إقتباس السلام عليكم .. فيه نقطه بتكلم عنها بعد إذن الشباب كلهم .. الرابطه نايمه نوم غير طبيعي .. كنا نتعلل ونقول الاختبارات سبب هالخمول .. ونحاول نلمِّح لبعض الاعضاء الله يهديهم انهم يلتزمون قوانين الروابط عشان ترجع الرابطه مثل ماكانت وأفضل . الهدف الرئيسي من تجمعنا هنا بالرابطه هو معرفة اخبار واوضاع المان ومناقشتها حسب شروط روابط الانديه العالميه ( إضغط هنا ) . لكن تحوَّل هالهدف .. أو بمعنى أصح أُلغي .. وصارت الرابطه شات 100% .. اللي يقول ياشباب انا بطلع بتطاق مع واحد !! واللي يقول حتوحشني !! واللي بيلعب سوني !!.. و ..و إلخ .. بطبيعة الحال حنَّا مانقول الوضع يكون رسمي .. وجدي 100% .. والكتابه باللغه العربيه الفصحى .. وشروط تعجيزيه .. فقط نبي الواحد منكم يتقَيِّد بشروط الروابط .. إلين يعرف الوضع هنا وبعدها يعرف كيف يخرج عن الشروط في فترات معيِّنه بدون ما يسيء للرابطه . مانبي نخسر الاعضاء اللي انظموا لنا .. لكن في نفس الوقت مانبي نكسبهم ونخسر اعضاء الرابطه الكبار .. وبعدها نخسر الرابطه .. مافيه احد ما يخطيء .. ومن اللي حواليه يتعلم الصواب .. انا استفدت كثير من كل اعضاء الرابطه ومازلت اتعلم منهم الكثير .. فأتمنى بعد من الجميع يستفيد من الرابطه واعضائها بالشكل الصحيح . واللي يشوف ان شروط الروابط تعجيزيه فأتمنى انه ما يهدم هالرابطه الكبيره اللي بنوها الاعضاء و اللي هي امتداد لكم رابطه افتتوحها الشباب وصارت من افضل الروابط قبل ما اعرف انا وش الروابط ووش النت . مافيها شيء الواحد اذا كان اخطأ يعتذر .. ويكمِّل على حسب الشروط .. فالرابطه للجميع بوفق الشروط .. ماودنا نشغل المشرفين في مشكله مثل هالمشكله هذي اللي بإذن الله بتنحل بشكل ودي .. للمره الثانيه اقول .. ماتكلمت إلا عشان مصلحة الرابطه .. واتمنى يعذروني الشباب .. ^ ^ هالكلام ذا طالع من القلب و كاتبه وانا مستعجل فـ أكيد بيصير فيه اخطاء اعذروني عليها .. فمان الله ..

..مشكور على تنبيهك اخوي محمد...

..وصراحه انا جديد على الروابط ....ومااعرف كل القواعد اللي اعرفه انه ممنوع النقل من مواقع عربيه...
..واااسف اذا صار مني شيء مخل بالقوانين....او اذا رديت برد يقلب الرابطة شات..واتوقع ان رديت كذا رد قبلها شات...

...واعذروني اذا صار مني شيء زي مااقلت...

...وراح يتعدل كل شيء ان شاء ..ومالكم الا اللي يرضيكم....ويسركم


....واي شيء ثاني انا تحت الخدمه

..

الله يعطيك العافيه ابوحميد .. ولاهانوا الشباب

إقتباس الرسالة الأصلية كتبت بواسطة hilalemooot شباب طبعا كلنا نعرف ان جدول الدوري نزل .. فنبي آرائكم فيه .. هل تشوف انه مرهق ؟؟ ايهما افضل جدول هالموسم ولا جدول الموسم الماضي ؟؟

الجدول ذا اول ثلاث جولات فيه .. توقيتها غبي .. سبت ,, ثلاثاء ,, سبت تقريباً
في اسبوع ثلاث مباريات . باقي الجولات كـ مبارياتها متباعده شوي

مع العلم ان في هالفتره ما اعتقد فيه التزامات كبيره للاعبين المان مع منتخباتهم مثل
الموسم الماضي ( كأس العالم ) تقريبا من بداية 2005 إلى نهاية 2006 اللاعبين
ما اخذوا راحه كافيه .. تصفيات كأس عالم .. الدوري 2005 .. كأس العالم .. الدوري
2006 .. يعني اتوقع هالموسم بإذن الله مافيه ارهاق ..

إقتباس الرسالة الأصلية كتبت بواسطة hilalemooot موكل اللاعب : باردسلي لم ينتقل للتوفيز !!

هالولد ذا بإذن الله هو اللي بيكون احتياط جاري وبيخلفه في المستقبل .. ما اعرف
مستواه .. لكن بما إنه صغير عمره حوالي 21 والسير متمسك فيه فـ أكيد السير ماتمسك
فيه الا انه عارف انه كفو ..
ان شاء الله يكون خير من يعوض نيفيل ..

إقتباس الرسالة الأصلية كتبت بواسطة hilalemooot مانشستر و تشلسي يتنافسان على كاسترو !

هذي الاخبار اللي ودنا نسمعها من أول .. نبي الاهتمام ينصب على تدعيم الاحتياط
بمدافعين .. ولو يجينا مدافع ايمن ممتاز وحبذا لو يكون يلعب في الظهير والسنتر ..
ويبقى هاينز .. يتأمن الدفاع عندنا بشكل كبيير

إقتباس الرسالة الأصلية كتبت بواسطة hilalemooot شارابوفا تختار رونالدو !!

مافيه ياشارابوفا .. الله يستر لا يضيع ولدنا بس

إقتباس الرسالة الأصلية كتبت بواسطة hilalemooot وتابع كريراند : " لكني ناظلت وتحصلت على مركز أساسي رغم وجود اسماء عظيمة في الفريق .. واعتقد ان روسي سيثبت وجودة لو تحصل على فرصة " .

الفرصه ماتجيه لحد عنده .. الفرصه هو يدورها .. لاعب متميز وله مستقبل لكن
مهما كان الولد صغير .. ومافيها شيء اذا قبل بأنه يكون احتياطي وبتجيه الفرصه
سواءً بإصابة او طرد أو إراحة المهاجم الاساسي وبعدها يثبت نفسه ..

روسي تصاريحه .. إن صَحَّت تدل على انه بيكون لاعب فرق صغيره .. بسبب رفضه
الباقء في مقاعد الاحتياط ..

إقتباس الرسالة الأصلية كتبت بواسطة عاشـ الموح الازرق ـق ..مشكور على تنبيهك اخوي محمد... ..وصراحه انا جديد على الروابط ....ومااعرف كل القواعد اللي اعرفه انه ممنوع النقل من مواقع عربيه... ..واااسف اذا صار مني شيء مخل بالقوانين....او اذا رديت برد يقلب الرابطة شات..واتوقع ان رديت كذا رد قبلها شات... ...واعذروني اذا صار مني شيء زي مااقلت... ...وراح يتعدل كل شيء ان شاء ..ومالكم الا اللي يرضيكم....ويسركم ....واي شيء ثاني انا تحت الخدمه ..

هذا العشم
القوانين سهله وواضحه .. ومافيه صعوبه الواحد يتقيِّد فيها ..
وإعترافك واعتذارك .. كفيل انه يخفف الخطأ .. أو حتى يطمسه
يعطيك العافيه

إقتباس هذا العشم القوانين سهله وواضحه .. ومافيه صعوبه الواحد يتقيِّد فيها .. وإعترافك واعتذارك .. كفيل انه يخفف الخطأ .. أو حتى يطمسه يعطيك العافيه

...انت اللي مشكور اخوي احمد على تنبيهك....وانا اعترفت بخطاي واذا الاعضاء الباقين اخطأوا اتمنى يعتذروووون

....شاكر لك تنبيهك

..

السير يواجه إبنه دارين



مواجهه تجمع السير اليكس فيرجسون وابنه دارين عندما يلاقي مانشستر يونايتد بقيادة
السير اليكس فريق بيتربروج في 4 اغسطس و ستحمل هذا المباراه اهميه كبيره لعائلة فيرجسون .

يقول دارين فيرجسون ( هي مباراة كبيره لي وللأنصار .. عندما تلعب مع سلتيك وليفربول
ومانشستر يونايتد .. حتماً انت تلعب مباريات قويه وهذا ما اتطلع اليه )

يضيف ( اعتقد بعنا 7 آلاف تذكره .. الجماهير يتطلعون إلى هذه المباراه .. ابي يقول انه
سيحضر نجوم الفريق لهذه المباراه .. وحتى لو لم يلعبوا هم سيحضروا لنرى وجوههم
في الملعب )

اضاف ( ابي يملك فريق ضخم مرصع بالنجوم .. هي ستكون مباراه رائعه .. سنحاول
ان نستفيد من هذه التجربه .. لأن مانشستر يونايتد بالطبع يلعب كرة قدم هي الافضل )

يقول أخيراً ( المباراه ستكون تمرين جيد وستكون لياقيه بشكل اكبر .. ابي قال انه
سيلعب بقوته .. لكن لا اعتقد ان يلعب بقوته بشكل كبير .. لكن ليس هناك شك انا اريد
ان اربح وهو يريد ان يربح )

المصدر

إقتباس شارابوفا تختار رونالدو !!

أفا وين أسمي

يلعن أم الفله لو أنا تقول شارابوفا وده تتنزه معي كان صرت أفضل لاعب بـ العالم

يالبى قلب شارابوفا وكريستي وأبو نوره

أبو حميد ثاني مره حط على وجهه مربعات لأني كذا أخاف أتفلت بـ الرابطه :p

يـ الله موفقين شباب ;)

إقتباس موكل اللاعب : باردسلي لم ينتقل للتوفيز !!

...والله فنان وان شاء الله يكون احتياط لغاري نيفيل الموسم الجاااااااي...

إقتباس مانشستر و تشلسي يتنافسان على كاسترو !

اول مره اسمع به ...لكن كذا بيصير الدفاع مأمن اذا غاب احد بدافع اصابه او مشتقاتها...

..

إقتباس شارابوفا تختار رونالدو !!

..ياليتس تفارقين عن ولدنا بس...تبي تخرب امه علينا


..


.....

خبر للترجمه
http://home.skysports.com/list.aspx?...m+Quagliarella

...اتمــنــــى انــكم تاااخذون بكـلام الاخ ( Carick 16 ) ...



...وان شاء الله برباتوووووف لو يجي للمان بيصير الهجوم كويس

..وبعدين يا شباب برباتوف باي رجل يشووووت



.....فـ مان الله
..

إقتباس الرسالة الأصلية كتبت بواسطة hilalemooot شارابوفا تختار رونالدو !! اعلنت لاعبة التنس الروسية ماريا شارابوفا انها أختارت قائمة من عشر مشاهير حول العالم ترغب في الخروج معهم للتنزة .. وجاء كريستيانو ورنالدو في المركز الخامس ;) وضمت القائمة كلاً من : John McEnroe James Bond Vladimir Putin Prince William Cristiano Ronaldo Adam Scott LeBron James Yao Ming Bono Orlando BlooM ][ المصـــدر ][

شي حلو وحظك يا كريس بس فلادمير بوتن أكيد مجاملة

إقتباس الرسالة الأصلية كتبت بواسطة Carrick 16 السلام عليكم .. اللي يقول ياشباب انا بطلع بتطاق مع واحد !! واللي يقول حتوحشني !! واللي بيلعب ^ ^ هالكلام ذا طالع من القلب و كاتبه وانا مستعجل فـ أكيد بيصير فيه اخطاء اعذروني عليها .. فمان الله ..

إقتباس الرسالة الأصلية كتبت بواسطة hilalemooot شباب طبعا كلنا نعرف ان جدول الدوري نزل .. فنبي آرائكم فيه .. هل تشوف انه مرهق ؟؟ ايهما افضل جدول هالموسم ولا جدول الموسم الماضي ؟؟

اتوقع اول اربع مباريات شوية صعبة باستثناء مباراة ريدينج

يعني بورسموث وسيتي خارج ملعبنا وتوتنهام على ملعبنا بالذات بورسموث قام بعدة صفقات جيدة هالموسم

لا اعتقد انه اصعب من ناحية قوة اول المباريات

إقتباس الرسالة الأصلية كتبت بواسطة هـلالـي الـى الأبـد يا شياطين هل صحيح أن ألان سميث وقع رسميا مع نيوكاسل!!!

إقتباس الرسالة الأصلية كتبت بواسطة hilalemooot شارابوفا تختار رونالدو !! اعلنت لاعبة التنس الروسية ماريا شارابوفا انها أختارت قائمة من عشر مشاهير حول العالم ترغب في الخروج معهم للتنزة .. وجاء كريستيانو ورنالدو في المركز الخامس ;) وضمت القائمة كلاً من : John McEnroe James Bond Vladimir Putin Prince William Cristiano Ronaldo Adam Scott LeBron James Yao Ming Bono Orlando BlooM ][ المصـــدر ][