حظيظ

صـبآح الخـيـر ..

جمـيـع لاعـبـي اليـوفي قـدموا مـستـوى جيـد , وإذا فيـه لاعـب يستـحـق النـقـد فـهو تريزيجيـه ..

دل بييرو كـآن المـدرب والمـوجـه دآخل المـلعـب والـفريـق مـحـتـاج لمـثـل هالنـوعيـه مـن اللاعـبيـن ..

كآنـت مهمـتـه صعـبـه بالـرجوع لوسـط المـلعـب واستـلام الكـره وصنـع الهجمـه , وأعـتـقـد إن يـاكوينتـا صـعـب يقـوم بـهـالدور ..

امـا من نآحيـة النرفـزه فأغلب لاعـبي اليوفي كآنـو متنرفزين تريزيجيه نيدفد نوتشرينو سيسوكو مو بس دل بييرو ..!!

ويكـفي الكنترول والعرضيـه حـقـت الهـدف ..

إقتباس الرسالة الأصلية كتبت بواسطة حظيظ (( قليل مستمر خير من كثير منقطع )) يعني لو لعب دلبييرو اخر ربع ساعه او عشرين دقيقه من الشوط الثاني ونشوف فيها دلبييرو بكل ماتعنيه كلمة دلبييرو أفضل من انه يلعب كل المباراة ومانشووف دلبييرو .. دلبييرو يضيع اربع فاولات !! دلبييرو يمشي وياطى الكوره !! ما ألوم دلبييرو لأن العمر له دوور ويأثر .. لكن الوم رانييري .. عقب ما نضحك بروما والريال الي يلعبون بعشر لاعبين عشان يجاملون توتي وراؤول على حساب لاعبين افضل منهم .. الحين صرنا مثلهم!! يا منجر يا رئيس يا رانييري .. حرام تشووه سمعت دلبييرو .. ياخي مهاجم واضح عليه انه تعبان ومتنرفز .. ما تطلعه ليش ؟؟ اول مره اشوف واحد يشوت فاول وهو يخانق !! ياخي معروف البلنتي والفاول لازم يكون اللاعب بكامل تركيزه .. وغالبا اللاعب الي تلقاه افضل واحد بالمباراة ما يشوت بلنتيات لأنه يفقد التركيز من المجهود الي بذله !! كابتن ومعصب !! ما زلت استغرب من ان اليكس الي بعمر 33 يلعب اساسي و ياكونتا الي بعمر 27 احتياط !! يا رانييري .. كابيللو هو اكثر واحد جلس دلبييرو احتياط وهو الي رجع دلبييرو لمستواه .. وهو الي خلانا نستمتع فيه ياا رانييري .. دلبييرو اذا دخل بنص الشووط الثاني يدخل بحماس الكابتن وبرووح المشجع وبمهاره خاصه بأليكس افضل بكثير من دخول ياكونتا كبديل .. أخيرا .. يا عمري يا نيدفد بس !! وياقلبي يا سيسوكو !!

وش بلاك على دلبيرو

بالنسبة لتوتي ما أشوف إن روما كان يجامل هالاعب لأنه فعلاً معطي ثقل مهوب هين لروما و راؤول يمكن بالسنوات الثلاث الماضية كان فيه مجاملة واضحة له و إن كان هالسنة يعطي أداء جيد و متصدر هدافين الريال

أما دلبيرو لو كان الكلام أول الموسم بكون معك قلباً و قالباً لأن دلبيرو كان أدائه نازل لكن بعد تجديد العقد بداء أداء دلبيرو يرتفع و أصبح الفريق لا غنى له

و من الظلم أن تقارن يوفي كابيلو بيوفي رانييري , لأن الأسماء على أيام كابيلو كانت لا تقهر و كان المركز الثاني يعتبر خسارة لنا بينما الفريق الحالي هدفه هو ضمان مركز مؤهل لدوري الأبطال و البناء من جديد لإستعادة مجده السابق

على وقت كابيلو كان فيه زلاتان و كان لاعب يمتلك مهارات ممتازة و يجيد اللعب في المساحات الضيقة بأستغلال مهاراته
أما الأن فياكونتا ممتاز بالمساحات الواسعة لسرعتة و لكن بالمساحات الضيقة صعبة عليه أنه يتجاوز لأن مهاراته الفرديه مش ذاك الزود

رانييري لما فضل دلبيرو كان بسبب مهارة دلبيرو الكبيرة و إنه يجيد اللعب بالمساحات الضيقة و خلق الفرص لغيرة مثل ما صنع اليوم هدف لياكونتا

أنا ضد إنه لا يشرك دلبيرو لكن ليه ما يلعب الثلاثة مع بعض مثل اليوم بعد غياب كامو

تريزيقيه قناص , ياكونتا سرعة و قوة , دلبيبرو مهارة و صناعة


و إذا كان على العمر أنت رديت على نفسك لما مدحت ندفد عمره 36 سنة و تقول كأنه شباب

إقتباس الله يعينك على سعد اول شي توتي وراؤول دايم مفتاح الفوز لفرقهم بعدين بالنسبه لديل بييرو يكفي تصلحية القول ,, وبالنسبه للفاولات شف الفاول الاول شلون طلع فاول واحد هو الي شطح بعيد لكن الباقي عادييات وبالعكس انا ودي كل المبارايات يكون فيها اساسي

صنع هدف وضيع اهداف .. وكلامي واضح تعب وكان المفروض يغير !!

والفاول الاول تراه براس كنفارو !!

وتذكر كابيللو دخل كامو عشر دقايق وشافه متنرفز وطلعه !!

اهم شي الجديه باللعب .. وان اللاعب يسوي الي عليه .. وتراني احب دلبييرو بس لو دخل بنص الشوط الثاني يكون افضل بكثير ..

وبالنسبه لتوتي !! احسن واحد يشووت بلنتيات بروما ههههههه .. لا والغريبه تلقى هجمه مرتده ويسجله فوزينيتش وتسمع المعلق الله عليك يا توتي .. انت الي تحركت صح وانت وانت كأنه هو الي مسجل هدف ..

ولا يلعبوون النص دي روسي ومانشيني وانواع التسحيبات وشي عادي عند المعلق وبالاخير يشوته مانشيني وتصبخ الحارس وترجع لتوتي ويسجله واسمع التقديس ..

توتي 2000 و 2001 وبعدها مافيه توتي ..

وبالنسبه لراؤؤل .. ياخي بالله عليك فريق عنده رونالدو وكان بأفضل مستوياته واوين فتى الليفر المدلل وقتها

ومورينتس القناص .. هالثلاثه يصير بينهم التغييرات وراؤول ثابت ..؟؟ ليش ؟؟

صدقني ماهو كره بدلبييرو .. بس ياخي شف كلامكم عنه بهالمباراة وانه 10\10 وهو الحسنه الوحيده الباص الاخير ..

مع انه ضيع فاولات وضيع كوره بعدها عن خط السته يارده متر واحد والثانيه جالس يتفنن يطقها بالكعب ويقدر يستلمها عادي ويشووت وكأن شي ما صار ..

كلنا شلنا على كابييلو لأنه يجلسه احتياط لكن بالاخير تبين انه صح وحنا الغلط .. واكره ماكنت اشوف ابرا المزاجي ..

لكن توي افهم ليش ..

مبروك الفوز

واحلى مافي المباراة صراحه المعلق الشاعر


بس باين عليه يوفنتساوي !!!

إقتباس توتي ههههههههههههههههه ممكن امشي لك تفضيل ياكونتا على دل بيرو لكن توتي توتي هذا افضل لاعب ايطالي حالياً لو تقولي حط قائمة افضل خمسة لاعبيين في العالم بحط من ضمنهم توتي توتي موب لاعب توتي فريق لوحده تحياتي

لك الف تحيه .. وبالنسبه لي افضل دلبيرو على توتي لأن دلبييرو فيه روح وهذاك لاعب عادي ظهر بموسم واحد بنادي صغير واغترو فيه لو لعب مع فيورنتينا جلسوه احتياط .. وصدقني لو يصاب اضمنلك ان الدوري لروما.. وحتى يوم كان بعزه شاف كابيللو ان مافيه فايده .. قال جيبولي باتيستوتا وابشرو بالبطوله ..

وجلس الدلووعه احتياط وخذو الدوري .. وماهو ان توتي ما يعرف يلعب بس انه مزاجي .. وغير كذا الحين مستواه ماهو زي يوم كان بعزه على دكة بدلاء كابيللو !!

بس عبدالرحمن بين وبينك نقاط تخالف كثيره .. وما اعتقد بيوم بنتفق .. ودامك تمدح رانييري فأنا ما راح اناقش معك.. لا بتوتي ولا اي نقاش ثاني ..

إقتباس بالنسبة لتوتي ما أشوف إن روما كان يجامل هالاعب لأنه فعلاً معطي ثقل مهوب هين لروما و راؤول يمكن بالسنوات الثلاث الماضية كان فيه مجاملة واضحة له و إن كان هالسنة يعطي أداء جيد و متصدر هدافين الريال

بالنسبه لتوتي يالله يشيل شنطته .. وخله من التفنن بس والتصاريح والله يذكر المان بخير !!

وراؤوول انا معك انه فيه روح وحماسي وهذي ميزه جيده .. وابقوولك شي أكيد انه بيصير هداف الريال هالسنه ..

لأن الرود مصاب والباقيت احتياط .. شلون تبيهم يسجلون !!

إقتباس أما دلبيرو لو كان الكلام أول الموسم بكون معك قلباً و قالباً لأن دلبيرو كان أدائه نازل لكن بعد تجديد العقد بداء أداء دلبيرو يرتفع و أصبح الفريق لا غنى له و من الظلم أن تقارن يوفي كابيلو بيوفي رانييري , لأن الأسماء على أيام كابيلو كانت لا تقهر و كان المركز الثاني يعتبر خسارة لنا بينما الفريق الحالي هدفة هو ضمان مركز مؤهل لدوري الأبطال و البناء من جديد لإستعادة مجده السابق على وقت كابيلو كان فيه زلاتان و كان لاعب يمتلك مهارات ممتازة و يجيد اللاعب على المساحات الضيقة بأستغلال مهاراته أما الأن في ياكونتا هو ممتاز بالمساحات الواسعة لسرعتة و لكن بالمساحات الضيقة صعبة عليه أنه يتجاوز لأن مهاراته الفرديه مش ذاك الزود رانييري لما فضل دلبيرو كان بسبب مهارة دلبيرو الكبيرة و إنه يجيد اللعب بالمساحات الضيقة و خلق الفرص لغيرة مثل ما صنع اليوم لياكونتا أنا ضد إنه لا يشرك دلبيرو لكن ليه ما يلعب الثلاثة مع بعض مثل اليوم بعد غياب كامو تريزيقيه قناص , ياكونتا سرعة و قوة , دلبيبرو مهارة و صناعة و إذا كان على العمر أنت رديت على نفسك لما مدحت ندفد عمره 36 سنة و تقول كأنه شباب

احترم كلامك بكل صراحه والنقاش معك ممتع ..

طيب بجي معك بالكلام ..

طبعا اليوفي اليوم لعب بخطه 3-5-2 ماهو بخطه 4-4-2 زي ما حطتها الجزيره

وفي حالة الدفاع تصير 5-3-2

قريقيرا ... ستانداردو ... كليني

حسن .... تياقو ...سيسوكو ...نوتشيرينو

نيدفد

دلبييرو ... تريزي

وواضح ان الفريق من بداية المباراة يلعب على الاطراف .. وعلى الارتداد الهجومي ..

بوجهة نظري لو ياكونتا اساسي حتى لو ما سجل بس يتعب المدافعين عشان اذا دخل دلبييرو تكوون خطورته المهاري افضل من لو ان ياكونتا دخل بالشووط الثاني .. لأن ياكونتا مهاريا صفر ..

__

وانا ما أقارن بين طموحنا بالفوز والخساره ولا اقارن فريقنا بفريق الانتر .. ولا اطلب من الفريق المركز الاول

لكن انا اتكلم ان دلبييرو تعب بالشوط الثاني ويلعب على الواقف .. وانه كان يستحق التغيير ..

وبالنسبه للي يقول ان تريزي ما كان بمستواه .. كلنا نعرف تريزي انه ماهو لاعب مهاري .. لكن عطه كوره يجيبلك هدف ..

وماوصلته الا كوره وحده وتأخر فيها ..

واذا انتم بتنقدون على تريزي فا أكيد انتم تتمنون بيعه وان يجيكم لاعب مهاري ..

ما تتمنون القناص والهداف ..

واليوم تريزي ماوصله كور .. وما احكم عليه !!

وحتى لو كان سيء وفيه لياقه احسن من اني العب واحد تعب !!

__

(( اتمنى ماحد يقولي ان دلبييرو افضل من ياكونتا لأني ادري بالكلام هذا .. لكن اللاعب تعب وماهو بمستواه بهالمباراة))

وبالنسبه لندفد ترا نيدفد حاله شاذه .. هذا هو وميكاليلي .. كل ما زاد عمرهم كل ما زان لعبهم ..

ماهو كل الناس اذا زاد عمرهم زان لعبهم..

مبروك الفوز

بصراحه فوز مستحق

بس جاء بشق الانفس بحكم ان نابولي مدافعين اخر دفاع

تيكت ايزي تيكت ايزي هذا اليوفي ياعزيزي

بصراحه انتم محسودين

كل المعلقين من محبين اليوفي

بعد الكعبي هاهو الطيب يعود للتألق من جديد

بس ياقدمه

رجعنا ايام اول

عن الثنائي اليكس ونيدفيد

اتمنى استمرار نيدفيد

لانه لاعب يعطي بلاحدود

بس ماكنه مولينارو ضغط على رجل لافيزي قبل مايمرره لنيدفيد

إقتباس احترم كلامك بكل صراحه والنقاش معك ممتع .. طيب بجي معك بالكلام .. طبعا اليوفي اليوم لعب بخطه 3-5-2 ماهو بخطه 4-4-2 زي ما حطتها الجزيره وفي حالة الدفاع تصير 5-3-2 قريقيرا ... ستانداردو ... كليني حسن .... تياقو ...سيسوكو ...نوتشيرينو نيدفد دلبييرو ... تريزي وواضح ان الفريق من بداية المباراة يلعب على الاطراف .. وعلى الارتداد الهجومي .. بوجهة نظري لو ياكونتا اساسي حتى لو ما سجل بس يتعب المدافعين عشان اذا دخل دلبييرو تكوون خطورته المهاري افضل من لو ان ياكونتا دخل بالشووط الثاني .. لأن ياكونتا مهاريا صفر ..

هي واضحة انا خطة رانييري كانت 3/5/2 و في بعض الحالات يتقدم كليني كظهير أيسر و بقاء ستانداردو مع قرقيرا قلوب دفاع أو تقدم قرقيرا مع بقاء كليني مع ستاندرادو بالدفاع

ليه ما يكون التشكيلة 3/5/2 و بهالطريقة

كليني .. ستندرادو .. قرقيرا

ندفد .. تياقو .. سيسوكو .. صالح

دلبيرو

تريزيقيه .. ياكونتا

و يكون ندفد على الجناح الأيسر و هو ممتاز دفاعيا و صالح من الجه اليمنى لأن كانت المشكلة أساساً من نوتشرينو الي كان جهته ميته إلين بدله

حتى أن رانييري غير الطريقة بعد ربع ساعة من الشوط الثاني إلى 4/3/3

لما دخل مولينارو و ياكونتا و طلع صالح و نوتشرينو و صارت التشكيلة زي ما ذكرت تقريبا بثلاثي هجومي و إن دلبيرو يصير صانع ألعاب


و صار دلبيرو صانع لعب خلف رأسي الحربة و ندفد راح كجناح أيسر و ياكونتا في بعض الحالات كان يلعب كجناح أيمن

إقتباس وانا ما أقارن بين طموحنا بالفوز والخساره ولا اقارن فريقنا بفريق الانتر .. ولا اطلب من الفريق المركز الاول لكن انا اتكلم ان دلبييرو تعب بالشوط الثاني ويلعب على الواقف .. وانه كان يستحق التغيير .. وبالنسبه للي يقول ان تريزي ما كان بمستواه .. كلنا نعرف تريزي انه ماهو لاعب مهاري .. لكن عطه كوره يجيبلك هدف .. وماوصلته الا كوره وحده وتأخر فيها .. واذا انتم بتنقدون على تريزي فا أكيد انتم تتمنون بيعه وان يجيكم لاعب مهاري .. ما تتمنون القناص والهداف .. واليوم تريزي ماوصله كور .. وما احكم عليه !! وحتى لو كان سيء وفيه لياقه احسن من اني العب واحد تعب !! __ (( اتمنى ماحد يقولي ان دلبييرو افضل من ياكونتا لأني ادري بالكلام هذا .. لكن اللاعب تعب وماهو بمستواه بهالمباراة)) وبالنسبه لندفد ترا نيدفد حاله شاذه .. هذا هو وميكاليلي .. كل ما زاد عمرهم كل ما زان لعبهم .. ماهو كل الناس اذا زاد عمرهم زان لعبهم..

تريزيقيه ما أحد يتمنى أنه يطلع بالعكس أغلب مشجعين اليوفي طامروا من الفرح لما جدد عقدة لأنه لاعب أستثنائي عطه كوره قدام المرمى و هو ينهيا لك ما طلبنا مهاجم يسحب لو على كذا كان قلنا ياكونتا المفروض يلعب أساسي على حساب تريزي لأنه يعرف يركض بالكورة !!

كل واحد و له دور المفاضلة بين ياكونتا و دلبيرو بالسابق و بداية الموسم كان دلبيرو أدائة نازل و كان المفروض أن ياكونتا أساسي لكن الأن دلبيرو مهم لأنه يجيد اللعب بالمساحات الضيقة و أيضا هداف و صانع ألعاب

ياكونتا مشكلتة لو ضغط عليه لاعب أحيانا تضيع منه الكرورة لأنه ما يعرف يسحب و يرقص الي قدمة عكس زلاتان لما كان باليوفي لأنه كان عنده مهارة فردية لما يلعب 1 ضد 1 , فالخيارات الي كانت عند كابيلو غير الخيارات الي عند رانييري

ندفد أنا معك إنه كل ما زاد عمرة ما يتأثر (( ما شاء الله )) و لكن أيضا دلبيرو لا يزال يقدم أداء رائع جداً و لو كان منخفض للعب كأحتياطي لأنه في بداية الموسم و لما كان أدائة متراجع حط ياكونتا أساسي و خلى دلبيرو على مقاعد البدلاء لكن بالتالي دلبيرو راجع نفسة و أستعاد بريقة

][.. تصريح رانييري ..][









رانييري يتحدث للسكاي " لابد ان نأخذ بالحسبان غيابات اللاعبين والذين كانو اكثر في الفورمه . اعتقد ان التشكيلة اليوم هي الاكثر ملائمه ضد هذا الخصم الذي يهاجم في المساحات بشكل جيد . في الشوط الاول وجدنا بعض الصعوبات , ولكن الشوط الثاني طلبت من الفريق النظر للمهاجمين اكثر وجلبت مولينارو وياكونتا . انا سعيد باداء اللاعبين "

" تياجو لعب مباراة ممتازه . شعر بارتياح في مركزه . لقد صنع العديد من التمريرات الجيده , فاز باكثر من كرة في الوسط . لعب مباراة عظيمه بالنسبة الي "

" لدي علاقة جيدة مع النادي . بعض الصحفيين يؤدون عملهم والبعض الاخر يحاول ان يخلق الخلافات ويزعزع الفرق الاخرى لكي يصنع اخبار . كيف اكون عصبي مع فريقي والذي يلعب بهذا الشكل في الدوري ؟ ماذا يريد المدرب اكثر ؟ اعتقد اني اقدم عملي بشكل جيد , والارقام تؤكد ذلك "









][.. تصريح مدرب نابولي ..][










" كافحنا في الشوط الثاني , لم يسمحو لنا بالاحتفاظ بالكرة . يجب ان تأخذون قوة اليوفي بعين الاعتبار , لكننا لعبنا مباراة جيده ايضا .كان هناك فاول للافزي قبل الهدف . وياكونتا احرز الهدف بطريقة جميلة ويجب ان نكون حذرين"

اخذت المختصر من كلامه

الف مبروووك الفوز


شفت الكلام اللي فوق الشباب ماقصروا حللوا المباراه وفصفصوا الفريق


سيسوكو افضل لاعب بالمباراه من وجهة نظري


كالعاده ياكونتا دايم ينقذنا


الله على تعليقك يالطيب ليتك تعلق على كل مباراه لليوفي


وتفكنا من ابو لحميه وخويه


بالتوفيق للبيانكونيري بباقي المواجهات

حظيظ موب شرط كل فاول يجيبه لنا أليكس !!


ماني مناقشك براؤول وتوتي ,,, لكن ديل بييرو رد على كل الي ينتقدونه بالملعب


وش ابي بابرا اذا انه اصغر واحسن مهارات ومايلعب بحماس بديل بييرو

شفنا شلون ابرا كان مزاجي ومع ذلك ديل بييرو يقعب بالاحتياط !!


ديل بييرو ضيع فرص صعبه وكل لاعب يسويها