للمره الأخيره نطالبكم..خدمه بسيطه للمغتربين... - نادي الهلال السعودي - شبكة الزعيم

هلالي كليفورنيا · #1 04/12/2001, 09:42 AM

السلام عليكم ورحمة الله

اخواني وأحبتي من أعضاء و محبين لهذا الكيان الشامخ وحبنا الكبير الهلال, طلبنا منكم في وقت سابق أن تقفوا مع اخوانكم الهلاليين المغتربين في امريكا بأن تتصلوا بالتلفزيون السعودي وتطالبوهم بنقل المباريات على القناة الأولى وليس القناة الثانيه وأننا لانريد أن نشاهد ياسر العضمه في مسلسل "مرايا 2001" خاصه وأن هذا البرنامج يعرض على ألف قناة عربيه ( يعني منغثين منه). والأن لانريد أن نحرم من مشاهدة مباراتنا مع النصر.

أنا ما ودي ازعجكم مره ثانيه بهمومنا هنا... لكن انتم عارفين الوضع اكيد...صحيح فيه ناس رجعوا للسعوديه بعد احداث 9/11 وبعد المظايقات والأعتدأت على العرب... بس فيه ناس كثير خايفين يرجعون لأسباب مختلفه... منها ان بعضنا قرب يتخرج وخايف يرجع للسعوديه ولايقدر يخش أمريكا مره ثانيه... و...و...و

أسف على الأطاله ولكن الرجاء الأتصال بالتلفزيون السعودي على اي من الأرقام التاليه:

السنترال 4068888
القسم الرياضي 4428161 او 4428279
ويستحسن لو تطلبون التحدث للدكتور علي النجعي.

ورجاء انكم ماتنسون تطلبونهم ينقلونها لو مسجله في اي وقت يناسبهم...والدكتور علي قالي شخصيآ من فتره انهم يدرسون عرض المباريات مسجله عالقناة الأولى بس يبغالهم شويت تذكير عشان يحرصون اكثر

رجاء هالمره تحرصون اكثر ومكالمه وحده ما راح تاخذ من وقتكم شي وشكرآ لكم جميعآ مقدمآ.

@@رساله للطلاب في أمريكا@@

أنتم ايضآ مطالبين بالأتصال...كلها دقيقتين...تكفون لاتبخلون على انفسكم...لو مايجي الا شوفة ابويعقوب يداعب الكوره حتى لو خمس دقايق...صدقوني اتصال كل واحد منكم مهم

المجنونه · #2 04/12/2001, 10:04 AM

أبشر انا عن نفسي ابتصل وبقول اللي اعرفهم يتصلون بعد ..

بس تعتقد ان تلفزيوننا العزيز بيسمع ؟؟؟؟؟؟؟؟؟؟؟؟

الفارس الأزرق · #3 04/12/2001, 10:46 AM

ياخوي ياهلالي كليفورنيا لا تعب نفسك في هذا المنتدى ماراح احد يسمع لك فما بالك باللي برا المنتدى....... صحت لين قلت بس ومااحد سمع لي ... لا واحذفوا موضوعي بعد ... فالأفضل خلنا نواسي بعضنا الين يحذفون موضوعك انت بعد ... وياقلب لا تحزن ...!!!

هلالي ارزونا · #4 04/12/2001, 10:48 AM

والله انك صادق ياهلالي كلفورنيا
القلوب عند بعضها
تكفون نبي نشوف المباراه

النمر المقنع · #5 04/12/2001, 10:54 AM

اخوي العزيز اتصلت على التلفزيون

واخبروني انه من المستحيل نقلها على الاولى

وتبريرهم انه هناك برامج على الهواء ومدرجه من اول الشهر الفضيل ومستحيل انهم يلغونها

ولاكن ذكر احد الاخوان ان art سوف تنقلها وهي تصل عندكم

وتحياتي لكم

al7keem · #6 04/12/2001, 11:11 AM

قالوا ايش قالوا برامج على الهوا البرامج اللى اعرفها كان علىالهواء قبل مااطلع من السعودية الاخبار وصلاة العشاءوالجمعة من مكة ..... لاوعلى فكرة النشرة الجوية تراها مسجلة.....
بس ينطبق علينا المثل المصري اللي يقول جت الحزينة تفرح مالقتلاهاش مطرح..............
بس لاحياة لمن تنادي ....

اقول سالنقوووووووو

سيف السيف · #7 04/12/2001, 02:13 PM

أقول والله مالنا الا هالمنتدى نتابع منه ، والله لو تصيح من كلفورنيا للرياض ما يسمعونك .

يقولي واحد من العيال في محل بهيوستن يسجل المباريات وتطلبها اون لاين . اذا كانت النتيجة بكرة انشالله كويسة ابسأله عنها واعطيكم خبر اوكي؟

SDAIRawee · #8 04/12/2001, 02:20 PM

السلام عليكم
الشكوى لله يا شباب انا بديت احس بـ homesick والسبه التلفزيون السعودي .... كل اللي نبيه نشوف المباراة

لكن والله يا هلالي كاليفورنيا اشوى ان art في امريكا وانشاءالله نكحل عيونا باهداف هلاليه قولوا امين

والله ياخذ ابليسك يالحكيم ما ادري من وين وشكله ما لنا الا SUNDAY نشوف Football .... CHARGERS

عالي الشان · #9 04/12/2001, 03:00 PM

ولايهمكم حبايبا اللي برى حنا بنسوي اللي علينا هنا والباقي على الله

سامي 2002 · #10 04/12/2001, 03:22 PM

والله لو الحل بيدينا كان حطينا قناة رياضيه بس (لاحياة لمن تنادي)

تحياتي : سامي 2002

هلالي كليفورنيا · #11 04/12/2001, 03:51 PM

المجنونه
ماشالله عليك...ما سجلتي في المنتدى الا من اكتوبر بس مشاركاتك تعدت مشاركاتي بأربع اضعاف...ودائمآ سباقه للمساعده ومد يد العون للأعضاء الأخرين.

هذا إن دل فأنما يدل على قلبك الكبير وحبك للزعيم

انتي نور المنتدى الجديد شكرآ لك

الفارس الأزرق
اسمح لي اختلف معاك في هالنقطه...انا طرحت الموضوع قبل كذا والأعضاء ماقصروا مع انهم عارفين ان المسأله صعبه بالنسبه لتغيير البرامج...وأنا توني حاط السماعه بع الحديث مع الدكتور علي النجعي في التلفويون السعودي وقالي انه جانا طلبات كثيره واكثر من المعتاد...يعني الحمد لله فيه نتيجه...وشهاده لله الدكتور كان مره متعاون و وعدنا خير وفيه احتمال تصير تعرض المباريات مسجله وفي وقت يناسب اللي في امريكا.

عمومآ ماقصرت وشكرآ

هلالي ارزونا
شكرآ على اهتمامك وأتمنا ان امورك زينه في اريزونا وتراك منتب بعيد عني والله يحيك لو تجينا في سان دييقو

النمر المقنع
يعطيك ألف عافيه على المحاوله وهذا الرد اللي يبرد القلب وكلامك سليم 100% وهو نفس كلام الدكتور علي...بس اللي نبي انه توصلهم الرساله ويعرفون اننا حريصين...وزي ماقلت قبل ان شالله بنشوف نتايج لمحاولاتنا هذي ويعجبني اللي زيك يحاول وبدون اعذار.

تسلم لي

al7keem
ياحبي لك...لازم تدخل عنصر العاياره في كل شي كتى في فلاشاتك...الصراحه بفقدك إذا رجعت الرياض.

شكرآ لك

سيف السيف
شكرآ لهتمامك يالغالي...وانت صادق المنتدى معوضنا عن اشياء كثييييره...بس وانا اخوك لاتفقد الأمل إنشالله بعد رمضان وضع القناة الأولى بيتحسن.

SDAIRawee
ياهلا والله ومسهلا بزميل الغربه الثاني... وياهلا بأهل سدير كلهم...والله يبعدنا عن الHomesickness انشالله

شكرآ على ردك ولا تحرمنا من هالطله.

moad3_sa
شكرآ لك وأنت ايضآ دايمآ سباق لمد يد المساعده... ويعطيك ألف عافيه على الأتصال.

سامي 2002
هنا نفس الشعور وشكرآ لهتمامك والله يحقق كل امنياتك وامنيات كل ابناء الزعيم