الدوري السعودي كان من قبل اقوى دوري عربي لكن للاسف هو الان يعتبر دوري ضعيف نسبيا.. المنافسه غالبا ماتكون بين فريقين محددين وهما الهلال الزعيم والاتحاد العميد ..وبقية الفرق منها يقاتل من اجل البقاء في دوري الدرجه الاولى والفرق الخرى تلعب في الوسط ....وين ايام كان الدوري السعودي دوري قوي بكل ماتحمله الكلمه من معنى ايام كانت المنافسه بين كل الفرق تقريبا على الكاس .... كانت المنافسه قويه مشوقه كان هناك الهلال والنصر والاتحاد والاهلي والشباب وحتى الاتفاق وغيرها..............عموما حال الدوري لا يسر ابدا ابدا دوري ضعيف فنيا وجماهيريا...... ونحن بكل بساطه نريد حلول لهذه المشكله لكي عندما نقول للعالم ان الدوري السعودي اقوى دوري عربي نقولها على قولتهم بالــــفـــــم المـــليــــان
على العموم انا ابي ابدي بعض الحلول اذا سمحتم ومنها:
اول شي يجب ان يعاااااد النظر في نظام الاحترااااف نظام صراحة سخيف فيه اخطاء وهفوات كثيره
ثانيا الاعانات قليله ان ما كانت معدومه يعني يجب رفع نسبة الاعانات للأنديه لانها هي المحرك الاساسي للفريق
ثالث شي انا اشوف انه يجب تشفير الدوري ... ايه صراحه يجب التشفيرلتحسين الحضور الجماهيري لان الجمهور هو حلا الملعب بالنسبه للاعبين ......انا بعد ماعندي اوربيت ولا اي ار تي بس مصلحة الدوري هو التشفيررررررر مو لازم تشوفون الاهداف مباشره شوفوها بالاخبار وغيرها او احضروا بالملعب او اشترك وبعدين التشفير راح ينفع النادي اول شي تجيه فلوس لها اول مالها اخر خصوصا اذا كان نادي مثل نادي الهلال هو اهم نادي بالدوري السعودي بل باسيا كلها .....
وسلام واسف اذا طولت بس انا حبيت ابدي رأيي وانتظر ردودكم على رأيي وانتظر مشاركاتكم واقتراحاتكم الله لا يهينكم
وسلام