20/06/2007, 12:23 PM
|
| زعيــم متألــق | | تاريخ التسجيل: 21/11/2006 المكان: ¦[Between The Reality And Fantasy ]¦
مشاركات: 1,215
| |
كل الاعضاء تهوروا وكتبوا موضوع وانا مثلهم بتهووور ....
السلام عليكم ورحمة الله وبركاتهـ
وشخباركم ؟؟ وش علومكم ؟؟ وش أخبار النتايج ؟؟ 
إن شاء الله مرتاحين ومبسوطين .,.
<<<<<<<<<<<من زماااان ماكتبت موضوع 
أول شي أحب اهنيكم بالاجازه وبإنتهاء الاختبارات قسسم بالله أحس إني
طالعه من معركه مو من إختبارات :p
ومبروووك للي نجحوا وهارد لك للي رسبوا <<<<<< داخله غلط هارد لك :p
عاد إن شاء الله تطلع النتايج الي ترفع الراس .,,.
والحمدلله طلعت نتيجتي اليوم ,, يله بصوت واحد كلكم قولوا مبروووك
وزي ماهو واضح من العنوان إني تهورت وبأكتب موضوع زي الي تهوروا
هاموووووور وليو ميسي <<<<<<<<< عقبال بقية الاعضاء
مع إني ماأمداني قبل الاختبارات كاتبه موضوع بس كذا عاجبتني كلمة تهور ودي أحطها :p
^
^
^
أول مرهـ أكتب مقدمة مثل خلق الله
المهم ندخل على طول في الموضوع .,,,.
أنا الله يسلمكم ربي بلاني في بلوهـ والي هي إني أعشق شي أسمه " ســوق "
يعني مو بس أنا كل البنات والله ماعمري شفت بنت تقول أكره الاسواق
المهم <<<<<<<أبلشتكم بهالكلمه
المهم
كل ماأروح لازم يصير لي موقف ولا سالفه مستحييييييييييل يعني مايصير شي ولا ماأشوف
شي غلط ولا يصير شي يعني لازم
عاد هي كثيرهـ لاتعد ولاتحصي لكن فيه بعضها قويه مررررررهـ
وفيه واحد مستحيل أنساه الي هو قد ذكرته في موضوع كامل وهذا الرابط حقه :
http://vb.alhilal.com/showthread.php?t=400438
أكيد نص الاعضاء يذكرونه 
المهم هذاك موقف يعني كان يقهر شوي لكن هالمره بقولكم موقفين تضحك ....
الموقف الاول :
مره من المرات وبينما أنا واختي في أحد أسواق الرياض وكنا قاعدين ندور
يعني ماكان لنا نيه نتسوق يعني بس ندووووووووووووووور
المهم انا كنت لابسه عباية طويله مررررره حقت أختي وهي لابسه عبايتي :p
المهم وحنا نمشي وطيت على عبايتي ومادريت الا خشتي على الارض
يعني طحت  طبعاً أختي على طول تبرأت مني وراحت عني وانا قعدت فيها لحالي 
عاد الحريم والرجال والشباب والبنات والبزران والشغالات والعمال و كل فئات المجتمع
واقفين يتفرجون علي ويضحكووون
والمشكله كان بأيام الصيف الي راح وكان فيه مهرجان بالسوق يعن كل أمة محمد هناااااك
وانا الي اجي واصرررررررررررررررررررررررررررررخ واقعد أصــــــــــــــيـــــح
بعدين جت ذيك الحرمه الله يجزاها خير وقالت : قومي يابنيتي بسم الله عليك ماتشوفين شر
عاد قمت وازين عبايتي وأمسح دمووعي وانا أرتجف من الخوف مادري ليييييش
بعدين جت أختي لمي وهي ميته ضحك 
قلت لها : الحين إذا أختي كذا تضحك علي وش خليتي للناس !!
عاد قالت : أقوووووول أمشي أمشي بس فشلتينا الله يقطع بليسك وقلت لها : أنتي الي رحتي عني
على طول تبريتي مني ,, وبدينا نتهاوش
قسسسم بالله ماصرت علينا طلعه ذاك اليوم بعدين رجعنا
البيت وماطلعت للسوق أسبوع <<<< من عجائب الدنيا إني قدرت ماأطلع للسوق أسبوع
وكل هذا خايفه أنه أحد يشوفني بالسوق ويعرف أنه أنا الي طحت ذاك اليووووم :p
الموقف الثاني :
ذاك اليوم وبينما كنت طالعه مع أختي للسوق جينا دخلنا لآحد المحلات
المهم يوم دخلنا وقاعدين نشوف الملابس شفنا واحد كأننا نعرفه المهم قعدنا نشوفه زييييين
طلع خالــي
جيت قلت لآختي شوفيني بروح أهبل فيه
قالت أختي : يله أتحداك <<<<< تدري إني خوافه وبسرعه بنكشف :p
المهم رحت له ووقفت جمبه مررره عاد هو قعد يناظر ومستغرب واسمعه
يقول بصوت واطي : وش تبي ذي :p وانا أقرب وهو يبعد وأقرب وهو يبعد المهم
قلت له : لو سمحت أخووي ممكن الرقم جاء قال : عيب عليك يابنت الناس تراني رجال متزوج
بعدين قلت له : عااااااااااادي مالي شغل أبغا رقمك :p
بعدين هو عرف صوتي وقعد يناظرني بإستغراب عاد حسيت أنه شك فيني ومت من الضحك :p
بعدين عرفني وسلمت عليه
وأختي تقول : ياليتك ماضحكتي ونشبتي له إلما يعطيك
الرقم عشان نفشله عند زوجته<<<<<ياحبها للشر :p
بس والله ياحبيلها أختي مع انه دائما تفشلني بس وش اسوي لها
-------------------------------------------------------------------------------------------------
مادري أحس إني طولت عليكم ولا ماطولت ..؟؟ أبغا أحد يجاوبني
على العموم ياليت أنكم أنتم بعد تتحفوننا بمواقفكم الحلوووه ;)
خاصة المواقف الي تطيحووون فيها <<<<<< متعقده من شي أسمه طيحه وخاصة في السوق
تحياتي
هلاليه@ميلانيه |
الوضع الشجري
