(صيفنا مع أعضائنا أحلى ) - نادي الهلال السعودي - شبكة الزعيم

شـــذى · #9 19/07/2007, 04:15 AM

بحكم أني انتمي لطائف راح أجبلكم معلومات عنها.

والكل من يعرف هذه المحافظة وأهميتها وتغزل الشعراء فيها .

ولكم بعض قصائدهم.

وهذي قصيدة طلال الرشيد رحمه الله الذي أطلق عليها ( دلوعة الغيم)

دلوعــة الغيــم حضــر وظاعــن وبــدوي
........ لبيــه يا ديــرة الوافيــن وأهــل الذمام

دلوعــة الغيــم جــاك من الشمــال بــدوي
........محفــورة فيــه أجــا وسلمــى وحــب الهيــام.

وقال فيها الشاعر (عبدالله بن عبيان اليامي)

أقول وأنا في الشفا راقبتها بعد طول غياب
........ وتو الندى ينفض نعاس الفجر دوبه

صحت مثل طفلة تفتن الورد والعناب
........ عشقها الربيع المبتسم وسرقت ثوبه

تهادت لباب المدرسة والسحاب كتاب
........ تفله وتقرأ فيه والشمس محجوبة

خطبها القصيد ورددت له بصوت عتاب
........ أنا من قديم الوقت للغيـــم مخطوبة

عليها من أنفاس الهبايب سلام أحباب
........ تجيها بلهفة شوق وتروح مغصوبة

يقولون يالطايف يجي الحب دون أسباب
........ وأنا أقول فيه أسباب خلتك محبوبة .

وان شاء الله راح أجبلكم أهم المعالم الموجودة في الطايف.

بس اللي ابيه منكم يكون هناك تفاعل اكثر.