الله يوفقكم يارب ويكتب بينكم الرضا والسرور

<< بانتظار ردود اهل الخبره على الطريق هو بعد << ما كنك قطيت بموضوع الرجال

هلا ،،

مبروك ماشاء الله تبارك الله ..


ما عليك منها يارجال ترى الحريم يصيحن على أي شي

من وجهة نظري- كعزوبي يماشي متزوجين - انك تهبل بها وتخليها تصيح تصيح لين يقضن الدموع عشان اذا صرتوا مع بعض وبغت تصيح ما تقدر

وبعض الحريم تقعد تسوي لك اختبارات وكوزّات قبل العرس عشان تعرف وش أنت من لحيه !!

لا تصير حنون بزياده ترى تتورط ;)


الله يوفقكم ويجمع بينكم على خير


وين اللي يبوننا نعرس هذا اللي يجينا من الحريم صياح وملاغتن زايده >>> والله ما أعرس ..الا اذا نويت

أنت تقول أنك تكلمها بالتلفون نصيحة مني لك كلمها وأول ماتكلمها حاول كلامك يكون حلو لها يعني امدحها ترى البنت لو مدحتها وهي تعرف انك تلعب عليها تنهبل يعني قول لها يافلانة حلمت فيك كذا وكذا أوقول لها عن جمالها ذوقها لبسها حاول دايم تطيرها في العجة

^^^^^^^^^^^^^^^^

ماعليك منه لا تقعد ترفع بها

صح امدحها بس عااد مهوب بزيااده الخوف اذا شاافت نفسها عليك وقامت تكلمك من طرف خشمها

اما عن موضوع الصيااح والله مدري شقولك هي ليه صاحة اساساً ترى فيه شي اسمه لكاعة بناات :p

براايفت او يمكنها تصيح على حضها الردي امكن يوم كلمتها عرفت شخصيتك وقاامت تصيح

مكر وحيل النساء شد حيلك المهمه صعبة لاتكون ؟؟؟

ياخوي اللي تمر فيه زوجتك شي طبيعي وتمر فيه كل البنات المقبلات على الزواج خاصة اذا قرب موعد الزواج لأنه تكون خايفة من حياتها المستقبلية وكيف بتكون بعيدة عن أهلها ووشلون تتصرف وأشياء كثيرة تسبب لها الخوف...

والبنت غالبا في هالفترة تصييح اذا كانت لحالها بس انت من حسن حظك انها تصيح عندك ترى هذا يدل على انها ماتقدر توزي عنك اي شيء حتى مشاعرها.....

الله يوفقكم ويتتم عليكم بخير...

يا خوي الي تمر فيه خطيبتك شيء عادي يحصل مع كل البنات خصوصا إ ذا قرب موعد الزفاف

لأنها بتعيش بعيدا عن الأهل والجو الأسري وبتروح مع شخص غريب

ومن حسن حظك انها ماتخبي عنك شيء

اخوي المئوي

الله ييبارك لك اولا واخيرا


والله يسعدك انت واياها


مايحصل امر طبيعي جدا واغلبنا مر بالشيء هذا واولهم انا

والان نتذكر هالمواقف نضحك


حبيبي المئوي تحسسها بالامان ببالحب والله تنسى اهلها والي جابوها دامك انت معها

وانت تعرف كلامي مضبوط لا احد يقولك كيد نساء ولا فلسفه


السالفه امر طبيعي ويزول

المهم يكون الحب بصدق ووفاء وانت تبين لها هالشيء


واسأل الله العزيز العظيم ان ينور دربك ويوفقك وييسر امورك كلها ويرزقك الذريه الصالحه بإذن الله



اخوك فواز

استغرب من بعض الردود لا تكونوا شياطين الإنس تفرقون بين المرء وزوجه...

ثم يا أخي المئوي اسأل الفتيات عن سبب هذا وبما إني امرأة متزوجة ومررت بمثل ما تمر به زوجتك فاطمئن يا أخي ولتكن أكثر تماسكاً..
أولاً لابد أن تدرك أن هناك جنود إبليس الذين يجندهم للحيلولة دون بناء أسرة مسلمة تزيد من عزته وترفع لوائه فتبدأ المرأة وكذلك الرجل في بداية الأمر التركيز على عيوب الآخر فاستعذ بالله من الشيطان الرجيم واعنها على ذلك واسأل الله العون والتوفيق فإن لم يكن عون من الله للفتى فأول ما يجني عليه اجتهاده..
أما بالنسبة لما تمر به زوجتك فهي مشاعر كثيرة منها الخوف من الخروج من عائلة تضمها لبيت تعيش فيه وحيدة ربما تبكي عندما تحدثك بسبب تفكيرها بأنك أنت من سيأخذها من أهلها ويبعدها عن أجواءها التي عاشت فيها منذ طفولتها وهذا لا يعني أبداً أنها لا تشعر بالسعادة معك والرغبة في بناء أسرة سعيدة بجوارك..
يا أخي نصيحتي لك ولكل مقبل على الزواج من واقع تجربة لابد أن تكون أكثر تماسكاً منها وتحتويها بالحنان لا الحب كما يزعمون فهي الآن بحاجة للإحساس بالأمان ولا شيء كالحنان يشعرها بذلك ثم يا أخي بإمكانك استشارة من هم أهلٌ لذلك ومن واقع تجربة الدكتور سمير سيف في مستشفى الدكتور عبدالرحمن المشاري خير من يفعل ذلك ولو أردت رقم هاتفه بدلاً للذهاب إليه سأكون أول من يحضره لك..

وفقك الله لكل خير وبارك لك فيما وهبك وجمع بينكما بخير وجعلكما أسعد خلقه يا حي يا قيوم...

ما شاء الله... على البركة... عاد لا تنسى تعزمنا على العرس


بالنسبة لمشكلتك..

فخذها مني وأنا خوك..!!

مع أن ما عندي خبرة في البنات ودلعهم... << باقي سنتين ويعرس إن شاء الله

لكن صدقني هي بس تدلع عليك..!!

اثقل عليها ولا تصير خفيف..

اسألها أول مرة وثاني مرة.. وإذا ما جاوبتك.. خلاص طنشها.. وخلها تبكي على كيفها

ترى إن عودتها على المراضاة بتصير كل شوي تصيح عندك... عشان كذا خلك ثقيل من الأول وطنش صياحها


ترى أكلمك جد... انتبه ترفع فيها زيادة عن اللزوم.. بتدلع عليك

خلك وسط... مرة ثقيل ومرة خفيف .. عشان ما تعرف لك البنية زين ;)

ونصيحة أخيرة لك: لا تكثر معها مكالمات.. عشآن ما تمل منك..!!

^^^^

شكلي بأخليك تجيب العيد

تراي غير مسؤول عن النتايج المترتبة عن نصيحتي

وفالك التوفيق والسعادة الزوجية إن شاء الله

أنا ما أعرف

بس أنا أقول إنك تستشير الوالدة

^^^^^^^^^^^^^^^^^^^

اجل تمل منك اجل



والله يا سحر الشرق انا والله مهوب قصدنا نخرب على الرجال بس السالفه ماعرفناها

ونبي نخفف عليه

بس جد الوااحد لا يصير خفيف خلك نص ونص مهووب ثقل ولا خفيف