ألف مبروك الفوز في مباراة او في شوط حماسي بكل ما تعنيه هذه الكلمه

مباراة جملها وزينها كثرت الاهداف وكثرة البلنتيات وقوة الحماس وكفوف زيبينا والكروت الحمر وللأسف ضعف المحاور ..

ألف مبروك فوز البيانكونيري وحصوله على ست نقاط كامله وثمانية اهداف في مباراتين

وألف مبروك تعادل أحد المرشحين للأسكودييتو وهذا التعادل الثاني للمرشح الثاني بعد الانتر .. وقد يكون الدور على روما في الاسبوع بعد القادم ..

مبروك لكل مشجع لليوفنتوس وخاصه اعضاء الرابطه وعقبال الاسكوديتو ..

عاد الحين برجع للأخبار وبعلق عليها

وطبعا وأكيد افضل لاعب والي بصوت له هو كامورنيزي...

اااخخخ يا ياليكس

وهذي شويه بحقك والله

إقتباس و يستاهل اليوفي الصدارة المستمرة للنهاية يا رب

امين

إقتباس يستاهل اليكس الجائزة .. و يستاهل اليوفي الصدارة المستمرة للنهاية يا رب " ابغى اسمع آمين " فترة الراحة الاجبارية .. ربما تساعد رانيري في ايجاد حلول لخط الدفاع الغير متفاهم !! التشيكي " قيريقيرا " بإعتقادي سيعود كقلب دفاع و ليس كظهير !! بالتوفيق لليوفنتوس و الهلاك للآخرين

آآآآآمييييييييييييييييييين يا رب..

بالتوفيق لليوفي والدمار للآخرين ..

أتمنى الجائزة هذي تعجل من حسم عقد الكابيتانو ..

وتعطيه دفعه معنويه ليقدم أفضل مالديه في هذا الموسم ..

إقتباس س1 // كيف ترى أداء اليوفي في مباراة كالياري و على أرضهم و كالياري معروف بأنه من أقوى الأندية على أرضها بالموسم الماضي

بكل صراحه أداء سيء وماتوقعت الفريق كذا واذا كالياري سوا كذا فكيف سيفعل باليرمو وروما وانتر وميلان وفيورنتينا ؟؟؟

إقتباس س2 // من هم أفضل لاعبين المباراة ,, و لماذا !!

أولا بوفون لأنه كان تقريبا المدافع الوحيد عن مرمى اليوفي ومامعاه مدافع جيد

وثانيا كامو الي ما صنع هدفين بل ثلاثة اهداف لأن الهدف الأول هو اخر واحد لمس الكوره لتريزي وكان الوحيد في خط الوسط ..

إقتباس س3 // ما هو رأيك بقرارات الحكم ضد اليوفي

البلنتيان صحيحين 100% وقراره بإلغاء البلنتي الثالث كان صائب لأنها واضحه جدا انها ضربه ركنيه ودخول كيلليني كان عالكره ولو حسبها كان يمكن ما كملت المباراة من القهر ..

الحكم كان جيد ولا عليه ملاحظات...

إقتباس س 4 // ما هور رأيك في تبديلات المدرب رانييري و قرائته للمباراة , و هل ترى بأن رانييري تأخر في أشراك كامو أم أنه أدخله بالوقت المناسب

بصراحه رانيرري كان غريب جدا ولو انا عنده كان ذبحته .. من أول دقيقه في المباراة ألكس ولا ألميرون ماكانو بيومهم وكان وجودهم بالفريق نقص ..

وكان المفروض انه يدخل نوتشيرينو في أول عشر دقائق من الشوط الثاني ...

وبصراحه انا استغرب من الي يمتدح كريسيتو .. مادري وش راح يسوي اذا وقف جنب ادريانو ولا ابرا ؟؟ لاعب جسمه ما يساعد وما اختلف معكم انه عنده فكر دفاعي ممتزا ..

لكن قصير ونحيف وكل الرفعات الي من عنده تصير على رأس المهاجم وشفنا هالشي في مباراة ليفورنو وفي مباراة كالياري .. انا افضل بوم بوم . أو حتى كثير الاخطاء ليقروتالي .. وما اتمنى ان كريسيتو يكون اساسي في المباراة القادمه ..

على مستوى المباراة الأخيره انا أستبعد الاسكوديتو .. الا اذا كان هناك تغيير بالتشكيله الدفاعيه ..

إقتباس ][.. رانييري " اداء عظيم للفريق ..][

على قولة الشوالي القرينتا هي الي كان لها الكلمه ولا ما فيه تكتيك من المدرب ولا فيه لمسات .. ما غير اجتهادات كامو ...

إقتباس جـآآئـزه مونتـي كآآآآرلو 2007 لدل بييـرو ..

يستاهل الملك

.....

بصراحه باقي الاخبار ما حبيت اعلق عليها لأنها رفعت ضغطي .. لا والمدرب يقول اللاعبين قدمو الي عليهم (( يا شيخ طير بس ))

والله يستر من اودينيزي

والله يستاهل الاسطووورة دلبييرو الف الف الف مبروووك
مع اليوفنتس القادم مذهلاً اكثر ...

السلام عليكم ورحمة الله وبركاته

مساء الزعامة والنقاط الثلاث الجديدة

ألف مبروك النقاط الثلاث اللي بالاضافة للنقاط الثلاث القديمة يصيرن ست>> بروفيسور رياضيات

وبهالمناسبة احب اهني جميع عائلة البيانكوريين من بيانكونيرات وبيانكوريين من محبين ومشجعين وخصوصا أعضاء رابطة البيانكونيري وعلى رأسهم معالي رئيس الرابطة فارس الزعيم وعضيده ونائبه وولي عهده الأمين سكرو القائد الأعلى للقوات البيانكونيرية المسلحة ..

والله أزين مافي هالمباراة إني ماشفتها ..!!

يقولون إن أعضاء الرابطة بغت تجيهم جلطات جماعية؟؟

وأنا اللهم لك الحمد فرحان ولاحسيت بأعراض جلطة

ولاجاني جواثيم >> خاصة جاثوم ليوقراتللي وزبينا..!!!

وبحكم إني ماشفت المباراة باقول ياجماعة الربع والله الايجابيات في العموم كثيرة

أهمها اللهم لك الحمد القوة الهجومية اللي مستعدة تجير النقاط للفريق في أي وقت وهذا الأهم..

ثلاث مباريات فيها 11 هدف بمعدل 4 أهداف تقريبا((بالضبط : 3.66)) >> معدل مرتفع

يعني بنظرة سريعة على الأهداف في الثلاث مباريات الماضية

4: تريزي ، 2: ياكوينتا ، وهدف لكل من: مولينار والميرون وصالح وكلليني ودل دل..

وبعد فيه ماشاء الله تبارك الله البديل الجاهز في عدة مراكز وبعد الجولة الثانية مافيه أحد ضمن خانته غير الأعمدة الخمسة الأساسية ومن وجهة نظري زانيتي..

على العمووم ترى فيه تطعيمه جديده >>>

هالتطعيمه ضد الجلطة

وترى مافيه منها تحاميل

بالتوفيق لليوفي وآسف لوكانت المشاركة مخالفة وحقكم علي واستروا ماواجهتم

الـيوم ، اللجنـه التـأديبيـه تـصدر حـكـمـاً بـحق زبييـنا ..



تـصـدر اللجنـه التأديبيـه اليـوم الـثلاثـاء حكمـاً تـأديبـاً بحـق اللاعب الفرنسي لاعـب يوفينتوس ، بـشـأن صـفعـه لأحـد المـصورين ، بعـد مـباراة فريـقه مـع كاليـاري على أستـاد سانتاايليا ..

اللجنـه التأديبيه صـارمـه بشـأن هـذه الأمور ، حـيـث تـم إيقـاف لاعـب كـاتـانيـا ( بالديني ) في الاسبوع الاول من الدوري لركله لاعـب بارمـا ( دومنيكو دي كارلو ) حـتـى 30 سبتمبر بسبب سـوء السـلوك ..

وعـلق رئيس الإتحـاد الايطالي جيانكارلو " حـادثـة زبيينـا وبالديني ، هـي الصوره الـسلبيـه اللتـي لابد مـن إزالتـها مـن الريـاضـه ، ويجـب ان لا تتكـرر ، يجـب أن نتعـلم من الصوره الجمـيله اللتي عمـل بـهـا مـيلان في مـباراته مـع اشبيليـه " ..

المـصدر