والله انا اشوف انه يملك الكثير ولاعب خبير والايام بتثبت كلامي انشالله...

بس فيه مشكله انه بطيء في الانقضاض على الكره ولا تمريراته متقنه ويوزع اللعب بشكل جيد.ولو وضعناه وسط حر وثبتنا الغامدي محور ارتكاز دفاعي كان افضل ولوبيسكو يساند الغامدي ويتقدم لصناعه اللعب.

أنا ارى أن جميع المحترفين الأجانب الذين في الهلال ليسوا بطموحاتنا ولا يليقون بالهلال0
أما عن رأيي بلوبيسكوا فهو لا يصلح الا حلاق،وانه يميت اللعب في الملعب0
أنا أرجو من أدارة الهلال أن تسعى أن ترجع اللاعب البرازيلي توليو فهو خير من مسك مركز المحور في نادي الهلال 0
هذه وجهة نظري0

صراحة ذا اللاعب رفع ضغطي مرة
يعني هو لاعب يستلم ويسلم بس.
والله مقلب جديد,وفية ريحة الكنترووووول
لاعب يقتل الهجمات المرتدة,ولا يصنع الهجمة
الله يذكرك بالخير يااااتوليو
يعني النصر البارح كان في قمة مستواة بالنظر
الى أمكانياتة الفنية المتواضعة وكان مقفل طول المبارة
حتى بعد الطرد كان متحفظ بعد,والا لو فية فريق زي الناس كان
أستغل ضعف العمق الهلالي,بداية من المحور النكبة.
الهلال يخـــــــــــــــــــووووووف
حتى الكاتو مررررررة مستواة سيء,خاصة إذا قعد يصفق
دريت انة ماعندة سالفة.
أدميلسون كان أفضل المحترفين وقدم مستوى مقنع نوعاًَ ماء
ولكن نريد الأفضل منه.
الهلال بحاجة ماسة الى محور يغطي الفراغ الذي تركة خميس.

السلام عليكم
بصراحه يا شباب وي اخ :انا
لوبيسكو لاعب منتهي الصلاحيه صح انه لاعب عالمي بس انتهى
ولعلمك الظاهر ان الاداره شايفه عندها فلوووووووووس واجد لذلك جابوا هالمساكين علشان يصرفون عليكم...........
لذلك يجب على الاداره ان تختار لاعب واعي يعطي اكثر مما ياخذ وحتى لو كان غالي الغالي في سعره .........وبعدين فيه شباب سعوديين فيهم الخير والبركه بس الاداره مكتفيه لاعبين وتدور لاعب يا واسطه او اللعب في وادي وهو بوادي

الهلال من بعدك ايش يا بندرمن محمد لا مدرب صح ولا لاعبين صح اللاعبيين الحاليين الشباب مثل الشلهوب والنزهان والدوخي كلهم من عهدك

ليبسكو يلعب المباراة كنه يلعب مناوره تدريبيه يعني

لاحماس

لاقتال على الكوره

يخاف يشترك في اي التحام

يموت الهجمه

تمريراته متقنه لكنها ماتفيد الهجمه (وينك يا بوثنين)

بالعربي فاشل فاشل

وكله علشانك يازعيـــــــــــم

تبون الصراحة؟؟؟ يذكرني بماوكلي فتى الادغال

لوبيسكو تقدر تقول عليه مقبول 0000أو جيد منخفض أما أدميلسون فهومهب لاعب هو أصلاً بياع بليلة وخايس أما الكاتو فهو يعني000 زوين بس منخفض مستواه كثير

اذا ردة على (حسين علي)خلونا على طمام المرحوم اقل شي ادميلسون فية رجا يضرب بالراس او يشوت او باص يمكن نقول انة زين. ام خبل (الناصرة) فهو احسن دفاع يلعب مع الخصم واحسن واحد يرجع الكورة بعد ما يستلمها مقشرة وفلتة زمانه في إضاعت الهجمة واغبا واحد في ضربات الراس . ياشباب انا لست مع الاجانب الكديش الى يجيبهم الهلال ما فيهم فاتح العين من بدى الاحتراف يمكن تعدونهم على الاصابع (سيرجيو الى فرط فية الهلال ما يبون يشترون عقدة ب400000$,ليتانا كويس لين انتهى مفعولة, بيبيتو البرازيلي الى جابوة في الهجوم وملعبينة وسط ونجم في الدوري الياباني,بقي اثنين او ثلاثة نحن لا نريد اجانب بهذا المستوى اذا حدة المور حطوا قروشكم في ديرتكم هذا المولد ماخلصو منة والله فية لعيبة احسن من الكديش بس بس بس وين الدبرة
ابو حصة

اللاعب معروف ومشهور جدا ولكن زمان حاليا يحمد ربه
انه يمشي على رجليه كبير جدا في السن كان زميل بلاتشي في
الفريق والمنتخب الروماني

انا اقولها و بصراحه لوبيسكو لاعب عالمي و محترف و مستواه رهيب .. انت مع احتلاامي لكم شفتوا اول واحد بقول مستواة شين قلدتوه كلكم انا ما اقصد الاساءه بس لو ترجعون للمبارة انا متأكد انكم راح تغيرون رايكم فيه . بعدين ترى مما في احد ما يخطئ و لوبيسكو معه حق لو يخطئ لان توه جديد و ما بعد تأقلم

سلام

لبيسكو وادملسون ماادري ليش مايجبون لاعبين معرفين امثال جونيورر

لا بأس

ياشباب اللاعب ولا بفلس
شفتوا اللاعب امس كيف كان نقطة ضعف ولاعب باردوكرات خاطئه.
اتمنى من الذين اثنو على اللاعب انهم يرجعوا لشريط المباراة ويشوفوا الكرات الخاطئه بالهبل.
اللي ضاغطني وقاهرني ابو شنب يقول :لوبيسكو قدم مباراة كبيره,اي مباراة كبيره الله يرحم والديك.