مبارك العشر الاخيرة من رمضان للجميع وعسى الله ان يتقبل منا جميعا
خواطر في دمجتي ودي امحطها فيذا

ـ الجزيرة وش سالفتها مع الهلال ياخوفي يكون المثل هذا منطبق عليها ( اخذتها العزة بالاثم ) يعني لازم تكون ارائي وموضيعي هي الصحيحة ولا ابخرب؟؟؟؟ مافيه لاعب في عمر الهلال كله وقفت الجزيرة معه وخلته هو الصح وباقي الاعضاء الذين على راس عمل الهلال كلهم غلط ..الا في ابو اثنين !! طيب ماكفاهم رد نواف التمياط على ان كل كلام الاخ ابو اثنين على الاداري فهد المصيبيح مغلوط وغير صحيح وان فهد المصيبيح افضل من مثل هذا الموقع ؟؟؟

- الاخ فيصل ابو اثنين هداه الله ... اذا كان فهد المصيبيح ما يبغاك ودائما يحاربك وشلون وافق على انك تلعب المبارة النهائية في البطولة العربية قدام النصر وخلاك الكبتن وترفع الكاس ؟؟؟ مع انه يوجد تخمة كبيرة في الهلال في المحور ذلك الوقت .. / وبعدين تقول ان فيه عروض كثيرة جتك وانك فضلت تخدم الهلال اولا ... سؤلي كم دفعوا لك ... وهذا معروف للجميع

- جماهير الهلال العزيزة اللي ماتشوف الا فيصل ابوثنين هو المنقذ :ـ فيصل ابواثنين من اللاعبين الي خدموا الهلال ( ولاهوب ببلاش)وخدمهم الهلال ايضا (ببلاش) فاذا انتهى وقته او كانت مصلحة الهلال في ابتعاده .. صار لازم ان يبتعد مثله مثل غيرة ( النعيمة البيشي المصيبيح منصور بشير ... الخ واخرهم التيماوي ) فاذا زعل وعلق وسب اي لاعب ليه تحطوني في الاحتياط لية ماتلعبوني وقال ان اللاعب الفلني السبب او الاداري الفلاني بيدهور النادي ... هنا يجب علينا جميعا عدم الاصغاء له وعدم مساعدته في هدم وزعزعت استقرار النادي ... امل انكم فهمتوا قصدي ... ويعلم الله ان فيصل غالي عندي اول لين قام يصرح ويثير المشاكل بالتشكي لكل عضو //////// والسؤال الاهم لماذا لم يتقدم اي نادي للاخ فيصل ابواثنين بعرض مغري ؟؟ هل انتم افضل منهم رؤيه ؟

- ارثر وش فيكم عليه تراه مابعد خسر الا مبارة الاهلى وكان الهلال في ذيك المبارة الافضل ومتقدم بهدف وجانا بنلتي وضيعه الجمعان ... لايسئل عن تلك الخسارة ابدا ... وشوري عليكم لايطيرونكم بالعجة النصراويين في ان ارثر مايعرف يغير ... ياناس من عنده الحين في الاحتياط غير المفرج والنزهان ( فبعد اصابة اثنين من اللي يعتمد عليهم في الوسط الصالح والعامودي ) لايلام في اي تغيير اجراه ..

ولاحد يزعل على من كلامي السابق ويسبني تراي حساس وشاعري ومرهف

سلام

اقف صراحة احترام لرائي اخوي السنع والى الامام ان شاء الله
والله يحيك معنا
والسلام خير ختام

شكراً

وهذي شهادة اعتز بها من واحد مثلك