الله يكون في عونكم يالهاوي

يآخي تعال وهاجر واسكن في هولندا ترى البيت على بعضه مايكلف 10الاف ريال
بس تراها اكواخ واذا تعبوا فيها بجبس بس القواعد من حديد واسمنت , وبس

تعال حياك الله هههههههه
مشكور على الموضوع والله يوفقكم وتتزوج ان شاء الله

الله يكون في عونكم يالهاوي

يآخي تعال وهاجر واسكن في هولندا ترى البيت على بعضه مايكلف 10الاف ريال
بس تراها اكواخ واذا تعبوا فيها بجبس بس القواعد من حديد واسمنت , وبس

تعال حياك الله هههههههه
مشكور على الموضوع والله يوفقكم وتتزوج ان شاء الله

مشكوووووووووووووور

السلام عليكم،،

عذار على التأخير الناتج عن الويك اند;)


___________________________


ابوطلال


هلا ومسهلا..

إقتباس سمعت والعهده على الراوي ان وضع برنامج مساكن راح يتعدل .. خصوصا انه برنامج جديد علينا .. وهو تحت التجربه الفعليه ..

اللي يسمعهم يقول انه صاروخ يبي يرسلونه للفضاء ومانجح!!

ما يبي لها اختراع ، عطونا قروض بدون فوائد أو بنسبة فائدة قليله وكان الله غفوراً رحيما

إقتباس اول ماسمحو بالتقديم على هالشروط الصعبه تلقى العالم تقدم عليه وهي مقهوره .. استنو شوي واتركوا الاعلام والناس تعبر .. وتشتكي وتعترض شوي .. يمكن يكون فيه نتيجه

ما بيدهم حيله وانا اخوك هذا نظام قروض صندوق التنمية العقاري ماتغير من سنة جدي الله يرحمه ، رغم ان العالم اشتكت وتكلمت!!


تشكرااتي لك

___________________________


عز الهلال


هلا وغلا ..

إقتباس عـز الله اني بغطي على الوليد

اتحداك تدري وراي أضحك;)


تشكراااتي لك


___________________________


والنهاية...


هلا ومسهلا ..

إقتباس تعال طالع في العالم كلهم مديونين للبنوك في قروض اقلهم على مية ومية وخمسين الف ريال على ايش ؟؟؟؟

ياغالي لا يكون مقياسك هو المجتمع اللي حولك، وين راحت العالم اللي أخذت قرض عشان تتزوج وتستأجر شقه وتأثثها!!

وين راحوا اللي أخذوا قروض واشتروا أراضي 270 و 300 متر من سنين والى يومك وهم متورطين يسددون لمنزل المستقبل!!

وين راح الأب اللي أحذ قرض عشان يشتري لولده هايلكس غماره يمشّي به عمره 10 سنين لين يصير معه فلوس ويشتري غمارتين

مهوب كل الناس وانا اخوك ياخذون قروض عشان يتفسقنون ، بالعكس نصهم مجتاج وذبحته الحاجه..

إقتباس القروض اللي تعطيها الدولة للناس اللي يبنون والعالم تبني وتسدد سنة سنتين وبعدين تسحب عليهم

يعني الشغله صارت سلق بيض!!!

هذولا ما سددوا أجل حنا ما نعطيكم!!!

ياخي مادام عندنا خير ولله الحمد والمنه وعندنا طفره مهبووووله ياشيخ خلهم يسهلون الاجراءت ويمشّون السروات بسرعه ويعطون هالخلق شوي فلوس تنعشهم وتجبر خواطرهم ، وبعدين حط نظام يضمن ان عملية السداد تتم بالشكل المطلوب..

أما أني أقدم على قرض ويستلمه ولدي بعد 10 سنين رغم أن المال متوفر بشده!! بحجة أن ابومحمد ما سدد فهذا أمر يدعو للضحك بملء الخشه

‍‍‍‍ ‍
تشكرااتي لك

___________________________


أبروح أصلي المغرب وانكس ان شاء الله..

وان كاني ما رجعت وعدنا باتسر ان الله أراد

ابرد على موضوع الهاوي


من جد شي يقهر بس تتوقعن ان النسبه هذي صحيحه لان احس من جد مبالغ فيها ....
او يمكن كل يرى الناس بعين طبعه


الحمد لله على نعمته


ولكن

من جد اذا فكرنا بالمنطف من وين للواحد يدبر 500 الف علشان ياخذ له دبلوكس ويتزج فيه ويجب له ولد واحد وما يكثر
علشان ما يصير البيت زحمه

الله يكون في عوننا



موضوع حساس وانا من هنا اطالب الملك عبدالله ان يسهل على المواطنين وهو ما يقصر


تشــــــــــاو

قهر والله فلوسنا تروح للبنان ولغيره من الدول وحنا جالسين نتفرج وعاد ياليت ينفع بهم ماغير يسبوون السعوديه ويتطنزون به والله قهرر

اهم ماعلينا اننا نسمع بناء مساكن في الديرة الفلانية .. وارسال اعانات في الديرة العلانية..

وحنا تسبودنا تفطر قهرر

شئ يقهر بصراحه
اجار باجار وراح نعرس ونستمر بالاجار

انا واحد ما اعترض على المبالغ الي تدفع للدول المجاورة
يعني زي لبنان اول ماصارت مشكلتهم السعودية اعلنت تبرعها بخمسين مليون وبعدها طلع نصرالله وذكر انه ماهو محتاج فلوس من احد وانه هو راح يمول البلد
حكومتنا على طول اعلنت انها تتبرع بمليار ونصف المليار للبنان لسبب واحد الي هو انها ماتبي ايران تسيطر على لبنان ويصير وضع المنطقة خطر
بالنسبه للاردن برضوا نفس الحكاية هي تحميك من اسرائيل ومشكلة الدول الي مجاورتك لو ما اعطيتها قلبت عليك
لكن الي يحز بنفس الواحد ان ميزانيتنا مهوله بس محنا عارفين وين تروح
الي يقولك لاتقارن بالامارات والا الكويت والا قطر الا ابقارن وبقوة
شف دخلهم وش دخلنا
للاسف حنا لعبوا علينا ان عشرين مليون سعودي عدد كبير وهو والله لاكبير ولاشي اذا كان فائض الميزانية 70 مليار دولار ( هذا الفائض ) وشلون تقول كبير ؟!!!
الشعب كان مقسم اول ثلاث اقسام :
غني – متوسط – فقير
لكن للاسف الحين حنا بالطريق اننا نصير قسمين بس :
غني – وفقير
يعني لاتستبعد بعد كم سنه تلاقينا مثل مصر !!!

هلا ،،

العذر والسموحه ياجماعه


يعلم الله اني تمــلـّي مشغول قداً حضرتك

ودي أرد بسرعه وودي أشارك بكم موضوع طاحت عيني عليهن بس ما أقول الا الله لا يشغلنا الا بطاعته..

ما علينا ننكس للمهم..

_____________________


تغريد


هلا ومسهلا ..

إقتباس عدد سكانهم مايوصل 2مليون بكل دوله احنا اعتقد 22 مليون او اكثر

ولا عليك أمر ، اذهبي وأقرأي رد لميس الهلالية ولا تعودي لمثل هذا


تشكراات واجد لك على مشاركتك وتواصلك


_____________________


ماجد مقبل


أقول هلا وغلا ؟ أو أقول هلا باخو قلبي؟؟

أو ما يحتاج أقول شي أنت عارف انك تملي واحشنن >>> ماسكه معي تملي

إقتباس موضوع المساكن نراه يدحدر امام اعيننا ..

هو يدحدر وبس!! بل كجلمود صخر هده السيل من عالي جبل

إقتباس بل وصل الامر الى ان استئجار الشقة أمراً صعباً ..

اي والله صدقت ، لا والحين فيه مشكله جديده صايره

تصدق انه ما عاد تلقى شقه أودور بشرق الرياض!!! أقول الشرق لأني أعرف ناس لهم فتره يبحثون وما لقوا شي
وسألت راعي عقار قال فعلاً الوضع متأزم!!



العفو يابعدي وتسلم على مشاركتك


_____________________


ابوطاقيه

هلا وغلا ..

مبدع قهر ما شاء الله عليك

وما فيه شي ياغالي يستاهل انك تعتذر ما دام اضافاتك كلها في صلب الموضوع;)

إقتباس الحين انا بحل ( متوهق ) بالاجار شقه وراعي الشقق رافع الاجار قلنا حقه ميخالف

الله يرزقك وييسر أمرك ، وتذكر انه فيه ناس ما هيب قادره تستأجر أصلاً!! خصوصاً مع هالغلا الفاحش بأسعار الشقق اللي قاعده تزيد كل 6 شهور!! بلا رقيب ولا حسيب..

إقتباس ومخلينها للي راتبه فوق الـ 5000

جزاهم الله خير يقولون اذا صار راتبك 2500 وراتب زوجتك 2500 وجمعتهن وصارن 5000 تعال عندنا ونعطيك قرض

إقتباس طيب الي راتبه اقل من 3000 هذا وش يزين يبني له صندقه ببراحه ويسكن به

أي صندقه وأي بطيخ !! رح اسأل عن متر الشينكو بكم!!

شف يابو طاقيه حنا عندنا خيام بالبيت وناوي أبيعهن دبر لي زباين وأعطيك السعي


الله يعافيك ولا تصير متشائم مره،، ان شاء الله ان الدوله تبي تتدارك هالوضع ويصير حالنا بشكل أفضل ..

_____________________


الهنوووف



هلا والله ومسهلا ..

إقتباس بس وش نقول والله الاراضي عندنا نار نار كنت ابي اشتري لي ارض وابنيها للزمن يعني

أقول لايكثر بس لي كم سنه موظف وعجزت أشري سيكل وانتي تبي تشرين أرض!!

الا كانك من اللي يقولون بابا وماما أبغى ببغان سماوي فيحق لك تشرين أرض ومرسيدس بابين..

إقتباس الواحد يفكر بعد كم سنه كيف بيتزوجون الشباب وين بيسكنون

ماشاء قبلك علينا !! طيب صدقتك،، جزاك الله خير

أشك ان فيه حرمه تشيل هم الايجار والسكن!!

أقول لها راعي البيت يبي الـ 20 ألف حقت الاجار، تقول ودي أسافر خارج المملكة ولا مره سافرت!! >>> تراي جالس أتخيل مرتي الله يسد نفسه

إقتباس يعني حنـا نعرف حال الفقراء معقولة المسؤلين مايعرفون

الملك عبدالله الله يحفظه وقف على موضوع الفقراء بنفسه ، وأمر بتحسين الاوضاع وحل هالمشكله ، ولعل القادم أفضل باذن الرحمن..

إقتباس ماشاء الله السعوديه فيها بركه وش كثر سكانها واكيد الدول بتعذرنا

أجل تعذرنا
أمي منيره ذي مهيب دول


الله مير يسلمك يالهنووف شدوقي غدن حمر من الحياء بس عشان يبتلن حمر اتركي الـ2000 عل جنب ترى تعز علي بالحيل

والله يتقبل دعوتك بس ما أبي كنز أبي بيت و 300 ألف بحسابي وبس

تشكرااتي لك،،

_____________________


المشاغب


يا هلا والله وغلا بسلطان المنتديات وما جاورها، هلا بملك الموكا

إقتباس والله يالغلا مدري وش أقول أنت ووجهك؟

قلي أحبك كي تزيد وسامتي

لا تقول شي يابعدي ومن خاف سلم

إقتباس تصدق؟ والله أني حبيت حمود ولدك.؟؟ أحس أنه بيطلع بثر وخروف كبير

أبشر باللي يخلي حمود يحب راسك كل ما جيت

خل عنك ياكثر الخرفان من تالي

سلطان ترى جازت لي خروف كبير أبستخدمه واااجد

إقتباس ما بزينا أبو حمود عشان نبزا حمود وأبوه

شكلك فاتحن البزبوز حق الماء

إقتباس رح شف رد كلي هلالي بموضوع حياة @ نت .. تراه ذكرك فيه الله يديم المحبة بينكم يا رب

شكراً على الدعاء وآآآهن لو سلم قلبي من حب سالم


تسلم يابعدي والله انك وسعت صدري بردك السقيم اللي مال أمه دخل بالموضوع

منوّر ياصاحبي ، والحمد لله على السلامه ولو انها متأخره شوي;)

____________



الساعه 3 عز الله ما داومنا باتسر

راااجع ان شاء الله،،

على فكره احتمال أخطاء الطباعه وارد جداً;)

على عجل;)

__________________________


الشاب بيبرس


هلا وسهلا بابن العراق..

إقتباس انا واهلي سكانين بشقه ولكن سعرها مايوازي شكلها!

الشكوى لله يارجل ، والمهم انك قادر على تسديد الايجار ، غيرنا خلق كثير ما يقدرون يدفعون ايجار غرفه!!


تشكراااتي لك


__________________________



الكلاسيكي


هلا والله وغلا باخو قلبي..

إقتباس متوقع ان القروض راح تهون الامر .. ولكن القروض اصبحت الآن هي "الساحب"الوحيد للمال !!

ولا هو منطق نشوف كل العالم مديونه للبنوك!!

إقتباس ولكن همه المسكن في المستقبل لابناءه .. الحديد نار ... الاسمنت نار .. ادوات الكهرب نار .. الاراضي ناار ..

وبالقلب نارين واللي يبي يتزوج ماله حل غير انه يشترط على أهل البنت يا تسكن معي ببيتنا يا نسكن ببيتكم أو خلوا بنتكم عندكم

إقتباس احس انها بتبتلي اللي بتجي معك .. احس انك بتشق بهاااا اهم شي الشنب علان تخاف .. . يا أبطايا

مشكلتنا نخق مع الحريم ولاّ كان أقول انك صااادز

ومن ناحية الشنب لاتوصي حريص أبخلي مرتي ما تشوف براطمي

إقتباس طيب لو جت حبيبتك مدرسه !! يمكن يصير شي ثاني ...

عندي مبدأ يقول لا تتزوج حرمه عندها فلوس;)


تشكراااتي يابعدي

__________________________



شذى (ع)


هلا وسهلا ..

إقتباس مافيه حل إلا يصير عندنا مجلس أمه

بريطانيا دولة ملكية وما عندهم مجلس أمه..

طيب ليش ماشين صح .؟؟ دام هذا هو الحل الوحيد;)


تشكرااتي لك وبالمناسبة قرأت لك موضوع مميز - بعيداً عن المجاملات اللي مالها سنع-أتمنى يسعفني الوقت وأشارك فيه..


__________________________



kaka-22


هلا ومسهلا ..

إقتباس من الظلم المقارنه بدول الخليج نسبةالسكان عندنا اضعاف اضعاف نسبة السكان عندهم

شركه دخلها 30 مليون سنوياً ، وعدد موظفيها 300
وشركه دخلها 300 مليون سنوياً، وعدد موظفيها 3000
المفترض أن يكون موظفي الشركتين لهم نفس الميزات الماليه..

والارقام تغني عن الكثير

إقتباس المشكلة اذا كان فيه مشروع حكومي تجد التكلفه مبالغ فلكيه ولو رجعنا ودققنا راح يكون كلها سرقات

صدقت ، وفي ظل غياب الامانه و انعدام الرقابه مانقول غير الله يخلف


تشكرااتي لك

_______________________


ابوطاقيه

هلابك من جديد..

إقتباس ياجماعة الخير وش السوات بواحد اخذ قرض يبي يأمن لعمره وعياله بيت بس قيمة القرض ماتكفي لبيت قلت ادخل للأسهم

أكلت الطعم وصرت طايح فراشين..

السواة ياطويل العمر انك تقعد تسدد قيمة هالقرض واذا انتهيت طبق خطة " مد رجليك على قد مايعطونك ولا تطمح لشيء" ..

والله يرزقنا ويرزقك

_______________________


لورين

هلا وسهلا..

إقتباس ولابس نتكلم ونقهر انفسنا

يعني صار الكلام بهالمواضيع هو اللي يقهر!!

بالعكس ذي يسمونها بعلم المسكنولوجي " فضـــفــضه


تشكرااات


_______________________


القيصر رهيب


هلا وغلا بحزين الرهيب ..

إقتباس أشوى إننا من 22% اللي بيتهم ملك

هذا الكلام اليوم

طيب بكرا ؟؟ أو نخلي لبكرا

إقتباس يعني أتوقع لو جاء العدد بالرقم ممكن تلقى العدد متقارب بيننا وبين الدول الاخرى

ما أظنه أبد ، وافلقن ببلكه ، ولو عندي وقت كان رجعت للاحصاءيات وشفناها سوا;)


تسلم ياغالي وتشكرااتي لك

_______________________


تغريد


هلا بك نوبتن ثانيه ..

إقتباس ربيع قرأ موضوعك امس ونزل كاريكاتير اليوم يؤيد فيه كلام الهاوي

ترى شي أنا مناااب سهل >>> طاااار بالعجه

كاريكاتير حلو ومعبر

بس تدرين وانا اخوك كل الناس تقرا مثل هالموضوع كل يوم ، لكن لا جديد!!


تشكرااات

_______________________


تعبت ياجماعه

راااجع للغالين ان شاء الله،،،

M e T o O o


هلا وغلا بنايف..

إقتباس مشكلتنا بـ هـ البلد سوء التخطيط للمستقبل

صدقت ، ماغير نسمع ونقرا عن الخطط الخمسية وخطط التنمية البشرية ولا شفنا شي

إقتباس وزيادة على ذلك التوسع " المهووول " في عدد السكان خصوصاً في العاصمة الرياض .

المركزية ذبحتنا !! كل شي المرجع فيه الرياض!! وهذا اللي جعل سكان المناطق الأخرى يتركون ديارهم ويجون للرياض..


تسلم ياغالي وما ودك تتمنى لحمود غير هالامنيه

________________________________


سيمو


هلا وغلا بسليمان..

الله يسلمك على الغير معقوله

إقتباس أشياء كثيرة لا تنحـصر على تملكـ البيوت الوضـع فيها غريب ..!!

اي والله صدقت ، هو بس المساكن؟! صدز أننا نمشي بالبركه !!!

لكن على قولتك لعل القادم أفضل

مشكور ياغالي



________________________________




بريماكس!!

هلا وسهلا ..

تسلم ياغالي وأشكرك على الاضافة وان كاكنت الصوره تغث;)



________________________________


الزعيمة الحقيقية


هلا ومسهلا..

إقتباس ولكن أعجبتني ردود الاخ ابو طاقيه أحس انه قال كل اللي في قلبي

ابوطاقيه ما شاء الله عليه جاب الاول والتالي;)


العفو اختي وتشكراااتي لك

________________________________


ســـفير الزعيم


هلا ومسهلا بسعادة السفير..

إقتباس يآخي تعال وهاجر واسكن في هولندا ترى البيت على بعضه مايكلف 10الاف ريال

أنت تلعب علينا

هماك تقول ذاك اليوم خلاص رجعت للوطن وما أدري وشو ؟؟!!

قايل لك وقتها تبي تجلس كم يوم وتهج بأقرب طياره لأمستردام


بعدين يارجال أكواخ بهولندا بـ10 آلاف أحسن من قصر بالرياض بـ10 مليون، يكفي الجو والبرادات


العفو ياغالي وتشكرااتي لك ، وشف لي تكفى وحده من هالهولنديات المسلمات وان حصل تصير شخط

________________________________


بوجاسم الهلالي

العفو اخوي

________________________________


نـــــــ15ــــــمر


لا لا لا مهوب معقول!!

متعب يرد علي أكيد أمر الله شق القربه

هلا والله وغلا ..

إقتباس من جد شي يقهر بس تتوقعن ان النسبه هذي صحيحه لان احس من جد مبالغ فيها ....

حتى لو كانت غير دقيقه، كم نسبة الخطأ راح تكون ؟؟

خلنا نقول انها 30% ، تظل قليلة!!

وبعدين لا تنسى أن البيت الواحد يسكن فيه من 5 الى 8 أشخاص وأحيانا أكثر..


تشكراااتي لك


________________________________


هلالية حرة


هلا وسهلا..

إقتباس قهر والله فلوسنا تروح للبنان ولغيره من الدول وحنا جالسين نتفرج وعاد ياليت ينفع بهم ماغير يسبوون السعوديه ويتطنزون به والله قهرر

والله انتس صادزه..

قبل 3 أشهر كنت في بيروت واستغربت من وجود لوحات كبيره مكتوب عليها " شكراً قطر " ومنتشره بجميع أنحاء بيروت ..

عاد سألت لبناني ليش؟؟ قال ان قطر تبرعت بعدد من الوحدات السكنيه وجالسين يبنونها الآن..

قلت بنفسي وحنا وين راح دعمنا الله يرحم حالنا ؟!!


تشكرااتي لك

________________________________


هلاليه سنعه


هلا والله ومسهلا ، أسفرت وأنورت من عقب غيبه

الحمد لله على السلامه..

إقتباس هالحين هالاجارات اللي غلت غليان مهوب طبيعي ومسيكين هالشاب يجمع وبالأخير يطير مع الاجار ..

والله شي يرفع الضغط شقق زي قلتها على 18 و20 ألف !! لا ولا يعطونك وجه اذا حاولت تكاسر تبي ولاّ انقلع فيه غيرك مليون!!

إقتباس ياليت تكون فيه منح سكنيه للشباب ماتضر بصراحه .. الاراضي وبكل مكان ويتضافروون الدوله والتجار واهل العقار ويبنوونها عشان يعاونون الشباب

هذا هو المفروض ، ويا كثر ما طرحت مثل هالاقتراحات والحلول لكن الشكوى لله ما من مجيب


الله يعافيك يالسنعه وتشكرااتي لك

________________________________

توت عنب

هلا ومسهلا ..

إقتباس اهم ماعلينا اننا نسمع بناء مساكن في الديرة الفلانية .. وارسال اعانات في الديرة العلانية.. وحنا تسبودنا تفطر قهرر

مالبيد حيله وانا اخوك ، الصبر مليح


تشكرااتي لك
________________________________


هلاليه@ميلانيه


هلا ومسهلا ..

إقتباس صراحهـ من كثر ماأنا مقهوورهـ مادري وش أقووول

لا تقولين شي ، انتي اقعدي معززه مكرمه ببيتك أهلك واتركي هالامور ذي لزوج المسقبل هو اللي يبي يبلش بعمره


تشكرااتي لك ولا عمرك تسرقين اخو قلبي

________________________________

مواصل من عام 1413هـ


هلا وسهلا ..

إقتباس شئ يقهر بصراحه اجار باجار وراح نعرس ونستمر بالاجار

الظاهر هذا اللي مشغل بالك ومخليك ما تنام من عام 1413

يرزقنا الله وانا اخوك بس أنت تعوذ من ابليس وتغط ونم


تشكرااتي لك

________________________________

سمو الهلال الملكي


ياهلا والله وغلا بأمير الذوق >>> مانسى وقفتك معه

إقتباس حكومتنا على طول اعلنت انها تتبرع بمليار ونصف المليار للبنان لسبب واحد الي هو انها ماتبي ايران تسيطر على لبنان ويصير وضع المنطقة خطر

كلامك سليم 100 % ، وزي ماقلت حنا ما نعترض على مثل هالدعم ولكن نأمل بأن تكون لنا الاولويه..

إقتباس الي يقولك لاتقارن بالامارات والا الكويت والا قطر الا ابقارن وبقوة شف دخلهم وش دخلنا

يارجل الامر واضح، والله اني استحي أتحجج بعدد السكان وانا أقرأ وأسمع عن حجم الميزانيه!!

إقتباس لكن للاسف الحين حنا بالطريق اننا نصير قسمين بس : غني – وفقير

اي والله انك صادق، الاغنياء يزداد دخلهم و الطبقة الوسطى و الفقراء يزداد ضعفهم و فقرهم..


تشكرااتي لك


________________________________


قضيت ..


على أجر ان شاء الله


فماااااان الكريم،،

مبروك ألف مبروك... قضت الردود

الهاوي : تكفى أبي قصيدة ابن فطيس بشاعر المليون اللي يقول فيها ابيك وأباك ..!!

وإذا ما تقدر .. أبيك توصف لي محل كنافة حلييو بالرياض

وإذا عليك كلافة تكفى شف لي مقهى انترنت محترم الساعة فيه بـ 3 ريال أو أقل.. مطفرين هالأيام

وإذا ما ودك .. على الأقل رد على ردي اللي مدري وش يبي

احتراماتي سيدي