عن اذن ابو محمد ابدخل بالنقاش معكم



يا ناس اكيد ان اغلب الي ماتوا من جماهير اليوفي .. لان اصلا المنطقه المحايده الي هي محور السالفه كلها من جماهير اليوفي !!!

الغلط بالاصل على الويفا .. لانهم اول شي اختاروا ملعب متهالك و قديم

ثاني شي عارفين ان بلجيكا فيها جاليه ايطاليه كبيره و بالتالي من الطبيعي ان المنطقه المحايده تبي تكون مليانه بجماهير اليوفي فلعشان كذا المفروض على الاقل يحطون فاصل بين الجمهور او قوات مكافحه الشغب موب كاميرات !!!

ثالثا الملعب اخذ اكثر من طاقته الاستعابيه +الملعب متهالك + جماهير الليفر حشروهم بزاويه = جدار يطيح و ناس يدهسون و ناس يموتون !!

صح ان الجماهير غلطوا بس برضه المنظمين غلطهم اكبر !!

لو ان كان فيه رئيس قوي لليفر بذيك الفتره كان ما حصلت هالعقوبه اصلا او تبي تصير مخففه .. لان اصلا النادي محتج من قبل المباراه على الملعب و ان هيكله ضعيف و عارف ان بعض الاشياء تبي تحصل .. لانهم حاسبين امورهم من ناحيه الجماهير و التزاحم و الهوليقنز .. لكن تكابر المنظمين و اصرارهم هو السبب الرئيسي لهالسالفه !!

حنا ما ننكر انه ما فيه هوليقنز .. بس ترى حقين تركيا العن منهم و بواجد و لا عمرنا شفنا عليهم عقوبات !!


اما بالنسبه لتاتشر ترى كان اكبر همها منصبها و لا اصلا هي وش عرفها بالكوره .. قالت هالكلام علشان تكسب تأييد الاتحاد الاوربي لا اكثر و لا اقل .. الاتحاد الانجليزي ينحل .. الفريق الانجليزيه ما تلعب .. ليفربول يدفع تعويض .. كل هذا ما يهمها بالعاميه بقريح .. اهم ما عليها علاقتها مع الدول الخارجيه !!