افضـل نجومـ الموسمـ " تــوب 10 " .. - نادي الهلال السعودي - شبكة الزعيم

MkAbEr · #1 22/05/2007, 03:09 PM

طبعــا كلكمـ يالنشـامي تعـرفـون هالموقـع ..
واحـد من اشهـر واكبـر المواقـع الكرويـه العالميـه , اختصاص ساحـر مستديره فقـط ..
ومشهـور بأخبـاره الطـازه واحصائياتــه الموسميـه ..

عملـو احصـاء قبـل فــتره بسيطـه " حسب وجهـه نظر الموقـع " ..
ذكـرو فيـه افضـل 10 لعيبـه في العالمـ عن هالموسمـ " تــوب 10 " ..

وكانــت النتيجـه كمـا يلـي ..

1-

تقريبـا هناكـ شبـه اجمـاع ان هالصـاروخ البرازيلي نبـر اونـو هالموسمـ ..
كانت المفاضلـه صعبـه بينـه وبين كريستاينـو ..
لكـن مواجهـه الاحمريـن الميـلان والمـان في الشامبيونز فضــت هالاشباكـ واكدت افضليـه الجوهـره البرازيليـه ..
على نظريتهـا البرتغاليـه ..

الميـلان يديـن بالفضـل لهالبرازيلي في وضعيــته الايجابيـه جـدا في الشامبيونز والكالشيـو ..
حسب شوفـه اوضاعـه المتأزمـه قبـل بدايـه السيـزون ..

بعـد انتقـال شيفـا الى البلـوز قالـو ان الروسونيري راح في خرايطهـا وضـاع بيـن الرجليــن ..
خصوصـا ..
بعـد ظهـور فضائـح الكالشيـو بولي اللي كـان النـأدي احد ضحاياهـا ..
والكثير بل الكـل الا القلـه القليلـه قالـو خـلاص .. هالموسمـ بيكـون للنسيـان للميلانيـه وفكـرو بس في فض ..
غبـار المصائب اللي تحبـط بالنـادي من كـل جانـب ..

لكـن ..
هالبرازيلي كانــت له كلمـه اخـرى ..
وقـدر يحقق امـر شبهـه البعض بمعجـزه , وصـول الى نهائي الشامبيونز ..
وتخطـي فرق اوضاعهـا افضـل بمراحـل من الميـلان اللي كـان في عـده مناسبـات على حافـه الانهبـار ..
لعـب دوره كصانـع العـاب وتقمـص دور الهـداف , وشكـل بالفعـل اكثر من نصف قـوه الفريق ..

2-

مافي شكـ ان هالبرتغـالي كـان ظاهـره هالموسمـ ..
وكـان ممكـن جـدا يكـون تـوب 1 , لكـن ماــتش الميـلان الاوروبي وتحديدا سقوطـه امامـ كاكـا في مواجهـه ..
مباشـرهـ ضيعــت عليـه الافضليـه ..
هالثنائي تواجهـو في وقــت مـا من هالموسمـ في امارات ستاديـومـ في لقـاء دولي ..
دانــت الافضليـه فيـه لرونـالدو بشكـل واضـح وقـاد منتخبـ بلادهـ لفـوز بثنائيـه ..
لكـن ..
بكل تأكيـد النتائـج الحقيقيـه تؤخـذ بالرسميـات ..

الغريب ان كـلامـ كثير قيـل عن بقاءه مـع المـأن بعـد المونديـال الماضي بعـد الحركـات النص كومـ ..
اللي عملهـا قدامـ الانجليز ..
وكان سبب في خروجهمـ بخفـي حنيـن وثـوره الانجليـز عليـه ..
حــتى روني توعـده في حاله مواجهــته عند العـوده لانجلتــرا ..
وكان قريب اوووي من مغـادره المـان والتوجـه الى الليجـا تحديدا ريـال كان او بارسـا ..
وقالـو ان هالحـل هو الافضـل للاعـب على اعتبـار انه بقاءه في انجلتـرا بيعرضـه لكثير من المشـاكل ..
وبالتالي هالشيء بيتعكـس على مســتواه ..
لكنـه انصـاع في النهايـه لطلـب السيـر وبقـى وشهـد تغير كلي في مســتواه ..
رونـالدو اللي عهدنـاه قبل هالموسمـ انـاني ويلعـب لنفسـه صـار اكثر اللاعبيـن في البريمرليـج ايجابيـه ..
لنفسـه ولفريقـه ..

وصيف هدافي الدوري واحـد اكبر صنـاع الاهـداف فيـه ..
وفــوز كاسـح بجائـزه افضـل لاعب في الدوري الافضـل هالموسمـ بشبـه اجمـاع ..
كان عامـل جوهري في قيـاده الريد ديفلـز للبريمر التاسـع ويقـال ..
ان رونـالدو هالموسمـ = المـان

3-

مستغـرب مثلكمـ ..
رونـالدينو هالموسمـ متش فورمـه حالـص ..
وكثير يرون ان اختيـار ميسي كـان ممكـن يكـون اكثر منطقيـه ..

رونالدينهـو هالموسمـ كان ضحيـه اشيـاء كثيره ..
ارهـاق مونديـالي صاحبـه خيبـه امـل كبيره وتشبـع مع البارسـا على اعتبـار انـه حقق كل شيء في الموسميـن ..
الماضييـن على الصعبـد الجماعي والشخصي ..
ليجـا وشامبيونز وكـل الجوائـز الفرديـه الممكنـه مـا فقـده الحافـز ..

لكـن لو نـروح للغـه الارقامـ , اللغـه الاولى في عالمـ كـوره القدمـ ..
رونالدينهـو ايجابي جـدا ..
رابـع هـدافي الليجـا واكثر لاعـب برشلونـي صناعـه للاهـداف وتأثير ..

عـاني هالموسمـ كثير وحمـل الفريق على اكتافـه بعـد اصابـه ميسي وايــتو ووقــت ماعـاد هالثنائي ..
وكأنـه قـال " عملــت اللي علي والباقي عليكمـ " ..

كـلامـ كثير قيـل ويقـال عن الساحـر هالموسمـ ..
لكـن نكتفـي بهـذا القـدر ..

4-

هالموسمـ بدون شكـ هـو الولاده الحقيقيـه لنجمـ ينتظـر منـه الكثير ..
ومن يـدري ..
ربمـا يتبربـع على عـرش الكـوره العالميـه عن ماقريب ولو واصـل بهالشكـل فهـو بنسبـه كبيره .
قادر على تخطـي دييجـو ارمانـدو ماردونـا ..

من الناحيـه الرقميـه لايقـارن صراحـه بـ كاكـا وورونـالدو ..
لكـن فنيـا ومهاريـا بدون شكـ هـو الــتوب , لايعتمـد على السرعـه بدرجـه اولى مثـل هالثنائي ..
اكثر من المهـاره التي تجـود بهـا قدمـه اليسـرى ويطريقـه اقـرب الى الخبـال ..

ابـن الـ19 اكـد انه ظاهـره فعليـا امامـ الريـال في الكلاسيكـو ..
انت تفعـل كـل هـذا وتسجـل هاتريكـ وسـط كـل هـذه الضغـوط والمتابعـه التي تصاحب هالمبـاراه ..
شيء غير عـااادي ..

ولعـل افضـل وصف للجوهـره هـو ماذكـره فابيـو كابيللــو كوتــش الريـال ..
قــال :
" لم ارى لاعب فى حياتى فى الــ 19عام من عمره يلعب بهذه الطريقــــة , ميسى فريــد من نوعـــه وهو أفضل لاعب رأيته فى هــذا السن "

5-

جوهـره من جواهـر فينجـر الموسميــه ..
وابرز لعيبـه الجنـرز هالموسمـ بدون نقـاش ..
هـو لاعـب خـارق للعـاده على قـوله شيزاري مالدينـي .. ليـه
لاعـب لايمتلكـ لاسرعـه ولا قـوه بدنيـه وهمـا اكثر امريـن اهميـه في كـوره القدمـ العصريـه الحاليـه ..
لكـن مجموعـه اخـرى من ايجابياــته تمحـو كل اثـر لهالسلبيتيـن ..
رؤيـه ممـتازه للملعـب ونضـوج مبكـرتسبق سنـوات عمـره ال20 بمراحـل ومهارات استثنائيـه قلمـا ..
تتواجـد في غيـره وعقليـه " نظيفـه " وصناعـه لعـب اكثر من نموذجيـه ..

ربمـا هـو الصفحـه البيضـاء الوحيـده هالموسمـ في كتـاب مغلـف بالسـواد بالنسبـه للمدفعجيـه ..
ومــأدري ..
كيف تخلـى البارسـا عن موهبـه بهالامكانيـات ..
خصوصـا ..
انه في مونديـال الناشئيـن سنـه 2003 على مأعتقـد تحصـل على جائـزه افضل لاعب في هالبطـوله ..
وقـاد الاسبـان للوصافـه ..

6-

ربمـا يكـون مركـز متأخـر بعض الشيء للاعـب يعتبـر الاهمـ والاكثر تأثيرا في مسيـره فريقـه ..
22هـدف في 31 مبـاراه تقريبـا في الكالشيـو وحـوالي 30 هـدف في عمومـ الموسمـ ..
وطبعـا وراء كـل هـدف لرومـا فرانشيسكـو توتي ..

لعـب طـول السيـزون في مركـز غير مركـزه المحبب كرأس حربـه ..
عانـي في البدايـه لكـن مالبث ان عـاد متألق اكثر من السابق ..
وسجـل وصنـع وامــتع وسـوى كل شيء ..
كـورات ثابــته ومتحركـه ورأسيـات وبينتيـات وعابرات للقـارات .. لاعب بتـاع كـله
من جيـل العمالقـه البعض يضعـه جنبـا الى جنب مـع رونالدينهـو وزيـزو ..

بدون شكـ لاعـب مظلومـ نوعـا مـا ..
على اسـاس ان الفيفـا والويفـا مأعطـوه ولو نصف حقـه فرديـا ..
ان الاوان لانصافـه ..

7-

تواجـده في هالقائمـه كـان مفاجـيء بعض الشيء ..
صحيـح انـه لاعب رائـع وموهـوب ورمـز من رمـوز البارســا ..
لكـن ..
صراحـه تفاجـأت بتواجـده في هالقائمـه على حسـاب اخريـن امثـال دروجبـا وابرهيموفيتـش تحديـدا ..الغريـب ان عائلـه هيرنانديـز عائلـه متعصبـه لفريق المدينـه الاخـر او الابـن العاق ..
مـا يسمونـه الكـتلان فريق اسبانيـول ..
الا اكسـافي فقـط كان عشـق البارسـا يجـري في عروقـه مجرى الدمـ ..
وتحـدى اراده عائلـته الا حاولـو اجبـاره على الانضمامـ لاسبانيـول وانضمـ للبارسـا ..

لاعـب لـه معـزه قويـه في قلـوب البرشلونييـن لدرجـه انهمـ فضلـوه على اسـامي اسطـوريـه ..
ووضعـوه ضمـن الفريق التاريخـي للنـادي حسب استفـتاء الموندو ديبرتيفـو ..

يمكـن اكثر لاعب هالموسمـ ثبـات في المســتوى بيـن كل لعيبـه البارسـا ..

بينتيـز قـال بعـد خطفـه لبطاقـه التأهـل من الكــتلان ان مفــتاح الفـوز والعبـور كان مراقبـه اكسـافي ..
الذي يراه اكثر اهميـه من رونالدينهـو وايــتو !.

8-

مافي شكـ ان دييجـو احـد ابرز نجومـ هالموسمـ الصاعديـن ..
لكـن ..
تفضيـله على دروجبـا وابراهيموفيــتش واسـامي اخـرى فيـه نوع من المبالغـه ..

دييجـو لفــت الانظـار بشكـل مبكـر وبسـن ال16 مع سانتـوس , والكـل تنبــأ له بمستقبـل كبيـر ..
مع زميـله روبينهـو انذاكـ ..
وتوجـه لبورــتو وابـدع في قلعـه الدرجـاو قبـل ان يخطـه تومـاس شافــت مع الفيردر ..
ليكـون افضـل خلف للراحـل الى بوردو الفرنسي يوهـان ميكـود ..

اختبـر كأفضـل لاعب في الدور الاول للبونسدليجـا ومســأله تتويجـه كأفضـل لاعب في الدوري عن الموسمـ ككل ..
مســأله وقــت ليس الا ..

9-

نفـس الكلامـ تقريبـا اللي ينطـبق على دييجـو ينطبق على كواريزمـا ..
لاعب موهـوب اي نعمـ , وبرز بشكـل ملفــت هالموسمـ لكـن ماهي لهالدرجـه ..
درجـه انـه يوضـع في قائمـه التوب 10 على حسـاب اخريـن ..

عمومـا ..
هـو مثـل رونـالدو احــتاج لاكثر من موسمـ حتى يظهـر نفسـه بالشكـل المطلـوب ..

عـاني في البدايـه بعـج انتقـاله من سبورتنـج لشبونـه الى البارسـا بـ 9 ملاييـن دولار تقريبـا ..
وقتهـا كانو يشبهونـه بفيجـو الجديد ..
لكـن وضـع البارسـا وقتهـا ماساعـده على النجـاح بالاضافـه الى سـوء استعمـاله من طرف فان جـال وريكساش ..

عـاد الى بورــتو ووجـد نفسـه في فريق النجاحـات الاول في الكـوره البرتغاليـه في السنـوات الاخيره ..
مهاريـا مذهـل صراحـه لكـنه انـاني نوعـا مـا ..

10-

احـد اكثر اللاعبيـن في الملاعـب الاوروبيـه ثباتـا في المســتوى ..
لايملكـ سرعـه ولا يحتكـ كثيرا لكنـه صانـع العــاب من الطـراز الاول وهـداف متمكــن ..
تأثيره في ليـون يكـاد يكـون طاغـي ..
وماهـو لازمـ يكـون في قمـه مسـتتواه الفنـي علشـان يكـون حاسمـ ..
احاينـا الموضوع يتطلـب ركـله رحـره ينهـي بهـا كل الامـور ..

ترشيحـه جـدا منطقـي ..
قـاد ليـون لسـادس سوبر ليجـا على التوالي وتميـز في الشامبيونز قبل الخروج قدامـ رومـا

الرابــــط : http://www.goal.com/en/Articolo.aspx?ContenutoId=298248