يمكن ها الموضوع تكلمنا فيه كثير لكن ما كان بصورة مباشرة .....
ليش كل ما التمس نادي الهلال وخاطب الاتحاد السعودي باي شي يلاقي الرفض او انهم يتصدقون علينا بحل لا يضر ولا ينفع بشي .
اطرح ها الموضوع بعد الرفض الاخير اللي جا من الاتحاد السعودي في عدم السماح لمشاركة اربعة لاعبين اجانب في المباريات المحلية او حتى في الخارجية اللي المفروض ان الهلال فيها يمثل الوطن وفوز الهلال فيها يعتبر فوز لكل سعودي .
والهلال ما التمس هالعذر الا لحرصه على نجاح نادي سعودي ورفع اسم بلده عاليا وتثبيت مركزه بين اندية العالم .
لكن الرفض كان موجود كالعادة من غير التفكير او حتى النظر في ان الهلال اعطى عشرة لاعبين للمنتخب السعودي على اعتبار انه عبدالله الشريدة سوف يستدعى و نواف التمياط ايضا . طبعا احنا يهمنا انه يكون المنتخب السعودي فيه احسن الكفاءات وظهوره امام العالم باحسن صوره واللي اكيد راح يشرفنا كلنا ويرفع راسنا وين ما نروح .
لكن ايضا الهلال يلعب باسم المملكة العربية السعودية واسمه الهلال السعودي ( ما هو الهلال السوداني يا اعضاء اللجنة ) ولازم يكون في استثناء في حالات مثل نادي الهلال اللي يقدم هالكم الكبير (عشرة لاعبين ) للمنتخب السعودي ويفتخر ان يقدم اكثر وتقوموا انتم وبكل بساطة برفض زيادة عدد المحترفين لاعب واحد .
واذا فاهمين غلط ترى النادي هو المتكفل بمصاريفه .
ايش رايكم يا جماعة مه في احد يفهمهم هالموضوع ولا فاهمينا بس ( طناش ) ؟