تكلفة الزواج في مجتمعنا السعودي - صفحة رقم 2 - نادي الهلال السعودي - شبكة الزعيم

:: S3odi :: · #16 07/08/2007, 10:31 PM

بنظري مافيه اي غلاء للي صادق وجاد لانه انسان يتكلم ويقول ان الزواج يكلف غالي بحدود 50 -80 الف

وتلاقيه يركب سياره مايقل سعرها عن 120 الف ريال اعتقد انه لحد الحين مو قد المسؤوليه اللي الزواج يحتاجها

ولو كل انسان اصبح جاد ومقدم على الزواج بشكل رسمي ماراح يكون المهر هو السبب اللي يرده

ماشاء الله اشوف ثلاث ارباع تقريباً ااذا مو الكل معاهم سيارات اخر موديل وسفرات تكلف الشي الفلاني

ولما نتكلم عن الزواج يقولون المهور غاليه ؟؟

طيب ومصاريفكم اللي علي سيارتكم وسفراتكم ؟؟ مالها اي حساب ؟؟

اللي صادق وجاد راح تتسهل امورة واللي يدور اي عذر بيلاقيه

ابو طـــــلال · #17 08/08/2007, 01:24 AM

شوف حبيبي .... الزواج مايخووف ولايكلف ... دائما فكر في اللى تدفعه وش مقابله ؟!!

تدفع مبالغ كبيره وتاخذ قروض واخرتها .. تروح بسفره خارج المملكه اسبوعين ثلاثه وترجع وانت طفران .. يعني قومة صبح حقة سته شهور راحت على الفاضي وتلقاك ماتتحسف عليها .. واكيد على ظهرك مبلغ وقدره من الديون والقروض وخلافه .. اذن خسرت مبلغ من غير مقابل ...
طيب انزل وشوف المقابل اللى تدفعه للزواج
7
7
7
7
7
7

لكن فلوس الزواج مقابل استقرار .. ستر .. تكوين اسرة .. اكمال نصف دينك ... ارضاء لوالدينك .. ومع ذالك ربي يرزقك اطفال يكونون لك سند اذا كبرت .. واذا مت ماينقطع عملك من خلالهم اما بالدعاء او اذا كانوا صالحين فمن خلال اعمالهم وتربيتك لهم
يعني تخسر خمسين الف على سيارة .. وسفره .. وفواتير جوالات ... ولاتتحسف .. !
وتتحسف على زواج يضمن لك بعد الله الاستقرار والهدوء والطمأنينه .. والاطفال ايضا .. اللى شوفة الواحد يقولك بابا تسوى سفرات الدنيا كلها

في الختام ... نعم الزواج مكلف .. لكن من بغى الدح مايقول اح ...
والزواج مكلف للي يبي يستعرض بزواجه .. وعلى قد لحافك مد رجلينك
الزواج مكلف للي نيته مو صادقه .. لكن لو تنوى الزواج وتتوكل على الله .. صدقني راح تنفتح لك ابواب ماتدري عنها وتتسهل امورك .. وماتدري الا وانت متزوج بقدرة قادر !! حتى المبلغ يتوفر من غير ماتحس ... انت بس اعقلها واتوكل
والله يوفق الجميع
واسف على الإطاله
تحياتي للجميع

شـــذى · #18 08/08/2007, 01:50 AM

إقتباس

الرسالة الأصلية كتبت بواسطة :: S3odi ::


	بنظري مافيه اي غلاء للي صادق وجاد لانه انسان يتكلم ويقول ان الزواج يكلف غالي بحدود 50 -80 الف وتلاقيه يركب سياره مايقل سعرها عن 120 الف ريال اعتقد انه لحد الحين مو قد المسؤوليه اللي الزواج يحتاجها ولو كل انسان اصبح جاد ومقدم على الزواج بشكل رسمي ماراح يكون المهر هو السبب اللي يرده ماشاء الله اشوف ثلاث ارباع تقريباً ااذا مو الكل معاهم سيارات اخر موديل وسفرات تكلف الشي الفلاني ولما نتكلم عن الزواج يقولون المهور غاليه ؟؟ طيب ومصاريفكم اللي علي سيارتكم وسفراتكم ؟؟ مالها اي حساب ؟؟ اللي صادق وجاد راح تتسهل امورة واللي يدور اي عذر بيلاقيه

ياعسى ربي يخليك لعين ترجيــــــــــــــك
وربي إني داخله وابي أرد نفس هذا الرد بس كفيت وفيت ...

للي يقول المهور وليلة الزفاف والأثاث ..... الخ
أنا أشوف الحل لهذه المشكلة إن الأهل يزوجون بناتهم بلوشي ..

وسوووا خير وارموهـ البحر

ومو بلازم قاعة ولا حتى استراحه كركبوا الخلق ( المعازيم ) فوق سطح البيت

ولو ماعندكم ترى سطح الجيران مايخالف

.. ولا خلوه زواج سوكيتي

ومو بلازم ذبايح ( ترى ماقلت بوفيه تقديراً للأوضاع )

أنا وأعوذ بالله من كلمة أنا أقول كرتونين دجاج ساديا :p يأدي الغرض وش هو له الخساير ...

والأثاث يمدحون الحراج به الكثير من استخدام الحشمة ...

المهم توفر دراهم للسيارة والسفر ووناستك

عاشق بويعقوب · #19 08/08/2007, 01:55 AM

والله ياخوي المشكله فينا احنا الشباب ..

مانبي نتزوج لأننا خوافين ..

بالنسبه لي ماابي اتزوج الا ويكون الرصيد يبيض الوجه , على شان اهددها بالثانيه ..

بيني وبينك الواحد منا يبي وحده تفهمه بس وشلون ندري الله اعلم ..

Hictar · #20 08/08/2007, 02:33 AM

إقتباس


	الزواج يكون تكلفة بالحد العالي 50000

هذا عالي
لو فيه زواج يكلف بالحد العالي خمسين الف على قولتك كان ما شفت احد عزوبي

هلاليه@ميلانيه · #21 08/08/2007, 02:47 AM

إقتباس

الرسالة الأصلية كتبت بواسطة :: S3odi ::


	بنظري مافيه اي غلاء للي صادق وجاد لانه انسان يتكلم ويقول ان الزواج يكلف غالي بحدود 50 -80 الف وتلاقيه يركب سياره مايقل سعرها عن 120 الف ريال اعتقد انه لحد الحين مو قد المسؤوليه اللي الزواج يحتاجها ولو كل انسان اصبح جاد ومقدم على الزواج بشكل رسمي ماراح يكون المهر هو السبب اللي يرده ماشاء الله اشوف ثلاث ارباع تقريباً ااذا مو الكل معاهم سيارات اخر موديل وسفرات تكلف الشي الفلاني ولما نتكلم عن الزواج يقولون المهور غاليه ؟؟ طيب ومصاريفكم اللي علي سيارتكم وسفراتكم ؟؟ مالها اي حساب ؟؟ اللي صادق وجاد راح تتسهل امورة واللي يدور اي عذر بيلاقيه

واللهـ أنكـ صااااااادق .,.

ربي يوفقكـ ويزوجكـ الي تبيها :p <<مو الموضوع عن الزواج يعني هالدعوهـ بمكانها

تحياتيـ

المستشار · #22 08/08/2007, 02:59 AM

إقتباس

الرسالة الأصلية كتبت بواسطة عاشق بويعقوب


	بالنسبه لي ماابي اتزوج الا ويكون الرصيد يبيض الوجه , على شان اهددها بالثانيه ..

والله مصاريف الزواج بارتفاع مستمر مثل المواد الغذائية

يعني المهر والقصر والطقاقات

وحلويات

وتأثيت الشقة ووو ...

يعني تبي تدفع من 150000 وطالع علشان تسوي زواج عادي

برايفت لكل الشباب :

رح خذ لك سورية جمال ودلع يعني فل كامل ماتكلفك 25 ألف .. يا بلاش

أحسن من ام الركب السود

جنـــ الزعيم ـــى · #23 08/08/2007, 03:35 AM

إقتباس

الرسالة الأصلية كتبت بواسطة ابو طـــــلال


	شوف حبيبي .... الزواج مايخووف ولايكلف ... دائما فكر في اللى تدفعه وش مقابله ؟!! فلوس الزواج مقابل استقرار .. ستر .. تكوين اسرة .. اكمال نصف دينك ... ارضاء لوالدينك .. ومع ذالك ربي يرزقك اطفال يكونون لك سند اذا كبرت .. واذا مت ماينقطع عملك من خلالهم اما بالدعاء او اذا كانوا صالحين فمن خلال اعمالهم وتربيتك لهم يعني تخسر خمسين الف على سيارة .. وسفره .. وفواتير جوالات ... ولاتتحسف .. ! وتتحسف على زواج يضمن لك بعد الله الاستقرار والهدوء والطمأنينه .. والاطفال ايضا .. اللى شوفة الواحد يقولك بابا تسوى سفرات الدنيا كلها في الختام ... نعم الزواج مكلف .. لكن من بغى الدح مايقول اح ... والزواج مكلف للي يبي يستعرض بزواجه .. وعلى قد لحافك مد رجلينك الزواج مكلف للي نيته مو صادقه .. لكن لو تنوى الزواج وتتوكل على الله .. صدقني راح تنفتح لك ابواب ماتدري عنها وتتسهل امورك .. وماتدري الا وانت متزوج بقدرة قادر !! حتى المبلغ يتوفر من غير ماتحس ... انت بس اعقلها واتوكل والله يوفق الجميع واسف على الإطاله تحياتي للجميع

والله انكـ صادق وعلى راس القائمة اخوي
اقوله ماتبي تتزوج يقول لا انتم بس اشتروا لي سيارة
طيب نشوف وش تسويله السيارة
************
وبعدين اذا الزواج مكلف تلاقي التكلفة في الحفل اللي راح يصير
لان كل المهر يروح تكاليف للحفل هذا اذا ماأضاف ابو البنت
وكله علشان ليلة وحده
والحل الوحيد تحط الزواج عائلي
ترتاح وتريح
مشكورة اختي على الموضوع

تغريد · #24 08/08/2007, 03:54 AM

إقتباس


	والحل نسوي اضراب عن الزواج لين يرخصون بناتهم

هههههههههههههههههههههههههههه

حلوووه

من جد الحين صيف والمحلات كلهم في اوقست يسوون تخفيضات
ليش ماينزلون مهور بناتهم

في الصيف بس عالاقل

المهور المبالغ فيها هي الي خلت البنت زيها زي اي سلعه للاسف

!!

بس بالاخر هم الخسرانيين!
بناتهم بيخللوون عندهم !!

واذا على المصاريف الي بعد الزواج
زي ماقال ابو طلال
مد لحافك على قد رجلينك او رجولك

كل واحد يجيب الي على قدو
والي يبغا الفشخره والمضاهر يستاهل الي يجيه

إقتباس


	ومو بلازم ذبايح ( ترى ماقلت بوفيه تقديراً للأوضاع ) أنا وأعوذ بالله من كلمة أنا أقول كرتونين دجاج ساديا يأدي الغرض وش هو له الخساير ...

بالعكس الوليمه في الزواج سنه عن الرسول عليه الصلاه والسلام

بس بالمعقول اكيد
واشهار الزواج كمان لازم يعني مينفعش سوكيتي

سندريلا الهلال · #25 08/08/2007, 04:04 AM

اولا .. اشكر صاحب\ة الموضوع على فتح المجال للنقاش فيه وكل واحد يطرح وجهة نظرة ..

أذكر كل صيفية كانت دائما تجينا بطاقة زواج لنفس العائلة وكانوا عندهم شباب في سن زواج

يعني كل صيفية يتزوج لهم واحد يعني يمكن مرت اربع سنوات على هالحال يعني تزوجوا كلهم

.. مع ان حالتهم المادية بسيطة جداً..

كنت استغرب واقول ماشاء الله كيف قدروا يتزوجون وكيف قدروا يدبرون مصاريف الزواج ..

لأنهم بسيطين مصاريفهم بسيطة ولانهم ناوين نية الزواج عشان يحافظون على انفسهم ويفرحون والديهم

ربي يسر لهم زواجهم .. يعني الزواج نفسة .. والمصير نفسة بس اللي يفرق تعامل الناس معه ..

التفكير السطحي للبنت ابي زواج يتكلمون فيه اسبوع والتفكير الغير منطقي للشاب الزواج مكلف وما ابي اتخسر

الزواج من بدايتة وهو يدر عليك ارباح ولا يأخذ منك فوائد ..

بعض الشباب يقول الزواج يكلفني وهو كل صيفية في اوروبا ..

طيب مصاريف اوربا كل صيفيه جمعها وحطها في الزواج .. بس سبحان الله مانسمع عن عدم القدرة الا عند الزواج

اما وقت السفر وشراء السيارة والصرف على رحلات وطلعات المادة تتوفر وبسرعة البرق ..

ما اقول الا الله يعين اولياء امور الشباب والبنات ..

والله يهدينا جميعا ويوفقنا ان شاء الله

وهم الاماكن · #26 08/08/2007, 04:16 AM

اول شي الاباء لازم يخفضوا المهور

ثانيا الحكومة لازم تساعد الشباب وصراحة 50000 الف ماتفرق معاهم اذا دفعوه لكل شاب

ثالثا انا على اقساط سيارة ( مكس ) 5 سنوات قدام والحين عمري 23 سنة
والراتب 3100 ريال وفي قطاع خاص وليس عندي اي دخل اخر غير الراتب
بصراحة شي يتعب يعني الزواج حيكون في سن 32 سنة

ما اقول الا الله كريم

تاكسـي الغرام · #27 08/08/2007, 04:25 AM

هلا بكل الأخوان اللي هنا واللي مهوب هنا ..

أشكرك على طرحك للموضوع ولكن هناك نقطه ..

شوف الحين نواجه مشكلتين في الزواج

مشكلة المال ..

المهور والقصور والولايم ووالسفر للخارج لقضاء شهر العسل ..

أعتقد أن كل هذي تكسر ظهر الشاب السعودي وتحطمه ..

المشكله الثانيه ..

عدم السماح للرؤية المراه قبل الزواج

و عن المغيرة بن شعبة أنه خطب امرأة فقال له رسول الله صلى الله عليه و سلم * أنظرت اليها قال لا قال أنظر اليها فانه أحرى أن يؤدم بينكما * أي أجدر أن يدوم الوفاق بينكما.

يا أخي الحين إذا جينا نخطب وقلنا نبي نشوف .. يقول لا خل تشوفها أما أنت لا
طيب واللي أمه مالها ذوق وش يسوي

يعطيك العافيه أخوي على هالموضوع

الكلاسيكي · #28 08/08/2007, 05:00 AM

هلا فيك اخوي شوفي شموخي ...
طرحت موضوع رائح يستحق النقاش ..

في لابدايه اتفق معك بان الامور تتصعب مع مورور الوقت .. وحال الشبا في تردي
مع ارتفاع الاسعار .. وازدياد الكماليات التي قد يحتاجها الزوجين ..

ولكن لنكن اكثر واقعيه .. هل المحلات التجاريه والمؤسسات ستساهم في مساعدة الشاب !
لا اعتقد ذلك .. إلا ان كان مؤسسات خيريه كمؤسسة ابن باز "رحمه الله "
غيرها ماعتقد ولو حتى بتخفيض ولو كان بموجب عقد النكاح ..
لان كلن يدور مصلحته .. والكل تهمه تجارته .. ومالهم بأحد .. "ومانلومهم "

اتوقع ان تكاليف الزواج تختلف حسب المجتمع والبيئه .. فاعتقد جنوب المملكه
يكون المهر غالي جداً .. اما في نجد اقل منها .. ولكن مثل ماقلت المشكل بالتوابع ..

واعتقد اقل شي ممكن يكلف الزواج 100- 130 ألف ريال ..
اما العمر المناسب اعتقد ان العمر المفضل 24 وطالع .. لكن مايصل للـ 35 ..

لكن تفائل اخوي وان شاء الله ييسر الله .. لكل وللجميع ..

تقبل فائق احترامي ..
واشكرك على الطرح الجميل .. لموضوع يستحق ان يطرح ..

دمت بخير

Je t'aime Hilal · #29 08/08/2007, 05:55 AM

مشكور أخوي/أختي على الموضوع الذي يتطرق لقضية تهم مجتمعنا

احببت أن أعقب على الموضوع لكن الأعضاء مشكورين قالوا كل مايجول بخاطري ولم يعد هناك شيء لأضيفه

Dr.Sara · #30 08/08/2007, 06:30 AM

السلام عليكمـ ..,,

المشكلة ليست في المهر . . أو السكن فقط , المشكلة تعدت الى ابعد من ذلك .

بعد الزواج فيه شهر عسل .. فيه عامله او عامل في البيت , في مصاريف الملبس

والمأكل والمشرب .., الموضوع اكبر من مجرد مهر ..! !

واللي يقول رخصوا بناتكم .. العلة موب في البنات ترى ..!

صحيح الرسول قال فيما معناه أن خير النساء اقلهن مهوراً ..,

اعتقد الموضوع كبير جداً , والله يعين بس ..,,,

شموخ شموخي , كل الشكر على الموضوع