هلا بالاخ نجم الصبح

ياما حسينا بالظلم واكيد الواحد راح يحبط بعد هذا الظلم لكن الحمدلله قدرنا نتجاوز هذه المراحل.
لو كنت وزير ساختار جميع الوزارات لانها كلها فيها خلل ولكن لان السؤال تحديد وزاره سأختار وزارة التعليم وسأرجع جميع حقوق المدرسين وخاصة الضرب لانه هو الذي اخرج الرجال . وياويلكم يالطلاب

المنتديات الان ولله الحمد بخير وعافيه اي نعم انها فقدت كتاب كبار نسأل الله ان يرجعوا الينا في اقرب فرصه وان تعويض هؤلاء الاعضاء صعب لكن البقيه فيهم الخير والبركه واتمني ان تستمر المنتديات من حسن الي حسن .

أهلين اخوي الصبحي ,

* إذا انظلمت , أو اعتدي عليك تحب تاخذ حقك , وإلا تحتسب الأجر وتسكت؟
* ماهي أكثر مادة كنت تحبها وتميل لها ايام الدراسة , غير الانجليزي ( تخصصك )؟
* ماهي العادة السيئة ,التي لا تحب أن تراها في من حولك ؟
* ماهي (الحكمة) التي تراها كثيرا في حياتك , وتؤمن بها ؟


وتحياتي لك,

هلا بك اختي عنود الصيد

بصراحه اول ايام الشقاوه كنا مانرتاح اذا ما اخذنا حقنا لكن اليوم ولله الحمد الواحد عقل ويحتسب الاجر اذا تعرض للظلم .

الماده التي كنت احبها هي مادة الرياضيات لحبي للمدرس حقها .

بالنسبه للعاده السيئه التي احب ان تختفي هي بشكل عام عادات شباب الوقت هذا وابرز عاده هي عادة الغزل .

الحكمه التي اؤمن بها هي اتق شر من احسنت اليه .

وتقبل تحياتي

هلاااا بصبوحه ..( دلع صبحي )


@ وش رايك بانفجار برجي التجاره العالمي ؟؟؟ وش رااح تسوي لو كنت انت فيه وفي الدور 100 .. واللفت عاطلان ؟؟؟


@ وش رايك .. بالوصول الى سطح القمر .. هل هو واقع ام خيال ؟؟؟
اجل علم فوووق سطح القمر يرفرف ؟؟؟


@ وش يكون موقفك .. لوووو رحت مجمع الراشد والحقتك وحده مزيونه تبي ترقمك ... تاخذ الرقم ولا تعلم عليها الهيئه ؟؟؟

(( لاتقولي تاخذه منها , وبعدين تعلم الهيئه .. صدتك ;) ))


@ وش تسوي لوو لقيت قرررش معفووووس ؟؟؟ ترميه ولا تعدله بريال ؟؟؟


@ وش رااح تسوي لووو كنت تمشي في الشارع لحالك وما عليك من احد ؟؟؟ وتجيك سياره وتصدمك .. ويطلع واحد من الربع .. ويقولك : ما عليه كنت امزح معاك ؟؟؟


@ وش رايك بالمحقق كونان ؟؟؟


@ وش احسن كوكب عندك من كواكب سبيس تووون ؟؟؟ ( لا تقولي : كوكب زمرده ترااه للبنات فقط :p )



@ وش رايك بسئلتي ... وش هو السؤال اللي كنت تبيني اسألك اياه ؟؟؟



تحياتي .. يا ابضاااااااااااااي

هلا والله بالتمساح باواواو

انفجار برجي التجاره العالميه بصراحه لن اقول فيها اكثر من قول العلماء اما لو اني كنت في الدور 100 حطلب اتصال بصديق اللي هو انت .

شوف الوصول الي القمر ماركب دماغي ولاهو رايح يركب في دماغي لين مايلمس طرف اصبعي الصغير القمر وارجع وبس .

تبي الجد بحط طرف الثوب في فمي وبحط رجلي

لا ارميه .

<===== اخذك علي قد عقلك

لو كان يمون علي ومن الربع وماصارلي شئ بتوطى في بطنه .

بصراحه المحقق كونا يذكرني بايام الطفوله ذيك الايام كانت وزارة الداخليه تطلبني في التحقيق في القضايا المهمه

كوكب الآكشن .

اسألتك رهيبه وعسل مثلك اما علي الاسئله انت سبت حاجه .

تحياتي لك يالمستدلخ مديني ماسنجر وانت ماتدخل عليه لو يوم ادخل علي الماسنجر يالداج .

تحياتي .

هلا وغلا بالصبحي..

س/ لو إنك رئيس امريكا لمدة دقيقة وخلال هالدقيقة طب على بيتك
الابيض ابن لادن ومعه رشاش ويبي يذبحك وش تسوي علشان تخلص نفسك ؟

س/ لو انك توك شاري سيارة جديدة وتوك طالع بها من الوكالة
وفجأة صدمك واحد من ورا ويوم نزلت من السيارة
تبي تهاوش هالواحد طلع هالواحد انت ايه انت وراك مستغرب
وش تبي تسوي؟؟

س/ لو انك محمد لطف ومعك الكورة وانت بنص الملعب وعلى يمينك
الثنيان وعلى يسارك سامي من تناول الكورة ؟ وليه ؟

س/ لو انك بالبر ومعك هايلوكس 84 وغرزت الهايلوكس
وبنفس الوقت طفت السيارة ولازم يبيلها نتع يعني لازم احد يدفها علشان تشتغل مع العلم ان معك حبل طويل وعفريته وخويك معك
وش راح تسوي ؟

ترى الاجابة على نفس الورقة

ابدخل في الموضوع على طول!


س1 من قابلت من الاعبيين السعوديين وسلمت عليهم؟

س2 انت قوي ولا لا؟ وش الدليل؟

س3 قلت مشاركاتك في المنتدى في الاونه الاخيره ليش؟

س4 وش اخبارك؟;)

س5 ماتعبير هذا الوجه وهذا وهذا وهذا وهذا وهذا:p <=== خويك مايعرف تعبيرها;)

شكراً

تحياتي : سامي 2002

هلا بك اخوي جمجة الهلال

استسلم لابن لادن .

بسامح نفسي ;)

اناول لايو يعقوب لانه ملك الوسط وانا في وسط الملعب .

غرزت في البر سهله ادور اقرب شجره واعلق الحبل فيها واشنق خوي لاني من زمان حاقد عليه

تحياتي لك يالجمجمه المنتهيه

هلا بالاخ سامي

اللاعبين السعوديين قابلت عبد المجيد الغامدي حارس الاهلي وسلمت عليه اما من قابلتهم بس ماسلمت عليهم سامي الجابر والثنيان وكان بيننا سور فما قدرت اسلم عليهم
ايه قوي والدليل اني ارد علي اسئلتكم

مشاركاتي في المنتدي قلت والله تعرف محطات الانسان لابد ان يأتي يوم ويقل ولاكن اوعدك اني اغثك بمشاركاتي انشاء الله

الحمدلله بخير وعافيه ولله الحمد.

<=== تعبير اسئلتك علي وجهي
<===== تعبيرك بعد ماقرأت اجاباتي.
<==== سؤال صعب جاك في الامتحان وانت دافور

<====== شعورك بعد ماتتروش بشامبوا لادموع بعد اليوم
<=== اللهم اني صائم
:p <===== اذا المشرف قفل موضوعك وانت قابلته ومابيدك حيله

ارجوا ان اكون وفقت معاكم
تحياتي