1- ياسر المسيليم : حليو ما قصر ما شاء الله عليه و ان شاء الله يستمر على المستوى

2- وليد عبد ربه : كان في البداية مرتبك شوي و طبعي انه يكون مرتبك لان العيون كلها عليه بعد استبعاد المنتشري

3- اسامه هوساوي : ما شاء الله عليه و يكفي الانبراشه اللي قدام الباب و شال الكوره من قدام المهاجم

4- كامل موسى : مستواه كان متوسط و لكن بيوضح مستواه في المباريات الجايه لانه في الدور الهجوم افضل من الدفاعي و امس كانت التعليمات انه ما يعدي نص الملعب و غلطته في الهدف مالها داعي

5- احمد البحري : كان سيء لا هجوم و لا دفاع و كانت خانته مفتوحه و يا ليت هزازي ياخذ فرصته

6- خالد عزيز : ما يحتاج ابو عزيز ما قصر كان ممتاز كل العاده و على العموم هو اللي منظم الجهه الخلفيه كلها

7- سعود كريري : مو هذا مستواه لكن اظن المدرب قاله لو طلعت قدام بحش رجليك حش يا ليت يبطل حركات الانبراش و الله يوم شفت اعاده الانبراشه حقته حزني المهاجم و اتمنى ان ياخذ تيسير الجاسم فرصته

8- احمد الموسى : ( هذا هو اللي عليه الكلام )
كل المحللين طلعو علينا و قالو ان احمد الموسى ممتاز و انه اكتشاف و انه بيفيد المنتخب ( هذا كلامهم )

انا لي رأي ثاني

احمد موسى المفروض انه وسط يمين و المفروض انه يصنع لعب ابي احد يقولي كوره لعبها احمد و كانت صح و اذا احد جابلي كوره صح باقول انه اكثر من ممتاز موب ممتاز و اللي يقول انه يقطع كور اقوله مو هذا المطلوب من اللي في مركزه

9- عبدالرحمن القحطاني : ( انظلم امس ) عبدالرحمن جناح يمين يعني ياخذ الكوره و يدز على الخط و يعرضها و الا انه يحاول ان يخترق من الجنب موب صانع العاب اوكيه انه ما قدم شي البارح لكن من هو السبب و صدقوني انه مظلوم

10- مالك معاذ : سريع و مهاره لكن بدون ما يناوله احد ما يقدر يسوي شي الشوط الاول ماجته الا كوره وحده من هجمه مرتده و سوا اللي عليه لكن جانبه الحظ <==== متعوب عليها

الشوط الثاني لما جاته كوره ما قصر


و ما خاب من عنده مالك

11- ياسر سعيد القحطاني : قاهرهم و حارق دمهم و كابتنا غصبا عنهم

كل من قال عن ياسر انه مو في المستوى اقول عطوني كوره جات صح لياسر و ضيعها و انا اقول انه سيء و ما يستحق انه يلعب
يا ناس يا عالم ياسر مهاجم يعني المطلوب انه يجيب اقوال مو يصلح اقوال و المهاجم ما تقول عليه انه سيء الا اذا ضيع اكثر من 3 كور مقشره مو تقولي انه سيء و هو ماجته ولا كوره داخل المنطقه وكل الكور اللي تجيه قدامه ثلاثه بالقليل وش تبيه يسوي يسحب بالثلاثه و يسحب الحارس و يرجع يسحب بباقي الفريق بعدين يجيبها قول

و الحمد لله ان خذا حقه من الاغراب

12- عبده عطيف : لازم يكون اساسي في كل المباريات لانه صانع اللعب الوحيد اللي في التشكيله و شوفو الفرق لما لعب صار عندنا وسط

13- سعد الحارثي : الله ما وفقه و التوفيق بيد الله شات كوره حلوه و الهجمه اللي ضيعها هو ابتداها لكن ما ضبطت معاه و ان شاء الله الجاي احسن له و للمنتخب

14- محمد الشلهوب : في غيابك ما تغير اي شي








بس حسيت اني فاقد كل شي