باك

المرمى الايسر والمرمى الايمن كل مرمى استقبل ثلاثة اهداف لا وبعد كل حارس
استقبل ثلاثه .. شغل عدل

الشوط الثاني للنزهه .. قابلنا خصم سهل جداً جداً ياسعود ..

ايغلز .. هدف مجنون .. ومستوى رااااائع الى ابعد الحدود .. اتمنى هاللاعب ما يفرط فيه
سواءً بإعاره او بيع .. مثل هاللاعب لو يعطى فرصه مثل الفرص اللي اخذوها غيره ..
انا واثق بنشوف نجم خرافي في المستقبل القريب جداً .. فرصته تكون في مباريات
الكارلنغ والـ FA و بعض مباريات الدوري وتحديداً مع الانديه اللي ترتيبها من 15
وتحت ..

الولد ذا اسطوره قادمه

سميث .. ياشيخ استح على وجهك ياشيخ .. انفرادتين اضاعها بصوره تفشل ..
خصوصاً الانفراد الثاني .. لاعب يواجه الحارس وقدامه 7,42 متر .. ويلعبها في حارس
المرمى !.. مثل هالفرصه نقشه من فوق الحارس .. او تمويه وتلقى الحارس منسدح
حاسة التهديف عنده صفر مكعب هالسميث
اما اذا سوى فيها ورجع للخلف كـ مهاجم متحرك نشوف العجايب .. تمريرات سيئه .. وتحركات
عشوائيه .. تأخر في عملية التمرير .. الاستجابه عنده بطيئه من حيث اللعب الجماعي ..
ميزته الوحيده اذا لعب محور يستطيع تربيط ومراقبة صانع العاب الخصم .. وهالشيء مستحيل
بوجود محاور متميزين ..
ارحل ياشيخ

لاعبين الدفاع كلهم .. ماواجهوا اي خطوره او ضغط يذكر .. بسبب تواضع الخط الامامي للخصم

فليتشر .. اكثر لاعب من بين اللاعبين اللي مباراه بعد مباراه تجد مستواه يتطور بشكل مذهل ..
غير كذا يجيد اللعب في مركزين المحور والجناح .. وايضاً الظهير ان استدعى الامر هالشيء ..


كاريك .. لو اني العارضه كان ارتفعت شوي ولادخلت الكوره طحت .. بوجوده تكتمل هيبة
الوسط من ناحية التنظيم والتحكم والسيطره على خط الوسط .. تمريراته سواءً البينيه او
التمريرات الطويله مستحيل يخطئ فيها .. متميز في مساندة العمليات الهجوميه ..
في المسانده الدفاعيه وتكتيف ومراقبة مفاتيح اللعب في وسط الخصم يعتبر مقبول او جيِّد فيها
.. لكن بوجود هاري المحور الدفاعي الرائع بيتفرغ كاريك لمهام الاستلام والتسليم وامداد
خط الهجوم أكثر .. وهالشيء بيفيد الفريق اكثر

روني .. حتى وان كان متألق الموسم الماضي وكان من العوامل المهمه في نجاح الفريق ..
الا انه كان يعيب عليه التسرع امام المرمى + عدم التحكم باعصابه والاعتراض على
قرارات الحكام ..
الاولى اشوف انها اقترب زوالها .. اصبح اكثر هدوء وتركيز امام المرمى .. والثانيه
ان شاء الله في الطريق ..

على طاري الحكام من شاف الحكم الشديد اليوم .. قسم بالله فشلوا آسيا .. مباراه
وديه يادرج ماتحتاج لكل هالشده والعصبيه

المباراه الجايه حلو انها يوم جمعه .. حتى الواحد يشوفها كامله :sad: .. اليوم 10 دقايق
ع المباراه و3 دقايق عند هالعمال

شباب ياليت احد يسعفنا بهدف رونالدو الشوط الثاني .. للاسف ماشفتوش :sad:

اليوم افتقدنا سكولز .. ياليت احد يشوف لنا وش قصته .. ماشفته مع الاحتياط
لايكون مصاب بس :sad:


برجع لكم بعد شوي