][ رابطة عشاق برشلونة ][ ][ 2007 - 2008 ][ ][ MًَES QUE UN CLUB ][ - نادي الهلال السعودي - شبكة الزعيم

العاشق الكتالوني · #1 07/07/2008, 10:19 PM

شوف يا حسين ،،

كلامك مقنع للغاية ،، وبالمناسبة ، هذي ماهي أول مرة تقنعني بوجهة نظرك في عدة أمور ،، لكن أحب أوضح لك بعض الأشياء اللي تخليني أعارض لابورتا ( لكن لا أحقد عليه ):
1- شيء صعب جدا إنك تحصل على فريق قوي وممتاز ،، وأكبر دليل ريال مدريد ،، أموال كثر التراب ومع ذلك مو عارفين يبنون فريق يجيب دوري الأبطال ( على الأقل حتى الآن ) ،، هذا الفريق القوي حصل عليه برشلونة وجاب فيه الليغا مرتين وكذلك دوري الأبطال ،، ولكن الموسمين اللي بعدهم وبطريقة غريبة برشلونة يخرج بخفي حنين على الرغم من أنه كان يملك فريق أقوى من ذاك اللي جاب دوري الأبطال خصوصا الموسم الماضي ،، المشكلة معروفة والجميع رددها ،، المشكلة كانت داخلية بحتة ،، تسيب من اللاعبين ، إدعاء إصابات ، تصريحات عدائية طائشة ،، والصحافة أيضا زادت الطين بله ،، لا أحد يقولي أن المسؤول هو رايكارد ،، الحقيقة أن المسؤول هو لابورتا ،، لأنه من غير المعقول أنه إذا كان مدربك ضعيف وغير قادر على ضبط الأمور أنك تخسر الألقاب ،، أمامك عدة خيارات ،، إقالة المدرب أو بطريقة أسهل " التدخل و حل المشاكل " لا تقولي - هذي ما هي شغلته - لأنه في النهاية النادي أسرة واحدة وما لا يقوم به الأدنى لا يعني أن الأبعد لا يخصه الأمر ولأن الخاسر في النهاية الجميع وليس رايكارد ،، إذا قلت لي -ما كان يضمن بإقالة لابورتا إستقامة الفريق - أقولك: إفعل السبب وانتظر النتائج ،، خصوصا أن رايكارد من أول الموسم الماضي أثبت أنه لم يتغير ولم يصحح الأخطاء الحاصلة في الموسم اللي قبله ،، إذا لماذا أبقيت عليه لموسم آخر!! كل هذا وذاك يجعلني أحس أن لابورتا _ ماهو داري عن اللي قاعد يصير ـ وما شفناه إلا في نهاية الموسم ،، يعني يوم اتسع الخرق على الراقع..

2-البطولات اللي حققت ،، كان اللاعبين في قمة حماسهم لأن الجميع يريد تحقيق البطولة ،، رونالدينهو و إيتو ولارسون ..إلخ ،، طيب يوم تحققت البطولة وغاب الدافع ،، هل يعني هذا أننا ما نجيب بطولة إلا إذا جددنا الفريق ،، بهذا الأمر تعجبني فرق زي الميلان واليوفي ،، نفس اللاعبين بنفس الحماس يجيبون نفس البطولة أكثر من مرة ،، ليش البرسا ما يكون مثل هذي الفرق ،، لأن هذا الأمر متعلق بالإدارة ،، ليش ما تشد على الجميع وتوضح لهم إنهم ما يلعبون ببلاش ،، كذا يكون الفريق أكثر حماس وأكثر انضباط ويكون الإحترام متبادل بين اللاعبين والإدارة ،، مو زي اللي قاعدين نشوفه هالحين ،، كل واحد قاعد يحط اللوم على الثاني ،، ثم تجي الإدارة لتقدم كم كبش فداء ارضاء للجماهير ،،

علشان كذا تمنيت يطير لابورتا لعل إدارة ممتازة تجي لتجعل الفريق أكثر ثبات وأكثر حماس..

مجرد رأي ،، وأشكرك على ردك المقنع صراحة..

PUYOL Carles · #2 08/07/2008, 02:06 AM

^^^

هلا حبيبي .. واشكرك على رحابة صدرك .. والسالفه مواقناع ولا شئ .. بس دردشه وبساطه في طرح وجهات النظر

<<< ايوه يامتواضع انت

===

انا وياك انه فيه اشياء كان ممكن تكون افضل ..

بس من ناحيه منطقيه ومن ناحيه وظيفيه ايضا .. لابورتا موفاضي الى فلان وفلتان لحل مشاكلهم ..

برشلونه كنادي في كذا قسم .. قسم للهوكي .. وقسم لكرة القدم للصالات .. وقسم لليد .. وقسم للسله .. وكرة قدم نسائيه .. وفئات كرة قدم سنيه .. والفريق الأول لكرة القدم ..

صحيح واجهة النادي الأساسيه كرة القدم .. لكن ايضا هناك اشياء اخرى مسؤول عنها .. ولهذا السبب .. المسؤولين عن الاخفاق في فريق كرة القدم .. اللاعبين والجهاز التقني بأكمله وتشيكي ..

على مستوى الرياضات الأخرى .. برشلونه ماكان سئ .. اظن جاب بطولة اوروبا على مستوى الهوكي .. ونسيت السله وش صاير فيها .. واشياء كثيره لابأس بها ..

الفئات السنيه حققت بطولات .. واهم الأشياء الا حققها فريق بيب .. بيب مسك فريق مفكك تماما .. وصنع منه فريق بطل .. والشئ الا كان يميز فريق بيب هي واقعيته في انهاء المباريات واللحمه الا كانت داخل الفريق ..

طيب .. نرجع للفريق الأول .. السنه الاولى ماحققنا شئ .. فيه الا قال لأن تين كات طلع .. وفيه الا قال اصابات ميسي وايتو .. وفيه الا قال انخفاض مستوى روني .. اعذار كثيره وضعت ..

حصل الا حصل .. وتجددت الثقه بأعضاء الفريق .. دخلنا الموسم الثاني .. والأمور اسوأ .. خصوصا الاصابات .. ايش ردة فعل لابورتا من ناحية التحرك الاداري .. عين مارك انجلا في نص الموسم .. وصار اقرب للفريق .. خصوصا قبل المباريات المهمه .. ويحاول يطلعهم من جو الصحافه .. واحد اكثر القرارات تأثيرا منذ تعيين مارك انجلا .. هي زيادة حصص التدريبات البدنيه ..

===

السبورت كانت تتصيد على رونالدينيو اي شئ .. والموندو كانت تتصيد على ايتو ..

ورونالدينيو وايتو من اول سالفه بينهم والأمور صارت داخل الفريق أسوأ ..

انت ذكرت نقطه مهمه .. الميلان واليوفي مثلا يحافظو على نجومهم .. لكن هل لاحظت ايش نوعية النجوم الا حافظوا عليها ..

مثلا .. لو البارسا صابه مااصاب اليوفي .. تتوقع روني وايتو وديكو راح يجلسو ؟ ..

الاستمراريه الا نبحث عنها كمشجعين .. هي مطالبتنا بوجود روني مثلا بسبب حبنا لابداعاته .. طيب روني راح اذكره بالخير .. لكن تتوقع ماكانت له اي سلبيات وانه الا متعرض له ظلم فقط ..

اذا ادارة الميلان عجبتك في حفاظها على لاعبينها .. فـ جزء كبير من مشجعين الميلان كرهوا شئ اسمه اداره بسبب سياستها المتعبه ..

في فرق بين الكره في اسبانيا وايطاليا وانجلترا .. اقلها من ناحية الرواتب ومبالغ الصفقات .. روني يستلم كم .. وايتو كم .. وديكو كم .. بينما في فرق أخرى .. مستحيل تشوف هالرواتب تدفع في لاعبين اجانب وفوق كل هذا في فريق واحد ..

في عهد هاللاعبين وريكارد .. قدم برشلونه كره نادره .. وكانت الضريبه بارتفاع اسهمهم في كل شئ اعلاميا ودعائيا ووو .. وصار فيه تسيب كبير .. وكله سعيا وراء الماده .. وهالشئ اعترف فيه لابورتا .. وقال راح نصحح كل شئ .. وطلب السماح من الناس بنفسه ..

حاليا .. نحتاج ردة فعل سريعه .. ردة الفعل هذي تبدأ من الأجواء الداخليه .. وهي تنظيف كل شئ .. ولهذا السبب الثلاثي روني وايتو وديكو اصبحوا منبوذين .. بسبب الأحزاب الا صارت بسببهم ..

روني كان لاعب ساحر .. وايتو كان هداف .. وديكو كان محراث .. لكن احنا نتكلم عن ذكريات .. بين جماليتها بتحقيقنا بطولات .. وبين سلبياتها بسبب تخاذلهم في كثير من المرات اللي كان الفريق بأمس حاجتهم ..

لكن المشجع ماراح يلوم شخص كان يحبه ويموت فيه وكان مصدر بهجه في أحيان كثيره له .. راح يلوم شخص مايهمه ..

يجيك لاعب مثل كيتا .. اعلاميا صفر على الشمال .. يجعل أرضية الملعب تشكي من كثرة الركض .. افضل من سخافة وخشونة ديكو المتكرره ..

يجيني انييستا او اي لاعب .. ومهما كان دوره الفعال اقل من سحر رونالدينيو .. لكن عندي اهون من اني اشوف هاللاعب يمديه يسوي اشياء ولكن بسبب تخاذل منه يسوي اشياء تخرب عليه ..

فريقنا كبير .. وكانت امنيه انه يستمر على هالحال .. لكن احيانا الحلو مايكملش ولازم بتر الأجزاء الخربانه .. علشان باقي الأعضاء تستمر في حياتها

<< قلبتها طب

النجوم الا نحبهم .. أضرو أنفسهم بأنفسهم .. لأن فرص التصحيح كانت كثيره .. ولكن الآن لامجال للوقوف على الأمنيات .. بل يجب أن تكون هناك ردة فعل .. من اجل وجه افضل ..

انا اقول .. انتظرو الموسم القادم ميسي .. بيب حسب اللي يقال عنه .. آخر شئ يفكر فيه الفرديات الزايده .. بالتالي اتوقع هاللاعب بيتحسن في اشياء راح تغير طريقة لعبه للأفضل .. وممكن ينسينا لاعبين كثار

..

◦●☺هلالي☺●◦ · #3 08/07/2008, 03:00 AM

السلام عليكم ورحمة الله وبركاته

بالبدايه اعذروني انا منحرج من تشافي شرشحت فيه وطلع افضل لاعب في اوربا .. خلاص هالمره بشرشح فيك اخر مره

الله يلعن شكلك يازافي وين لعبك هاذا ضد المان يونايتد

.

.. .. ..

الف الف مبروك اخوي حسين على الرئاسه وربي تستاهلها

.. والله لا يحرمنا السلمي

.. والله يعينك مسكت الرئاسه بعد أحلى رئيس بالزعيم نبيك تصير مثله

وانت قدها وقدود

.

.. .. ..

الف مبروك يالبورتا الله يخليك للبارسا

ياخي هيــــــــــــــــــــــــلـــــــــــــــــــــب جبه للبارسا الله ياخذك

وجب بعده ارشافين

كلهم على ما اعتقد ناديهم ما يطلبون مبلغ خرافي اثنينتهم ما اعتقد يتعدون الـ35 مليون يورو

والا انا على رأيي والله هيلب اربعين مليون باوند وربي قليله فيه

يناس والله هاللاعبين بيضبطون البارسا صح .

.. .. ..

نجيي للأهم وهي الاسئله للسلمي

س1 : متى تكره البارسا او ما هي الاوقات الي تكرهك بالبارسا ؟
س2 : وش الدوله الي تحلم

تروح لها ؟ ( وأن شاء الله يتحقق الحلم )
س3 : وين ترتاح نفسياً اكثر .. بمكه المكرمه أو بالمدينه المنوره .. وليش ؟

يارب يارب يارب تكون الاسئله واضحه بس

.. .. ..

يالله يارب اني ما ارد المره الجايه الا وانا اشوف هيلب جنب لابورتا وبنفس الوقت يعلنون بعد يومين التقديم الرسمي لأرشافين

وربي لو يجون هالاثنين لو يصير مهاجمنا قوديونسون يصير فلته