باك أبو طلال ..

ما شاء الله موضوعك أكل الجو في المجلس العام.. أهنيك على الموضوع المتميز

بصراحة رجعت عشان أعلق على الصور.. الهنوف الله يجزاها خير .. دائماً سباقة للتميز..!!

سبقتنا بالتعليقات.. وحنا مب أقل منها..نعلق مثلها.. صح ولا لا؟ :p




ما شاء الله أبو طلولة يالأطخم :p

للأسف ما لحقنا عليك خل نيتك طيبة أنت ووجهك :p




قطعوني على هالصورة وهـ بس

سم بالله البراءة مهيب لايقة عليك يالمجرم

من جد صورة حلوة قممممة في البراءة الله يرجك

ما جاوبت على سؤالي.. وش في عينك مكسورة؟ من اللي كاسرها؟




شندق ليلاه ... شندق ليلاه... الله يعينوه على هالليله

أويهااا.. حيا الله المعرس الحليووووو ...

صورة حلوة ما شاء الله..!!




ما شاء الله تبارك الله.. سبحان الله .. شكلك بريء بهالصورة.. وحسب فراستي .. أتوقع أنك

كنت دايم تنجلد من عيال الحارة.. لأنك من النوع اللي ما يحب الشر

أمزح معك.. الصورة حلوة جداً أهنيك عليها..




أيوه هذي الصور السنعة

العقال مع الشماغ والثوب.. مو مثل نمر 15 الدلووع لابس بدلة

ما شاء الله تبارك الله..!!




ــخخخخخخخخخخخخخخخخخخخخخــ

أنا اشهد أنك سوري من يومنك صغير يالشيطان

كنت متوقع أنك أنت وإبليس راضعين من ثدي واحد :p

وش هالنجاسة والنظرات الخبيثة يالخبيث؟

يوم شفت الصورة توقعت أنك ولد "معلم الشاورما والحمص والطعمية" السوري اللي بحارتنا .. تشبه له




وأنا أقول ليه مسجلة بيوزر عيون الزعيم؟؟ أثرك ما تطلع منك غير عيونك

ما شاء الله عليك.. محتشمة من يومك صغيرة

الصورة صغيرة مرة.. لازم من صورة ثانية

بس ما شاء الله واضح أنك تشبهين: عايشة الكيلاني

( إذا ما تعرفين عايشة الكيلاني .. سوي بحث عنها بقووقل ) :p




ما شاء الله تبارك الله..!!

أقول ثامر... ما ودك أناسبكم؟

الصراحة الصورة حلوة جداً .. وعجبتني الركب تشبه ركبي بالضبط

بس بشر.. عساك يوم كبرت استمريت على هالشكل؟ ولا رجعت لأصلك؟




صورة معبرة جداً.. أنا قايل من الأول أنك مجرم يا مجنونها

ملامح الشر والإجرام واضحة على خشتك من يومك صغير.. الله يكفينا شرك

الجد: ما شاء الله الصورة حلوة جداً.. وباين من خلالها أنك قوي شخصية ;) بس عصبي شوي




من خلال الصورة استشفيت أنك صرت من أكبر المفحطين بشوارع الرياض

الصورة مهيب واضحة مرة.. بس الشعر طويل وخلى الصورة أحلى

ما شاء الله تبارك الله..!!




يا حليلك يا دكتورة .. قطوة شرقاوية يومنك زغنطوطة

ما شاء الله تبارك الله .. صورة حلوة جداً ..!!

عام كم الصورة؟ كأنها مررررة قديمة ؟ الظاهر أنك عجيّز




ادلع يا كايدهم .. خليهم يشوفونك ..

أخوي الأطخم سمو المجد: ما عليك من كلي هلالي ونمر 15 تراهم يغارون الشينين

ما شاء الله أنت الحلا كله.. أنت الطعامة كلها .. أنت قمر وشمس وعطارد والمريخ




حي الله أبو غزال

ما شاء الله طلعت أطخم يا ولد

بس المشكلة أنك أكبر مني ولا كان صادقتك

تأكدت الحين ما يسجل بمنتدى الزين إلا الزين :p

------------------------

ماجد مقبل: بانتظار صورتك يا حلو ;)

الماسة الزرقاء: نزلي صورتك وبننزل صورنا ما عليك ;)

إلا الموضوع القديم حق الصور ما لقيته للأسف.. وينه؟


أبو طلال: بأرجع لك اليوم بعد عشان أنزل صورة أحد الأعضاء اللي أقنعتهم بالغصب على أنه يعطيني صورته..

ووعدني اليوم.. إذا عطاني الصورة بأنزلها لكم إن شاء الله

آآآآآآآآآآآآآآآآآآآآآآآآه بس

قلبتوو المواجع

تصدقوون ما أعرف نفسي وأنا صغيرة

كل ما أبويه جا يصورني أمي تقول ماني راضية

وتجلس تدعي وينحرق كل الفلم

كل ما أفتكر أروح أبكي أقلها حرااااااام عليكي

ماخليتني أعرف نفسي

وكان عندي صورة وأنا في الروضه بس أديتها صاحبتي;)

يعني مالكم نصيب تشوفوني

إلا إذا بدكم وأنا كبيرة شي تاني عاد>>>>لا تصدقون عاد:p

فيه خشش طيبه والله ..

أكثر شئ عجبني في هـ الموضوع هو صآحبه أبو طلال .. مآ شآء اله عليه قدر انه يقلب الموضوع بـ وقت بسيط من موضوع ما فيه صورهـ وحدهـ الى أفضل موضوع حآلياً في التفآعل ..

ان شآء الله راجع قريييب بـ صورتي .. تقبلون أبيض وأسود :p ؟؟

بــر رب

نمر 15 .. كلي هلالي : لا يكثر بس ,, متى المعرفة؟ لا تقطون وجيهكم علي ,,

ما أحب أتعرف على أحد لو سمحتم


جبت لكم صورة الحاتمي (طلال)

يالله شباب جاكم فيصل مطفي النور ابعدوووووووو

كل واحد يجهز برطمه ويجهز معه خرقه بيجي واحد مسوي ذكي بيقولي البرطم عشان نتفل على صورتك ما ننظلك اوكي هذي عرفناها بس الخرقه ليش؟
بقوله عشان تمسح شاشتك بعد السعابيل الي امطرت عليها
المهم هذي صوري مدري وراها عيت تصير واضحه ؟ من القهر شكلي بروح اشتري كميرا ديجيتل عشان تطلع واضحه لعيونكم<<<< نصااب
هذي الصوره الاولى
[/IMG]
وهذي الثانيه
[/IMG]



شرايكم بالسبحه الي معي تراها تسوا الف وشوي يعني ناظروها زين حسافه ضاعت

الله على هالتعليقات .. والتفاعل الرائع .. والصور الجميله .. البريئه
قبل ماابدا في التعليقات على الصور الجديده اللى ( غير طبيعيه )
والتعليق على ردود الاعضاء الكرام .. ودي اقول كلمه للجميع:

اولا لولا تفاعلكم وردودكم .. مانجح الموضوع كل هالنجاح .. تفاعلك مو بالصورة وبس .. وبالتعليق على الصورة .. وفي ردكم على كل كبيرة وصغيره .. بعض الاعضاء اكرر شكري لهم .. قدموا مساعده لنا .. خصوصا للي مايعرف ينزل صورته .. او اللى مايعرف يصغر حجم صورته .. تلقاه يساعد بس من غير ماينزل صورته معنا .. نقوله مشكور .. وهذا من التفاعل مع الموضوع
الموضوع شراكه بيننا كلنا ... اصحاب صور او اصحاب تعليقات رائعه .. كلكم جعلتوا الموضوع اكثر من رائع وله طابع ودي وحميميه .. واخوه ..

اتمنى من كل الاعضاء اللى اعجبهم الموضوع انهم مايحرمونا من المشاركه والتعليق .. او حتى تشريفنا بالحضور .. يمكن اذا زارنا يتحمسسس مثل بعض الناس ;)

والحين ... ابدا في مين من الصور والتعليقات ؟؟؟ ( اكلك منين يابطه . اكلك منين ؟؟))

نبدا بالصور .. وفي رد ثاني اعلق على تعليقات الاعضاء




ماشالله تبارك الله ... احلى شعور ناعمه .. هالصورة غير ملونه . . واذا شفت اللصور غير ملونه استانس . . احس ان فيه ناس كبري شيبان او اكبر مني ..
بعد لو الصورة كبيره كان تشوفون مكتوب عليها .. وينقل للصف الثاني ابتدائي ههههههههه

مااقدر اعلق اكثر على الصورة .. لسببين .. الاول : انه سمي ولدي طلال .. والسبب الثاني : انه هو مانزلها بنفسه ولازم يكون حاضر وهو يتلقى التعليقات من الاعضاء ..

سمو المجد شكرا لك وللاخ حاتم .. بس ياتجيبه ونشوفه .. او تجيب معك موافقه خطيه بالسماح بعرض صورته

[/IMG]

ماشالله تبارك الله ... وش هالطاقيه الزينه والثوب الزين .. والكنب الزين ؟!!

ورى صورتك كذا ؟؟ انواع عدم الوضوح في الرئويه !!

بس واضح انك مملوح ودمك خفيف .. على جلسه هالتربيعه هههههههه


[/IMG

ماشالله تباارك الله هذي صورة حلوه ..

نقدم لكم اصغر شاعر قلطه بالسعوديه .. احس انك شوي وتقول ( حلووووها ) = يعني خلوووها
هالصورة ارشحها تكون بواجهه منتدى شعري او في قناة الساحه ... بعدين تعال يبو.. اخبر العقال اللى يميلوونه .. طاقيه مايله عند مين ذي بالظبط من الناس؟ ؟ههههههههه
صور حلوه الله يخليك لعين ترجيك .. واتوقع راح تعجب كل الاعضاء .. خصوصا ان لون سبحتك زرقاء ;)

المشاغب

إقتباس تصدق تحمست وكلمت ماجد مقبل.. وقلت له إذا سدحت صورتك بأسدح صورتي بس الظاهر أن أبو مقبل ( المزيون ) خايف من المعجبات الله ياخذهن

هلابك والله ومشكور على الاطراء اللى مااقتبسته من كلامك ..
ردودك وجهودك بعد معنا خلت الموضوع بهالشكل الحلو ...

بالنسبه لماجد .. انتظرها .. اذا مو اليوم بكرا بيسدح صورته .. بس يدور صور زينه اكيد

يبقى صورتك مشاغب .. اتوقع عدد الصفحات تخليك تتحمس وتسدح صورتك .. نستعيد الذكريات معا ( مهوب عاقل عندنا ولينا )
لاتبطي علينااااااااا ومعك الصوووره

الهنوف

إقتباس اثاريكم مماليح نبدا نفصفص الصوور

ومتى دورنا حنا نفصفص صوركم !! هههههههههه
لاتبطون علينا يالعنصر النسائي
وشكرا لك يالهنوف على تفاعلك وردوكم وتعليقاتك الجميله

إقتباس وانا اسفه يا ابو طلال على الرد بس ما اقدر لازم ا علللللللللق والا بنهبل

هههههههههههههه مااولمك انا بغيت مااداوم اليوم من المفاجئات في هالصور .. واصلا تعليقاتك هي ملح الموضوع .. يال ( قعنبه ) ههههههههه

حكر المنحكر

إقتباس هع هع هع هع موضوع حلو بس صورتي والله مالقيتها دورتها ومالقيتها

دورها مره ومرتين وثلاث .. ولاتجي الا والصوره معك ... ننتظر صورتك يالغالي
وشكرا لك ولمرورك

الماسه الزرقاء

إقتباس الموضوع محمس جداً يا ابو طلال ,, حمستوني انزل صوري ,, بس إذا القاضي وماجد مقبل والمشاغب نزلوها كلهم وفيو نزلتها ,, بنزل صورتي معلوووووومة على الطاير : في دهاليز المجلس العام القديمة بتلقون صور لبعض مشرفين المجلس العام ولأحد أعضاء مجلس الإدارة سابقاً ولأحد مؤسسي الشبكة ولبعض الأعضاء وهم صغااار ,, احد فيكم يسوي بحث ويطلعها <<<<فضيحة

هلابك والله اختي ... فعلا الموضوع كل لحظه يزيد حماسه وروعته بصور الاعضاء وبطلتكم الحلوه
المفروض انك تنزلين صورتك خصوصا انه مافيه الا ثنتين بس نزلن صورهن .. يعني المعجبين مقسومين على اثنين . . اسدحي صورتك وخلي القسمه على ثلاثه وشيلي شوي من حمل اخواتك الفتيات هههههه
شكرا لك اختي ونتظر اتخاذ القرار بتنزيل الصوره .. في اسرع وقت ممكن

إقتباس الرسالة الأصلية كتبت بواسطة خالد×خالد ابو طلال انت رهيب تصير صديقي

هههههههه نزل الصور وعطني يومين افكر ( مصدق )

يعطيك العافيه اخوي على المرور والحضور .. ولاتبطي علينا بسدح الصوره


ماجد مقبل

إقتباس هلا وغلا ماشاء الله ابو طلال وش ها الموضوع الرايق والله طلعت الخشش الزينة والوجهيات التجارية

هلابك والله ابو مقبل ... رايق بحضورك يالغالي .. وشكرا على المرور والحضور والتشريف

الموضوع منور بصور الاعضاء وزاد النور بحضورك .. بس نبي الصورة خل عنك

اكثر الاعضاء رابطين مساله تنزيل صورهم بتنزيل صورتك انت بالذات .. لاتبطي علينا .. ( حطهم امام الامر الواقع ) لاتبطيييييي همااه ؟؟

M e T o O o

إقتباس فيه خشش طيبه والله .. أكثر شئ عجبني في هـ الموضوع هو صآحبه أبو طلال .. مآ شآء اله عليه قدر انه يقلب الموضوع بـ وقت بسيط من موضوع ما فيه صورهـ وحدهـ الى أفضل موضوع حآلياً في التفآعل .. ان شآء الله راجع قريييب بـ صورتي .. تقبلون أبيض وأسود ؟؟ بــر رب

طيبه وبريئه وفيه بعض الصور فيها اجرام ولئم ..
الموضوع انتم اصحابه يالغالي .. ومشكور على هالاطراء اللى ماااستحقه
عجل علينا بصوووورتك .. ونقبل حتى لو تحط نقتف لصورتك .. ههههههههه انت هاتها بس
لاتبطي علينا


لولا الهلال ما عشت

إقتباس إذا لقيت لي صورة جبتها لكم ههههههاااي بس اذكروا ربكم <-----< وش عنده الزين ههههههه اليوم 12:06 PM

نذكر الله عليك وعلى غيرك .. وعجل علينا بالصوره

لاتبطي

الكــلاسيكي

إقتباس ماشاء الله تفاااااعل وحماااس .. وطلعتوا الغبار علينا . المفروض يابو طلال تكتب يمنع دخول مريضين الربو .. الصرااااحه ماشاء الله كلكم حلوووين .. عقبال مانشوف صور عيالكم سادحينها لنا هنا .. ماينفع صورتي وانا بنص ملابس على فكره ماجد مقبل متصل علي يقول وش لون انزل الصوره << وهقه ثانكس خيووو ابو طلال ع الموضوع الرائع .. دمتم بخير

هلابك والله كلاسيكي ... نورت الموضوع بحضورك
بالنسبه لصورتك تنفع على اي حال .. مااحد بيقولك ( تلت التلاته كام )

خلك من ماجد .. ماجد خلال هالاربع والعشرين ساعه لو مانزل صورته .. مسوين له خطه هههههه
نبي صورتك ولاتبطي علينا ... قل تم

أكثر شيء معجبني في الموضوع

اسلوب أبو طلال ال..... مدري وش اسميه

بصراحة مرت علي مثل هالنوعية من المواضيع بس يبقى لأبو طلال اسلوب مختلف

من القلب

تحية لأبو طلال

وتحية لاطفالنا الحلوين

<<<<<<<يقطف وردة احط الصورة ما احطها

واحد زاحف : إيه هين ما تغيرت

قسم بالله يوم شفت صورتك وأنت كبير تحطمت.. والله الصور تخدع

تدري منين جبت صورتك يالدب؟

دخلت موقع أخوك يزيد من رابط الصورة

بصراحة بديت أشك أن هذي صورك يالدبدووووب خخخخخ


مطيع الهميمي: توكل على الله وحط الصورة يا راااااقل .. مستحي ليه؟


أبو طلال: بالنسبة لصورة الحاتمي (طلال) ترى جبتها من موضوع سابق له.. ولا أنا ما أعرفه صراحةً ,,