باك

المرمى الايسر والمرمى الايمن كل مرمى استقبل ثلاثة اهداف لا وبعد كل حارس
استقبل ثلاثه .. شغل عدل

الشوط الثاني للنزهه .. قابلنا خصم سهل جداً جداً ياسعود ..

ايغلز .. هدف مجنون .. ومستوى رااااائع الى ابعد الحدود .. اتمنى هاللاعب ما يفرط فيه
سواءً بإعاره او بيع .. مثل هاللاعب لو يعطى فرصه مثل الفرص اللي اخذوها غيره ..
انا واثق بنشوف نجم خرافي في المستقبل القريب جداً .. فرصته تكون في مباريات
الكارلنغ والـ FA و بعض مباريات الدوري وتحديداً مع الانديه اللي ترتيبها من 15
وتحت ..

الولد ذا اسطوره قادمه

سميث .. ياشيخ استح على وجهك ياشيخ .. انفرادتين اضاعها بصوره تفشل ..
خصوصاً الانفراد الثاني .. لاعب يواجه الحارس وقدامه 7,42 متر .. ويلعبها في حارس
المرمى !.. مثل هالفرصه نقشه من فوق الحارس .. او تمويه وتلقى الحارس منسدح
حاسة التهديف عنده صفر مكعب هالسميث
اما اذا سوى فيها ورجع للخلف كـ مهاجم متحرك نشوف العجايب .. تمريرات سيئه .. وتحركات
عشوائيه .. تأخر في عملية التمرير .. الاستجابه عنده بطيئه من حيث اللعب الجماعي ..
ميزته الوحيده اذا لعب محور يستطيع تربيط ومراقبة صانع العاب الخصم .. وهالشيء مستحيل
بوجود محاور متميزين ..
ارحل ياشيخ

لاعبين الدفاع كلهم .. ماواجهوا اي خطوره او ضغط يذكر .. بسبب تواضع الخط الامامي للخصم

فليتشر .. اكثر لاعب من بين اللاعبين اللي مباراه بعد مباراه تجد مستواه يتطور بشكل مذهل ..
غير كذا يجيد اللعب في مركزين المحور والجناح .. وايضاً الظهير ان استدعى الامر هالشيء ..


كاريك .. لو اني العارضه كان ارتفعت شوي ولادخلت الكوره طحت .. بوجوده تكتمل هيبة
الوسط من ناحية التنظيم والتحكم والسيطره على خط الوسط .. تمريراته سواءً البينيه او
التمريرات الطويله مستحيل يخطئ فيها .. متميز في مساندة العمليات الهجوميه ..
في المسانده الدفاعيه وتكتيف ومراقبة مفاتيح اللعب في وسط الخصم يعتبر مقبول او جيِّد فيها
.. لكن بوجود هاري المحور الدفاعي الرائع بيتفرغ كاريك لمهام الاستلام والتسليم وامداد
خط الهجوم أكثر .. وهالشيء بيفيد الفريق اكثر

روني .. حتى وان كان متألق الموسم الماضي وكان من العوامل المهمه في نجاح الفريق ..
الا انه كان يعيب عليه التسرع امام المرمى + عدم التحكم باعصابه والاعتراض على
قرارات الحكام ..
الاولى اشوف انها اقترب زوالها .. اصبح اكثر هدوء وتركيز امام المرمى .. والثانيه
ان شاء الله في الطريق ..

على طاري الحكام من شاف الحكم الشديد اليوم .. قسم بالله فشلوا آسيا .. مباراه
وديه يادرج ماتحتاج لكل هالشده والعصبيه

المباراه الجايه حلو انها يوم جمعه .. حتى الواحد يشوفها كامله :sad: .. اليوم 10 دقايق
ع المباراه و3 دقايق عند هالعمال

شباب ياليت احد يسعفنا بهدف رونالدو الشوط الثاني .. للاسف ماشفتوش :sad:

اليوم افتقدنا سكولز .. ياليت احد يشوف لنا وش قصته .. ماشفته مع الاحتياط
لايكون مصاب بس :sad:


برجع لكم بعد شوي

إقتباس الرسالة الأصلية كتبت بواسطة hilalemooot ^ ^^ ^^^ و بدأ المسلسل : سكولز يغيب لمدة شهر !!

:sad: ..
ان شاء الله بس مانسمع عن اصابات أخرى ..
الاصابه بإذن الله سهله مثل ماقال السير .. ان شاء الله الفريق ما يتأثر بغيابه :sad:

إقتباس الرسالة الأصلية كتبت بواسطة hilalemooot فيرغسون : المنافسة ستكون رباعيّة !!

إقتباس الرسالة الأصلية كتبت بواسطة hilalemooot فيرغسون : مدراء أعمال هاينز سبب كل المشاكل !

تصاريح هاينز تؤكد رغبة بالبقاء اذا كان من ضمن خط السير الموسم المقبل .. والسير
يؤكد عدم انتقاله لليفربول فقط .. وكأن السير يقول هاينز بينتقل لكن موب لليفربول !

ما ادري وش سبب عدم اهتمام السير ببقاءه ..

السير الاحظ انه مهتم بسلفستر كثير بهالجوله .. ويمكن مركز الظهير الايسر فقط اللي
ماشفنا فيه لاعب ناشيء او صاعد من شباب الفريق .. ويمكن السير من ضمن خططه
الابقاء على ايفرا وسلفستر فقط ..

بالنسبه لوكلائه مايقدرون يجبرونه على شيء هو ما يبيه ..

الله يكتب اللي فيه الخير

إقتباس الرسالة الأصلية كتبت بواسطة hilalemooot رئيس وست هام : تيفز سينتقل قريباً !!

السلام عليكم

روني رونالدو قمة في الأداء اليوم في المباراة .. ناني مستوى ولا أروع بالنسبة لأول مباراة
جوني إيفانز أتمنى من فيرغسون المحافظة الولد عنده مستقبل يا ناس قيقز كل يوم تثبت انك بطل
إيغلز تحس في لعبه انه فنان


ومشكورين على الأخبار يا شباب

إقتباس الرسالة الأصلية كتبت بواسطة hilalemooot رئيس وست هام : تيفز سينتقل قريباً !!

جيل واثق من استمرار جيجز



تشير الاخبار انه الى الان الرئيس التنفيذي لمانشستر يونايتد لم يفتح المفاوضات مع
الويلزي الطائر راين جيجز .

ذو الـ33 عاماً له سجل حافل بالانجازات , فقد ربح البريمرليج 9 مرات وتبقى له 43
مباراه فقط ويكسر رقم السير بوبي تشارلتون .

يقول جيل ( نحن لم نتحدق مع جيجز بشأن التجديد إطلاقاً .. نحن نثق به وهو بالتأكيد
يثق بنا )

يضيف ( نحن سنتكلم في القريب عن تجديد عقده .. لكن أؤكد اننا لم نحدثه بعد )

المصدر

إقتباس الرسالة الأصلية كتبت بواسطة MR.DL5 اقول شباب يــ ليت احد يجيب لنا اهداف مباراة اليوم .. مشكلة الي فاتته المباراة !

هذا الرابط بس اوله سخيف بس ما لقيت الا هو اسفه:
http://www.youtube.com/watch?v=Zda-_-qe1w8

السير سعيد بمستوى ناني والفريق بشكل عام



أبدى السير اليكس فيرجسون مدرب الشياطين الحمر سعادته بالظهور الاول للجناح
البرتغالي لويس ناني وبمستوى الفريق وسحقه لخصمه بنصف درزن مقابل لاشيء .

ناني سجَّل الهدف الثالث لمانشستر يونايتد في مباراته قبل الاخيره في الجوله الآسيويه
على ملعب مكاو .

يقول السير ( في اول مباراه يسجِّل هدف .. اتمنى ان يستمر على هذا المنوال .. عائد
من الاصابه وفي اول مباراه .. لاشك اني مسرور بذلك )

السير اليكس في هذه المباراه اشرك 19 لاعباً .

يقول السير ( اردت اشراك اكبر قدر ممكن من اللاعبين .. هذا بمثابة تمرين يجعل
اللاعبين جاهزين .. وهذا ما اريده قبل بداية المنافسه )

يضيف ( استطعنا ان نعمل ذلك .. اشركت سبعة لاعبين بالشوط الثاني وهذا امر رائع ..
في آخر مباراه سوف اشرك مجموعه من الشبان كـ باردسلي وسيمبسون ودونج وقت اطول )

اضاف ( جيبسن الذي عاد من الاصابه قدم اداءً جيد في منتصف الملعب .. اثبت ان
قرارنا كان مناسباً في استقطابه .. هذا من نتائج كشافينا )

مانشستر يونايتد واجه صعوبات بالرغم من تواضع مستوى شينزهن الصيني وذلك بسبب
الرطوبه في مكاو .

يقول السير ( وجدنا صعوبه نوعاً ما في الحراره المرتفعه .. والرطوبه كانت عاليه ..
المهم اننا حققنا الاهداف .. هم كانوا جيدون جداً )

يضيف ( في المباراة الاولى لم نقدم مستوى جيِّد .. لكن في المباراه هذه والمباراه السابقه
قدمنا مستوى جيد جداً )

المصدر