ثلاث مباريات .. قلب دفاع .. هدفين .. الاسيست من ناني خااالع والجمب تبع بيكي اخلع .. وقطة الكورة اكثر خلاعة
المباراة كانت فرصة ممتازة للاعبين الشباب .. بصراحة توقعت يخافون من الجو بس خيبوا ظني الابطال .. كانوا يلعبون بهدوء وشفنا طقطقة كم مرة .. اللي شدني البارح غير بيكي وايفانز .. ايغلز وسيمبسون
خلونا من مباراة امس .. انا من انتهت المباراة دخلت بأجواء يوم الاحد .. مانشستر × ليفربول ... آرسنال × تشلسي
جولة ما تقدر تقول عنها شي من قوتها .. جولة ممكن تقلب الدوري فوق تحت .. كل الاحتمالات واردة .. ممكن مانشستر و ارسنال يفوزون وقتها الدوري بيبعد عن ليفربول و تشلسي خصوصاً الأول .
ممكن يفوز مانشستر وينهزم او يتعادل ارسنال .. عاد هنا وقتها مانشستر بيسرح بعييييييد بعيييييييد بالصدارة .. للحين اتذكر مباراتنا العام مع ليفربول وهدف اوشي ذيك المباراة صدق كانت منعطف فوزنا باللقب
باختصار الاحتمالات كلها واردة .. من انتهت مباراة روما امس بديت اخش بجو الكلاسيكو .. فيرغسون عنده كل الخيارات .. ممكن يلعب 4/5/1 و ممكن يلعب 4/4/2 .. ما ودي الاولى علشان رتم الفريق بـ 4/4/2 ماشي زي الفلّ .. ولما افكر بمعركة الوسط اقول ودي بـ 4/5/1 .. الشي المهم ماودي مستوى مانشستر العام مع الريدز .. صحيح فزنا بس كمانشستراوي تعودت على المتعة و الفوز مع بعض
الشي المهم ان الجانب النفسي بمصلحتنا .. ليفربول ممكن راح يدخل المباراة مشحون .. واذا دخل مشحون وسجلنا هدف بدري او عدت ثلث ساعة 0/0 وقتها بنفوز بإذن واحد أحد .. اهم شي لا يجي هدف بدري لهم .
فيرديناند - فيديتش - هاريغريفز .. اعتبرهم الجزء الاهم في هالمباراة .. اتمنى رافا يبتّل بتخبيصاته ويخلي كراوتش احتياط .. هالآدمي يسوي ربش خصوصاً ضد المان وفيردي
اللي أراهن عليه في هالمباراة .. أن روني يبي يسجل .. اهم شي ابيه مروق زي امس .. مانبي فكفكة تكفى رونالدو و ريزا ... غالباً رونالدو يتفوق .. اللي اتمناه صدق اربيلوا عند جيجز على الطاري .. فينان مصاب شي ؟؟ من زمان ما شفته .. وغيابة مؤثر صدق
متشائم شوي وغالباً تشائمي يجيب فوز ترى .. مباريات زي هذي اهم شي تركز اذا جتك فرص ولا تضيعها .. تيفز شغل كورة قدام الباب تحطها برى مانبيه
التوقع صعب .. لكن 1/0 هي الاقرب بمباريات زي كذا .
تشلسي و ارسنال .. تشلسي صعب مع ارسنال .. لكن غيابات البلوز ترجح كفة ارسنال .. هالمباراة ممكن يكون فيها اهداف .. اذا مالعب فابريغاس و هليب بيفوز تشلسي اتوقع .
احلى سيناريو ممكن يصير .. مانشستر يفوز .. تشلسي و ارسنال يتعادلون .. لازلت مصرّ ان تشلسي هو الفريق اللي ممكن ينافس سيزون كامل .. تشلسي رغم إصابتهم المتكررة لكنه ماشي صحّ .. لذلك تعادلهم مع فوزنا بيبعدهم و بنتصدر .. ارسنال سهالة ان شاء الله
عطونا آرائكم .
بالنسبة للفرق اللي نباريها .. كلها مو من مستوى مانشستر .. المفروض ما نخاف من فرق زي هذي .. مانشستر من افضل الفرق بالشامبيونز ولما تبي بطولة زي هذي لازم يكون عندك إستعداد لأي فريق
بالنسبه لمباراه الليفر , عندى احساس ان نيفيل يتظاهر بالاصابه عشان يرجع فى هالمباراه اصابه اوشى مهيب فى وقتها ابدا
السير اتمنى يلعب ب 4-5-1 رونى كرأس حربه و تيفيز يسانده . جيجز كما تعودنا منه الابداع فى المباريات الكبيره . كاريك المفروض يكون أساسى , تمريراته تسديداته خرافيه . عندى احساس انه بيسجل الهدف الموسم اللى فات ما سجل الا فى نص الموسم بهدف خرافى . فيردى لما يشوف كراوتش يخترش فيديتش ان شاء الله يلصق فى توريس لصقه اليمه أهم شئ فان در سار يكون صاحى الركلات الحره اللى يسددها جيرارد تخوف بقوه . تيفيز مشكلته انه متعود على ويست هام , متعود على انه هو الوحيد اللى يعرف يلعب . هذى المباراه أهم مباراه لحد الحين فلا ياخذ راحته فى منطقه الجزاء .
رونى بيكون نجم المباراه , الدفعه اللى عطاه اياها السير بتخليه يبدع موسم كامل . أفضل شئ فى مصلحه المانيو هو فوز المانيو و تعادل الآرسنال و تشيلسى و نآخذ الصداره و ما عاد نتركها .
آرسنال عنده فان بيرسى و فابريجاس مصابين و هيلب بعد , تشيلسى عنده دروجبا و مالودا و تشيكه توه راجع من اصابه .. كلهم عندهم اصابات بس الكفه ترجح آرسنال لعامل الجمهور آرسنال بدأ بدايه قويه هذا الموسم بس مشكلتهم نفسهم مهوب طويل , تشيلسى صحيح ان مدربه الله يخلف بس مورنيهو زرع فيهم حب المنافسه و القتال .
بالنسبه لقرعه أبطال اوربا , و لا فريق منهم نقدر نقول يوازى المانيو . صحيح ان سيلتك نشبه مع بارى فيرجسون و هوتون , ليون عندهم كم لاعب خطير بس ما فيه احد فيهم يقدر يمر من فيردى . شالكه يخوفون شوى مع كيفين كورانى . و احنا الحين عندنا فريقين كلاهما مستوياتهم ممتازه .
متى تتوقعون يرجع نيفيل بارك ان شاء الله باقى له كم اسبوع و يرجع , سكولز باقى له شهرين , ساها لحد الحين ما جته اصابه ( ما شاء الله ) .
.. بالنسبة لمباراة القمه !! أعتقد الفوز ليس بالأمر الصعب نوعًا مآ ! الليفر بدأ الموسم ببدايه قويه لم يخسر الا مره واحده وتعادل في كثير من المباريات , المان يلاقي الريدز في قمة مستواهـ ! وهذي نقطه تحسب لنا ! لكن اصابة اوشي مش بوقتهآ بس في من يغطي مكانه ! أنا أفضل اللعب بـ 244 الثنائي الهجوم روني وتيفيز الأفضل عالميًا بعد ثنائي هجوم المانيا مدري منهم نسيتهم , هم حيين الى الحين ؟ وجيجز و هاري و رونالدو و اندرسون في الخلف ! وفيردي وايفرا وبراون وفديتش في الدفاع !! أعتقد هذي افضل تشكيله لدكـ حصون الريدز ! في الشوط الثاني يطلع براون ويدخل كاريك , وهاري يبدل لـ ظهير أيمن وكاريك كمحور ثاني مع اندرسون !! وأتوقعهآ بصرآحه 3/1 للمان يونايتد !! ,
مكتوب فى الشرق الأوسط انه صار مدربهم رسميا .. بس ما لقيت اخبار فى النت ..
**
][ اوشى يأمل بأن يعيد الموسم .. ][
جون اوشى يأمل بأن يعيد مستواه فى مباراه يوم الاحد بين مانشستر يونايتد و الليفر . اوشى سجل هدفا فى الوقت الاضافى بعد ان كان المانيو يقدم اسؤا مستوياته فى الموسم الماضى .
لاعب ايرلندا الدولى عانى من اصابه فى الاربطه فى مباراه روما ( ابطال اروبا - تعادل ايجابيى 1-1 ) و هو يعلم تماما انه سيكون فى الدكه اذا ما كان جاهزا . و لكن اوشى يعترف بانه سيفكر فى مباراه الموسم الماضى .
" ما حدث فى الانفيلد الموسم الماضى يمكن أن تكون أفضل لحظه ف مسيرتى . أنا واثق بأنها ستكون فى ذهنى يوم الأحد خصوصا اذا دخلت فى اخر الدقائق و النتيجه متعادله . "
اوشى وقع مؤخرا تمديد لعقده ليبقيه فى الأولد ترافورد حتى 2012 , بالرغم من أنه نادرا ما يكون أساسيا فى التشكيله , صاحب 26 سنه أصر انه لم يفكر ابدا بترك أبطال انجلترا .
" لم يخطر على عقلى أن أذهب . طبعا أريد ان العب مباريات كثيره و لكن فى الوقت نفسه , أنا متعلق فى كل المباريات و اعلم بأننى سأحصل على فرصتى . "
" الخيار بأن أبقى كان سهلا و توقيعه و بنوده كانت جيده و سريعه . عندما تنظر للنجاح الذى حققناه و المواهب فى الفريق , و هذا يدعم جيدا للمستقبل . و هذا شئ أريد أن اكون جزءا منه . "
والجمب تبع بيكي اخلع 
.. جولة ممكن تقلب الدوري فوق تحت .. كل الاحتمالات واردة .. ممكن مانشستر و ارسنال يفوزون وقتها الدوري بيبعد عن ليفربول و تشلسي خصوصاً الأول .
الوضع المتطور
