100ريال تعبي فل وتجيب ببسي مكس خلاص وتشحن سوا أنتهنينا بس وينها خلني ألقاها ههههههههههههه


وأنت صادق بكره الرز 600 ريال الكيلو

هلا بكم من جديد ،،


أشكر الجميع على دعواتهم الصادقه، وأسأل الله العلي القدير أن يتقبل مني ومنكم..


_________________________________

Mr.Goal

هلا وغلا ،،

إقتباس مواد البناء ارتفعت اسعارها 200%

أما مواد البناء هذي بلحاله سالفه، منوّل كنا نشوف متوسطي الدخل اللي يبنون بيوت اذ خلص العظم قضت فلوسه ووقف سنين ، الحين يشتري المسكين اسمنت وحديد وبعدها يوقف سنه يجمع حاله

إقتباس قالي عاد هو الاسمنت لو يجي بـ100 خله ان شاء الله ماحنا محتاجين له بس اهم شئ السكر

سلم لي عليه انا اشهد انه صادق

كم عدد المواطنين اللي يفكرون يبنون بيوت وعماير!!

صارت الخطه سدد ايجار وكل واشرب والوعد راتب الشهر الجاي!!

إقتباس وعلى طاري الهايلوكس بكم كانت وكيف كانت والان بكم قيمتها وهي مثل القرطاس

تصدق بالله اننا طاقينه بـ 30 ألف!! ، وبعد ما استخدمناه حوالي عشر سنوات بعناه بـ 29 ألف!!


تسلم ياغالي على المشاركه

_________________________________


الافضل

هلا وغلا بجارنا،،

إقتباس بالنسبه للهايلوكس يعطيك خيره ويكفيك شره .. ولا في مخرج 14 عند بيتنا <<<<<<<<< راح يدور هايلوكس 88

تراه كفرات خط ومركب توانك ورى وفيه استكر على القزازه مكتوب 15 اذا لقيته علمن

إقتباس هايلوكس واصاله وخالد عبدالرحمن اللي أخبره بشير شنان فهد بن سعيد أو عزازي

كنت ليبرالي متفتح ذاك الوقت

إقتباس نصيحة أذا صرت بشتري واجد رح لمراكز كبيره وخل عنك البقالات

صدقت والله ، لكن الكسل شين البقاله بجنب البيت

بس مادام الدعوى فيه 2 ميه ومدري كم !! عز الله اني منب متقضي الا من العثيم أو السدحان والشله حقتهم

إقتباس الا نشوفك اليوم في شارع ثلاثين الربوه اليوم الثلاثاء

ايييييه يالدنيا ، الى هالحين ثلاثين الربوة يدهر؟؟

خلاص أبمرك عقب الاخير بس دبر لي شريط لابن سعيد


تسلم ياغالي على المشاركه

_________________________________



بنت فهد

هلا ومسهلا ،،

إقتباس اماعن الالف لا ماراح يغيرونها ابوي يشتغل بالمؤسسه يقول كانو بيحطون كذا بس غيرو رايهم

زين أشوى

أقول قولي لابوتس كان يقدر يطبع لنا أمهات خمس ويرسلهن على الدي اتش ال ترى يسوي خير


العفو وتشكراات على المشاركه

_________________________________


المشاغب

هلا وغلا ومرحباً 3 الآلف ،،

حيا الله جارنا

إقتباس أنا اشهد أنك ولد نعمة أجل 300 ريال شهرياً ذيك الفترة؟ ما شاء الله اللهم لا حسد.. الله يعطيكم من خيره

ايه الصراحه اني ولد نعمه ولا أفطر الا طحينيه وزبادي

آآآبو الطموح ياشيخ!! ولد نعمه معه هايلكس كفرات خط>>> ولد عنيزه ذا مهوب ولد نعمه

إقتباس لا ويييين مثل الـ 10؟ تبالغ ممكن مثل الـ 20 ريال صح..

معليش أنت ولد فقر ، وانا قستها على انفسنا حنا ياعيال النعمه >>> الله يقطع ابليسك يالمشاغب!! خششتن جو اني كاااش


الله يخليك يابعدي وتسلم على المشاركه

_________________________________


الجاحظ

هلا وغلا ،،

عوافي ياغالي على اضافتك الرائعه

ويعلم الله اني كنت ابدرج كلمة التضخم ضمن الموضوع ، لكن عدم قناعتي ( وربما عدم استيعابي) بان مايحدث في بلدنا يندرج تحت مفهوم هالكلمه هو اللي خلاني أتجاهلها

والحقيقه اني تأكدت من تصوري بعد ما قريت بعضاً من أسباب التضخم التي أوردتها

إقتباس هنا في السعودية، هل نستطيع أن نقول أن ارتفاع أسعار البترول في السنين الاخيرة أدرى الى زيادة السيولة؟

مجالي هندسي وخبرتي بسيطه جدا في المجال الاقتصادي ولكن أفهم أن اجمالي دخل الفرد عندنا لم يتغير بشكل كبير خلال العشر سنوات ماضيه رغم ازياد اسعار النفط بشكل ملحوظ ( وهو المؤشر الفعلي لقوة اقتصادنا)..

عن أي سيوله يتحدثون!! لدى الدوله أم لدى كبار التجار والمستثمرين أم لدى المواطن

لا أنكر وجود سيولة لدى المواطن ولكن أستغرب مصطلح " زيادة السيوله " اللي أزعجونا فيه هاليومين!!

المقياس دائماً هو الفرد

ببساطه هل ازدياد مصروفات المواطن راجع لزيادة السيوله لديه؟! لا أعتقد ذلك


اذا أردت أن تتعرف أكثر على مفهوم التضخم فما عليك سوى الالتفات لما يحدث في دولة الامارات الشقيقه وبالتحديد امارة دبي

وهنا أتحدث عن التضخم بشكل عام

أما دالة التضخم بسوق معينه مثل سوق الاسهم في اعتقادي انها ليست مقياس لزيادة سيولة الفرد بدليل أن نسبة كبيره من المواطنين دخلت السوق عن طريق القروض والتسهيلات من البنوك!!


عموماً لا أحبذ الخوض في تفاصيل أكثر، فالكثير منا يعلم مسببات ما يحدث


شكرا لك ياغالي على اضافتك ومشاركتك

_________________________________


راااجع باذن الرحمن

هلا بكم نوبتن ثانيه ،،


أشكر الجميع على دعواتهم الصادقه، وأسأل الله العلي القدير أن يتقبل مني ومنكم..

__________________________


عز الهلال


هلا والله وغلا بفتى المرسلات

إقتباس يكفي انـه يوم لعب الكورة بالنسبه لــي

أقول ميخالف ألعب معكم تراي فنان زي ألفان

إقتباس كـل شوي يزودون وحنـا الضحـيـه , وغيـر كذا محد يردهم ولا شي .. !!

وهو اللي رافع ضغطي انه ما حولك أحد يردهم ويحاسبهم و يحط حد لمقدار الزياده

إقتباس لاتذكـرنـي .. باقي حول 10 أيـام على ثلاثميتي

قل آمين ،، الله يرزقك 30 ألف كل شهر وتصير مدير فرع بنك الراجحي بالمرسلات


تسلم يابعدي وتشكراات لمشاركتك


__________________________

رهيب الحزين


هلا ومسهلا ،،

إقتباس عاد وراك أنت كنت في ثلاثة متوسط وانتقلت لواحد ثانوي

ما أدري !! ابوي قالي سو تسذا

ليش خطأ

والله انك منسم على هالسؤال

تشكراات لمشاركتك

__________________________


دلع-20

هلا ومسهلا ،،

إقتباس (وترا كويس الزيت المقري فيه تمسح به جسمها طبعا أكيد عندك خبر بس كتذكير)

ما أظنه يغيب عن الوالده ، لكن ابقول لها لعل الله ينفع فيه

الله يحفظك ووالديك من كل شر على حرصك وتذكيرك

إقتباس وإذا نبي نتكلم عن الغلاء أنا عن نفسي ماأدري وش الاشياء الي ارتفعت الا بالجامعه اشوف جالكسي الي بريال صار بريالين ونص ومايرجعون نص خذي منديل طيب ماأبي منديل أبي النص..!

الكافتيريا اللي بالجامعه تستغل ان ما لها بديل عشان كذا ترفع الاسعار على كيفها ، والشرهه على اللي عطاهم تصريح ولا راقب شغلهم

بعدين لو السالفه سالفة جلاكسي كان ما عندنا مشكله

لكن البلا ان كلّـش ارتفع سعره وبالذات المواد الغذائية الادويه ومواد البناء..

والمشكله في المواد الغذائيه انهم يرفعون الاسعار بطريقه مدروسه بحيث لا يشعر المواطن بارتفاع قيمة السلعه ، مثل انهم كلا 3 شهور يزيدون ريال على كل صنف!!


تشكراات على مشاركتك ولك تحياتي


__________________________


آآي وِل كوم باك أقين، إن الله شاء وأراد

ملاحقة دجاج


عفون وتشكرااتي لك

_____________________________


الكلاسيكي

هلا وغلا باخو قبلي ،،

إقتباس وقبل ما ابدأ بالرد بسألك ؟ كيف الارق وياك بعد الجلسه المطوله معي ؟؟؟ ان شاء الله جابت نتيجه ؟؟

لا أبشرك الامور زينه الحمد لله وكله بفضل الله ثم جلستك ، بس لاهنت لا عمرك تقول لي استرخي ومد بوزك

عادل والله لو تشوف شنبي اتوقع تزعل

إقتباس الحين انا اسبوعيا لا يقل مصروفي عن 200 ريال الى 300 ..

انتبه لنفسك، 300 اسبوعياً كثيره الا اذا كان جزء منها تصرفه على أهلك

إقتباس المشلكه ان مالنا غناة عنهم .. تقريباً يومياً موطوطين عليهم ..

تصدق انك نبهتني فعلاً كل يوم لازم نمر السوبر ماركت!! ، ياخي حنا شعب مستهلك بدرجه فضيعه ولقينا ناس يستغلوننا

إقتباس اننا نفتتح سوبر ماركت ونخلي الاسعار دبل الدبل .. وش رايك .. لاتخاف مافيه رقيب علينا ؟؟

تقوله صادق ، ياشيخ والله لا أخلي الببسي بأربعطعش بس أنت اجزم

وعلى فكرة ترى أبصير انا المدير أنت مستشار هنا ومشغول>>> آآبو الطموح



تسلم يابعدي وشكرا لمشاركتك

_____________________________


فرصه ضايعه

هلا ومسهلا ومرحبتين بالقشرا

تراي قسم بالله ما كد نقلت موضوع

إقتباس جدتي يوم سموها تقول مالقيتوا غير ذا الأسم غدي جعلها تغدي

وجدتس صادقه أخبر غيداء وغاده أما غدي صراحه ما أدري وش يبي هالاسم!!

إقتباس وش عندك اليوم مغير تطلعين عن الموضوع

لا لا ياشيخه يعني بس اليوم بتله تطلعين ولا أدري وين تروحين راحت روح العدو

إقتباس والغداء أن كان مطفر راح لبيتزا هت غداء حتى الإشباع بـ 19 ريال

الحين المطفر يروح يتغدى ببيتزا هت!! أجل الكاش يروح يتغدى بباريس ويجي

إقتباس إذا تبي تتجر افتح مطعم ... وشف الناس تدهر عليك ... كن ماعندهم بيوت ياكلون فيها

اي والله صدقتي بلا ما عاد هنا حريم قرمات يطبخن وينفخن ما غير يجلسن على النت ويطلعن عن الموضوع>>> مهوب يعانيتس أبد

إقتباس هي نفسها حقت طلعت الشبوك

ايه ما شاء الله عليك ما نسيتي

إقتباس حنا مانتصل لا نلصق فيهم يودونا معهم ... عشان نلف على السوبر ماركت كله ... ونشوف أشياء نخاف نكون ناسين ماكتبناها لهم

معصي تنزل للسوبرماركت

منوّل على نياتي أخليهم ينزلون بس يوم شفت نظامهم ياخذون من كل شي كرتون قلت اقضبوا الارض

إقتباس تصدق عاد أننا ماقد دخلنا سوبر ماركت ودفعنا أقل من الميه

ايه أصدق وهذا الحاصل عشان كذا نقول الميه صارت زي العشره!!

إقتباس دخلت بودي شوب بشتري قلوس كان بـ 39 والحين سعرة 49

هذا عاد اللي ما حسبت حسابه القلوس صار بـ 49 !! منوّل آخذه بـ 10 أريل ، بس الظاهر اني أبهون و ابدا ما أشتري قلوسات

فرصه وشو القلوس ذا ؟؟ ما اتفقنا على كذا

إقتباس قالوا عشان المكرمة الملكية حقت الرواتب الـ 15 %

اعن ابو دارهم ذلونا بهالمكرمه قسم بالله اننا تضررنا منها أكثر مما استفدنا



الله يعافيك وتشكراات على مشاركتك


عندي سؤال الى متى وحنا يا سفابتس؟

_____________________________



][ عيون الزعيم ][


هلا ومسهلا ،،

إقتباس انت كم عمرك ....<<<<<<<<< ملقوفه

يوم أمي حاملتن بي وولد جيراننا حمود عمره سنتين

وش تبين بعمري

بس ولا يهمك عمري 17 سنه واذا حبيتي تزيدين عليها عشر سنوات ترى ما عندك مشكله

تشكراات لمشاركتك

_____________________________



راااجع ان شاء الرحمن،،

أشكر الجميع على دعواتهم الصادقه، وأسأل الله العلي القدير أن يتقبل مني ومنكم..



__________________________________


سيمو


وعليكم السلام والرحمه..


هلا و غلا باخوي سليمان ،،

إقتباس آيهـ واللهـ .. أنا أحبهـ على شآآن بكرا الأربعـاء .. وشيء أخر أحتفظهـ لنفسي !!

وش عندك يوم الثلاثاء ؟؟>>>>>>> مهوب ملقوف أبد

إقتباس الجميع أستبشـر بالمكرمة الملكية بزيادة الرواتب .. لكن ماأن لبثت وإلا و أصبحت على المواطنين عبئـاً ثقيلاً ..!!

اي والله صدقت، هالطماعين والحراميه خلونا نكره طاري زيادة الرواتب !! زادت المصاريف و خسرنا الكثير من عقب هالزياده!!

إقتباس لا يعلم أيُ منا .. متى يكون بمقدور وزراة التجارة الحد بهذي التلاعبات اللتي تضر بالمواطنين !!

أبشرك حطوا رقم تلفون ، يقولون اذا حسيت ان أحد لعب عليك دق علينا وحنا نجي نتفاهم معه!!
شر البلية ما يضحك

والمشكله عدد مراقبي الغش التجاري عندهم 1000 وما أدري كم على مستوى المملكه كلها!!!

الرياض بس محتاج ما لايقل عن 1000 مراقب !!، ويشتكون من نقص الكوادر !! ما أدري ليش ما يوظفون من هالشبالب العاطلين ويدربونهم ويعطونهم رواتب زي العالم والناس

إقتباس كل منا يعلم بأن كل الوزارات أتكالية .. بحيث تتكل كل وزارة على الأخرى في تصريف المشكلات ..

غير كذا التعاون بينهم مفقود ، بل ان كل وزاره تدعي انها الافضل وتستنقص من عمل الوزارات الاخرى!!

أذكر اني شاركت في أحد المؤتمرات الدولية وخلال احدى الندوات كان فيه جدال بين مسؤولين من وزارتين مختلفتين عندنا وصل لحد السخريه من بعضهم البعض!! وكان الموقف مخزي وسيء جدا خصوصا في ظل وجود وفود من دول أجنبيه!!



تسلم يابعدي وشاكر لمداخلتك المميزه


__________________________________


الهنوووف


هلا ومرحبتين ..

إقتباس وعلى ضمانتي ان شاء الله ان ربي بيشفيهاا

الله يرضى عليك ويسلمك على حرصك واهتمامك ..

بس قويه على ضمانتي

تقدرين تضمنين لي أرض 600 متر بالمحمديه يكون سعره بـ 200 ألف أو ببلاش ان حصل

إقتباس على طاري يوم الثلاثاء كفشت امي تقول تحب الاثنين الليل علشان الاربعاء يقرب

الحين الاثنين بالليل قريب من الاربعاء على كذا السبت المغرب قريب من مسيّان الخميس

إقتباس الحين وجبه عشاء لنفر واحد تكلفك احيانا 50 ريال وهي ماتسوى

شكلك تضربين بالاكل ما شاء الله

عموما المطاعم فيها خيارات متنوعه، يعني يقدر الواحد يتحكم بنفسه فيها ، ممكن يروح لمطعم راقي ويتعشى بـ300 وممكن يروح ياخذ ربع كبسه بـ 5 ريال والاحسن يتعشى ببيته..

لكن المواد الغذائيه والمعلبات في الغالب مالها بدليل ، وهنا يضطر المواطن يشتري غصبن عليه وعينه مكسوره

إقتباس كوفي شوب بتاخذ لك موكـا وشي تاكله يكلفك 40 ريال

ترى قسم بالله مهوب لازم اذا أخذتي كفي تاخذين معه شي تاكلينه!!، خفي شوي بديت أرحم ابوتس

إقتباس والله الحياة صارت صعبه خصوصا للضعيفين الشباب مايدري وش يلحق على مهر والا على مصاريف والا سيارة محترمه الله يكون بعونكم والا على ايجاااار

اي والله صدقتي مساكين هالشباب يلقونها منين ولا منين ، عسى الله يرزقنا وييسر أمورنا

إقتباس حتى الصرف مايفيد اخبر اني ساحبه 500 او 1000 مدري وين تروح تلاقيني اليوم الثاني عند ابوي اتميلح

ما قلت لك اني أرحم ابوك عسى الله يرزقه ، وان شاء الله يزوجتس ويفتك منتس




الله مير يعافيك ويسلمك وتشكراات لمشاركتك

__________________________________


شفشينكووو7


هلا ومسهلا ..

إقتباس الحين الواحد مايصدق تنزل المكأفاه الا وهي طااااااااااااارت

الله يعيينكم ويرزقكم ياحقين المكافأه ، هي متى تنزل عشان تطير!!



تشكراات لمشاركتك

__________________________________


ملــ الهلال ــك


هلا ومسهلا ..

إقتباس وأنت صادق بكره الرز 600 ريال الكيلو

لا تكفى الا الرز

ان صار الكيلو بـ600 عز الله اني اباخذ قرض رز وابقعد أسدد للبنك طول عمري!!



تشكراات لمشاركتك

__________________________________


قناص المشاش


هلا وغلا ..

إقتباس والله قلبت المواجع يا بعدي وذكرتنا بأيام زمااااااااان

والله ياخي ان كان فيه أوجاع وهموم فهي من هالوضع المترادي عندنا ، لكن عسى الله يريد بنا خير



الله مير يسلمك ويحفظك ياغالي وشاكر لتواجدك


__________________________________



رااجع ان شاء الله

عندي مشكله بفتح الصفحات أقلقت مخي والرد ياخذ مني أوقات كثيرات

السلام عليكم ورحمة الله وبركاته
اخوي موووضوعك جميل جداً
بس انا راد على موووضوعك ابي ادعي لمك الله يطول لك بعمرها ويشفيها لك ويشفي مرضا المسلمين اجمعين يارب

هلا ،،

أشكر الجميع على دعواتهم الصادقه والله يتقبل مني ومنكم.



____________________________


abu_riman

هلا وغلا ،،

إقتباس من الأسباب التي أضعفت عزمي هل المجلس العام هو المكان المناسب لموضوع عن التضخم ؟!

وليش يضعف عزمك !! مادام الموضوع هادف وعام ويهم الجميع ( سواء الاقتصاديين أوغيرهم ) وفيه مجال للنقاش واثراء المعلومات، فالمجلس العام هو مكانه ان أراد كاتبه ذلك..


ليس لدي الكثير بخصوص مداخلتك مع الاخ العزيز الجاحظ ، ولكن أرجع وأقول أن هناك عدد من المسؤولين والمختصين قاموا بطرح مصطلح التضخم ومسبباته وآثاره وأخذوا يرمون عليه كل مايحدث!! وكأن المشكله نتجت عن عوامل اقتصاديه فقط لاغير

قد يكون التضخم أحد التفسيرات لما يحدث ، ولكن الواقع يقول ان الصوره ابسط من ذلك بكثير ، يعني بالعاميه يوجد لدينا انفلات تجاري وفساد اداري وانعدام للرقابه أدت الى ما أدت اليه من نهبٍ وسرق للمواطن المغلوب على أمره..



العفو يابوريمان وتسلم ياغالي على مشاركتك وحضورك..


____________________________




محبوب@نت

هلا وسهلا ..

غدن خدودي حمر عقب ياحبي لن

واترك عنك جبهتي

إقتباس والله ياان مواد الغذائيه مرتفعه بقوووه وحتى الخضروات والفواكه

أشوى الخضروات بدت ترجع لأسعارها المعقوله


ولك تحياتي وتشكرااات على المشاركه


____________________________



الرحّال الأزرق

هلا وغلا ،،

إقتباس المهم قبل لا اتوظف كنت اظن اني ابي اجي وآخر الشهر اوزع شرهات

دايم الواحد قبل لا يتوظف يبزع بعمره >>>>> فهمت شي;)

إقتباس يالله يوصلني الراتب آخر الشهر

هذا وانت عزوبي >>>> انوااع الاحباط

إقتباس بكرا نصير زي مصر بيجو والحق اهلك

يا رجل بكرا زين اذا صار معك بيجو

كني أشوف حفيدي رادفن أمه بسيكل غمارتين!!


تشكراات على مشاركتك


____________________________



متلثمة بشال الهلال

هلا ومسهلا ..

إقتباس والحريم ضعيفااات يشروون وبس سواء يستاهل هالشيء ولا مايستااهل

عاد الحريم ماعندهن مشكله بأي شي تقعد تسولف معها عن كثرة المصاريف وسوء الحال وقل الحيله واذا قضت السالفه قالت لك طيب عطن ألف أبشتري تيّور !! >>>> تراي أسمع بالتيّور وما أدري وشو؟؟ لا يصير زي القلوس بس

إقتباس تلقى الوحده اذا صار عندها مناسبة تدهـــّر من سووق لسوووق وفي الاخير مايدرى عنها وشي لابسه ..ياسفاب تعبها .. بس كلن يبي الزين

جازت لي هالسطرين

اعن ابودارتس جالسه تسولفين مع روحتس!! ياحبكم للقرق

بس قولتك كلن يبي الزين

إقتباس طقة خاقان / اقصد فيها جيل ها الوقت.

منين ألفتي ذي؟!


تشكرااات على مشاركتك الوسيعة الصدر الرائحه وطي


____________________________


راااجع ان شاء الله