العضو ميلانيللو تحت المجهر..][.. اللي يحبه لايخش..][. - صفحة رقم 2 - نادي الهلال السعودي - شبكة الزعيم

G o L d E s T · #16 26/07/2007, 05:58 AM

يالله ان تحيي تركي

عندي لك ثلاث اسئلة

1_ وش رايك باللون الرصاصي ؟؟ وما تشوف ان الوردي أفضل ؟

2_ وش شعورك لو جالياني احتفظ بالفلوس لنفسه وقال عندنا كاكا وشولهنشتري لاعبين ؟؟

3 _ تتوقع فيه سعودي يقدر يلعب بالكالتشيو ؟؟ خذ لك نظرة فاحصة على كل لاعبين منتخبنا وجاوب;)

S U L A I M A N · #17 26/07/2007, 06:03 AM

إقتباس


	ابومحمد خذ خذ

ههههههههههههههههههههههههههههههه

. .. .. .. .. .

وش الحركات هذي بو محمد .. صراحة موضوع توحفه .. وازين مابه انه فجائي

عاد مادري عنك انت قايلن له ولا لأ الله وأعلم

الأسئله صراحة ماهنا شين ببالي الحين .. بس بولف لي كم سؤال واستروا ماواجهتوا

السؤال الأول ..

انت ماشي بطريق مع واحد بسيارته .. وهو مسرع أكل مطب .. مشيته له .. أكل الثاني ومشيته

يوم جاء الثالث واكله قمت تهوشه وقلت له وراك ماتشوف المطبات ؟ همن يرد عليك يقولك ياخي لازقات بالآرض ما أشوفهن

وش بترد عليه بالله

السؤال الثاني ..

وانت جالس ببيتكم طق الباب ورحت تفتحه الاه واحد من الشباب هنا بالشبكه

وش بتسوي بتقلطه ولا بتروح انت وياه كوفي أو مطعم ولا وش بتسوي

‎βαƦ¢α 4 ξνξƦ · #18 26/07/2007, 06:40 AM

الله يعافيك تي باغ

,, الييييييييييييييم الموضوع

والله اني اضحك من غير قصدي على هالموضوع والاسئلة

واخوي الصغير يسالني وش فيك

تركي يسلم عليكم ويتعذر منكم بيسافر لظرف قهري

لانه انحشر بالاسئلة

امزح امزح ...

على العموم :

ســ1 / ياخي شفيهم شيبانكم ذولي على لاعبيينا ,, كل يوم على واحد ,, انت متوقع انهم بياخذون احد ؟

ســـ 2 / وش نظرتك لبرشلونة الموسم القادم ,, خصوصا بالانتقالات الجامدة ,, فيه ناس يقولون بيضيعون ,, ابي رايك ؟

ســ 3 / ووين ساكن فيه

؟

وتراني احبك

مـيـلانـيـللـو · #19 26/07/2007, 06:57 AM

ابو سعود الهلالي

إقتباس


	س 1 / ما رأيك في من قال أن كنفارو لا يستحق أفضل لاعب في العالم ؟؟

احترم رأيه اذا كنت مخالفه .. وكل شخص له وجهة نظر

إقتباس


	س 2 / ماذا تتوقع للكالشيو بعد عودة اليوفي ؟؟

الكالشيو لن يعود في اليوفي فقط .. الكالشيو الموسم القادم سيكون نارررر x ناررررر وانا انتظره بالثانيه

وسيعود بجنوة ونابولي ايضا

....................

milan-89

إقتباس


	س1/ لو صاار معك عجراء* وصاروا قدامك مشرفين العالمية .. [ احمد وابراهيم وبدر وسليمان والشلة ] .. ومربطين كلهم .. من تضرب !!؟

ابكسرها واقولهم ليش ربي خلق لنا يدين ؟

إقتباس


	س2/ إذا جاك واحد الساعة سبع الصبح و قالك : [ وش رايك ناكل جريش ] تبي تقول وععععععععع جريش هالوقت ؟ صح ولالا ؟ طيب ليش بيوم العيد الناس الساعة سبع الصبح يضربون بالجريش ضربا مبرحاً !!؟

ياذكي لأنهم يكونون مواصلين

إقتباس


	س3/ بصرااااااااااااااااحة وش انطباعاتك عن المبــدع ( Milan_89 )!!؟

هو ازين مافيه تصاميمه .. الباقي مافيه شئ زين الا كلمة شيكرن

..............

اسير الزعيم

إقتباس


	يا اخي الرجال مشغول في تطوير المنتدى وانت جالس تستضيفه

ياخي قله اني منب فاضي .

إقتباس


	وش رايك في الاعضاء التالية اسمائهم أنا

لو تترك تشلسي وتشجع ميلان كان مافيك عيب

يعداك العيب خيي

إقتباس


	هلالي مووت

مادري احس انه بارد احيانا ودي اقتله من بروده

اول مره كلمته بالجوال قلت له اتصل عليك بعدين .. احسبه نايم

بس فيه شغله زينه .. انه عارف حجم مانشستر عند ميلان

[QUOTE]جيرارد
[/QUOTE]

بدر متعصب لفريقه وأزين مافيه أنه مايزعل

إقتباس


	سليمان ( المشرف الجديد )

حاط بالروابط برشلونه ليس مجرد نادي

مادري ليش اتذكر مكتبة العبيكان .. والحمد لله اول مافتتحوا الرابطه هنيتهم بالفرع الجديد

هذا اللي شفته منه .. الباقي تمام

إقتباس


	أسيــ الزعيم ــر

خخخخخخخخخخخخخ هالأسلوب ندرسه بالتحقيق اذا جينا بنعرف الواحد سكران ولا لأ

خخخخخخخخخخخخخخخخخخخخخخخخخخخخخ تراني منب سكران

إقتباس


	موراتي

بلوي إيطاليا

إقتباس


	بما انك من متابعي الدوري الايطالي هل تعتقد ان اليوفي سيعود بقوة في الموسم القادم بناءا ً على ماتشاهده من عناصر يمتلكها الفريق وقوة الفرق التي سيواجهها ..!!

اليوفي امن دون الانتدابات فيه العناصر اللي من الممكن تصنع الفارق بأي فريق

( بوفون .. كامورانيزي .. ديل بيرو .. تريزيغيه .. نيدفيد )

فما بالك معهم ألميرون + تياغو + ياكونتا

بس مشكلتهم بقلوب الدفاع

ولن يكون اليوفي مجرد ضيف في الموسم المقبل .. وانا انتظر مباراته مع الانتر ( في أرض اليوفي )

لأنكم بتشوفون حرب مو مباراة

إقتباس


	اذا سمعت اسم ريدزاوي وش تحس فيه .. وماهي العلاقة بينه وبين ابوسكسوكة اللي في بريزون بريك

اذا شفت اسم ريدزاوي اتذكر مطاعم المندي والمظبي

اما بريزون بريك فمااعرف الا هذاك ابو وشوم واخوه بس

..........................

ميلان 7

إقتباس


	من هو اكثر عضو يرفع ضغطك

اي عضو جاهل

إقتباس


	مارأيك في الاعب الكبير برووووكي

احتياطي ممتاز جداً

[QUOTE]امنيه تتمناها من بيرلسكوني وخويه الاقرع [/QUOTE]

يتركون حركات المافيا والمتاجره بالمخدرات ويتفرغون لصفقات لاعبينهم

انا من شفت الهيلوكوبتر اللي جا فيها برلسكوني للميلانيللو وانا غاسل يدي

اتذكر افلام المافيا

بالنسبه لتفعيلك فماكلمت احد والله

.......................

AC_MadriD_UTD

إقتباس


	س1 : من وين جاء لقب النعجة ؟

مني انا ..

لأن جميع صفات النعجه متوفره في ذاك الشخص

إقتباس


	س2 : أحسّ إنّك تتنرفز بسرعة ، إذا كان الكلام صحيح ليش ؟

يمكن لأني عصبي

......................

إقتباس


	1_ اكتب في ما لا يقل عن سطرين [شعورك] تجااه اسطورة مدينة ميلانو ماركو ماتيرازي ؟

صار اسطوره الحين ؟

يالله مو مشكله .. الحين كل الناس اساطير

لاعب يمتاز بالكرات الهوائيه والثابته .. فيه نقاط ضعف واكبرها انه يغفل بوسط المباراة .. وعنده مشكلة بقطع الكرات القصيره

اخلاقه منحطه طبعاً .. خشن شوي ويحب ينبرش ... تلميذ جيد لنستا

إقتباس


	_ وش رايك بجامعة الملك سعود أسجل فيها ولا لا ؟

من كثر جامعاتنا يعني ؟؟ مافيه الا سعود والامام والملك فيصل وعبدالعزيز

يارجال سجل فيها مالك الا خشمك لو هو عوج

إقتباس


	3_ بكل صراحه تتوقع الإنتر يستطيع الحفاظ على لقبه !!

الانتر موب ناقصه شئ ابداً عشان يحافظ على لقبه

بس عنده بخط الوسط مشكله .. واعتقد هالخط في إيطاليا من اهم الخطوط

لأنه يرفع ناس وينزل ناس .. ويمكن شفت خط وسط ميلان وش سوى بدوري الأبطال

.......................

إقتباس


	1-أفضل موضوع قرأتة ؟

بصراحه مااذكر .. لكن التحديد صعب ..

إقتباس


	2-ما هو شعورك بالترقية المستحقة؟

شعور بالمسؤوليه فقط

إقتباس


	3- من هو العضو الذي تشتاق لمواضيعةأو ردوده؟

بالنسبه للمواضيع .. فمواضيع الأخ ريدزاوي تكون في المقام الأول

اما بالنسبه للردود .. العضو مجنون أرسنال ردوده تعجبني .

إقتباس


	س2- أختر الإجابة الصحيحة من بين الأقواس 1-من هو الأفضل بينهم ( ميسي - كرستيان رونالدوا) 2- أفضل دوري (الإيطالي - الأسباني - الانجليزي)

بالنسبة لي افضل كريستيانو على ميسي

وافضل دوري بالنسبه لي الدوري الأيطالي .. لأنه دوري مدربين

إقتباس


	من افضل في مركزه( روبن - فيسنتي 2004- ديفيد سيلفا) وش رايك بالسؤال

روبن

إقتباس


	من تتوقع يفوز بكأٍ آسيا 2007 ؟

السعوديه لكن بصعوبه

لأن المنتخب العراقي دفاعه قوي + هجومه يونس وهوار مدري غوار

لكن من استطاع الفوز على اوزبكستان والبحرين واليابان فلابد وأن يكون البطل !!

أبــو غــامــد · #20 26/07/2007, 07:05 AM

هلا بتركي .. جاك الموت ياتارك الصلاة

<< مالي دخل بس أبو محمد يآمر آمر

سين واحد

/

كيف حالك ؟

سين اثنين /

وش رايك بابو محمد وطباعه الرهيبة وعنصر المفاجأه لديه ؟

سين ثلاثة /

متى بيحقق تشيلسي بطولة التشامبيونز :sad: << سؤال من جد

سين أربعة /

تعرف واحد اسمه فؤاد الغامدي بنفس أو حتى قد مر عليك بنفس قسمك كليتك وسنك تقريباً

سين خمسة /

كيف حالك مرة أخرى ؟

S U L A I M A N · #21 26/07/2007, 07:06 AM

إقتباس


	اول مره كلمته بالجوال قلت له اتصل عليك بعدين .. احسبه نايم

هههههههههههههههههههههههههههههههههههههههههههههههههههههههههههههه

ايه يعني علشان الرجال مسافر مدري بيسافر بديتوا تذبون عليه

اكبر فخر اني هلالي · #22 26/07/2007, 07:09 AM

فكرة رائعة لاهنت ابومحمد ,, خصوصا لما يكون العضو مثل تركي

الاسئلة علطول
س1\تهقى دفاع الهلال يصير شي لو يروح تفاريس ,,؟

س2\احلى دولة او مدية زرته بحياتك ,,؟

س3 والاخير \ وش رايك بهنري في عداد الخونة ام انه ادى الواجب وطلع ؟

شاكر لك ابو محمد فكرة روعة لا عدمناك ,,

الزعيم الميلاني · #23 26/07/2007, 07:18 AM

أهلاً أهلاً

تركي .. انا عندي كذا سؤال !

بس يا ليت تاخذها على محمل الجد ..

1- أين ترى منتدى العالمية الآن؟ وأين ستراه بعد تعيين لجنة استشارية معنيّه بتطويرهـ ؟!

2- ما موقفك من بعض التحزّبات القليلة في منتدانا والتي تهدف لتكوين نفوذ قوي لها بالمنتدى ؟!

3- ما رأيك بفكرة الأستديو ؟! وهل استشَفّيتَ منها فائدة مرجوّة للأعضاء وللمنتدى ؟!

4- ما رأيكَ بما قام به المشرفين حين تمّ حذفُ توقيعي ؟!

5- ما أفضل موضوع قرأتهُ لي ؟!

شكراً

مـيـلانـيـللـو · #24 26/07/2007, 07:40 AM

جولدست

إقتباس


	_ وش رايك باللون الرصاصي ؟؟ وما تشوف ان الوردي أفضل ؟

كلن حر بموزه

إقتباس


	_ وش شعورك لو جالياني احتفظ بالفلوس لنفسه وقال عندنا كاكا وشولهنشتري لاعبين ؟؟

يسويها

إقتباس


	_ تتوقع فيه سعودي يقدر يلعب بالكالتشيو ؟؟ خذ لك نظرة فاحصة على كل لاعبين منتخبنا وجاوب

اذا ايقنت ان اللاعب السعودي يفهم كلمة احتراف ويطبقها اقوللك ذاك الوقت يقدر يلعب

.................

سليمان

إقتباس


	السؤال الأول .. انت ماشي بطريق مع واحد بسيارته .. وهو مسرع أكل مطب .. مشيته له .. أكل الثاني ومشيته يوم جاء الثالث واكله قمت تهوشه وقلت له وراك ماتشوف المطبات ؟ همن يرد عليك يقولك ياخي لازقات بالآرض ما أشوفهن وش بترد عليه بالله

ماني متكلم لين نوصل مشوارنا .. واذا وصلنا بناظره بطرف عين واقول

الله يلعن اللي عطاك الرخصه .. وهذا وجهي اذا ركبت معك

إقتباس


	السؤال الثاني .. وانت جالس ببيتكم طق الباب ورحت تفتحه الاه واحد من الشباب هنا بالشبكه وش بتسوي بتقلطه ولا بتروح انت وياه كوفي أو مطعم ولا وش بتسوي

ابي اتلّه من علباه داخل البيت

اذا كان اول مره يجي

.................

محمد

إقتباس


	ســ1 / ياخي شفيهم شيبانكم ذولي على لاعبيينا ,, كل يوم على واحد ,, انت متوقع انهم بياخذون احد ؟

اتوقع رونالدينهو وآآآآهـ لو يجي الساحر

اما الباقين كرتنوهم عندكم

إقتباس


	ســـ 2 / وش نظرتك لبرشلونة الموسم القادم ,, خصوصا بالانتقالات الجامدة ,, فيه ناس يقولون بيضيعون ,, ابي رايك ؟

ابيدال + ميليتو + توريه + هنري

على الورق برشلونه هو الفريق الأكمل والأقوى عناصرياً في اسبانياً

لكن مادري عن الظروف الموسم الجاي

إقتباس


	ســ 3 / ووين ساكن فيه ؟

جنب جيراننا

................

هلالي الجنوب

[QUOTE]سين واحد /

كيف حالك ؟ [/QUOTE]

بخير جعلك تحيا

إقتباس


	سين اثنين / وش رايك بابو محمد وطباعه الرهيبة وعنصر المفاجأه لديه ؟

داق على الساعه 1 ومارديت كنت نايم .. يوم صحيت لقيته كاتب هالموضوع

لكن اصبر علي بردها له

[QUOTE]سين ثلاثة /

متى بيحقق تشيلسي بطولة التشامبيونز << سؤال من جد
[/QUOTE]

لو قلت لي بطولة ثانيه ممكن اقوللك .. لكن دوري الأبطال !!! لغز ماينحل إلا في النهائي !!

إقتباس


	سين أربعة / تعرف واحد اسمه فؤاد الغامدي بنفس أو حتى قد مر عليك بنفس قسمك كليتك وسنك تقريباً

في الجامعه مااهتم كثير في التعارف اروح ادرس وبس .

إقتباس


	سين خمسة / كيف حالك مرة أخرى ؟

بخير الله يجمل حالك .. وشلونك أنت ؟

..............................

اكبر فخر إني هلالي

إقتباس


	س1\تهقى دفاع الهلال يصير شي لو يروح تفاريس ,,؟

لاوالله بيصير مو شئ

إقتباس


	س2\احلى دولة او مدية زرته بحياتك ,,؟

أوكلاهوما

إقتباس


	س3 والاخير \ وش رايك بهنري في عداد الخونة ام انه ادى الواجب وطلع ؟

اعذرني عن الإجابه

مـيـلانـيـللـو · #25 26/07/2007, 08:09 AM

الزعيم الميلاني

إقتباس


	- أين ترى منتدى العالمية الآن؟ وأين ستراه بعد تعيين لجنة استشارية معنيّه بتطويرهـ ؟!

الآن هو في مصاف الأوائل في اقسام هذه الشبكه ,, وبعد تعيين اللجنه الإستشاريه سيكون الحال نفسه

إذا لم يتعاون الأعضاء مع القرارات الجديده والإستحداثات !!

إقتباس


	2- ما موقفك من بعض التحزّبات القليلة في منتدانا والتي تهدف لتكوين نفوذ قوي لها بالمنتدى ؟!

موقفي واضح .. لأن استخدام أساليب كهذه يدل على الضعف

المنتديات وجدت للإلتقاء الفكري وليس الشخصي والتحزبات

إقتباس


	3- ما رأيك بفكرة الأستديو ؟! وهل استشَفّيتَ منها فائدة مرجوّة للأعضاء وللمنتدى ؟!

الفكره ممتازه والفائده التي استشفيتها من الاستوديو هي ( الطرح الواقعي )

إقتباس


	- ما رأيكَ بما قام به المشرفين حين تمّ حذفُ توقيعي ؟!

انا احيي المشرف الذي حذف توقيعك .. لأنه قام بعمله

وانا سبق وان تناقشت معك بالمسنجر بخصوص هذه النقطه ولو أردت النقاش هنا فلامانع

إقتباس


	5- ما أفضل موضوع قرأتهُ لي ؟!

بعد مباراة الذهاب مع مانشستر .. في موضوع ( بين كر وفر .. لااتجاه ومفر )

F-15 · #26 26/07/2007, 08:13 AM

هذا منتدى الرياضة العالمية أو منتدى إستراحة الأعضاء أو منتدى العيارين أو منتدى الترفيهي .
ياليت كل واحد يحمل المسؤلية اللي عليه ويطبقها بالمنتدى بشيء يستفيد منه أعضاء الزعيم.
الشله او الحزب او الاصدقاء او شلة الديوانيات تكون خارج المنتدى او يستحدث لها منتدى بعيد عنا
وعن منتدى العالمية.المشكله ان هناك قرارات طبقت واستحدثت لاعضاء لكي يطوروا المنتدى لكن الذي اراه
انهم بدأو يطورونه للضحك والتسلية . واصبح المنتدى قريب لمواقع الشات . نحن هنا أغنياء عن ( الذب والضحك
والملاقه) . أتمنى أن يتطور المنتدى للأفضل لا للأسوأ وأن يكون جل اهتمامه للرياضة العربية والعالمية فقط فقط فقط.

~ابو فهد~ · #27 26/07/2007, 08:30 AM

السلام عليكم

رحت فيها ياتركي الله يعينك ..... على كثر اسئلة الاعضاء والحين يشغلونك لاتدور عليهم شيء هههههههه

الأسئله :
1- لماذا اخترت كلية العلوم الاداريه في جامعة الملك سعود؟
2- مارأيك في العضو المتألق skroo (خالد) عضو رابطة اليوفي؟
3- ماهو سبب عشقك للميلان ومنذ متى؟ وهل ستشجع اليوفي اذا قابل الانتر ؟

ويعطيك العافيه .... أخوك نواف من رابطة عشاق زعماء إيطاليا

ريدزاوي · #28 26/07/2007, 12:42 PM

إقتباس

الرسالة الأصلية كتبت بواسطة F-15


	هذا منتدى الرياضة العالمية أو منتدى إستراحة الأعضاء أو منتدى العيارين أو منتدى الترفيهي . ياليت كل واحد يحمل المسؤلية اللي عليه ويطبقها بالمنتدى بشيء يستفيد منه أعضاء الزعيم. الشله او الحزب او الاصدقاء او شلة الديوانيات تكون خارج المنتدى او يستحدث لها منتدى بعيد عنا وعن منتدى العالمية.المشكله ان هناك قرارات طبقت واستحدثت لاعضاء لكي يطوروا المنتدى لكن الذي اراه انهم بدأو يطورونه للضحك والتسلية . واصبح المنتدى قريب لمواقع الشات . نحن هنا أغنياء عن ( الذب والضحك والملاقه) . أتمنى أن يتطور المنتدى للأفضل لا للأسوأ وأن يكون جل اهتمامه للرياضة العربية والعالمية فقط فقط فقط.

ياعزيزي الموضوع تم طرحه بعد الاتفاق مع المشرفين بان يكون هناك استضافه بشكل مستمر لاحد اعضاء المنتدى ... والاسماء تم اختيارها وسيتم استضافتها قريبا وبشكل متناسب مع اوضاع الدوريات الاوروبيه...
بامكانك طرح سؤالك للضيف كل مره وبشكل جدي وبعيد عن اي فكاهه ومباشر بشان الرياضه العالميه .. وباذن الله بانه سيبدي لك وجهة نظره حول سؤالك لان الضيوف المختارين معروفين بانهم اصحاب فكر واعي ان شاء الله...واعتقد بانك لو تقرا الموضوع جيدا والاسئله ستجد ان اغلبها يختص بالكره العالميه ..

فوائد مثل هذه المواضيع:
اولا: ابعاد الاعضاء عن الحساسيات والتحزبات وبث روح الاخوه بين الجميع
ثانيا: تغيير الاجواء الممله حاليا بحكم توقف جميع الدوريات الاوروبيه والانشطه الرسميه عدا الوديات منها
ثالثا: الاطلاع على اراء بعض الاعضاء المعروفين في المنتدى حول بعض النقاط
رابعا: خلق المزيد من اجواء المناقشه الهادئه والواعيه بين الجميع

وبالتاكيد توجد فوائد اخرى وبامكانك اكتشافها بمجرد التعمق في التفكير فيها

fllooja · #29 26/07/2007, 01:15 PM

يعطيكم الف عافيه

روح الـهـلال · #30 26/07/2007, 01:45 PM

هههههههههههههههههههههههههههه

أحلى استضافه بس تراه مضلووووم

ويستاهل كل الخير ولو انى احبه بس خشيت وش اسوى فضولى

سوالى هو

* وش تتوقع ياتركى يكون مستوى السفير مالدينى ( حبيبك ) هالموسم ؟

وترى فيه كم واحد نبيكم تحشرونهم :p