حبيب البي طارق ;)

اشبعت فضولي ايه :p ولاكن نريد منك ان تذكر لنا سلبيات وايجابيات

نجم الصبح كما يراها طارق

بعد اذنك اخوي طارق كأني اشوف المشرف الموقر جحدني

والا لازم اشتكيه للحقوق

( خلها بالقلب تحرق مابقى ** عادتي مشكي على غيري عناي )

الغالي هلالي الجوف
تخيل انك أستلمت مهمة الأشراف على منتدى الرياضة العربية والعالمية... فماهو أول قرار تتخذه ؟
أول قرار راح يكون الاعتذار عن الاشراف
لأن الاشراف صعب جداً اللي ليه حذفتوا موضوعي ؟ ليه قفلتوا تصويتي ؟ وهذا اللي يزعل وهذا اللي يشكك في نزاهتك وإخلاصك وهذا اللي يعتقد أنك تحابي شخص ثاني و....و.....و.....الله يعينكم

لكن عندي اقتراح لمنتدى الرياضة العالمية ...
ألاحظ أن معظم المواضيع ( إذا ما قلنا كلها ) أخبار ما شفنا ذاك الكاتب اللي يحلل مبارة الديربي بين ميلان والانتر ما شفنا كاتب يتكلم عن وضع البرازيل ( باستطالة ) ما شفنا كاتب يتكلم عن مميزات أفضل اللاعبين في العالم و...و....و...
هذا اقتراحي أعزائي محبي الرياضة العالمية ...
مشكور أخوي


===========================================================================
الغالي كايدهم
* قلـم وعضو في شبكة الزعيم تتابعه باستمرار وتبحث عن مواضيعه وجديده؟
ياقاهرهم ياسامي وأخبار نواف العماري والكثير من الأعضاء

* توقعاتك هالسنه للزعيم كم تعتقد راح يحصل على من بطوله ؟
إذا بقي حال الزعيم على هذا الحال راح نخرج ببطولتين على الأكثر
أما لو عاد الزعيم كما كان الدعيع نواف الشلهوب الثنيان سامي الشريدة سليمان الجمعان الدوخي الغامدي الكاتو إنشاء الله كأس العالم في الجيب

* عبدالرحمن بن سعود رئيس الاتحاد السعودي لكرة القدم ..سمعت هذا الخبر صباح اليوم .. تعليقك عليه؟
راح المنتخب والهلال وباقي الفرق في داهية وراح نرجع 100 سنة ورا يعني كل واحد راح يهجر الكورة السلة والطائرة واليد والكرتيه والجودو وكل الرياضات ويجونك الخواجات ومعهم كور يعلمونا كيف نلعب و...و...و
مشكور أخوي

============================================================================
الغالي روعة الكرة
متى سجلت في هذه الشبكه العملاقه..؟ وكيف تعرفت عليها..؟
سجلت في شهر أبريل سنة 2001
تعرفت عليها عن طريق جريدة الرياض

مشكور أخوي
===========================================================================

الغالي الحبحر الحاااااااااار الهلالي
مشكور حبيب قلبي على اطرائك وهذا من طيبتك أخوي

كم اطول فترة قضيتها بعيد عن منتدى الهلال من بعد ماسجلت فيه ؟ وماهي الاسباب اذا مافيه احرااااااج ؟
أطول فترة حوالي ثلاثة أسابيع والسبب كان فيه ظروف قاهرة لكن الحمد لله زالت ..
مشكور أخوي الحبحر الحار

=================================================
الغالي الأسير الهلالي
مشكور عزيزي الأسير وهذا من طيب اخلاقك وأنا اللي الشرف بأن أكون ضيف هذا الحلقة ..
*- كم من الوقت تقضيه اخي نجم الصبح على الانترنت يوميا بصفة عامة وعلى منتديات الزعيم بشكل خاص .
وقتي على الانترنت كاملاً حوالي 4 ساعات منتدى الزعيم حوالي ساعة ونصف
مشكور أخوي الأسير
=================================================
الغالي جمجمة الهلال
كم عمرك ؟
20 سنة
كم مرة قطعت الاشارة ؟
ما أتذكر كم مرة ( فتحت علينا العيون )
مشكور أخوي جمجمة الهلال
=================================================
الغالي سهل
سلبيات نجم الصبح وإيجابياته ...ما أقدر أحددها لك لأن الناس هم من يروا أخلاقي وصفاتي ليس نجم الصبح هو من يراها

مشكور أخوي سهل على اسئلتك الجميلة والمهمة ...
تحياتي لك أخو سهل

والله اختيار موفق

وولا اوحيي اخوي نجم الصبح واقول السلام عليكم ورحمة الله وبركاته

والله الشباب ماخلوا اسئلة بس عندي سؤال

لو قلنا انك تفتح الانترنت في اليوم ساعتين كم من الساعتين
تقضيها في موقع الزعيم،،،،،،،،،،،،،،،

هذا الاول
والثاني
لو حطوك في مجلس الادراة عضوهل سوفا تنشاء منتدي للطرائف ولا لا(كما حول الحال الان)...................

وتقبل تحياتي

السؤال الاول:وش نوع سيارتك ؟ وش لونها؟ انت الي مختارها؟ ليش مختارها؟شاريها مستعمله ولا وكاله؟

الثاني:متى اخر مره صطرت بزر؟ ليش ؟ متى اخر مره صطرك احد؟ ليش؟

الثالث:قلنا موقف محررررررررررررررج؟ وشلون تصرفت في نفس الوقت ؟ ومن سبب الموقف؟

يكفي انا منب زي بعض الناس (عارفين انفسهم) اسئلتهم كثر النمل



تحياتي : سامي 2002

الغالي هلال الخبر
1* لو قلنا انك تفتح الانترنت في اليوم ساعتين كم من الساعتين
تقضيها في موقع الزعيم ؟

ثلثها

2 *لو حطوك في مجلس الادراة عضوهل سوفا تنشاء منتدي للطرائف ولا لا ؟
لو صار هذا فعلاً
فأتمنى تقسيم المنتديات العامة إلى ..
المنتدى الاسلامي ( للمواضع الدينية ...)
المنتدى الأدبي ( للشعر والقصص وكل ما هو أدبي ...)
منتدى الأصدقاء( للطرائف وأخبار الأعضاء والمواقف الطريفة و....و...)
المنتدى العام ( لباقي المواضيع )

هذي أمنية

مشكور أخوي ،،،،،

-------------------------------------
اعتذر من الأخ سامي 2002 عن الاجابة الآن
لكن سأجيب عنها لا حقاً
-------------------------------------

الغالي سامي 2002 ..
السؤال الاول:وش نوع سيارتك ؟ وش لونها؟ انت الي مختارها؟ ليش مختارها؟شاريها مستعمله ولا وكاله؟
نوع سيارتي كابريس ...أبيض...أحب هذا النوع من السيارات ...مستعملة

الثاني:متى اخر مره صطرت بزر؟ ليش ؟ متى اخر مره صطرك احد؟ ليش؟
خليها مستورة أحسن ;)

الثالث:قلنا موقف محررررررررررررررج؟ وشلون تصرفت في نفس الوقت ؟ ومن سبب الموقف؟

ما فيه موقف محدد

تحياتي للجميع

أتمنى أني أزلت شيء من الغموض حول شخصية نجم الصبح
وأشكر الغالي أبو سليمان على اتاحة هذي الفرصة لي وإنشاء الله من حسن إلى أحسن

والف شكر لكل من وجه لي سؤال

تقبلوا أزكى تحية مني نجم الصبح

أجــوبه رائعــه.. .

بس يالــيت تقـولي لــيه مـاعمـرك فـوزتـني بمـسـابقتك قلي قلي قلي ليــه ولاتــصرفني .

يهوووووووووه يابو سليمان اختيار موفق ومن زمان واناوي احشر نجم الصبح بكم سؤال :


السؤال الأول :
تخيل نفسك في طائرة تسير بسرعه وفجاه انفقع الكفر وبدت تقلب الطائرة وانت طبعاً كالعادة ماربطت حزام الامان وصرت كنك (( المصقال اللي يجي بوسط البخاخ )) يعني صرت تصفق يمين ويسار في الطيارة والموت قدامك خلاص وش الشي اللي راح تفكر فيه في ذيك اللحظه ؟؟؟


السؤال الثاني :
تسير انت في امان الله في شوارع العاصمه الحبيبة الرياض بسرعه عالية وفجأة لقيت قدامك ثلاث اوادم سادين الشارع : طفل وشاب وشايب وصار لازم تقشع واحد منهم من تختار ؟؟؟ وليش ؟؟




السؤال الثالث :
فجأة لقيت واحد قالط في الجهاز حقك يعني مخترق جهازك وقاعد يلعب في الملفات وانت قدام الجهاز فاكن خشك (( مبتهر )) وش راح تسوي طبعاً مابيك تقول اسكر الجهاز ابي شي تسويه ؟؟؟؟




السؤال الرابع :
هل تعاني من مرض نفسي او هل سبق لك وزرت مصحة نفسيه ( لا قدر الله ) ؟؟؟





السؤال الخامس :
ماهو اسؤء يوم مر عليك اذكر التاريخ بالتحديد واذكر السبب ؟؟؟


السؤال السادس :
هل انت في رايك وسيم او عادي او مقبول او تمساح ؟؟؟




<------------ أسئلت واحد متشائم




ملاحظه : كل الاسئلة اجباري الاجابه عليهن يعني مافيه اي شي اختياري
خصوصاً السؤال الرابع :p


تحياتي ابو سليمان ولضيفك الكاتب نجم الصبح

الغالي نااااااااايف ...
السبب : أوامر من فوق من عند ....( تبي تعرف ؟ )
#######################################################################

الغالي عاشق النمر ....
السؤال الأول :
تخيل نفسك في طائرة تسير بسرعه وفجاه انفقع الكفر وبدت تقلب الطائرة وانت طبعاً كالعادة ماربطت حزام الامان وصرت كنك (( المصقال اللي يجي بوسط البخاخ )) يعني صرت تصفق يمين ويسار في الطيارة والموت قدامك خلاص وش الشي اللي راح تفكر فيه في ذيك اللحظه ؟؟؟
وش راح أسوي قفلت جميع الاحتمالات بالنجاة

السؤال الثاني :
تسير انت في امان الله في شوارع العاصمه الحبيبة الرياض بسرعه عالية وفجأة لقيت قدامك ثلاث اوادم سادين الشارع : طفل وشاب وشايب وصار لازم تقشع واحد منهم من تختار ؟؟؟ وليش ؟؟
راح اطلب حذف اجابتين ;)

السؤال الثالث :
فجأة لقيت واحد قالط في الجهاز حقك يعني مخترق جهازك وقاعد يلعب في الملفات وانت قدام الجهاز فاكن خشك (( مبتهر )) وش راح تسوي طبعاً مابيك تقول اسكر الجهاز ابي شي تسويه ؟؟؟؟
ما يقدر .. الأمان 100%
وإذا صار ذلك فعلاً الله يخلي لنا أبو منار

السؤال الرابع :
هل تعاني من مرض نفسي او هل سبق لك وزرت مصحة نفسيه ( لا قدر الله ) ؟؟؟
كل واحد منا يعاني من مرض نفسي لكن يكون بسيط مايلاحظ
والحمد لله ماقد زرت مصحة نفسية ..

عاشق ...وش مناسبة هالسؤال ;) ؟

السؤال الخامس :
ماهو اسؤء يوم مر عليك اذكر التاريخ بالتحديد واذكر السبب ؟؟؟
أسوأ يوم مر علي كثير جداً عد واغلط ...يمكن آخرها اصابة الوالد ببعض الكدمات والاصابات ...

السؤال السادس :
هل انت في رايك وسيم او عادي او مقبول او تمساح ؟؟؟
في رأيي عادي ( يا حبك للاحراج )

مشكور حبيبي عاشق على اسئلتك المصرقعة

تحياتي للجميع