|
::أقسم بالله من قال أن نجم المباراة غير هذا اللاعب فهو ظالم !! ليش تهظموا حقه ياناس:: السلام عليكم ورحمة الله وبركاته .. أخواني أكتب هذا الموضوع وأنا أحترق من الداخل .. ظلم.. ظلم.. ظلم.. أن تذهب جائزة أفضل لاعب في المباراة لغير خااالد عزيز هذا الجندي المجهول هذا اللاعب الخارق ماشاء الله عليه من ركز في المباراة ومن تابعها سواء كان هلالي نصراوي شبابي لو تحلفه على المصحف من هو أفضل لاعب في المبارة لن يقول غير اسم خالد عزيز .. هذا اللاعب الخفي اللاعب الرجولي الوطني والله يعجز لساني عن وصف هذا اللاعب .. هذا هو مستقبل الهلال والمنتخب .. ذا المواصفات الأوربية والأخلاص والثقة والقيادة والإستخلاص والغيرة الوطنية .. تجده في جميع أرجاء الملعب تجده في الهجوم وفي الإرتداد تجده في وجه جميع الخصوم .. تجده في الدفاع وفي الهجوم .. حرام تبخلوا على اللاعب أيها الجمهور ولو بكلمتين .. |
ممكن صحيح بس ياسر هدد القدة الاندونسية |
و الله معاك حق ماشاء الله عليه حتى الوالدة و هي ماتدري عن الكورة متحسفه لأني قلت لها إنه مابيلعب المباراة الجايه و ماقصروا الصقوور الخضر فديتهم و الله |
شكرا على المرور للأخوان : قلب فارغ .. هلالية غصبن عنكم .. |
مسـتوى خـالـد عزيز ممتـاز.. :yes: بـس اللي يستحق أحسـن لاعب في المباراة .. هو يـآسر القحطـاني .. :thumbup: لانـه لعب و أبدع من أول الدقـايق وصلح هجمة لمـالك بمجهوده الفردي اخذ له كم لاعب اندنيسي وسحب فيهم وعطـاها مالك وما توفق مالك فيهـا .. :rolleyes: وجـاب الهدف في الدقيقة 16 يعني هدف مبكـر وهدف حلـوو .. :D و .... و....و.... والصراحة يستحقهـا عبدالرحمن القحطاني .. s60s |
شكرا على المرور .: الزعـ 20 ـيـ 14ــم أما بالنسبة لياسر القحطاني لو إنك تعرفه تمام هذا المستوى لا يساوي ربع مستوى ياسر القحطاني الحقيقي .. وأما عن عبدالرحمن القحطاني فهذا اللاعب كان في المباريات الودية من أروع اللاعبين .. ولكن مستواه الحقيقي تجلى في المباريات الرسمية وظهر هذا اللاعب بالأنانية المفرطة .. |
والله انك صادق أخوي |
خالد عزيز هو (( جاتوزو )) الكرة السعودية والله لاعب يلعب قدامك بحماس منقطع النظير وتجده في جميع ارجاء الملعب * اما اللي يقول ياسر يستحق افضل لاعب فاارى ومن خلال وجهة نظر متواضعة ان ياسر يقدم اقل من ربع مستواه المعروف (( ياسر الى الان اشغلته الكابتنية )) نتمنى ان يعود ياسر لمستواه المعروف عنه . |
صادق وربي حسأإأإفهـ مايلعب المباراهـ الجايه :( |
ما أعتقد أنه يستاهل أفضل لاعب في المبارات,, |
ممكن وياسر هو الافضل في المباراه |
شكرا أخواني وأخواتي على المرور : إقتباس:
^^^ كفيت ووفيت ^^^ |
أما عن بقية الأعضاء الذين يصروا على أن ياسر كان الأفضل في المباراة فهذه وجهة نظر ونحترمها .. لكن نصيحة شوف أقرب إعادة وتابع خالد عزيز .. تحيااااااااتي .. |
صدقت عزيز سد بوجهه الهجمات الأندونسيه |
الله يوفقه في القادم من المباريات ويوفق المنتخب في الجايه |
والله انك صادق ياغالي خالد يستاهلها |
شكرا أخواني وأخواتي على المرور والتفاعل ... |
كلام هقو صهيه |
كلهم نجووووووووووووووووووووووووووم من المسيليم الى اخر لاعب |
مادري كيف بـ نلعب مع البحرين بـ دونك ..! |
انا برايي انه يستحقها والله ماقصر ولد عزيز |
مشكووروفعلا خالد عزيز هو من يستحقها |
انا الصراحه فرحت لانه توقف عشان نرتاح دور ال8 لان لو اخذ كرت مع البحرين خلاص فالبحرين نمشي حالنا معاهم عمر الغامدي موجود اي لاعب ممكن يغطي بس احسن من نجي نقابل اوزباكستان ولا ايران و ذيك الساعه صدق نحتاجه |
صحيح ان خالد عزيز ماقصــر :) ..... بس احس ان المسيليـــم هو اللي يستحقها حرام والله تروح لأحد ثاني .... ارجع للمباراة وشف كم فرصــه توقعناها هدف لاندونيسيا لكن يخلصهــا هو :) :) .. هذي وجهة نظري أنـا :) .... |
خالد عزيز ابدع وما قصر .. بس انا غسلت يدي من الي يختار اللاعبين بعد ما سمعت ان افضل لاعب هو عبدالرحمن القحطاني ..!! |
إقتباس:
|
عفوا يالغالي فهذا هو الاتحاد الاسيوي!! |
اليوم كلهم أبطال ما عدا سعود كريري |
ايه والله انك صااااااااااااادق حساااااااااااااافة مايلعب المباراة الجاية بس ان شاء الله مايقصرون الباااقين وكثير بدعوووووو هالمباااارة ماندري نعطي الجائزة مين والا مين بس حتى عبدالرحمن القحطاني لعب في الشوط الثاني احسن من الاول ويستاهل (خالد عزيز,ياااااااااااااااااااااااااااااسر القحطاني ,عبده عطيييييييييييييييف,ياسر المسيليم ,سعد الحارثي ) <<شكرااااااا من كل اعماااق قلبي جد جد اثر الفرحة وش حلوووها الله يفرحكم قووولو امين |
آآآه يـا خـالد عـزيز والله مكـانك في اورووبــا .. |
خالد عزيز <---- لبى قلبه :) بالنسبة لجائزة أفضل لاعب في المباراة .. جميع النقاد أجمعوا على أفضلية خالد عزيز من اللقاء الاول ضد كوريا... ولكن بسبب حصول خالد على كرت اصفر في اللقاء الاول وكرت اصفر آخر في اللقاء الثاني .. حرمته من الحصول على الجائزة :( عموماً عبدالرحمن القحطاني يستاهل الجائزة ويستحقها .. وتكفيه كرة الفوز :) إنشاءالله البديل يعوض غياب المبدع خالد عزيز وأتمنى تيسير الجاسم :) ألف مبروك الفوز وعقبال التأهل .. والكأس :$ |
صادق والله |
اي والله انك صادق بس الكرت اللي اخذه هو اللي ماخلاه ياخذ افضل لاعب لانها بالنقاط تحسم والكرت الاصفر يحسم نقاط كثيرة والا لا مقارنة بين الدحمي وعزيز اليوم لانه لحاله شايل الوسط كريري اليوم off والله مالها الا عزيز حتى الكرت اللي اخذه كان بسبب انه راح يغطي مكان البحري المتقدم والكرت اللي مع كوريا كا ن بسبب تمريرة خاطئة من عطيف قلبوها مرتدة واعاقه عزيز يعني اللاعبين يغلطون وخالد ياكلها على راسه بس المحلل الفني ينصف عزيز -------------- يالبا قلبه ياشيخ بالله قزززز توقيعي |
صح خالد ممتاز ولكـن سعــد الحارثــي ولعهــا ولولا الله ثم هو كان ألحين ماتأهلنـــا ومشكور أخوي ع الموضـوع .,, |
صح خالد ممتاز ولكـن سعــد الحارثــي ولعهــا ولولا الله ثم هو كان ألحين ماتأهلنـــا ومشكور أخوي ع الموضـوع .,,:thumbup: |
إقتباس:
أتفق معك 100% |
بدون اي كلام انا اقول ان نجم المباراة هو عبد الرحمن القحطاني صح خالد وياسر قدمو مستوى لكن عبدالرحمن افضل منهم فهو الذي يحرك اللعب وارجو احترام رايي:) |
النطام لا يسمح احسن لاعب هو عزيز ومن قال غير ذلك فهو لا يفهم ولا يعرف شيء في الكرة ولكن حصولة علي بطاقة صفراء هو الذي حرمة حسب نظام الشركة الراعية |
خالد عزيز ماشالله تلقاه في كل مكان بالملعب.. |
والله كلهم 10/10 خالد عزيز وياسر القحطاني وياسر المسيليم والبحري ومعاذ وكل البقيه لانهم لعبوا امام الارض والجمهور ولاعبين ماشاء الله عليهم صواريخ هالاندونيسيين .. |
خالد عزيز الأجدر بها |
يستاهل ابو خلود ماقصر |
صااااااااااااادق عزيز كان نجم بالمبارة |
فعلا عزيز ما قصر والله تشوف وجهه وده يسوي كل اللي يقدر عليه ولا هجمة لأندونيسيا الا يكوون فيهااا الله يحفضه |
كلهم عينان في رأس واحدهـ اهم شي نتيجة المبارااااااااااااااااااهـ والأشياء الثانيه والله تكميليه اهم شي يقدمون كل اللي عندهم :: |
الله لايحرمنا ياعزيز .. والله مستقعد للاندوسيين .. كل كورة ياخذها ماتهنوا مساكين .. الله يبعد الاصابة عنك ياخالد .. |
دايماً يبقى لاعب خالد عزيز لاعب كبير صاحب مجهود وفر دايماً ياخالد تتحفنا بمستواك الراااائع يارااائع |
كلام سليم وانا معك |
فعلا خالد عزيز هو افضل لاعب في المنتخب ومب بس في المباراة |
صراحة صدقت .. عزيز والله يستاهل كان افضل لاعب بلا منازع .. ولكن ما ادري وشلون يشوفون هاللي يقيمون .. تحياتي لك والقلوب عند بعضها .. |
كلامك صحيح والله خالد عزيز ماشاء الله عليه مايحتاج والله يعين المباراه الجايه بدونو يعطيك العافيه |
كلهم فيهم الخير والبركه |
بالفم المليان خالد عزيز هو نجم المباراة الاول .. واللي يقول غير كذا مع احترامي فهو لايعي في كرة القدم بالشكل المطلوب !! |
بالفعل ظلم ظلم ظلم عزيز قاتوزو الكرة الاسيوية |
خالد عزيز قلتها لكم من زمان " مستقبل الكرة السعودية" وإن شاء الله بمهارته وأخلاقه العالية يواصل دعمه للمنتخب وللزعيم سلام s102s |
ماقصر عـــزيز |
|
والله انك صادق الرجال من بدايه المباراة الى نهايتها وهو يحرث الملعب رايح جاي الله لا يضره والله يكفيه من عين الحسود |
خالد عزيز افضل لاعب في المباراه الين متى وحنا نضحك على نفسنا ونقول القحطانى افضل لاعب ونهضم حق لاغبين لاعبوا افضل منه وخصوص الجنس الناعم دائما يقولون ياسر افضل لاعب حتى لوياسر مالعب |
عزيز كان نجم المباراة |
| الوقت المعتمد في المنتدى بتوقيت جرينتش +3.
الوقت الان » 10:06 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd