حياك الله ياختي

الحين بسألك سؤال فيه احد يترك الدراسه بالكويت ويجي السعوديه ؟؟ ترى الدراسه هنا مو لهناك
شوفي....اقرب جامعه بالنسبه لمكانك بالكويت هي جامعة الملك فيصل بالدمام فيها قسم محاسبه وتسويق وحاسب وفيها اقسام كثيره بس ترى الدراسه فيها صعبه واذا بتاخذين دبلوم يمكن اقل شي سنتين ونص الى ثلاث سنوات ويمكن توصل اربع؟لا وازيدك من الشعر بيت هالسنه زودوا سنه تجريبيه يعني بتدرسين اول شي سنه تجريبيه بعدين تبدين بالسنوات الصدقيه>>شوفي التعبير
يعني توصل يمكن خمس سنين ؟؟ شوفي انا ماأبغى أخوفك بس بنات كثير نصحوني ماأروحها ويقولون الشهاده هاه مو لهناك ...بعدين عاد خلاص اجلسي بالكويت ترى اررررحم بواجد من التعليم المتخلف عندنا>>كني بديت امون
بس انا مالومك يمكن تبغين جامعات مافيها اختلاط
بس احسن لك تقعدين بجامعاتكم المختلطه ولا تجين هنا ترى اول ماتطلعين من الجامعه او الكليه تراك معرضه للخطر وللتحرش مارح يخلونك لحالك ويمكن توصل انهم يلحقونك لين بيت اهلك او المكان اللي ساكنه فيه بس انا اقول تاخذين شهادة دبلوم حاسب من معهد احسن من الجامعه بواااجد
بس انتي ادبي ولا علمي ؟؟؟

خليك في الكويت عند الأهل والأسره .

لكن إذا متحمسه تبين السعوديه عندك الرياض أو جده فيها جميع التخصصات ولله الحمد.

اسفة على التأخير في الرد تدرون انا مشغولة في الدراسة

بس انا احب مكان قريب من الكويت
بس انا خوالي ساكنين بالرياض
وجذيه انا ما ادري اروح الرياض ولا اقعد مع اهلي بالكويت ولا شنو يعني

بس من ناحيتي احب اغير جوووووووووووو
انا مفكرة اروح الاردن هناك اكمل دراستي شرايكم ........................