السلام عليكم ,
اخوي سهل كل شيء بموضوعك حلو إلا شيء واحد , اسمح لي
ألا وهو :
احد يكتب
النفسنا , بهذا الشكل, ما هقيتها منك
كذا تكتب : أنفسنا ,,
<<==== ماصارت درس املاء
المهم .. ماشاءالله عليك موضوع حلو .. بالنسبة لي اعتقد ان الاهداف تختلف من واحد للثاني , يعني على حسب نوع كتابته .. فاللي يكتبون قصائد وخواطر وكلام منسق , فذولي غالبا ماشاءالله عليهم عندهم حس ابداعي ويلقون ان المنتدى متنفس جميل لهم ولابداعاتهم , والبعض منهم يبي يشوف ردة فعل غيره عن كتاباته هل هي حلوة ولا يعني
أما أنا فمالي هدف معين , غير اني اضيع وقتي بشيء مفيد , اتعرف على شخصيات متنوعه من الناس واكتسب خبرة في التعامل واسلوب التحدث مع غيري على اختلاف تفكيرهم .. المعلومات اللي تطرح بالمنتدى او الاخبار شيء مفيد وحلو , شخصيتي تميل الى الاجتماعية , فتكوين الصداقات بيننا يالأعضاء بالمنتدى من ضمن الأهداف ..
بصراحة شفت هالشيء واكبر وهذا اللي معلقني هنا بالمنتدى ومخليني اكتب فيه ..
أما بالنسبة لتقييم مواضيعي .. فأكيد ان الردود لها دور .. عددها وكذلك اصحابها وكذلك الرد نفسه .. إذا كان مجاملة أوأنه متفاعل فعلا مع الموضوع ..
وماننسى عدد القراء ايضا له دور ..
أما بالنسبة لاني أندم على شيء كتبته , فهذا الشيء ما حصل وان شاءالله مايحصل .. لأني ماراح اكتب موضوع الا وانا واثقة من نفسي
حتى لو نزل الموضوع وبدون ردود .. شيء عادي .. ولا يعتبر الموضوع فاشل , لأنه ممكن فيه امور حكمت هالشيء .. مثل ان يكون الموضوع يقرأ ولا يحتاج للرد , او اي سبب ثاني ..
أما بالنسبة للي يردون علي بموضوعي , أول ما أرد عليهم انساهم , ويهمني الرد أكثر من صاحبه .. حتى ردودي على المواضيع أحيانا أرد واطلع ومدري من اللي كاتب الموضوع
أما المجاملة فأحيانا استخدمها للحاجه ,, مثل تشجيع احد كاتب خاطرة او قصيدة او موضوع مبين انه تعبان فيه أو شيء من هذا القبيل
هذا اللي عندي , ولا ادري هل جاوبت على تساؤلاتك كلها او لا .. ( ماشاءالله من كثرها )..
ومشكووور على الموضوع الحلو