ياسر القحطاني راجع قرارك فــ لن نشترك في جوال القناص .. - نادي الهلال السعودي - شبكة الزعيم

Mr.DL5 · #1 20/06/2007, 01:58 AM

بسم الله الرحمن الرحيم ..

فــ بعد غيابي عن منتدى الجمهور الهلالي في الفترة الماضية .. رجعت وكلي امل اني القى موضوع مثبت يفيدنا بــ انتهاء المفاوضات مع احد اللاعبين البارزين محليا ..

لكني فوجئت بــ خبر توقيع ياسر القحطاني مع شركة الاحتيالات لــ تشغيل الجوال الخاص بــ ياسر القحطاني ..

ليه يعني هل ياسر في حاجة لــ اموال وارباح جواله الخاص ...؟؟

كلنا نعرف ان جوال الزعيم عدد مشتركينه في حدود الــ 300 الف مشترك .. ومع ذلك نص المبلغ الي ندعم النادي فيه يروح لشركة الاحتيالات السعودية ..

بحجة خدمة التشغيل ..

حنا ما نقول لهم لا تاخذون بس على الاقل يتفقون مع ادارة النادي ان اول سنتين او ثلاث سنين ارباح جوال الهلال كامله لــ شركة الاحتيالات ..

بعد هــ السنتين يصير الهلال ياخذ كل ارباح جوال الهلال لــ خمس او عشر سنوات قادمة ..

لكن الان حنا مثل الي وده يدعم وماله الا جوال الهلال الي نص ارباح لــ شركة الاحتيالات ..

طيب ياسر حنا نحبك وندور لك على الي يريحك والي يرضيك ..

هل انت كــ لاعب مبدع وامامه مستقبل كبير مقتنع بــ فكرة جوالك الخاص ..؟؟

صدقني يا ياسر هــ الجوال اضراره اكثر من نفعه لك شخصيا ..

ياسر انت المفروض تبعد عن الاعلام قدر المستطاع ..

وصدقني يا ياسر اني اول من راح يشترك في خدمه جوال اقناص ..

لكن يعني عشان سعد الحارثي طلع جوال لازم حنا نقلد ونطلع جوال لياسر القحطاني ..

اللاعب الفاشل ما طلع جواله الا عشان يسكت جماهير ناديه عقب تصريحه بداية الموسم الماضي انه راح يعتزل اذا لم يحقق النصر بطولة ..

ولم يحصل النصر على بطولة وهــ هو يصرف جمهور ناديه بــ جوال الحارثي ..

تبون تضحكون شوفون وش يرسلون لــ مشتركينهم في جوال الحارثي ..

مسخره ايه والله ..

للتذكير .. رقم جوال القناص 80020

سور الهلال العظيم · #2 20/06/2007, 02:01 AM

مع احترامي لياسر وسامي

لو يموتون ماشترك

انا افيد النادي بس والهلال

Mr.DL5 · #3 20/06/2007, 02:04 AM

إقتباس

الرسالة الأصلية كتبت بواسطة سور الهلال العظيم


	مع احترامي لياسر وسامي لو يموتون ماشترك انا افيد النادي بس والهلال

لا عاد انا الي باشترك ..

وتسلم يالغالي على التصويت ..

ولا هنت على المرور يا حبيب البي ..

ღღ AL Z3eem ღღ · #4 20/06/2007, 03:57 PM

إقتباس

الرسالة الأصلية كتبت بواسطة MR.DL5


	لا عاد انا الي باشترك .. وتسلم يالغالي على التصويت .. ولا هنت على المرور يا حبيب البي ..

انت مثل الدكتور اللي يقول امرض بس لا تتعالج

الحين توك قايل ليش وليش يا ياسر واخرتها بتشترك

صدق من قال انكـــ

بريماكس · #5 21/06/2007, 01:34 AM

إقتباس

الرسالة الأصلية كتبت بواسطة ღღ AL Z3eem ღღ


	انت مثل الدكتور اللي يقول امرض بس لا تتعالج الحين توك قايل ليش وليش يا ياسر واخرتها بتشترك صدق من قال انكـــ

شكلك ماحضرت طرس الخط

..

يالحبيب مستر دلخ جابه من باب انها يبيله انه يشترك او مثل هالقبيل

الاســـطوره ساميــو9 · #6 05/08/2007, 06:46 AM

مشترك بالزعيم
وسامي
ويوسف

وياسر

مع نجوم الزعيم حتى الممات

!!هلالي الرس!! · #7 20/06/2007, 10:12 AM

إقتباس

الرسالة الأصلية كتبت بواسطة سور الهلال العظيم


	مع احترامي لياسر وسامي لو يموتون ماشترك انا افيد النادي بس والهلال

فكنا يالي بأشترك

Hilali To The Bone · #8 21/06/2007, 01:57 AM

إقتباس

الرسالة الأصلية كتبت بواسطة سور الهلال العظيم


	مع احترامي لياسر وسامي لو يموتون ماشترك انا افيد النادي بس والهلال

ღهلابوليღ · #9 20/06/2007, 02:07 AM

انواع النصب من شركة الاتصلات

Mr.DL5 · #10 20/06/2007, 02:10 AM

إقتباس

الرسالة الأصلية كتبت بواسطة ღهلابوليღ


	انواع النصب من شركة الاتصلات

المشكلة نصب عيني عينك ..

وتسلم على المرور يالغالي ..

mn900 · #11 21/06/2007, 02:03 AM

الي جالس يصير ياشباب والله مهزله مابعدها مهزله........!

حنا نشجع ياسر ولا الهلال...؟؟

لاوبعد كلهم في وادي والدوري في وادي والاسيويه في وادي والرئيس يطولنا بعمره في

لندن.........؟

من الي بيندم اخرتها وربي حنا واذكركم

العز هلالي · #12 20/06/2007, 02:08 AM

فتح جوالات للاعبين يشتت الجمهور

اتمنى اغلاق جوالات اللاعبين

والاكتفاء بجوال النادي

مصلحة النادي أهم

Mr.DL5 · #13 20/06/2007, 02:17 AM

إقتباس

الرسالة الأصلية كتبت بواسطة العز هلالي


	فتح جوالات للاعبين يشتت الجمهور اتمنى اغلاق جوالات اللاعبين والاكتفاء بجوال النادي مصلحة النادي أهم

ايــه والله جوال الهلال يكفيك ..

لكن يمكن انها موضة وطاحوا فيها ربعنا ..

وتسلم يالغالي على هــ المرور ..

ونشوف ان شاء الله ياسر يتراجع عن هــ الفكرة ..

مجنون الزعيم(9) · #14 20/06/2007, 04:22 AM

افلقوني اذا اشتركت

المتصدر 2007 · #15 20/06/2007, 03:13 AM

إقتباس

الرسالة الأصلية كتبت بواسطة العز هلالي


	فتح جوالات للاعبين يشتت الجمهور اتمنى اغلاق جوالات اللاعبين والاكتفاء بجوال النادي مصلحة النادي أهم

صدقت والله