أحيانا تحس ان اختيار اللاعبين في الهلال وخاصة في بعض المراكز بالقرعة أو بالواسطة أو بالمجاملة
طوال المباريات الماضيه وأنا انتظر مشاركة العتيبي تدرون ليش كنت :
كان ودي أشوف مستواه الكبير اللي خلاه الحارس الأحتياطي للدعيع وخلا الشمري خارج التغطيه ( قصدي خارج التشكيله )
لكن وللأسف الشديد كلمة ياليت ما تبني بيت
ليتني ماشفت مستواه
لاعب مبتعد من فتره كبيره مما أدى إلى عودته إلى كثير من اخطائه السابقة كعدم التركيز والخروج المتكرر من المرمى
من ناحية أخرى صحيح أن الحارس الكبير محمد الدعيع مازال يقدم عطاءات كبيرة جداً لكن يجب أن يكون الحارس البديل جاهز في أي وقت وفي ظل هبوط مستوى حسن العتيبي فإني استغرب أن يكون هو البديل.
انا أشوف أن حسن العتيبي لم يعد حارس صغير السن خلوه يشوف مستقبله في أي نادي يستفيد منه ويستفيد العتيبي بالمحافظه على مستواه السابق
ولا ننسا أنه لدينا فهد الشمري مدري متى بنستفيد منه وعندنا بكره بدر الدعيع مدري وش بيسون فيه يمكن يخلونه في الأولمبي الله يستر هل هي قناعة مدرب أو واسطة ودي أفهم وش السالفه.