بسم الله الرحمن الرحيم
السلام عليكم ورحمة الله وبركاته
اخواني اعضاء منتدى الزعيم
انا ودي اتكلم في موضوع مهم واتمنى منكم التقبل والتفهم
لاحظت كثيرا في المنتدى سب وشتم للشيعه وذم فيهم حتى ان الكثير من الاعضاء قالوا ان المنتخب العراقي فعل ما فعله بالمنتخب السعودي من تصرفات مشينه لانهم شيعه؟؟؟!!!!!!
اخواني صدقوني ترى والله احنا الشيعه مسالمين وما نعتبر السنه الااخوان لنا .ربنا واحد وديننا واحد ونبينا واحد وكتابنا واحد ووطننا واحد وفي بيننا قواسم مشتركه كثيره . فخلونا ننسى الخلافات ونتوحد .والله ان المصايب قاعده تتحذف على الامه من كل جهه واحنا لازم نتوحد عشان نقدر نواجهها
انا شيعيه واحب وطني واموت في ترابها كما اني ماارضى بغير المملكه وطن وبغير ابو متعب ملك وقائد .
ثم اني اعشق منتخبنا واوقف معاه بالحلوه والمره . والله ان قلبي يتقطع كل مااشوف احد يتكلم عن المنتخب العراقي ويقول هذوله شيعه غدارين, مالهم امان,..........وغيرها من الالفاظ اللي اتنزه عن ذكرها
احنا وش دخلنا فيهم؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!
والله اني بموت من القهر مو لان منتخبنا خسر(هاردلك لمنتخبنا ويكفي اننا حصلنا على منتخب شاب رائع راح يرفع روسنا في بطولات قادمه ان شاء الله)ولكن اللي مضيق صدري وحارمني حتى من النوم التصرفات المشينه اللي سووها فينا لعيبة المنتخب العراقي اللي مثل ماقلتو انهم مصارعين وبصراحه خلوني اتحسف على كل موقف تعاطفت فيه معهم والله انهم قليلين اصل وما يستحقون الاحترام (وكله كوم وحركة نشأت القذره مع ياسر كوم)
هذي التصرفات مالها علاقه بأخلاق الاسلام اصلا لاشيعه ولاسنه
المهم اللي اتمناه منكم انكم ماتحكمون على الشيعه من تصرفات فرديه لاتمت للتشيع بصله او على الاقل ما تسبون وتلعنون وتنسبون كل تصرف سيئ الى الشيعه
واتمنى منكم تذكر صورة تيسير الجاسم وهو يؤدي الصلاه بين اخوته لاعبي المنتخب في مشهد يضرب اروع مثال على التوحد والإخاء.(واعتصموا بحبل الله جميعا ولا تفرقوا )
عذرا على الاطاله
وشكرا
الوضع الشجري
