منتخب بلا نور لا يساوي شي + تصاريح منتظره بعد الخروج من آسيا ! - نادي الهلال السعودي - شبكة الزعيم

[ Prince Tariq 14 ] · #1 26/06/2007, 12:02 AM

السلام عليكم ..

الف مبرووووووك الفوز على منتخب اسماعيل مطر .. وعقبال مواصله الانتصارات ..

طبعاً وفق الخطط المدوسه علمياً .. والله إحساسي يقول منتخبنا رايح يتـاهل للدوري الثاني وبعدين out .

حقيقهً يا شباب منتخبنا قوي جداً .. والكل يخافه .. لكن الاداره مش ولابد ..

أيعقل محمد نور + الدعيع +حسن معاذ غير موجودين !

أبغى وأحد يذكر لي متى منتخبنا أتفق على تشكيله واحده طوال المسابقات التي يلعبها

..

كل بطوله ندخلها لابد اسماء جديده ملينا ملينا .. والامّر من كذا لا نور ولا دعيع ولا معاذ .. ولا بعد تبون الاسيويه !

آجل كاس الخليج تطلع منّا والله مهزله , المفروض كاس الخليج ندخل بالصف الثاني ونحرز البطوله ويكون همنا أكبر

من الخليجيه .. لكن للاسف الخليجيه ويالله نسوي شي فيها .. نريد منخب مثل عمان ثابت يعني في اي بطوله نفس

الاسامي ونفس الاشكال .. هذا المنتخب من يستحق المشاهده .. متجانس .. رائع .. لانهم من سنين وهم مع بعض

بعكس منتخبنا .. كل بطوله منتخب جديد .. ماينفع كذا

..

أنا مع التجديد بس مو التجديد الجذري .. ماصارت .. ما توافقوني يا شباب ! ..

تصاريح منتظره ..

عند الخروج من كأس اسيا .. ستسمعون تصاريح عن المنتخب تقول .. كأس اسيا إعداد لكاس العالم وعلى هالحال

كل السنوات .. وكاس العالم كلها 3 مباريات بعدها برا

لنكن واقعيين نبي الاسيويه والخليجيه .. ونترك الضحك على الجمهور والعالميه نتركها لأهلها ..

من يذكرني هالصوره عام كم ؟

والسلام عليكم ..

الملك"توتي" · #2 26/06/2007, 12:11 AM

ياخي اسمح لي .. محمد نور فكنا منه ؟؟

هو لاعب ما يختلف عليه اثنين .. بس انتوا متى بتخلون المدرب يشتغل لحاله ؟؟

من يدري يمكن فلسفة مدرب

خلنا نشوف خله يخفق بهالبطولة ماهي مشكلة اهم شي يكون عندنا استقرار

بالنسبة لكأس الخليج .. تراه يختلف 180 درجه عن اي بطولة .. لانه ما يعتمد على مستوى فني

كله عوامل نفسية ..

ولو ترجع ورا شوي تحصل كاس الخليج 15 جابه السعودية على ارضها ..

وخليجي 17 جابته قطر على ارضها ..

وخليجي 18 جابته الإمارات على أرضها ..

يعني ان أمر الأرض والجمهور شي مهم في كاس الخليج .. صح ؟؟

إذا العوامل النفسية هي اللي تقود المنتخبات لكأس الخليج ..

اما مٍسألة الإعداد فسمو الأمير سلطان قالها من زمان .. هالمنتخب إعداد لكأس العالم ؟؟

سواء فزنا بالبطولة او لا

وتحياتي لك وللجميع

[ Prince Tariq 14 ] · #3 26/06/2007, 12:18 AM

إقتباس

الرسالة الأصلية كتبت بواسطة الملك"توتي"


	ياخي اسمح لي .. محمد نور فكنا منه ؟؟ هو لاعب ما يختلف عليه اثنين .. بس انتوا متى بتخلون المدرب يشتغل لحاله ؟؟ من يدري يمكن فلسفة مدرب خلنا نشوف خله يخفق بهالبطولة ماهي مشكلة اهم شي يكون عندنا استقرار بالنسبة لكأس الخليج .. تراه يختلف 180 درجه عن اي بطولة .. لانه ما يعتمد على مستوى فني كله عوامل نفسية .. ولو ترجع ورا شوي تحصل كاس الخليج 15 جابه السعودية على ارضها .. وخليجي 17 جابته قطر على ارضها .. وخليجي 18 جابته الإمارات على أرضها .. يعني ان أمر الأرض والجمهور شي مهم في كاس الخليج .. صح ؟؟ إذا العوامل النفسية هي اللي تقود المنتخبات لكأس الخليج .. اما مٍسألة الإعداد فسمو الأمير سلطان قالها من زمان .. هالمنتخب إعداد لكأس العالم ؟؟ سواء فزنا بالبطولة او لا وتحياتي لك وللجميع

أموت وأعرف وش هالاعداد اللي يشوف كأس العالم بعد اسيا مباشره

يا عالم .. كأس العالم لسا عليها .. خلونا نفكر بالاسيويه , وكأس العالم طالعين طالعين ليه نفكر فيه .

لكن لقوها شماعه عند الهزيمه .. قالوا ايش قالو تحضير لكاس العالم

أما عن نور .. لابد أن يكون متواجد مع حسن معاذ والدعيع لعلنا نسوي شي !

[ Prince Tariq 14 ] · #4 26/06/2007, 03:00 AM

وينكم !

هـــــــلالي · #5 26/06/2007, 03:43 AM

ياخوي نور لاعب مميز وفنان ومن أفضل اللاعبين في آسيا والوطن العربي

المدرب واختار التشكيلة وماضم لانور ولا حسن معاذ ولا الدعيع

وانا برايي صراحة حسن معاذ أهم من نور في مركزه مميز جداَ

الوسط عبده عطيف والشلهوب وعبدالرحمن القحطاني وباقي اللاعبين مايقصرون

بالتوفيق للأخضر

الكبيتانو · #6 26/06/2007, 05:40 AM

والله انك صااادق يا طارق 14

رامـ 4 ـوس · #7 26/06/2007, 06:55 AM

مع احترامي لك اخوي

كلامك ما له فايده

لانه لا يقدم ولا يأخر

المنتخب مقبل على المشاركه و الاسماء اختيرت

و انتم للحين تقولون المنتخب ضعيف

طيب على الاقل ارفعوا المعنويات

بالنسبه للصوره
عام 2005
او بالكثييييييييير 2004

البركان2002 · #8 26/06/2007, 07:40 AM

المنتخب مايوقف على لاعب واحد ،، بكره تجي أجيال وننسى اللي راحو ،،

ذي مباراة بين السعوديه والبحرين وديه

والطقم ذا طقم التأهل لكأس العالم يعني ياطويل العمر أتوقع بعام 2005

BLUE BIRD 10 · #9 27/06/2007, 03:06 AM

نحن مع المنتخب لأنه يمثل الوطن..
و كون أن محمد نور غير موجود لا يعني أن "المنتخب ما يسوى شي" مهما كان نحن مع المنتخب أياً كانت التشكيله..

مصرقع اس اس · #10 27/06/2007, 03:58 AM

بصراحة انا كنت متشائم من عدم اختيار محمد نور

بس بعد ماشفت مستوى عبدالرحمن القحطاني ضد الامارات تفائلت بالمنتخب جدا

اهم شي مايلعب تكر بالدفاع وحنا بألف خيررر

[ Prince Tariq 14 ] · #11 27/06/2007, 04:47 AM

شكراً لكل من مّر ..

رفـيـع الـشـان · #12 27/06/2007, 05:24 AM

محمد نور هذا لاعب راعي مشاكل
وما يحتاجه المنتخب هالوقت
==================
المنتخب نصه لاعبي الاهلي
وانت تدري علاقه نور مع كل أهلاوي
___ ـــ واظن كلامي واضح -- ـــــ

الملك"توتي" · #13 27/06/2007, 05:50 AM

إقتباس


	أموت وأعرف وش هالاعداد اللي يشوف كأس العالم بعد اسيا مباشره يا عالم .. كأس العالم لسا عليها .. خلونا نفكر بالاسيويه , وكأس العالم طالعين طالعين ليه نفكر فيه . لكن لقوها شماعه عند الهزيمه .. قالوا ايش قالو تحضير لكاس العالم

يا حبيبي كأس العالم لابد يُعد له من بدري ..

وحتى مو اعداد كإنسجام وبس .. لا في اعداد جسماني ولياقي يعد له من الآن .. لأنك بتقابل منتخبات السرعة والقوة اللي هي اوروبا

وعلى فكرة .. هذي نظرة باكيتا بعد كأس العالم 2006 ..وقال ان كأس العالم يبغى له إعداد من بدري ..

طبعا حتى لو باكيتا فاشل تكتيكيا.. بس بالاخير له تجربة مع كاس العالم وحققه ويعرف كيف يتعامل معه

إقتباس


	أما عن نور .. لابد أن يكون متواجد مع حسن معاذ والدعيع لعلنا نسوي شي !

كرهت محمد نور من كثر ما تحطون مواضيع عنه مع انه كان يعجبني

حبيبي .. كالديرون يوم أهلنا لكأس العالم ما استدعى محمد نور وقال انه ما يخدمه

وانت عارف محمد نور ممكن يخربها بأي وقت ..

زد على كذا ان عندنا بدلاء .. وربي انهم نجوم .. مثل عطيف والقحطاني انا اشوف انهم بيغطون عليه

وتشكراتي

ALZa3eEm 3AmaHoM · #14 27/06/2007, 03:58 PM

مشكووووووووووووور

tareq14 · #15 28/06/2007, 07:21 AM

والله بصراحه الشرهه مو على المدرب

الشرهه على اللي جابه قال ايش قال مدرب مغمور

نبي مدرب ذكي وتكتيكي

هذا مدرب مع جنبها

لاتكتيك ولاذكاء ولا اختيار لاعبين

قايلكم والله من زمان من شاف شكله كانه مدرس خصوصي

يغسل يده منه

وعلى ماقال مدني رحيمي ( المنتخب بالشكل هذا مو منتخب بطوله )