بيكملوون ماترك عبدالله بن مساعد وفيصل بن يزيد



المفروض صراحه يمدحوون نواف لو مستواه من تحت لتحت



لانه منزه عن الخطاء



مالعب فينا الا مجاملة المفرج



والحين بنجامل نواف


يايلعب زين والا فيه مواهب بدرجة الشباب تبي الفرصه



وبعدين اسئل كل واحد يحب نواف


ليش نواف ماكذب الجزيره من يوم الخبررر الى الحين بخبر الـ30 مليون


اتوقع ان نواف هو الي حطها على راسه يوم سكت



وسكوت نواف يوضح انه راضي عن الي صار ومن ارتفاع ضغط الجماهير


قسم بالله ماكنت ارضى ان نواف يمسه احد بكلمه لكن بعد مازين ذيك الحركه فينا وخلانا نحترق هنا بالمنتدى



عرفت اي اخلاق تكلمون عنها



تحياتي

إقتباس الرسالة الأصلية كتبت بواسطة البدررر بيكملوون ماترك عبدالله بن مساعد وفيصل بن يزيد المفروض صراحه يمدحوون نواف لو مستواه من تحت لتحت لانه منزه عن الخطاء مالعب فينا الا مجاملة المفرج والحين بنجامل نواف يايلعب زين والا فيه مواهب بدرجة الشباب تبي الفرصه وبعدين اسئل كل واحد يحب نواف ليش نواف ماكذب الجزيره من يوم الخبررر الى الحين بخبر الـ30 مليون اتوقع ان نواف هو الي حطها على راسه يوم سكت وسكوت نواف يوضح انه راضي عن الي صار ومن ارتفاع ضغط الجماهير قسم بالله ماكنت ارضى ان نواف يمسه احد بكلمه لكن بعد مازين ذيك الحركه فينا وخلانا نحترق هنا بالمنتدى عرفت اي اخلاق تكلمون عنها تحياتي

هلا بك ..

اخوي لا تحكم على الموضوع وانت اصلاً ماتابعته !
اول شي احنا ماطلبنا انها تمدح نواف ومستواه نازل ولا طلبنا منهم انهم مايتنقدونه ! انتقدوا الكل اذا اخطأ الحين مستوى الهلال كله نازل وين النقد ؟! حنا نلوم الجريده على تسلطها على لاعب واحد وهو نواف الي قدم للهلال الكثير ,, ونبي نعرف السر وين !

بعدين بخصوص نواف الي تقول انه ساكت وما نفى ,, لو انك تابعت المؤتمر الصحفي يوم تجديد العقد تكلم عن الموضوع ونفاه ,, مآ أدري كيف تحكم وانت ما تابعت الموضوع


محبتي

مع احترامي الشديد...
الجزيرة والرياضي..منبع التعصب الرياضي ومواضيعها فيها كثير من الإنحطاط الفكري ...
مع احترامي للجميع...لكن من يقرأ بعض المواضيع وماتحتويه من عبارات في هذه الصحيفتين بالذات يعرف مدى الهوان الذي وصل له اعلامنا بسبب الإنجراف خلف الميول لأندية محددة


.

الهجوم فقط من المدعو احمد العجلان


وما ادي وش يبي يوصله


نوافـ لاعب كبير ونجم مميز ماله مثيل


غصب عن العجلان

إقتباس لاينكر احد انه وطوال تاريخ الهلال كانت صحيفة الجزيرة داعمة للهلال..

الصحيح هو أنه لا يوجد صحيفة تدعم الهلال .. و إنما يوجد صحف " عايشة على ظهر الهلال " ..

فبعض الصحف تكتب عن الهلال من أجل التسويق لنفسها عند الجماهير الهلالية ( نصف الجمهور السعودي ) .. تتابع أخبار الهلال ظاهره الإيجابية ..

والبعض الأخر من الصحف تكتب عن الهلال من أجل التسويق لنفسها عند الجماهير الـ ( لا ) هلالية ( النصف الآخر من الجمهور السعودي ) .. تتابع أخبار الهلال ظاهره السلبيّة ..

كما أن الصحف التي ( ظاهر متابعتها الإيجابية ) .. على إستعداد تام في حال وجدت ما يتعارض مع مصالحها أن تحارب النادي و تشكك الجماهير بجدوا الإدارة و تلصق التهم ببعض العاملين في النادي إما لإبعادهم عن النادي أولضغط عليهم من أجل تجنيدهم للعمل على تنفيذ مرئيات الصحيفة داخل النادي !!

ومن مصالحهم : { الإستئثار بالأخبار الحصريّة عن النادي ـ وهو سبب مقدم على غيره ـ ، تنفيذ مرئياتها المتعلقة بوضع الفريق ، الإستئثار بتصريحات الإدارة و أعضاء الشرف }
وهذه المصالح المذكورة بين قوسين كافية لتجعل الصحيفة هي المطلب الأول للجماهير الهلالية " خاصة الجماهير التي لا تتعامل مع الإنترنت "

شكراً على هذا الموضوع والذي ينبه الجماهير عن بعض الممارسات السلبية لبعض الصحف التي تدعي أنها هلاليّة ...

مهما تكلموا نواف هو نواف

نواف لاعب كبير لايهمونك خلهم يكتبون ما يشاؤون
وان شاء الله يرجع نواف لمستواه المعروف

الجـزيرة صحيفة كـبيرة ..

وهـي قـاهرة نادي الاتهاد ونادي الفقر ..

والمـفروض تشكـرونها على غيرتها للـزعيم ..

وهـي صادقة نـواف حالـياً فـاشل رغم اني احـبه ..

لـكن اكـره المجاملات خلونا مثل أوروبا ننـتقد لاجل الاصلاح ..

بصراحة البعض منا يقبل المدح والاطراء

ولاكن النقد ممنوع ؟

علما ان نقد الجزيرة نقد بناء 00

اللي ينتقدون علشان مصلحة الهلال أهم من اللاعب وينهم يوم سامي صار مستواه صفر موسم كامل وما جاب ولا هدف وهو لا راجع من اصابة ولا شي!!!
بالعكس استمر يلعب اساسي مع ان مستواه كان منخفض....ومع حبي لابو عبدالله لكن انخفاض المستوى تكرر كذا مرة من غير ما يتجرأ أحد يطالب بابعاده زي الحملة اللي قايمة على نواف الحين
المشكلة ان غالبية اللي شابين على نواف قاهرهم موضوع تجديد العقد وليش ما طلع في الجرايد وقال أنا هلالي لو أدفع للنادي!!!!!
يا عالم احنا في عصر احتراف....وهالحركات قديمة.....لا تصدقون شغلة اوقع على بياض وهالخرابيط.....ترى ما يقولها الا اللي مزبن عمره وداري ان جايه حقه واضعاف
وبعدين اللي قاهرني انكم ما تفاوضتوا معه علشان تسمعون رأيه ولا دفعتوا شي من جيوبكم!!! وش اللي قاهركم!!!
اذا مستواه منخفض هذا هو مشرف في الاحتياط الين يرجع لمستواه....وش تبون يشنقونه!!!!
رجاء لا تاخذون الموضوع بعربجة وشغل عبدالرحمن بن سعود الله يرحمه اللي يفاوضني او يطالب بحقوقه العن خيره

إقتباس الرسالة الأصلية كتبت بواسطة MYSTERIOUS اللي ينتقدون علشان مصلحة الهلال أهم من اللاعب وينهم يوم سامي صار مستواه صفر موسم كامل وما جاب ولا هدف وهو لا راجع من اصابة ولا شي!!! بالعكس استمر يلعب اساسي مع ان مستواه كان منخفض....ومع حبي لابو عبدالله لكن انخفاض المستوى تكرر كذا مرة من غير ما يتجرأ أحد يطالب بابعاده زي الحملة اللي قايمة على نواف الحين المشكلة ان غالبية اللي شابين على نواف قاهرهم موضوع تجديد العقد وليش ما طلع في الجرايد وقال أنا هلالي لو أدفع للنادي!!!!! يا عالم احنا في عصر احتراف....وهالحركات قديمة.....لا تصدقون شغلة اوقع على بياض وهالخرابيط.....ترى ما يقولها الا اللي مزبن عمره وداري ان جايه حقه واضعاف وبعدين اللي قاهرني انكم ما تفاوضتوا معه علشان تسمعون رأيه ولا دفعتوا شي من جيوبكم!!! وش اللي قاهركم!!! اذا مستواه منخفض هذا هو مشرف في الاحتياط الين يرجع لمستواه....وش تبون يشنقونه!!!! رجاء لا تاخذون الموضوع بعربجة وشغل عبدالرحمن بن سعود الله يرحمه اللي يفاوضني او يطالب بحقوقه العن خيره

إقتباس الرسالة الأصلية كتبت بواسطة ~+~ مجازف ~+~ سامي الجابر الرمز .. سامي هو من حمل الهلال .. وخذ من هالخرابيط .. اللي يقول المفروض إعطاء فرصة للشباب .. وينكم عن سامي .. اللاعب بيصك الأربعين .. ولا قلتوا نبي نعطي فرصة للشباب .. يطالبون برحيل نواف .. ما كأنه هو اللي شال الهلال .. بداية الموسم .. وما عنده إلا الداج عبدالله الجمعان .. والله إني تمنيت نواف طالع من الهلال .. عشان يعرفون قدره الحريصين على سمعة الهلال .. لاعب تتمناه كل الفرق .. وهالحلوين يطالب برحيله .. كم عرض السد ؟؟ وكم عرض الإتحاد ؟؟ يامن تطالبون برحيل نواف ...

نواف لو معطيه البلووي ملايين ماجلسس عندك


والا وش سكته كل الفتره تلك


والا يدور العقد ولا جاء



تحياتي

إقتباس الرسالة الأصلية كتبت بواسطة البدررر نواف لو معطيه البلووي ملايين ماجلسس عندك والا وش سكته كل الفتره تلك والا يدور العقد ولا جاء تحياتي

مشكلة نواف انه مثالي بزيادة وموب راعي مهايط
نواف اللي خلاه ما يتكلم اننا كنا في طريقنا للمشاركة في كأس العالم فالطبيعي انه يركز فيها على أمل انه يجيه فرصة احتراف خارجي وكان خايف ان توقيعه للعقد يمنعه من هالفرصة زي ما حصل قبل كذا
وأول ما رجع من كاس العالم وقع بمبلغ كلنا نعرف ان كان ممكن يحصل على أضعافه من الاتحاد
لكن المشكلة ان نواف شراكم وبعتوه

إقتباس الرسالة الأصلية كتبت بواسطة البدررر نواف لو معطيه البلووي ملايين ماجلسس عندك والا وش سكته كل الفتره تلك والا يدور العقد ولا جاء تحياتي

ياخوك حرام نحكم على صحفيه متميزه مثل الجزيزه

بسبب نكره مثل احمد العجلان فهي تبقى صحيفه

متميزه بكتابته الكبار وبدعهم الكبير للهلال