اقتراحات لتقوية الدوري السعودي
 

الدوري السعودي كان من قبل اقوى دوري عربي لكن للاسف هو الان يعتبر دوري ضعيف نسبيا.. المنافسه غالبا ماتكون بين فريقين محددين وهما الهلال الزعيم والاتحاد العميد ..وبقية الفرق منها يقاتل من اجل البقاء في دوري الدرجه الاولى والفرق الخرى تلعب في الوسط ....وين ايام كان الدوري السعودي دوري قوي بكل ماتحمله الكلمه من معنى ايام كانت المنافسه بين كل الفرق تقريبا على الكاس .... كانت المنافسه قويه مشوقه كان هناك الهلال والنصر والاتحاد والاهلي والشباب وحتى الاتفاق وغيرها..............عموما حال الدوري لا يسر ابدا ابدا دوري ضعيف فنيا وجماهيريا...... ونحن بكل بساطه نريد حلول لهذه المشكله لكي عندما نقول للعالم ان الدوري السعودي اقوى دوري عربي نقولها على قولتهم بالــــفـــــم المـــليــــان
على العموم انا ابي ابدي بعض الحلول اذا سمحتم ومنها:
اول شي يجب ان يعاااااد النظر في نظام الاحترااااف نظام صراحة سخيف فيه اخطاء وهفوات كثيره
ثانيا الاعانات قليله ان ما كانت معدومه يعني يجب رفع نسبة الاعانات للأنديه لانها هي المحرك الاساسي للفريق
ثالث شي انا اشوف انه يجب تشفير الدوري ... ايه صراحه يجب التشفيرلتحسين الحضور الجماهيري لان الجمهور هو حلا الملعب بالنسبه للاعبين ......انا بعد ماعندي اوربيت ولا اي ار تي بس مصلحة الدوري هو التشفيررررررر مو لازم تشوفون الاهداف مباشره شوفوها بالاخبار وغيرها او احضروا بالملعب او اشترك وبعدين التشفير راح ينفع النادي اول شي تجيه فلوس لها اول مالها اخر خصوصا اذا كان نادي مثل نادي الهلال هو اهم نادي بالدوري السعودي بل باسيا كلها .....
وسلام واسف اذا طولت بس انا حبيت ابدي رأيي وانتظر ردودكم على رأيي وانتظر مشاركاتكم واقتراحاتكم الله لا يهينكم
وسلام

اقتراحات جيدة لكن وين اللي يطبق

هلا اخوي ...محمد

نسيت أن تذكر نظام المربع الذهبي الفاشل الذي جعل بدايات الدوري بلا اهتمام من الانديه نفسها وبلا متابعة من الجمهور الرياضي بشكل عام , فالعودة الى النظام السابق من أهم الامور التي سوف تعيد للدوري قوته.

أخالفك تماما في نقطة التشفير...؟؟اذكر لي موقفك اذا كان الهلال يلعب في جده مثلا ..
لا أعتقد أن كل الناس عندها دشوش وكروت اشتراكات في بيوتها..
كما لا اعتقد انهم يفضلون مشاهدتها في المقاهي مثلا..

وشكرا لك..

تقبل تحياتي ..الهاويــــــــ11ــ:)

أهلين
 

انا معك في كلامك الي قلته لازم الدوري يتشفر

وبعدين عندي أقترااااح حلو

ليش ما يجرب الأتحاد السعودي من السنة هذي تشفير مباريات كأس ولي العهد باستثناءالمباراة النهائية.

وبعدين يعملوا دراسة وشوفوا الوضع.

صدقوني ما راح يخسروا شي

اخوي الكريم اي دوري اللي تتكلم عنه .....اصلا ماعندنا دوري اللي عندنا بطولات كؤوس فقط .
اتمنى ان يلغى نظام المربع الفاشل اللي خدم انصاف الانديه حتى تعود قوة الدوري كما كانت .

اقتراحات جيدة لكن وين اللي يطبق
مع الاخ سامي عبدالله.




لتواصل عبرالماسنجر:
[email protected]

مشكور اخوي محمد على اقتراحاتك


وانا اوافقك الراي في ان الدوري عندنا اضعف من اول؟؟؟؟؟

و ان الحل من وجهة نظري هو
1- و هو الاهم تشفير الدوري و بث المباريات مسجلة
بعد 24 ساعة من المباراة و في الاخبار الرياضية في التلفيزيون السعودي.


2- تخفيض 25% من قيمة التذاكر لان المشجع ان قدر يحضر المباراة اليوم ما يقدر باكر
فظروفهوم وحالتهم الاجتماعية مختلفة

2- تقليص عدد الاندية المسجلة في الاتحاد السعودي حيث توجد في
بعض المناطق اكثر من نادي وكلها في الدرجة الثانية و الثالثة حيث ان
الاتحاد السعودي لكرة القدم يقوم بصرف الاعانات لجميع الاندية
و التي تفوق الـ 153 نادياً فلو قلنا ان الاعاتة المقدمة
من قبل الاتحاد تبلغ 500 ألف ((فرضاً)) فإن المجموع 7.650.000 ريال
وهو مبلغ كبير ولا تستفيد منه اكثر الاتندية
فلو تم اخفاض الاندية و زيادة الاعانة فإن الفائدة تكون اكبر.

3- خصخصة بعض الاندية التي تعاني من مشاكل مالية و مهددة بالافلاس .



وشكراً لكم...............

.....
...................

انا اقول لازم ينشال المربع الذهبي ويصير بطولة مستقله عن الدوري

لان الانديه ما تهتم الا الى الوصول الى المربع

واعتقد ان المربع محسوم لانديه معينه وهي الهلال الاتحاد الاهلي النصر

يعني ليش يهتموا في المباريات وهم ضامنين التاهل للمربع

لاكن لو ما كان فيه مربع لكان كل فريق يحرص على كل نقطة من النقاط

حتى يتمكن من مجارات الفرق الاخرى ويحسب لكل مباراة الف حساب

لان النقطة الواحدة ممكن تحسم الدوري لصالحه ولا يتهاون في المباريات

الغاء المربع وتوسيع البطولات العربية حيث تقام بمشاركة 3فرق من كل دولة وبالذهاب والاياب

يا عالم فكونا من المربع الذهبي

و عندي اقتراح

وهو استحداث بطولة جديدة تكون للاعبين تحت ال23 سنة
و تكون تحت مسمى كأس الاتحاد السعودي