السلام عليكم ورحمة الله

اخواني وأحبتي من أعضاء و محبين لهذا الكيان الشامخ وحبنا الكبير الهلال, طلبنا منكم في وقت سابق أن تقفوا مع اخوانكم الهلاليين المغتربين في بلاد امريكا بأن تتصلوا بالتلفزيون السعودي وتطالبوهم بنقل المباريات على القناة الأولى وليس القناة الثانيه وأننا لانريد أن نشاهد ياسر العضمه في مسلسل "مرايا 2001" خاصه وأن هذا البرنامج يعرض على ألف قناة عربيه ( يعني منغثين منه). والأن لانريد أن نحرم من مشاهدة مباراتنا مع النصر.

أنا ما ودي ازعجكم مره ثانيه بهمومنا هنا... لكن انتم عارفين الوضع اكيد...صحيح فيه ناس رجعوا للسعوديه بعد احداث 9/11 وبعد المظايقات والأعتدأت على العرب... بس فيه ناس كثير خايفين يرجعون لأسباب مختلفه... من اهم هالأسباب ان بعضنا قرب يتخرج وخايف يرجع للسعوديه ولايقدر يخش أمريكا مره ثانيه... و...و...و

أسف على الأطاله ولكن الرجاء الأتصال بالتلفزيون السعودي على اي من الأرقام التاليه:

السنترال 4068888
القسم الرياضي 4428161 او 4428279
ويستحسن لو تطلبون التحدث للدكتور علي النجعي.

رجاء هالمره تحرصون اكثر ومكالمه وحده ما راح تاخذ من وقتكم شي, وشكرآ لكم جميعآ مقدمآ.

أخي العزيز كل عام وانت بخير
الموضوع ليس سهل كما تظن ولا يستطيع احد أن يغير برامج التلفزيون ،، الحل الوحيد لك هو البحث عن قناة ART وأظن أنها موجوده ،،،

والله يعينكم وأنا أخوك

اخي ابولما,

اشكرك على اهتمامك والله يحفض لك لما..ويحفض لك كل من عز عليك.

كلامك صحيح 100% بالنسبه لتغيير البرامج فهي بالتأكيد مسأله ليست سهله... لكن انا ماطلبت من الأعضاء تغيير البرامج انا اقول ياليت يتصلون على التلفزيون فقط لاغير...وأعتقد هذا شي سهل. بعدين لو الواحد فقد الأمل في كل شيء يشوفه صعب المنال كان ماحصل الشخص على شي ابد...انا اقول نحاول والباقي على الله.

أما بالنسبه ل ART انا وشباب كثير هنا عندنا ال ART بس إذا كانوا مانقلوا الهلال والأتحاد فاأكيد انهم ماراح ينقلون الهلال والنصر...وايضآ سمعنا انهم توقفوا عن نقل الدوري السعودي في أمريكا ماعدا المربع والباريات النهائيه ويمكن بعد.

عمومآ ماقصرت

أتصلت ومارد أحد بس مالك هم والله لأزعجهم لين تفرح بالمباراة

وتراك غالي علينا

اصلا لونقالوها بينقلون نص الشوط وبعدين تتحول للقناه الثانيه وتنظغط اكثر الله يصبرنا إحنا الي في أمريكا مزبعريين قدام التلفزيون نستنا زي الصدقه من اي قناه تنقل مبارة. والي ظاغطني احنا اكثر دوله عربيه عندها امكانات اعلاميه. تصورون LBC كل يوم تنقل مبارة سله من الدوري البناني. و الفيوتشر تنقل مباريات القدم الدوري البناني. و مصر الفضائيه تنقل الدوري المصري واحنا الجمهور السعودي الي في امريكا نضرب أخماس في اسداس والله قهر !

أقولها وانا صايم
يـــــــــــــالله لا تــوفـقــهـم لا هــم ولا تــلـفـزيـونـهـم .

بصراحة شي يحز بالنفس ... لا كن ...
لقد اسمعت لو ناديت حياً ## ولكن لاحياة لمن تنادي

أخواني الأعزاء.. الله يعينكم ويصبركم... ومالكم الا قناة الزعيم بمنتديات الزعيم

تلفزيوننا يا عزيزي تلفزيون استقبل وودع .. وصاير بهالشهر الفضيل تلفزيون ابتزاز
لأنهم هالحين طايحين بالمسابقات الله لايوفقهم ...
وأظنك تشوف .. منزلين بطاقات بالسوق .. وتتصل من الرياض عليهم بالرياض بريالين ونص للدقيقة . وربي اكبر مهزلة .

تحياتي لكم وبالتوفيق والله يرجعكم بالسلامة .

عنيد

شكرآ لك وماقصررت هذا الرد اللي يبرد القلب.

هلال نجد

شكرآ لك..واضح انك عايش نفس المعانات مع تلفزيونا الغريب...بس أنشالله عساهم هالمره ينقلونها...والله لو ربع شوط بس على الأقل نشوف شي.

هلالي الجوف

ياهلا بك مره ثانيه وشكرآ لك...كلامك سليم 100% وأنا قلت قبل كذا ان اللي مانفهمه كيف دوله بأمكانياتنا ولها طلاب كثير مغترين ما تقدر تفتح قناة ثالثه؟...حتى لو ما تفتح الا اذا كان فيه مباريات... احنا هنا قاعدين نشوف قناة دبي الرياضيه مع ان عدد الطلاب الأماراتيين ما يتجاوز 20% من الطلاب السعوديين وميزانية دولتهم ما تقارن بميزانيتنا!!!


أنا ماعندي اي خبره في مجال الأعلام لكني اعرف شي واحد وهو ان التلفزيون يمثل احد اهم واجهات الوطن وهو اللي يعكس حقيقة الحضاره والنهضه للعالم لكن بكل صراحه تلفزيونا يفشل.

مثل ثاني...قناة المنار (مع اني ما اداني الشيعه) بس الحق يقال..قناة دينيه وامكانات اقل مننا لكن برامج واخراج ممتاز.

تحياتي لكم جميعآ وشكرآ