10/05/2007, 07:55 PM
|
| زعيــم جديــد | | تاريخ التسجيل: 14/05/2003 المكان: Jeddah
مشاركات: 41
| |
|
اذا غاب القط.. العب يا فار
انا ما أدري اذا من جد جماهير الانتر قاعدة تحتفل بالدوري هذي السنة على انها بطولة اخذها عن جدارة من قدام الفرق اللي ما أعرف اسمها حتى !!
أو هي قاعدة تحتفل لأنها فرصة ما تتكرر ويبغو يستغلوها الحين بسرعة قبل لا تجي السيدة العجوز وتقشهم بالمقشة "روحو العبو بعيد"
بصراحة انا ارجح الثانية.. (ما أدري ليش اتذكرت رونالدو وهو يبكي قبل كم سنة لما كان مع الانتر في آخر اسبوع في الدوري اللي كان بطله اليوفي )
البطولة الكبيرة "دوري ابطال اوروبا" للكبار فقط.. صحيح ميلان مو فريقي المفضل، وصحيح انه مستواه في الدوري هذي السنة زي الزفت ، بس ما أظن انه يخسر من روما بستة اهداف ابدا (لأنه بيصير مسخرة) وبصراحة احس انه فيني جزء بسيط يتمنى فوزه بالبطولة الاوروبية عشان ترجع رهبة ومكانة الدوري الايطالي للعالم بعد ما انمسح فيه البلاط من ورى الغبي اللي كان السبب..
المهم ان الموسم الجاي بيكون نار لأنه السيدة العجوز زعلانه وميلان وروما قد المنافسة.. والانتر ؟؟؟!!! يمكن يزاحم شوي زي زمان ( اذا لعب بخطة مغايرة عن خطة الكأس مع روما )
طبعا هالسنة رونالدو فرحان بالكم هدف اللي جابهم ومصدق نفسه انه السنه الجاية بيكون الكلام كبير،،،، لكن معصي، القط جاي السنة الجاية وبياكل الفار اللي قاعد يلعب براحته هالسنة
بصراحة خايف على رونالدو يبكي مرة ثانية السنة الجاية وهو لابس الاحمر..
وعلى رأي المثل "الميدان ياحميدان" واذا غاب اليوفي العب يا انتر |
الوضع العادي
