بصراحه ربك ستر على الجمهور المتواجد من الظهر ...
احنا تواجدنا من الساعه 3 ظهرا .. الوضع كان جدا مزري والموضوع خطأ من الاتحاد السعودي المفروض ينهي مسابقاته من شهر 4 ميلادي لان احنا مو في باريس نلعب بعز الصيف .. الحراره داخل الاستاد في المدرجات قد تكون تجاوزت 46 درجه ليلا .. حر خيالي حضرت كثير مباريات ولكن زي هذا الجو ما قد شفت .. كان الجمهور كل شوي تلاقيهم يطلعون خارج المدرجات ويشترون مياه ويرشونها بالكامل على ملابسهم ويشربون مياه بشكل كبير .. واللي خلف الشاشات يعتبون على الجمهور يقول لك الجمهور ما يشجع .. وشلون يشجع وهو ينطبخ على نار هاديه من العصر ما عاد فيه حيل من الاجهاد .. توقعت الكثير من الاطفال وصغار السن يتعرضون لاجهاد حراري وياثر على صحتهم بالملعب ..
واللي زاد الطين بله لعب الفريق اللي كان يجيب الهم وسخن الجو اكثر لين ما كنا بننفجر ...

الله لا يعيدها من مباراة .. مباراة للنسيان