|
على المكشوف واللي يصير يصير بسم الله الرحمن الرحيم بعد التحية.. والله ان الموضوع تكلمت عنه من بعد خسارة النهائي العام الماضي 3-0 ولكن لا حياة لمن تنادي وايضا توضيح ان العله قديمه ومكشوفه وواضحه وبالذات المفرج والخثران , حيث ان الخثران تدهور مستواه من مباراة اعتزال الثنيان والى الان وهو في انحدارانا اموت وافهم ليه ما يطلعون من درجة الشباب لاعبين او يعطون الذياب الفرصه ولا المفرج عاد اللي حدث ولا حرج لكن اعتقد ان كثير من المواضيع بالمنتدى كفت ووفت لكن برضه مصرين عليه ياناس التفتو للباقين خصوصا بدرجة الشباب فيه سنتر ما اذكر اسمه بالاضافه للكلثم راس حربه والفريدي وسط ماشاء الله عليه ماله حل بدل اللي جالس يصير الان .. طيب اوكي لا تطلع لاعبين من درجة لشباب لكن عط الباقين فرصه ..ياخي اي فرصه! لا نقعد نلعب على بعض احتياط مافيه كلهم ماعندك احد اجل تركي الصويلح احتياط ! ما ادري ليه الى الان هذا موجود بالنادي ؟! ( يمكن ابوه يملك الارض اللي عليها النادي)واحنا ماندري .. اذا كان المنتدى وهو منتدى! الواسطه تشتغل فيه فما بالك بالفريق عموما اعتقد مشاركتي راح تنحذف كالعادة لانهم حاطين دوبهم ودوبي ما فيه اي موضوع اكتبه الا وحذفوه ليه ! بس عشان مصدري قوي بالنادي ولا يبون الا الاخبار اللي تعجبهم لا ويقولون ان المواضيع اللي انا اكتبها ما فيها اي فايده !!!!! والله ما ادري وش الفايده في الموضوع اللي اكتبه كله مدح بسامي وسامي غني عنهم وعني وابو عبدالله ما يحتاج اني امدحه بموضوع لانه بات رمز من رموز الكرة السعودية والعربية والاسيوية بل والعالمية ايضا. .. لكن انتقد يحاربونك و لازم تصير معجب بالادارة تصير عندهم من المحبوبين ولو تنزل موضوع تكح فيه ثبتوه , لكن تتكلم ((بديموقراطيه)) وتنتقد ومن باب حبك لهذا النادي يشككون في حبك وهم توهم امس طالعين على الدنيا بل انا مستعد احلف ان اكثر من نص مشرفين المنتدى اصغر سنا من معظم الكتاب اللي موجودين ولو هي بعدد المشاركات فهنا مشكله ولكن انا اقيسها بدعمي للنادي من اول بطولة خارجية حققها الهلال واعتقد ان الكل يعرفها اذا ما كان هناك عدد كبير قد حضروها .. ياناس ادارتنا مثل مالها ايجابيات اكيد لها سلبيات ولابد من توضيحها للجميع لان الهلال ملك للجميع وليس لاحد بعينه وهو ليس انتقاد فقط بل انتقاد و عتب ووجهه نظر للجمهور المفروض ان تقبل ولا تهمش او ترمى وراء الشمس .. من اول اسباب نجاح الفريق في الدوري ووجود شخصية ادارية ناجحه مثل عادل البطي ومن ضمن اسباب تدهور الفريق هي اقالته والكل يعرف السبب وذلك حين ابدى اعتراضه على ذهاب سامي مع رئيس النادي لحظور مباراة المنتخب السعودي ببطولة الخليج الاخيره.. ياجماعة لابد ان نحكم المنطق ونعترف بأن نادينا الان بدت الواسطات تطغى عليه ولا المفرج ليه يلعب والمرشدي ليه احتياط وتركي الصويلح ليه موجود ودرجة الشباب ليه مهمشه .ومنصور الاحمد وش رجعه والمحترفين ليه برازيليين فقط طبعا الكل يعتقد بانها فلسفه مدربين بينما الواقع يقول انها امور ماديه فقط وسمسرة مدربين وعلى حساب مين على حساب نادينا . عموما اعتقد اني طولتها وهي قصيره ولكن شيئ بالنفس واتمنى من مشرفينا الكرام تقبل النقد او على الاقل نتناقش واذا كانو يرون ان مواضيع مثل هذه لاتخدم النادي وليس من المفيد مناقشتها على المكشوف مستعد استقبل اي رسالة من اي مشرف على الخاص وانا اعتذر عن اي موضوع لم يعجبهم .. والسلام ....... |
ريلاكس يا بو الشباب .. وش تبي بالضبطـ .. انت.. ياحبيبي انت جاي اخر الموسم .. وتبي لاعبين من الشباب .. خلونا نناقش الي موجود ونحاسبه .. بدون تجريح .. وحطها بين قوسين .. كلامك في من الصحه الكلام الكثير .. بس بعضه اخالفكـ .. ونت لا تعصب .. وعلى قولتهم (( ماتسوى تعبها )) .. وماعليك الجاي احلى .. برب |
من ناحية هالنوعية من المواضيع .. حنا نحتاجها لكن بأكثر هدوء .. وللأسف ان كانت هادية او بهذا المستوى .. ماراح يتخلى موضوعك وهذي نقطة خطيرة يجب ان يراعية المشرفين الكرام هنا.. منتدى الجمهور مفتوح للجميع ومن حق الجمهور الهلالي معرفة ادق التفاصيل عن النادي .. حتى لو كانت سلبية .. من حق الجمهور ان ينتقد وان يكتب حتى لو صرح بأسم معين .. فمصلحة النادي فوق كل اعتبار ... حسبي الله ونعم الوكيل على الواسطه .. ابوزرنوق |
والله كنت أتمنى ..بأن في مبارايات الفرق الصغيرة ...أن يجز بأكبر كمية من الاعبين الشباب مع لاعبين الخبرة ... لكي نكسب وجوها صغيرة للمستقبل... لاكن ماذا نفعل مدام المفرج أساسي والمرشدي أحتياط ؟؟؟ |
اخوي مطلق انا ما جيت على نهاية الموسم وقاعد اقول ابي شباب انا قاعد اذكر اني تكلمت نهاية الموسم اللي طاف وبداية الموسم هذا لكن ما صار ولا شي من اللي قلناه وهذي النتيجه .. وعلى فكرة ترى انا مو معصب بس شي يرفع الضغط ياخي اذا بالنادي مانقدر نتكلم وبالمنتدى مانقدر نكتب وش نسوي ؟ نتفرج على الفريق زي المجانين واذا فاز قلنا مبروك ولما يخسر نقول كله من المفرج الى متى!!!!! اخوي مطلق اشكر مرورك على موضوعي طال عمرك |
كلامك صحيح |
ابو زرنوق شرفني مرورك طال عمرك .. الفتى الذهبي حبيب قلبي كان عندنا اكبر فرصة بالدنيا وهي بطولة الامير فيصل الله يرحمه لكن والله بالشكل هذا راح ندفنهم .. اخوي الاسطورة .. المطوع من طاع الله وكلنا ان شاء الله من الطائعين لكن انا خصيت المفرج والخثران لانهم من العام الماضي وهم مستواهم هابط جدا لكن الفريق كله عليه ملاحظات واعتقد نزول المستوى بل متاكد جدا ان الارهاق ليس السبب بل ليس حتى من ضمن الاسباب لنزول المستوى فالاسباب اداريه بحته !!! ولك تحياتي |
السلام عليكم ورحمة الله وبركاتة موضوعك فيه شيئ من النقد الهادف وشوي حده في الهجوم على المشرفين في المنتدى واللاعبين بس ما يخالف فضفض لانه باين انه كله من حبك للزعيم واتمنى ماينحذف الموضوع .في النهايه اساس حريه الرأي اني قد اختلف معك في الرأي لكنني سأحارب من اجل ان تقول رأيك . من عرفت الهلال وهو كل سنه يفاجئ الجماهير بثلاثه او اربعة لاعبين في الفريق الأول آتين من درجة الشباب بعضهم يستمر ويصبحوا نجوما لامعه في سماء الكره السعوديه والمنتخبات السنيه والمنتخب الأول وبعضهم ينطوي بسبب الأصابه او عدم تطور المستوى. في الفتره الأخيره افتقدنا ذالك وبكل صراحه آخر موهبه هلاليه استحق ان نطلق عليه لقب النجوميه هو محمد الشلهوب وذالك قبل سبعه او ثمانيه سنوات فتره طويله لتنتظر بزوغ نجم اليس كذالك؟ الفريق بأكمله يمر بفتره انحدار في المستوى فالمشاهد الآن انه اي لاعب هلالي لا يلعب بنصف مستواه وغياب كامل لروح الهلال وانا هنا اخص الجميع .وكل من يقول ابدا الاعب الفلاني ابدع او انه كان نجم المباراة اما انا يكون يكذب على نفسه او ان يكون مشجع لهذا اللاعب وليس الهلال قد يكون هذا اللاعب احسن السيئين فلا يوجد لاعب جيد في هذه الفتره بالنسبه للمطالبه بالمرشدي بدل من المفرج انه سيكون الحل للضعف الهلالي في خط الظهر مع كامل احترامي الا انني اظن ان الأثنان وجهان لعمله واحده.فكلاهما لديه ضعف واضح في التغطيه والبطء و (تخليص) الكره من منطقة الخطر حتى لو كانت على قدمه اليسرى يعني بالعربي ما يسطحون الكوره الاان المفرج يتفوق من ناحيه الخبره وفيه شوي حماس ويحاول يوزع منه على اللعيبه ختاما اضم صوتي لك للمطالبه بمشاهدة لاعبي الشباب في الفريق الأول ان لم يكن في هذا الموسم فليكن في الموسم القادم واتمنى اعطاء الفرصه في الهجوم الهلالي للعمبر و الصويلح في مباراتي القادسيه و الطائي ليستعيدوا حساسية المبارايات فمشوار البطولات امامنا طويلا ان شاءالله. والسلام ختام |
فالك المليون ( التغيير ) |
شكرا لك اخوي معاك قلبا وقالبا فيما قلت.وإلى الأمام. |
والله انك قلت اللي كنت ابي اقوله وخصوصا عن المشرفين اللي زي ماقلت امدح يحبونك انتقد استلم الحذف والايقاف وبالنسبة للواسطة صراحة هذي مالها حل الا عند الادارة والله يكتب اللي فيه الخير |
كالعادة راح يحذفوا لك الموضوع |
غريبة هالهجوم على المشرفين لا كانت مواضيعك مثل هالنوعية معاهم حق في طرحك كثير من الشي المفيد والرائع لو انك ابتعدت عن العصبية شغلة محيره تطرق الكثيييييييير من الاعضاء الى موضوع الواسطات في النادي معقولة هذا كيان هلالي ولا اعتقد ولا حتى افكر ان الواسطة تسري في عروقه |
إقتباس:
ذبحونا المشرفين بحذف المواضيع بس اكتب موضوع امدح فيه لاعبهم المفضل راح تشوفه مثبت سنه اما الانتقاد على طول للزباله ويكرم القراء اتمنى من المشرفين اخذ دوره من منتديات النصر ادخلها بعض المرات بصراحه في حريه في ابداء الرأي بشكل كبير حتى الواحد ينتقد رئيس النادي بدون حدود انا ما ابي يفتح الباب على غاربه مثل ما يقولون بس اتمنى شوي احترام للرأي والرأي الاخر |
إقتباس:
|
إقتباس:
ملاحظاتنا نقولها ونتمنى يتقبلونها بصدر رحب واختلاف الراي لايفسد للود قضيه والموضوع تطرقت فيه لعدة نقاط وليس موجه للمشرفين فقط اشكر مرورك اخوي .. |
إقتباس:
اخي الكريم تعقيبك على الموضوع يعتبر اضافه له ولك تحياتي |
هلالي كايدكم .. وينك يالزعيم .. انا الهلالي والنعم .. شرفني مروركم عبادي ,, ابشرك الموضوع ما انحذف الى الان .. شرفني مرورك اخوي |
نكبــة هالمطاوعـه خخخخخخخخخخخخخخخخخخخخخخخخخخخخخخخخخ الحين وش دخل المطاوعة بالموضوع الظاهر انك مسخن أو تستهزئ بالمفرج أو نحاول تفتح على نفسك باب منت قده رجاء انتبه لكلامك واذا عندك اقتراح يفيد الموضوع اللي يتكلمون عنه الاخوان والا ارتاح |
يارجال تعبنا نتكلم خاصه عن المفرج بس الله يفكنا منه عاجلاَ غير آجل بالاول يعطون فرصة للمرشدي والذياب واللاعبين الشباب وعندي سؤال هل الهلال عاجز على ابراز ظهير ايمن وايسر مثل حسن معاذ وعبدالله شهيل؟؟ شوف الفرق حنا ندور من اندية ثانيه ولا نطلع لاعب ونحطه في غير خانته ليش ماعندنا لاعبين شباب ومميزين مثل حسن معاذ وعبدالله شهيل |
الله يعينك عليهم |
يارجال ماعليك منهم انت كلامك كله صحيح. |
إقتباس:
حسن أسلوبك... |
إقتباس:
يا عزيزي .. موضوعك جميل ولا فيه تجريح لأي أحد و كانت فيه انتقادات جميله و لا يستحق الحذف...و بعدين المواضيع الي أنحذفت كانت كلها سب للمفرج و ليس انتقاد... و لازم تفرق بين الشيئين... |
في الهلال اشياء تصير مدري هو هل هم اكثر ذكاء منا ام نحن اغبياء لدرجه خياليه تركي الصويلح احتياط ليه؟اعتقد ان نادي هجر مايقبل انه تركي يكون احتياط عندهم!!!!!!!!!! فهد المفرج اللاعب صاحب الخلق العظيم انا هنا انتقد لعبه وبدون تجريح ارجو من فهد انه يحاسب نفسه!!! الهليل بصراحه مانسقوه حتي طلعت اروحنا ونحن نطالب بابعاده!!! اخوي الله يعطيك العاافيه وان شالله موضوعك ماراح ينحذف خصوصا انك لامست وجدان معظم جماهير الهلاليه امنيه اتمناها من المشرفين عدم حذف اي موضوع اذكان الانتقاد هادف وبناء لا للمجامله والمحسوبيه لان نادي الهلال ملك للجميع وحق مشروع اني انتقد اي لاعب كان اللاعبين ليست ملائكه او منزهين من الاخطاء يجب عدم مصادره الارء لان الموقع للجميع وليس للمشرفين تحياتي |
كيف الحال.؟؟؟ الموسم انتهى .. .. |
رد:على المكشوف واللي يصير يصير هلا أخوي يورو ويا ليت عندي مثلك مليون ...:laugh: عموما ..حياك ربي والله يعطيك الف عافية ... قرأت موضوعك الذي اعتقد ان لعنوانه نصيب كبير ... وأحب ان اوضح لك أنني لم أنقل موضوعك ولكن أعترف أنني من أعاده الى منتدى الجمهور ... رغم التهكم الواضح على المشرفين ومحاولة تصويرهم بقاتلي أطفال العراق وفلسطين ... لكن ما عليه تمون وانا اخوك وما عندك الا زملائك واخوانك ... سيدي سأناقش جزئية معينة في الموضوع وهي جزئية المشرفين ... والتي أحب ان أوضح هنا ان المشرفين ليسوا شخص واحد وان كانوا جميعاً يتبعون لنظام وقانون واحد ... موضوعك يا سيد الكريم فيه نقد مباشر وكأنما خصصته لنقد المشرفين أكثر من الفريق ...! وأعتقد يا غالي بحكم تاريخ تسيجلك القديم في الشبكة تعرف جيداً المكان الطبيعي لأي مقترح او ملاحظة .... الا أن كنت ترى ان مقامك عالي ومن المفروض أن لاتخاطب هؤلاء الصغار ( المشرفين ) ... فما باليد حيلة ... أخي الفاضل ... موضوعك يعود وتستطيع ان تناقش وضع الفريق بأسلوب يعكس تربيتك وبيئتك وهلاليتك وقبلها دينك ... وايضاً تستطيع مناقشة المشرفين بأكثر من طريق وبأكثر من وسيلة بعيداً عن التجريح والتشهير العلني ... الذي لن تجي منه اي مكسب .... نقدر لك حرصك وحبك لهذه الشبكة ... والدليل هذه الغيرة على المشرفين وتقييمك لعملهم ... |
غريبة هالهجوم على المشرفين لا كانت مواضيعك مثل هالنوعية معاهم حق |
إقتباس:
كيف تريد أن يناقشك الأعضاء في مواضيعك وهذه عقليتك !! |
إقتباس:
اخوي محمد اشكرك جزيل الشكر واعذرني على تأخري بالرد لأني والله توني اطلع على الموضوع اليوم .. عموما اخوي أرى في توقيعك اختصار لكثير من الكلمات اللتي سوف اكتبها (( مهما اختلفنا نتفق على حب الهلال )) وكثر الله من امثالك وهذا خبري بالهلاليين .. |
إقتباس:
كيف الحال؟؟ اشوى بس اني اقول اني كاتب الموضوع من بداية الموسم !! |
الله يعطيك العااااافيه وبصراااحه حناااااا نفتقر الى مثل هالنقد لاننا وش استفدنااااا من المدح والتعليق على بعض الانيه بصرااااحه لازم نشوووووف السلبيااااااات المممووووووجووووده عندناااااا وننناااااقشهاااااا وان معاك في كل كلمه قلتهاااا ........... الله يعطيك العااااافيه.... |
باالقلوب هلاليين لكن بالعقل نختلف مع ادارة الشبكة فعلص والله شي يرفع الضغط يا انك تتطبل وتخفي الامور والا ترا بنحذف موضوعك الوحيد الي ينقد ولا ينحذف موضوعه الرائع السامي كاسمو الهلال والا البقيه الله يخلف وبعدين من يقول ان الهلال مافيه واسطات والله لو اعد الواسطات الي صارت من اليوم لا بكره ماخلصت وكلنا نعرف بس نحاول نتهرب منها مواهب راحت واندفنت كلها من الوسايط اجل تجديد الثقه في المفرج لا بتجيبون بطولة اقول والله حنا الضحيه يالجماهير واال انتم طبلو زي العاده وثبتو الصور والاحصائيات والنقد احذفوه ياهلال العز ربعك دمروك حقهم باطل وظلم القرب شين لو تطيح اليوم لا ماعبروك البقاء براسك عسا ربي يعين لاتنسون تسلمولي على المفرج والصويلح والياس والخثران والعنقري يمكن يجيبون بطولة الوسطى |
والله يافيه مشرفين ... ماودك انهم هلاليين .. واعطوهم الصلاحيه .. ولعبو فينا .. وترى اعمار بعضهم ؟؟؟؟ وللأسف يجي ( ابولما ) يدافع عنهم .. وفي يوم من الأيام اشتكيت له شخصيآ(ابولما) ... ورد وياليته مارد .. قال .. انا مالي دخل في الموقع .. ولا ادخله الا نادرآ ... والحين يدافع .. تبي الصدق .. ماندري احنا بيد من ؟؟ والأدارة مالها علاقه بالموقع وبالمشرفين .. ولا يجمعهم الا الهلال فقط .. وخذها مني .. لك ولجميع الشرفاء كل تقدير .. |
رد2: على المكشوف واللي يصير يصير إقتباس:
يورو اسعد الله اوقاتك ... بالنسبة ردك المختصر جداً الحقيقة غريب وكنت اتمنى ان تناقشني فيما كتبت امام الاعضاء لتحصل الفائدة ... اما رمى التهم ومن ثم الوقوف عند حد معين دونما فائدة فهذا غير لائق ... ناقش ... تحدث فالموضوع امامك ... |
رد3: على المكشوف واللي يصير يصير إقتباس:
بالعكس وانا اخوك مشرفينا نفخر بهم .. ترى موقعنا ما وصل للعالميةبعد توفيق الله ثم بوقفة رجل الشبكة الاول صاحب السمو الملكي الأمير بندر بن ثامر رئيس مجلس الإدارة .. الا بهالمشرفين ... إقتباس:
إقتباس:
اعتقد الكلام بيني وبينك وفي رسالة خاصة فاهم وش معنى خاصة يعني خصوصية ليه تنشره ..؟ الكلام هذا صحيح ولكن في وقته الله يسلمك اللي كان قبل شهور ... وبعدين يا غالي الدفاع عن المشرفين هو توضيح للوصول الى نقطة تفاهم مع بعض الأعضاء ... اللي كل ما صار شيء قالوا ( اعمار المشرفين ) ... والا المسألة ما تحتاج الى دفاع وأظنك فاهم قصدي زين .. إقتباس:
شف وانا اخوك لازم تفهم ان الموقع للجميع اعضاء ومشرفين ... ولا يوجد فيها ناس تشتغل عند ناس الكل هنا سواسية ... الموقع قبل سياسته وقبل مشرفينه هو مكان نجتمع فيه كهلاليين ... نناقش امور فريقنا كل واحد منا بطريقة ... ومن المفروض دائماً وابداً الاحترام المتبادل والمحبة هي اللي تجمعنا ... |
الله يعطيك العافيه يا اغلى يورو والله انك صادق في كل الكلام الي قلته وواضح حبك للهلال ولازم على الاداره تشوف هذه المواضيع واضيف على كلامك بعض المشرفين ما يحبون الهلال اذا كانوا يحذفون مواضيع النقد الهادف والي اكيد انه بيخدم النادي والمفروض كل مواضيع المدح تلغى وخصوصاً على اللاعبين الصغار مثل سلطان السعود وغيره لانها هذه المواضيع الي ما تخدم والله يوفقك واقترح فتح منتدى للنقد واجبار الاعبين والاداره بقراءته وخصوصاً بعد المباريات واقصد نقد هادف ومهوب تجريح في اللاعبين والله يوفقك وبعدين وش سالفة المشرفين الصغار هذه معقوله واحد عمره اقل من 25 على الاقل يكون مشرف |
مشكووووووور وما قصرت |
تسلم يورو وكلامك عين الصواب وبالتوفيق للزعيم |
الله يعطيك العافيه وانا اتفق معك من ناحيه اعطاءالفرصه لناس اخرين وذاللك بأشراكهم في المباريات الغير حساسه لعده اسباب للتعود على اجواء المباريات والتأقلم مع الفريق واكتساب الثقه |
طيب لاتدف يالغالي والله كلامك عين الصواااااااب بس اعصابك شوووووووووي كلنا نعرف هالشي ان المفرج منتهي من زمااااااااااان أما الخثران والله ماتفق معاك والله الخثران تو مستواه نزل هالمباراتين اللي فاتوا ولا في المباريات الباقيه كان مستواه زي العسل .................................//// على العموم وجهه نظرك نقدرها ونحترمها,,,,,,,,,// |
صراحتا قريت الموضوع وجميع الردود ........ وشفت ناس مؤيده ومتوافقه مع الكاتب في جميع نقاطه وناس موافقه ومختلفه معه في الإسلوب ........... وهذا يثبت و يدل إن الموضوع فيه كثير من الصحه ويمكن كان لابد من هالإسلوب عشان يدعم الموضوع ....... وهذا مو دفاع عن الكاتب يورو لأنه ما هوب محتاج من يدافع عنه ولا حنا في حرب ولكن انا ادافع عن الموضوع واسمحوا لي اذكر ملاحظاتي بأبداء بما يخص المشرفين وردود أبو لما كون إن فيه مؤيدين لما ذكره يورو عن المشرفين اذا فيه مشكله او بوادر مشكله تستحق اعادة النظر محد منزه..... وبالنسبة لأبو لما كلنا شايفين جهود المشرفين وعارفين جهود الأمير ثامر ولكن حتى الي يبذل مجهود ممكن يقصر وخاصتا ان اي موضوع ينظر له الشخص ويفهمه احيانا على طريقته يعني ممكن يوافق عليه مشرف ويشوفه عادي ومفيد ومشرف يعتبره تعدي لأنظمة المنتدى يعني مجال الخطاء وارد ولا فيها شي لو اجتمعوا واطلعوا على ملاحظات الأعضاء عليهم ....... والنقطه الثانيه فيما يخص مواضيع المنتدى يا ابو لما.......... مواضيع كثييييييره تنزل وتستغرب ليش .......مثلا تصويت افضل لاعب على سبيل المثال الإداره منزله تصويت أفضل لاعب في مباراة معينه وتلقى تحت عضو منزل موضوع تصويت افضل لاعب!!! مواعيد المباريات والوقت والقنوات الناقله تلقى اكثر من موضوع نازل مع ان المفروض ينزل من الإداره..... تلقى مواضيع المقارنه بين لاعبين الهلال هذي جدا سلبيه ومرتع خصب للتهجم على لاعبين نفس النادي وخلق المشكله ... مواضيع وش رايكم الي ما تتعدى سطرين وشرايكم ولا عاد تشوف الكاتب....... ومسئلة ما تشوف الكاتب هذي متبعه من كبار الكتاب يكتبون ولا عاد يرجعون يناقشون الأعضاء في ما طرحوه ما ادري هذا برستيج ولا موضه جديده مواضيع كثيره جدا انا متأكد إنك يا ابو لما لو دققت بتلقى (المترديه والنطيحه وما أكل السبع) ومواضيع مالها داعي وهذا واخص موضوع امس طرح بخصوص النقل التلفزيوني لمباراة القادسيه واحد من الأعضاء كتب ومن مصدر قوي له ان القناة الرياضيه لن تنقل المباراة وجت الإداره وقفلته ومع كذا كان كلامه صحيح ولا نقلوها.... وبسبب تقفيلة الموضوع سنترنا قدام التلفزيون ولا جت والوم المشرفين عليها ليش يقفلونه...... عموما كثير من قليل ولكن بإختصار في ما يخص المشرفين يا ابو لما بماانك اخذت راية الدفاع اقول بدل الدفاع عن المشرفين قولوا بنجتمع ونشوف حال المنتدى .. وبالنسبه للواسطه بالنادي يا اخي كل ما اقيل شخص وسوو معه لقاء قال مااقدر اتكلم امور خاصه يعني الشفافيه لك عليها في النادي والأجوبه الي زي كذا تدل على حضور الواسطه ومع اني اعتقد ان التزام النادي ماليا لموظفيه ولاعبيه والمكافئات الي يحصلون عليها هي سبب السكوت على الأخطاء لكي لا يخسر هذه الميزه التي تتميز بها ادارة نادي الهلال ولا اتمنى بعد زوال البطولات لا سمح الله يطلع كل شوي واحد ويقول كان فيه وكان فيه والمفروض كان كذا اتمنى تنتقل الشفافيه من اللاعبين للإداريين للإداره ثم للجمهور ......او ان لا يطلق على المنتدى مصدر رسمي للنادي....... بإختصار المنتدى لا اراه يتجه للرسميه بل يتجه للفوضويه بخصوص الفريق يا عمي يورو......... الوقت صعب امور كثيره وتراكمات كثيره الأن اجتمعت على النادي ومنهااشياء كان بالإمكان تفاديها من قبل ولكن فقدان التخطيط المستقبلي كان مفقود ومنها ارضية الملعب امور كثيره اهملت في البدايه والأن تخرج للفريق كالمارد وكملها المنتخب واعتقد اي واحد الآن ينتقد الفريق بقوله صح لن الفريق فعلا مشاكله كثيره المدرب اللياقه مستويات اللاعبين منتخبات تغير اداريين ضغط مباريات قرارات الإتحاد السعودي وش فيه مشكله الهلال ما ناله منها نصيب .. فأقول بالنهايه ما تكبر الا تصغر بإذن الله وما بعد عسر الا يسر.... اتمنى إن الله ييسر مهمة الهلال وترجع للهلال روحه ومعنوياته والتكاتف داخل النادي مطلوب وصدقني الوقت الان لا يسعف بإن الفريق يغير لاعب ويغربل الفريق ويجدده توه مغير مدرب ولا الوقت المناسب لتوجيه الإتهام لأحد ..... افضل شي وهذا رأيي اننا ندعم الإداره واللاعبين ونخليهم يركزون وننقل ارائنا بس تكون ارارء تتناسب مع الوقت المتبقي للموسم ....... مع ان الوقت المتبقي للموسم ما يحله الا ربك واعتذر على الإطاله ... واشكرك يورو موضوعك جميل واسلوبك مافيه شي ابد ...... ودمتم |
إقتباس:
إقتباس:
انت تقول مواضيع مكرره كثيره ولاتتخذون ضدها اي اجراء طيب مووضوع نقل المباراه فيه عضو منزل الموضوع من الصباح من بدري ويجي واحد ينزل المووضوع قبل المبااره بساعه يعني موضوعه مكرر والمفروض يتقفل لان الموضوع الاول لازال في الصفحه الاولى والكل يشوفه تقبل تحياتي |
الحين خل الموسم ذا يعدي على خير و الموسم القادم ان شاء الله نشوف تغيرات من الجذور فعلا هناك مواهب مثل المرشدي و سرور والموري وذياب وهم كثر ولكن لا حياه لمن تنادي واكبر دليل على ان اللاعبين الشباب في الهلال الاميز في المملكه شوف االمنتخب الاولمبي ما شاء الله من اكثر اللاعبين المتواجدين فيه هلالين العنبرو الصويلح والموري << قبل الاصابه و بدر الدوسري والغنام و الحارس خالد شراحيلي و عبدالعزيز الدوسري والعبدالسلام ولنا عبره في الاهلي شوف حيويه الشباب كيف يمترون الملعب تمتير والله يوفق هلالنا |
مستر قول موضوع اعلامي هلالي وقتها ما شفناه ما شفنا بالصفحه الأولى الا موضوع العضو فايلات ولو كان موجود او مثبت موضوع اعلامي أو ادارة الموقع منزل هالخبر في اعلى الموقع بدال الصور المتحركه او ادارة الأخبار هي الي منزل خبر عدم نقل المباراة على الرياضية السعوديه ما كان شفت مواضيع تسئل هل ستنقل المباراة على السعوديه الرياضيه ولا لاء؟....... المسئلة تنظيم........... لان موضوع نقل المباريات مسؤلية ادارة المنتدى وصراحتا توقعت بدال انك ما تبحث عن المتناقضات توقعت توافقني على ان مسئلة نقل المباريات واوقاتها ومكانها مسؤلية الإداره وتخصيص مكان لهذا الخبر اصبح ضروري |
يعطيك العافيه وصح لسانك كلام منطقى |
إقتباس:
وهذي ماهي كل هالمواضيع فيه غيرها ولو ان كل عضو بحث قبل ينزل موضوعه كان ماصار اي اشكال http://vb.alhilal.com/showthread.php?t=389931 http://vb.alhilal.com/showthread.php?t=389897 http://vb.alhilal.com/showthread.php?t=389902 http://vb.alhilal.com/showthread.php?t=389713 http://vb.alhilal.com/showthread.php?t=389861 http://vb.alhilal.com/showthread.php?t=389873 |
طيب عزيزي هذا مغزى كلامي ........ والتنظيم( بوضع مكان مخصص للإعلانات المهمه المتغيره دائما او العاجله) يقلل تكرار المواضيع من هذا النوع وبالتالي يقلل حجم معاناتكم........ عموما حنا شاكرين الجهود وشايفينها وملاحظاتنا هو حرصنا للوصول للأفضل ...... شاكر لك تجاوبك وروحك المرنه |
لافض فوك يا هلالي من بدة الدهر على تعقيبك الرائع |
مرحبا اخوي يورو اول شي انا كنت ابي ارد على موضوعك من اول مانزلته بس ماكان عندي وقت والحمدالله حصلته اليوم كلامك سليم وماعليه اي شي نبدا بالمفرج انا صراحة مدري وش الحل معاه اللاعب مافيه اي شي اقدر اقول عليه انه لاعب الا طقم الهلال الي لابسه ( يعني مافيه شي اذكره في بالخير غير انه هلالي صميم ) وللاسف لو كل هلال صميم لعب دجينا بخصوص اللعيبه الشباب من بعد ماشفنا الشلهوب ماطلعلنا لاعب من درجة الشباب وحنا اول الي كان كل سنه لا يقل عن ثلاثة لعيبه يطلعون والسبب هذا هو الي يخلي كثير من اللعيبه ينزل مستواهم لانهم ضامنين مركزهم وماعاد فيه تنافس على الخانه تذكر بداية سامي اول مادخل الفريق الاول كان طالع ومعاه صفوق والتيماوي ومحمد التمياط وكذا لاعب الظاهر وكان فيه في الهجوم كذا لاعب ( مشاري العويران - يوسف جازع - سعود الحماد - القرمله ) لعيبه كثار وكان في تنافس واثبت نفسه وصار هو الاول وحتى لما صار الاول طلعله كم لاعب من الشباب ( الحيائي - الجمعان - ومدري ان كان في غيرهم وناسيهم ) وكان كل سنه احسن من غيرها لانه كان عامل حساب ان فيه جيل جديد طالع ممكن ياخذ مكانه لو انه تخاذل في الملعب ومالعب كويس والشي هذا خلاه الان اسطورة الكورة السعوديه لكن الحين مافي تنافس مافي لعيبه خايفه على مركزها لان مافي فرصه للشباب الي طالع ولو تلاحظ شي برضوا انو ماعاد في لعيبه تلعب بروح الهلال تلعب عشان شي اسمه هلال الى من رحم ربي اتمنى ان الادارة تشوفلها حل في الوضع هذا لاننا مانبي لعيبه من برا النادي نبي من ابناء النادي نبي لعيبه ربوا على حب الهلال وبس وشكرا على موضوعك |
تسلم يمينك |
إقتباس:
ابولما بارك الله فيك واشكر لك تفاعلك مع الموضوع ولكن بخصوص رمي التهم اخي العزيز والوقوف عند حد معين هي ليست تهم وانما واقع وانتقاد لما يحصل فقط لاغير واول من يعلم بذلك هو انت عزيزي فأنت من اعاد الموضوع ولمرتين فمن حذف الموضوع ؟؟ ولماذا حذف؟! هذا شي قليل مما يحصل وانا والله لم اكتب هذا الموضوع الا بعد ما بلغ السيل الزبى واعتقد ان الاعضاء المشاركين بالموضوع ذكروا عدة ملاحظات ولايمكن ان تكون فقط بأعينهم فكلهم من الغيورين على النادي والمنتدى. فمصلحة الفريق فوق كل عضو ومشرف واداري ايضاوانا اولهم ولابد ان هذا الموضوع لمس شيئ من الواقع والا لما كتبوا وما كتبت انا اخي العزيز.. يلاحظ ايضا ان الموضوع تحول من نقد لعدة نقاط الى نقطه واحده. وهي المشرفين ولم اكن اعلم ان هناك عدد كبير من الاعضاء يتعرض لنوع من الضغوط من قبل المشرفين .. لااعتقد ان هناك فرق بيننا في هذا المنتدى فكلنا ننشد البطوله وفي كل شي سواء على مستوى النادي او المنتدى. ولم يصل المنتدى الى مصاف المنتديات العالميه الا بجهود الجميع ولا نستطيع ان نسلب مجهود مشرفينا . ولكن لنستمر على هذا المنوال ... لابد لنا ان نبدي ملاحظاتنا ونتقد بعض الاخطاء اللتي تحصل وهذا لمصلحة الجميع .. اخوي محمد انت ضربت اروع الامثله في حسن الادارة وبارك الله فيك على ما فعلته واشكر لك سعة صدرك .. |
مشكور على الموضوع |
http://vb.alhilal.com/images10/misc/...t-top-left.gifإقتباس:http://vb.alhilal.com/images10/misc/...-top-right.gifhttp://vb.alhilal.com/images10/misc/...ot-by-left.gifالرسالة الأصلية كتبت بواسطة إدارة الأخبارhttp://vb.alhilal.com/images10/misc/...t-by-right.gifhttp://vb.alhilal.com/images10/misc/...p-right-10.gif طارق اخوي طارق شكراً لك يعطيك العافيه لمصلحه الهلال ولــــكن وبقوه </B>http://vb.alhilal.com/images10/misc/...t-bot-left.gifhttp://vb.alhilal.com/images10/misc/...-bot-right.gifو تحدث عن الإتهامات الموجهه له بالتسبب بابعاد اللاعب ماجد المرشدي عن الفريق و من يقول أن ماجد المرشدي أبعد عن التشكيل الاساسي بعد عودة منصور الاحمد قائلاً أن من يتابع لقاءات الهلال جيداً يعلم أن اللاعب ماجد المرشدي لم يشارك كأساسي مع المدرب لويس كارلوس قبل عودة المدرب و قال أن مشاركة اللاعب كأساسي من عدمها هي أمور من اختصاص المدرب فقط . والله ثم والله عندما رجع منصور الاحمد خربه التشكيله ليه المجامله على حساااب الزعيم والدليل اخر مباريات كاس الامير فيصل + المباريات الاخيره من مبارات الكويت والقادم اكثر راح تثبت الايام متعصب لمصلحت الهلال فقط ارجع واقول هو السبب في تدهور الهلال الايام الاخيره |
مرحبا اخوي يورو تشكر على الموضوع الرائع انا اختلف معك على موضوع المفرج الرجال له بعض الأخطاء لكن ليس بهذه المبالغة والافراط في نقد اللاعب ومحاولة النيل منه بسبب والا بدون سبب ومباراة القادسية الأخيرة ماقصر وقطع كم هجمة ممتازة(على فكرة انا اتمنى مشاركة المرشدي اكثر من المفرج لكن وش نسوي ) انا اللي ابغى اقوله دام اللاعب اساسي والمدرب مصمم عليه ليش مانوقف معه ونشد عليه وعشان ترضى اقول نتحمله لين ينتهي الموسم وبعدها نتفاهم مع الإدارة ... بالنسبة للأعضاء وتثبيت مواضيع بعضهم فالموضوع هذا طويل وحدث ولا حرج والله بعضهم ماتفهم وش يكتب ومافي كلامه اي شي يفيد ومع هذا يثبت والا ايعقل احد الأعضاء كل مايكتب موضوع يثب على طول(وعشان يبعدون الشك من ثالث رد يثبتون عشان شوفو تفاعلو معه الاعضاء) بالعربي وضع تثبيت المواضيع (( مسخرة بكل ماتعنيه الكلمة من معنى) واذا تبي موضوعك يثبت سو تصميم والا غيرة مالك امل لأن في كم عضو لهم حق لتثبيت وبدون ذكر اسماء والمشرفين عارفين هالشي.. وبالنسبة لحذف المواضيع اذا انت كتبت شي (اي العضو) عن الاتحاد السعودي والا طيب الذكر سلطان والا نواف على طول يحذف موضوعك واذا احد اعضاء التثبيت الموقرين على طول يتثبي الموضوع... ليس هنا المشكلة المشكلة ان بعض المشرفين يدافع عن الأدارة... على فكرة ليش مايقل عن 15 موضوع مثبت والمواقع الثانية(الأندية)4 او 5 مواضيع مثبته هذا دليل على الواسطة في تثبيت المواضيع يورو اتمنى ان تركز على المفرج وتنظر له بعين الرضى ولو لشوط واحد بدون سبق اصرار وترصد تحياتي لك |
إقتباس:
اخوي هيف عزالله ان مرورك اضاف لموضوعي الشيئ الكثير طال عمرك والموضوع للجميع وليس لي فقط وانما هو موضوع عام يناقش عدة نقاط وانتم من ساعدني على وصوله لمشرفينا وادارة المنتدى .. شكرا لك |
إقتباس:
عمي... بالنسبة للروح فهذا زمن احتراف يعني ( دراهم ) تدفع تاخذ الي تبي يالعني الروح قل عليها السلام الا ما ندر عند بعض اللاعبين واولهم المفرج فلا يمكن ان نظلمه في هذه النقطه فهو من اشد اللاعبين حرصا على ناديه وعلى الطقم اللي يلبسه لكن للاسف المفرج فقط هذا الموجود عنده فقط بالملعب. اما من ناحيه اللاعبين ودرجات الفريق السنيه فهذا الموضوع لنا اكثر من ثلاثه مواسم واحنا نتكلم عنه ولكن الى الان لاحياة لمن تنادي .. شرفني مرورك طال عمرك.. |
إقتباس:
اخوي على خفيف الغالي .. ملاحظتك بخصوص المدح الغريب والمقارانات من قبل بعض الاعضاء لللاعبين الصغار فهذا والله ما سوف يدمر لاعبينا صغارهم قبل الكبار .. فوالله استغرب من وجود مواضيع تمدح سلطان السعود وهو جديد جدا على التقييم وايضا من يطرح المقارنات فهو يظلم نفسه قبل ان يظلم اللاعبين واتذكر احد الاعضاء ذكر مقارنه بين مالك معاذ والعنبر وان العنبر افضل و و و فهل هذه المقارنه من مصلحة العنبر؟! لااعتقد .. عموما شرفني مرورك اخوي |
الملاحظة الهامه جدا على المشرفين والتي لم أجد لها تفسير هي عدم تفاعل المشرفين مع المواضيع المميزة من بعض الأعضاء - الذين يحتاجون الدعم للمواصلة - الا نادرا أما مواضيع فئة الــ VIP فتجد ردودهم بكثره مما يثبت وجود محابات في التفاعل مع المواضيع وتثبيتها |
المفرج انا معك .... بس الخثران وش دعوه .... |
| الوقت المعتمد في المنتدى بتوقيت جرينتش +3.
الوقت الان » 04:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd