يا حبيبي ياللي فوقي الأطفال اللي تقصدهم مسجلين قبلك في المنتدى بخمس سنوات .. و ما أعتقد في حاليا شخص في مرحلة الطفولة بدأ يشجع ايسي ميلان من عام 97 و بدأ يتفرج كورة من 94 ...

و بعدين كلنا شفنا إنطلاقة كاكا و إنطلاقة رونالدو .. لو بتحسبوها على فرق العمر .. شوفوا كاكا لما كان 22 أول ما جا ميلان و كرستيانو أول ما جا مانشستر ..

على كلام النقاد كاكا قنبلة ميلانية و جوهرة عالمية جديدة .. كاكا قلب موازين ميلان و أحرز الدوري الإ]طالي .. لاعب موهوب يعرف كيف يستخدم رأٍه قبل قدميه ,,

كرست حقكم : لاعب صاحب مهارات خيالية :: أناني لا يفيد الفريق :: يفكر بالإستعراض في كل كرة << و راجعوا أو كورة استلمها في مباراة ميلان دقها كعب ووصلت لأوددو !!!! ..

هذا فرق إنطلاقة اللعبين فقط .. انا ما قلت كرستيانو مو لاعب .. لكن فرق السما و الأرض بين كاكا و رونالدو ...
رونالدو يمكن مهارته أقوى من كاكا لكن يظل كاكا هو المؤثر هو الذي يقود الفريق حتى في عمره الصغير .. لاعب استطاع انتزاع الرقم 10 من على ظهر رونالدينو في البرازيل و حمل شارة الكابتنية لأعظم منتخب في تاريخ كرة القدم .. و تقللي كرست أحسن معليه يا حبيايب مشوها في منتديات مانشستر هنا لأ .. فيرجي مدرب المان صرح قال اللي صنع الفارق في المباراة كاكا .. و لاتحججوا ان كرست أصغر من كاكا و تقولوا المستقبل و استنى .. يا حبيبي لو كنا نعلم الغيب كان منعنا إصابة فان باستن .. أو رونالدو البرازيلي .. أو منعنا مارادونا من الإدمان ... كرست قد يصبح أفضل من كاكا .. لكن المؤشرات تدل على العكس .. كاكا انطلق من التوب و يواصل الصعود - ما شاء الله - أما كرست بدايته كانت : أناني , استعراضي , لا يفيد الفريق ... و الآن بدأ يتطور ... و في اعتقادي الشخصي نهاية كرستيانو ستكون وخيمة .. و هذا رأي شخصي ..

و اللي يتكلم على كاكا و يقول كرستيانو أحسن أقله : اتفرج نهائي أثينا و قلي ليه كاكا موجود و كرست مو موجود ؟؟؟ ...

و بإذن الله كأس أوروبا 2007 ميلاني ميلاني ميلاني ... و كاكا نجم الدنيا و العالم شاء من شاء و أبى من أبى ...

لاكاكا ولاغيره ياصلون لنصف مستوى كرستيانو

لا تأهل الميلان يعني إن رونالدو أفضل

أنا ماأدري وش اللي شايفينه في رونالدو

أنا أقول مجرد مقارنته بكاكا ظلم لكاكا

مقارنه كاكا بكرستيانو احس انه ظلم لكاكا

مع احترامي لك محبيه

لكن كاكا كان الافضل بفرق شاسع وكبير

شخصياً الموضوع منتهي بالنسبة لي هالموسم .. رونالدو هو الأفضل

مايضيعنا الا هالمقاارنات الي لا المانشستاراويين يرضون بالي يقوله الميلانين ولا الميلانين بيرضون ويقتنعون بالي يقولونه


المانشستراويين فلذلك انا اشوف المقارانات مالها سنع اذا جا وقت الكره الذهبيه نشوف لاتنسون كاكا بيلعب مع البرازيل



في كاس كوبا اميركا وبعد قدامه دوري الابطال ورونالدو قدامه الدوري والكاس لاتستعجلون في الكره الذهبيه



الالقاب لم تحسم بعد مشكورين

إقتباس يا حبيبي ياللي فوقي الأطفال اللي تقصدهم مسجلين قبلك في المنتدى بخمس سنوات

اعتقد ماذكرتك بالاسم ..
ثانياً وش يعني تاريخ التسجيل
ما اعتقد تاريخ التسجيل او عدد المشاركات هي اللي تقيّم العضو ..

إقتباس كرست حقكم : لاعب صاحب مهارات خيالية :: أناني لا يفيد الفريق :: يفكر بالإستعراض في كل كرة << و راجعوا أو كورة استلمها في مباراة ميلان دقها كعب ووصلت لأوددو !!!! ..

حنا نتكلم عن رونالدو هالموسم فقط .. يمتلك مهارات كبيره جداً ويوضفها بشكل يخدم
مصلحة الفريق .. ابرز لاعب في مانشستر حالياً .. وله الفضل الكبير ( بعد الله ) في
تصدر المان للبريمر ووصوله إلى نهائي الـFA CUP ونصف نهائي الابطال .. بمساعدة
البقيه .

إقتباس و اللي يتكلم على كاكا و يقول كرستيانو أحسن أقله : اتفرج نهائي أثينا و قلي ليه كاكا موجود و كرست مو موجود ؟؟؟ ...

انت بهالكلام خليت المباراه بين كريستي وكاكا
فريق مانشستر كاملاً ماكان بالفورمه نظراً لضغط المباريات في الدوري ودوري
الابطال والكاس .

عكس فريق ميلان اللي كانوا الـ11 لاعب في مستواهم في هالمباراه فازوا بجداره .

اللاعب ما يقدر يسوي شيء لحاله .

ولو كان هذا المقياس .. ارجع لكأس العالم بتلقى كاكا خرج من دور الـ8 ورونالدو وصل
لدور الـ4 ..

هل هذا مقياس للافضليه ..؟

انا قلتها واعيدها .. افضلية واحد من الاثنين لاتحتم علينا التقليل من الآخر .

إقتباس و كاكا نجم الدنيا و العالم شاء من شاء و أبى من أبى ...

شوف لما تجي تقول وجهة نظرك وتتناقش .. مايمنع يكون باسلوب افضل من كذا
اتمنى يكون الاحترام بين جميع الاعضاء خصوصاً في النقاشات ..

لأن من المفروض تقبل وجهات النظر حتى لو انت ما اقتنعت فيها وترد عليها باسلوب
لبق

بالتوفيق

الموضوع تحول لمنحى اخر واشبع نقاشاً

مغلق