستقبل لكن للاسف ماعنده واسطه.... لو كان يلعب ماجد اساسي ... قد نستتغني عن التعاقد مع منتشري) يازعماء والله الكابتن ماجد المرشدي كبير بس يحتاج لصبر وغير كذا اهتمام بسيط من الإداره والله يطلع تفاريس او اطلق بس ايسر وتقبلو تحياتي |
والظهير الايمن نتحتاج لاعب |
مستحيل البلوي يخليه |
خلها على ربك |
المنتشري لاعب جيد وليته يجي للهلال بس ادارة الهلال ما تهتم بالامور هذي راح نص اللاعبين الجيدين والادارة تتفرج |
zooom :) إقتباس:
على طاري منصور الأحمد .... على أيام سعود بن تركي و من بعده عبدالله بن مساعد كان المتهم الأول في ( التوسط ) لفهد المفرج هو فهد المصيبيح !! و كان الكثير من الجماهير و بإيحاء و تصاريح مِنْ مَنْ يقال عنها صحف هلالية ـ زعموا ـ أن الأنسب لإدارة الكرة هو منصور الأحمد الذي كان يعمل نائباً للمصيبيح الذي كان يفرض بعض اللاعبين كما يقولون !! ذهب المصيبيح و إستلم المهمة منصور الأحمد ... و عادة التهمة و ألصقة بالأحمد بعد المصيبيح و هي ( التوسط للمفرج ) !! ثم .. ما مصلحة الأحمد من فرض لاعب يواجه معارضة شديدة ؟!! أما المرشدي و مشاركته أساسياً أيام عادل البطي فبسبب أن المفرج كان يعاني من إصابة كما أنه لم يغب تماماً عندما كان البطي مدير للكرة و لك أن تتأكد إن شئت .. أمر آخر ... لو قلت لك أن عادل البطي هو من ( توسط للمرشدي ) في ذاك الوقت هل ستقبل هذا الكلام ؟! طبعاً هذا الكلام أنا لا أقره و لا أراه لأنه كلام ممجوج و لا يقبل ... لأن أي مدير كرة في نادي كالهلال و ليس ( أرطاوي الرقاص ) و رؤساء مختلفين و مع مدربين كبار .. لا يستطيع أن يستمر بنفس المنهجية و بنفس مستوى المحاباة لأي لاعب كان .. أختم / [ المفرج ليس أفضل مدافع و لكنه أفضل الموجود ... و لا يقف طموحي عند المفرج لتمثيل الدفاع الهلالي و لكن يجب أن يكون البديل أكفأ منه ] |
| الوقت المعتمد في المنتدى بتوقيت جرينتش +3.
الوقت الان » 06:05 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd