مساكم الله بالخير يا زعماء الزعيم !
اقول زعماء لان هذا الواضح عليكم تخيلوا في اليوم الواحد يدخل على المنتدى اكثر من الفين واحد من مشارك ومؤيد وقارئ وناقد ايجابي او سلبي واعتقد اللي يدخل على هالمنتدى الرائع بيقعد ساعتين او اكثر لمتابعة جميع الاخبار والفوارق والتي تحدث يوميا في الهلال ..
الملاحظة اللي وجدتها في انكم بطارة ...
لان ما يحضر التمرين اللي مدته 45 دقيقة الى ساعة اكثر من 40 الى 50 شخص
واعتقد ان الموجودين في الرياض وما عندهم شي سهل عليهم الحضور ورؤية الامور والاحداث على الطبيعة وتحليلها التحليل الحكيم وهذي الفئة وبدون مبالغة بالالاف لان الاحصائية الاخيرة تقول ان اكثر عدد جمهوري لنادي في الخليج هو جمهور الزعيم.
لكن التمرين نقول ماهو هالشي الضروري والازم علينا الحضور كجمهور لاعرق واحسن نادي عربي ويحوي من احسن النجوم واروعهم في العالم العربي واسيا ويتمنى اى مشجع رياضي السلام عليهم ورؤيتهم على الطبيعة والتصوير معهم .

بس ياجماعة الخير مباراة رسمية ما يزيد عدد الحاضرين من مشجعين وغيره عن 70شخص بالادارية والعمال الموجودين هناك ماهو بمعقول ابد .
واكيد اني لازم اقول في هالحالة ان هالجمهور بطران وعامل مثل شيبان زمان
يرتزون في المجلس وكاسة شاي ويبدء الحش في خلق الله .

العذر منكم اذا تعديت الخط الاحمر لكن مثل ما احنا متعطشين للبطولات ابطالنا متعطشين لنا يشوفونا معهم وترى الروحة للملعب فيها لذة ومتعة خاصة خاصة وانت متاكد بعد مشيئة الله ان فريقك هو الفايز . وعلى فكرة ارخص من القعدة في القهاوي.

وسلامتكم