عسى ماتكلفتي بس...

مشكورة ..

..


الاعتذار يندر عندنا لان الكثير للاسف يربطة بالكرامة
فيتصور لما يعتذر ان كرامتة سلبت منه
وفي نفس الوقت قليل منا يحب يعترف بالخطا
وهذا السبب في كثرة النزاعات والهجر لسنين طويلة

بنسبة لي كلمة اسف ماحب اقولها الا ااذا حسيت نفسي اخطات خطا فادح
وهالشخص غالي

التسامح حلووو والغفران احلى والله سبحانه وتعالي يغفر ويسامح فكيف حنا الخلق مانسامح
واحيانا نسامح مو لاننا اخطانا ولكن لمكانة الشخص

إقتباس خكري دخل العسكرية .. سأله الضابط: وش اسمك ..؟ قاله: اسمي توتي قام الضابط وضربه كف وقال : روح وبكره تجيني باسم رجال .. راح ورجع ثاني يوم .. وسأله الضابط وش اسمك ..؟ قال: توتي الشرير ...

هههههههههههههههههههه


بنت الزعيم
عيني عليك باردة ماشاء الله
الله يحفظك
ولاعدمنا تميزك

ود يليق بك

الحاج متولي9
حياك الله اخي الكريم ..
لا ابد الله يسلمك كل شي يهون عشان المنتدى ..

العفوو .. كل الشكر لتواجدك .. دمت بخير وسعاده ..

إقتباس kaka-22 حياك الله اخي الكريم .. صدقت اخوي بس إذا كنا مسامحين الناس اللي غلطنا عليهم من قلبنا وصفينا نيتنا صدقني راح تكون هالزعله سبب في قوه العلاقه اكثر .. اللهم امين .. الف شكر على الحظور .. دمت بخير وسعاده ..

انا الي اقصده انه ممكن اسامح شخص على غلطته بس علشان الاجر
بس ان العلاقه ترجع زي اول واحسن صعبه

انا ما اتكلم عن المشاكل البسيطه واللي تتكبر
انا اتكلم عن المشاكل اللي تهز ثقتك في صديقك كلياً

يعطيك الف عافيه

الهنوووف
اهلاً بعودتكِ اختي العزيزه ..
الكرامه مالها دخل بالإعتذار يعني انتِ اذا غلطتِ لازم تعتذرين
وبالعكس راح تكبرين بعين اللي بتعتذرين منه ..

إقتباس الا ااذا حسيت نفسي اخطات خطا فادح وهالشخص غالي

يعني لازم هالشرطيب وإلا ما تعتذرين ..

تشرفت بتواجدكِ العطر .. دمتِ بخير وسعاده ..

kaka-22

إقتباس انا الي اقصده انه ممكن اسامح شخص على غلطته بس علشان الاجر بس ان العلاقه ترجع زي اول واحسن صعبه انا ما اتكلم عن المشاكل البسيطه واللي تتكبر انا اتكلم عن المشاكل اللي تهز ثقتك في صديقك كلياً يعطيك الف عافيه

انا فاهمتك بس الافضل إنا نسامح من قلبنا وننسى الخطأ نهائياً
ونرجع مثل قبل ولا كأن صار شي ..
او إنا نبتعد عنهم ونقطع العلاقه والله يسامحهم هذا إذا كان الخطأ كبير ..
اما إنا نسامحهم عشان الاجر وحنا ما نقط عليهم السلام ولا رجعت العلاقه
مثل اول فكيف صارت ذي حنا نقول إنا سامحناهم
والعلاقه ما هي مثل قبل ..!!!
الله يعافيك ويحفظك اخوي الكريم تشرفت بعودتك .. دمت بخير وسعاده ..

بنت الزعيم

إقتباس انا فاهمتك بس الافضل إنا نسامح من قلبنا وننسى الخطأ نهائياً ونرجع مثل قبل ولا كأن صار شي .. او إنا نبتعد عنهم ونقطع العلاقه والله يسامحهم هذا إذا كان الخطأ كبير .. اما إنا نسامحهم عشان الاجر وحنا ما نقط عليهم السلام ولا رجعت العلاقه مثل اول فكيف صارت ذي حنا نقول إنا سامحناهم والعلاقه ما هي مثل قبل ..!!! الله يعافيك ويحفظك اخوي الكريم تشرفت بعودتك .. دمت بخير وسعاده ..

فيه اخطاء صعبه تنسي
انا اكيد اذا شفته راح اسلم عليه ولا كنه صار شي
بس ماراح يكون السلام بحراره راح يكون كتأدية واجب

اما انه راح يكون خويي مثل اول لا اللي قدر يهز ثقتي فيه مره وش يضمن لي انه ما يكررها ثانيه

بنت الزعيم
موضوعك راااااااااائع
لا تحرمينا من مواضيعك




تحياتي
سمسمانا

kaka-22

إقتباس فيه اخطاء صعبه تنسي انا اكيد اذا شفته راح اسلم عليه ولا كنه صار شي بس ماراح يكون السلام بحراره راح يكون كتأدية واجب

انا معك إن في اخطاء صعب إنا ننساهم من الاشخاص العاديين
وشلون لا كان من اعز صديق لنا اكيد إنا راح ننصدم فيه
وبعد ثقتنا راح تهتز فيه بس هذي هي الحياه ومافيه احد فيها ما يخطيء ..

إقتباس اما انه راح يكون خويي مثل اول لا اللي قدر يهز ثقتي فيه مره وش يضمن لي انه ما يكررها ثانيه

طيب انت حط نفسك في مكانه ما راح تتمنى ان صديقك ينسى خطأك
وترجعون مثل قبل وترجع ثقة صديقك فيك مثل ما كانت ..
وبعدين انت لا نسيت خطأه راح تسلم عليه عادي مثل قبل
اما اذا ما نسيت اللي سواه فــ طبيعي السلام يكون بارد وماله طعم ..

وكل الشكر لتواجدك .. دمت بخير وسعاده ..

....

سمسمانا
حياك الله اخي الكريم ..
الاروع تواجدك .. بإذن الله ..
كل الشكر لتواجدك العطر ..دمت بخير وسعاده ..

الهنوووف
هلا بعودتك اختي الغاليه مره ثانيه ..
نفس الشرطين كاتبتها يعني يا يكون شخص غالي يا يكون الخطأ كبير
يعني لو كان انتي غلطتي على اي انسان بهالدنيا وانتي هالانسان عندك عادي
او اقل ما راح تعتذرين له إلا اذا كان الخطأ فادح يعني ممكن يكون الخطأ
يستاهل الاعتذار بس انتي تشوفينه عادي ما راح تعتذريين ..

إقتباس الكلمه لما تتكرر كثير تفقد قيمتها

لا ما اعتقد بالذات إذا كان حنا المخطئيين في حق الاخريين ..

إقتباس ماقلت اني اقرن الاعتذار بالكرامه احكي الواقع الي عندنا وماننكر هالشي

انا يهمني رائيك هنا ورائي كل واحد يرد علي و ما يهمني الواقع
لان الواقع اعرفه وكلنا عايشين فيه وفيه الشي الزين والشين ...
يعني انا ابي اشوف كل واحد ورائيه الخاص فيه ..

هنووو ما لقيتي تتفلسفين إلا هنا الوعد بالمسن نكمل هوشتنا ..
كل الشكر لحظورك مره ثانيه .. دمت بخير وسعاده ..

....

الهلالي الثقفي
حياك الله اخي العزيز ..
تو ما نور المنتدى اخوي ياسر والله العالم وش كثر فرحنا برجوعك ..
اتمنى ان يكون التأثير ايجابي وموب سلبي ..
العفوو الاروع طلتك بالموضوع ..
تواجد لم اتوقعه وفرحت كثيراً بتواجده .. دمت بخير وسعاده ..

اختي بنت الزعيم


موضوعك جدا مؤثر

بس احب اقولك ان الشخص اذا اخطئ عليك

اكيد تحبين انه يعتذر منك وحتى من باب الاسلام وتحريم هجران الاخوان بس

الواحد عنده كرامة واذا واحد تعدى على كرامتي ما اسامحه الا اذا اعتذر او بين لي انه غلطان ومستعد يصلح غلطته


>>>> هذا ما حبيت اقول وانا قلت هذا اكلام لانه صار بيني وبين شخص موقف

وما راح اسامحه الا اذا اعتذر




آسف ع الاطاله

...الجنرال...
حياك الله اخي الكريم ..
والله يا خوي إذا احد غلط علي واعتذر لي
فهذا يدل على اخلاقه العاليه ..
اما انا عن نفسي لو ما جائني ولا اعتذر
ما راح احقد عليه والله يسامحه ..

وجهه نظرك احترمها اخوي بس سنين الصداقه
اللي كانت بينكم ما راح تشفع له عندك ...
اتمنى إني اشوف رد لك قريب هنا وتقول حنا تراضينا ..
كل الشكر لتواجدك العطر .. دمت بخير وسعاده ..

....

شذى (ع)
حياك الله اختي الغاليه ..
صدقتِ غاليتي فــ التسامح من اجمل الصفات التي يتحلى بها الانسان ..
حظور اسعدني كثيراً من الاعماق شكراً .. دمت بخير وسعاده ..