إجازه مافيه!! - صفحة رقم 2 - نادي الهلال السعودي - شبكة الزعيم

مملوحة نجد · #1 25/03/2007, 07:12 PM

عقبال ما نسمع الغاء الإجازهـ مرهـ وحدهـ

..

ليش انتمـ وحنا لا

..

اتخيل نفسيات أهل الرياض إذا الغوا الأجازهـ

اللي يروح يلغي حجوزاتهـ , واللي يلغي رحلاتهـ

هلاليه و افتخر · #2 25/03/2007, 09:57 PM

عــادي انــتــم تــخــدمــون الــوطــن

الكلاسيكي · #3 25/03/2007, 10:50 PM

هــلا وغـــلا فيك تروووكـ ..

ايــه اهم شي احنا .. ولا انتوا بكيفكم .. << نــذل

الصراح اللي في القطاع الخاص يكسرون الخاطر ..
شغل كرف وقرف .. وبعد مافيه اجازه .. ما اقول الا الله يجيب لي وظيفة حكوميه

خيرها بغيرها .. المره الجايه .. << يسلك :p

دمتم بدوام طيب

juve1897 · #4 25/03/2007, 08:45 PM

الحمدلله والشكر

<<<< أعمال حرة

الإمبراطور نواف · #5 25/03/2007, 09:01 PM

والله مساكين موظفين القطاع الخاص

الحمدلله توني متخرج بدور على وظيفه بالقطاع الحكومي===>يدور الإجازات

لا أوصيكم يا أهل الرياض بالوناسه والسفر في هاليومين يعني اللي بيسافر ياخذ عمره واللي بيسافر الدمام أوجده

عـز الهلال · #6 25/03/2007, 11:35 PM

هـلا والله ..

انـا الحمدلله مـاخذ مكرمه زياده عنكم

وبكرة ماني مداوم

يعني " إثنين , ثلوث , ربوع , خموس

, جمعه " كلها إجازة

.

والله يديم المؤتمرات والإجتماعات

.. قولوا آمين .

سلاميشو ...

juve1897 · #7 26/03/2007, 12:21 AM

الله يصلحك يا تركي ما أحد قالك ما تتوظف بالحكومه

على أنك بالقطاع الخاص تتطور و تترقى و الحكومي مكانك سر

<<< يبي يهون عليك خخخخخخـ

شف عند لك شور يعجبك لا تروح و إتصل عليهم و قل ما أقدر أتحرك

الشوارع مقفله و لا كأن شيء صاير و إذا تبي تضبط التمثيليه و أنت

جاي بكره من الدوام جب معك مسجل و سجل صوت السيارات

و شغلها و أنت تكلم مديرك بالدوام

و لا هم بالدوام وش كانوا يفكرون فية

الظاهر كانوا يظنون بتجي بالطيارة و إذا صرت عن مكان الوظيفه

تنقزت بالبراشوت

بس الي مستغرب في إن أحد القطاعات الخاصة بيعطلون يومي الثلاثاء و الأربعه

و لا أدري ليه ما تعطلون أنتم

هتلر الرياض · #8 26/03/2007, 01:00 AM

تركي

يا اخي بيتك وش جابه للطرق المقفلة

امسك الدائري ................ يا بعدي و بعدين رح لـ شغلك من المخرج المذكور بعد قليل

<<<<<<<<<< خربها

كل الشكر لك ..