27/12/2007, 08:25 AM
|
 | محرر أخبار رابطة تشيلسي | | تاريخ التسجيل: 24/09/2007 المكان: On The Earth
مشاركات: 4,541
| |
 | إقتباس |  | | |  |
الرسالة الأصلية كتبت بواسطة هلالـــ الجنوب ـــي |  | | | | | | | | | بريمير ليق .. مجنووووووون .. متخلــــــــف .. مهبوووووووول .. مخبوووووووول .. مو في عقله .. وش تبوني أقول أقوى من كذا !
شاهدت متعة كروية قوية بالنسبة لي كمحايد .. ولكني شاهدتها بحكم حبي وعشقي للبلوز فكانت مهزلة كروية تحكيمية
لو تكلمت عن المباراة منذ بدايتها .. لكنت سأبدأ بالمدرب الفاشل .. الغبي .. أفرام جرانت .. يعني لو خذنا التشكيلة حبة حبة ..
الحراسة والدفاع صح .. الوسط هو نقطة الإختلاف .. إيسيان يلعب لوحده في الوسط ياناس لوحده مو مصدق إنه لوحده  احنا نقول إيسيان ماكينة .. إيسيان نحلة .. لكن ماتصدق هالكلمتين وتروح تلعبه لوحده .. أنا لا أختلف على كلام مورينيو يوم قال " إيسيان يستطيع الركض للأبد " لكن كل شيء له حدود ياجرانت .. فاليد الواحدة لاتصفق .. أوبي ميكيل قاعد بردان على الدكة ليييش مالعب أساسي .. ينقالي يعني بتلعب بيزارو علشان تبدأ المباراة بضغفط ورتم عالي .. وأنت أساسي تلعب بلاعب واحد وسط .. وفرانك لاعب صانع لعب فقط .. وليس مثل إيسيان أو أوبي أو ماكيليلي .. لاتهزم فريقنا ياجرانت عشان ترضي بيزارو ولا غيره .. محد قلهم يجون عندنا مادامهم يعرفون إن مالهم مكان .. ثم نروح نشوف الأجنحة نلقى كالو وجوي ونروح خط المقدمة نلقى بيزارو و شيفا .. وتكون الخطة على كذا .. 4 - 1 - 1 - 2 - 2 .. ولو جمعناها لخرجت الخطة بالشكل التالي .. 4 - 1 - 1 - 4 خطة عقيمة وقديمة ومغبرة كانت موجودة في السيقا .. حتى السوني ماحطوها !!
في بداية المباراة .. وجدنا ضغط " إمبليفيبل " من الفيلا .. وجرانت ساكت .. وجابوا هدف تسلل عيني عينك .. وجرانت ساكت و أصيب لامبارد وجرانت ساكت .. وتبديله للامبارد ببلاك غصباً عن اللي خلفوه راح يبدل .. ويتواصل الضغط وجرانت ساكت و يجبيوا هدف ثاني مال أم أمه داعي يا بيتر .. لكن مهما يقولون أنت الأول .. وجرانت ساكت .. ولولا بنلتي بالاك وطرد الحكم للمدافع كان رحنا في خرايطها وعلى معشب القلعة الزرقاء !!
الأحداث الغريبة اللي تستوجب الكلام عنها هي .. هي .. هي .. الشوط الأول كاملاً .. لكن لو تحدثت عن هدفهم التسلل .. ماذا تريدني أن أقول .. رفعة أجوبنلاهور كانت لكارو .. تعرفون وش معنى كارو .. يعني في بعير في الملعب قاعد يلعب معنا .. لو كانت آشلي يونق كان مشيناها صغير يمكن الحكم مالقطه .. لكن كارو .. كارو !!!!
أما بلنتي آشلي الغير محتسب .. أعتقد انه أوضح من بلنتي بالاك بكثير .. لأن الدفع عيني عينك .. وواضح وصريح .. لكن وش نقول !
خروج لامبارد ماكان في وقته أبد رغم أن بالاك أدى كل شيء يقدر عليه .. تمريرات .. هدف .. كنترول .. وكل شيء .. لكن نعيد ونكرر اليد الواحدة لاتصفق .. فإيسيان لايعاون بالاك لعدم وجود من يغطي مكان إيسيان إذا تحرك لأن أوبي ميكيل برى الملعب !
هدف الفيلا الثاني .. كان هدف ثقييييييييييييييل علينا كجماهير فتسديدة كهذه لاتدخل على بيتر إلا في أحلام اليقظة الساعة 3 بعد الدوام ! لكن يا بيتر أرجو أن تكون في قمة مستواك مجدداً كما عهدناك .
بلنتي بالاك كان بلنتي واضح والحمد لله إنه صكه بكرت عشان يتربى .. ويعرف إن الله حق .. وتسديدة شيفا كانت جميلة .
والخال ريو كوكر المفروض ينضبط بكرت من أول كورة دخل فيها على بالاك .. ويطرد في الشوط الثاني
الشوط الثاني شفنا صحوة من الفريق تقابلها هدوء وضغط في نفس الوقت من الفيلا .. هدف ولا أجمل من شيفا شقهم شق .. وهدف ثالث من أليكسينهو  بعد تمريرة شيفا الذكية وتسحيب أليكس بهم .. لا ومزع أمها بالباب .. لكن هدف رد سريع من الفيلا هو كان الغريب .. بيزارو كان كاسر التسلل على لارسون على ما أعتقد .. ولا هذي مو اهداف على تشيلسي .. الهدف الرابع لتشيلسي مش ممكن مش ممكن مش ممكن .. والله لو طول الحارس مترين ونص ماجابها .. طرد كارفاليو صحيح لكن كان ضروري من كارفا هذا التصرف .. أما المهزلة الأخيرة فلو تحدثت لبكرة ماقدرت أوفيها حقها .. آشلي شال الكورة " كعادته " لاعب دائماً يجلس على خط المرمى .. لكن يمكن الحكم كان عنده عمى .. أو ضعف نظر .. ربما .. آشلي شال الكورة براسة ثم ارتطمت بكتفه حسب مارأيت .. لكن وش نقول غير الله لا يوفقك من حكم ..
لفت نظري في الشوط الثاني خروج شيفا .. و بيزارو .. !! ليه .. وين رأس الحربة اللي يساندك .. و أوبي مادخل إلا متأخر .. وفيليبس دخل علشان يصنع كور للاعب الخفي حقنا قدام !!!
يارب نسمع بخبر المدرب الجديد قريباً .. اللهم استجب
أسوأ اللاعبين اليوم من قبلنا هم .. تشيك , كارفا , فيريرا , كالو , بيزارو
اعتبروا الرد اللي فوق رد على النقاش .. أما التقييم الرقمي للاعبين فهو ..
تشيك .. 4
آشلي .. 7
كارفا .. 5
اليكس .. 8
فيريرا .. 4
إيسيان .. 7.5
لامبارد ... ...
جوي .. 6
كالو .. 5
بيزارو .. 4
شيفا .. 9.5
....
بالاك .. 8.5
أوبي ... ...
فيليبس ... ...
جرانت ... صفر على الشمال
آسف على الإطالة | |  | |  | | نفس الكلام , احب ازيدك ان من اخطاء غرانت اليوم اشراك بيتر تشك الذي يعاني من الاصابه |
الوضع العادي
