إجازه مافيه!! - نادي الهلال السعودي - شبكة الزعيم

Mr.GoaL · #1 25/03/2007, 02:55 PM

إجازة القمة لا تشمل القطاع الخاص

الرياض - و.أ.س:
أوضح مصدر مسؤول بوزارة العمل أن الإجازة الممنوحة لموظفي الدولة وطلاب المدارس ليومي الثلاثاء والأربعاء الموافق 8و9/3/1428ه بمناسبة انعقاد مؤتمر القمة العربية في الرياض لا تشمل منسوبي القطاع الخاص.

المصدر

لايفوتكم التعليقات بس

هذا الخبر في جريدة الرياض اليوم!!!

وصراحه لاتعليق مع ان الامر الملكي كان مرسل منه نسخه لمعالي وزير العمل؟ طيب وش يسوي وزير العمل في النسخه اللي عنده << يبلها ويشرب مويتها

والا مالنا رب بس الي ماتبونهم ينزعجون ويتعرضون للزحمات الطلاب وموظفين الحكومه

ماقول الا الله يهينكم باجازتكم بس
طيب وشلون نتجاوز هالشوارع المغلقه

يمكن انا نروح لاعمالنا عن طريق انفاق المترو

والسلام عليكم ورحمة الله وبركاته

بلد الوليد · #2 25/03/2007, 03:00 PM

لا خلكم تستاهلون يامال الي.........
احد قالك اشتغل في القطاع الخاص

نـــــــ15ــــــمر · #3 25/03/2007, 03:02 PM

احسن اجل انا اختبر يوم الثلوث في الليل وانت ماجزين

والله حاله

بس يالله هذي تضحيات للعلم

& & & &

لا ان شاء الله يعطونم والا يعوضونهم(يواسي طفل ,,,,
تشـــــــــــاو

عاشق الفيلسوف 15 · #4 25/03/2007, 03:19 PM

أي والله قهر

وطيب والمشكلة الي شركتهم على كبري الخليج

كيف يقدر يوصل العمل

يمكن بطياره

أو يمكن مثل ما قال مستر قول بإنفاق المترو .

اما بالنسبه للخطاب الموجه لوزير العمل عشان الموظفين الحكوميين بالوزاره .

الله يفرجها من عنده .

هلالية حرة · #5 25/03/2007, 03:35 PM

الله يعينكم يعني حنا نايمين وانتم كررررف

LBa your heart · #6 25/03/2007, 04:26 PM

الحمدلله أمس قالوا لكم أجازه الثلاثاء والاربعاء

وانا خذيت الاجازه من اليوم :p

leader-imf · #7 25/03/2007, 04:37 PM

إقتباس

الرسالة الأصلية كتبت بواسطة Mr.GoaL


	والا مالنا رب بس الي ماتبونهم ينزعجون ويتعرضون للزحمات الطلاب وموظفين الحكومه ماقول الا الله يهينكم باجازتكم بس طيب وشلون نتجاوز هالشوارع المغلقه يمكن انا نروح لاعمالنا عن طريق انفاق المترو والسلام عليكم ورحمة الله وبركاته

ياحبيبي ترى مو كل الموضفين الحكوميين مجازين

انا موضف حكومي ما قالو " الاجازه ما تشملكم وبس "

الزمونا بدوام يوم الخميس .. ما كفاهم انهم حرمونا من الثلاثاء والاربعاء

خلونا نداوم يوم الخميس ..

للمعلوميه طريق " خريص " و " الملك فهد " بتكون مقفله .

وفيه برضه كم شارع حولها مقفلينهم .

=مـاجــد= · #8 25/03/2007, 04:41 PM

اللي با لقطاع الخاص بسرعة حول حكومي عشان تلحق على الاجازة

الكناري الأزرق · #9 25/03/2007, 04:54 PM

السلام عليكم و رحمة الله و بركاته

<------ بالمدينه

.. القطاع الخاص اول ضحايا عيني .. و الضحيه القادمه الطلاب ! انتظروا قريبا

مستر قول , عوافي عالخبر الحلو <---- ايه استانست يالشيطان الامرد

البارق · #10 25/03/2007, 05:08 PM

أحسن ..

وعقبال بعد ما يجي توضيح ويقولون المقصود بالطلاب هم طلاب الابتدائي فقط ..والموظفين حقين الديوان الملكي فقط ..

أجل أنتم إجازة وحنا لا ..

Mr.DL5 · #11 25/03/2007, 05:09 PM

محد قالكم تصيرون قطاع خاص ..!!

خخخخخخخخخخخخخخخخخخ

بس شي حلو ان نأجز وغيرنا يروحون بهــ الزحمة يكرفون وحنا غاطين بفرشنا ..!!

اللهم لك الحمد والشكر ..!!

اقول حولنا قمة ثانية بالرياض ..!!؟؟

<<< << ناوي يرسب عشان ياخذ الاجازة ..!!

عسيريه · #12 25/03/2007, 06:12 PM

ياحليلكم الله يصبركم بس<--حشا مصيبه

وعادي ترا القومه بالصبح تنشط المخ والدماغ والجسم وتحرك الدوره
الدمويه الخ الخ يعني لاتستخسروون القومه<--لايكثر

الله يعينكم من جد مالهم داعي ابدن

مع التحيه