وداعا يا ساتاد الملك فهد ... وسوف اشتاق لك يا استاد الملز ..!! - صفحة رقم 2 - نادي الهلال السعودي - شبكة الزعيم

دلوووعه الهلال · #1 17/03/2007, 02:00 AM

إقتباس

الرسالة الأصلية كتبت بواسطة الزعيييييييـ11ـيييم


	والمشكله والي باط سبدي ماتقدر تسويله شئ تشوف واحد يهينك قدام أخوك الصغير وتسكت قمة القهر

رمال شقراء · #2 15/03/2007, 11:28 PM

ما نقووول الى حسبي الله ونعم الوكيل

يوسفو 15 · #3 16/03/2007, 01:42 PM

إقتباس


	لكن الان اصبح مثل السجن ..!! الماء ممنوع المشروبات الغازية ممنوعة ..!! تطلع تبي تروح تصلي احتمال ترجع وما تلقى مكانك ..!! واذا تبي تامن ع سلامتك لازم تجيب معك اقل شي 5 اشخاص ..!!

اتـفق مـعك 100% في هـ الكلام ..

انا قد انسرقت سـيارتي ..

ووالله كـل مباراه من بعد السـرقه .. ادخل وجسمي في الملعب وقـلبي في سـيارتي !! .. وكـل ماطلعت من الملعب .. اركض ركض لسـيارتي .. اخـاف انها مـسروقه او مكـسور قزازتها !!!!! ..

ولا المـره الأخيره بخصوص استقعاد الأمن .. اقوله بأروح اصـلي يقـول لا .. حتى قـال .وحط يده على ذقنه .. ’’ ان طلعت .. هذا وجهي ان دخلت مره ثانيه ‘‘ .. يعني وش يستفيد من هـ الإستقعاد بالله ؟؟ ..

قـسم بالله شئ يرفع الضـغط .. لكن لو يسوون اللي يسوون .. ماهوب مانعينا عن مسانده زعـيمنا ,

وكم اتمنى ان ارى ذاك اليـوم .. اللي تـكون ملاعبنا مثـل الملاعب الإنجليزيه .. لا لا لا .. مثـل الملاعب القـطريه !! ..

مع ان الدوري القـطري .. فـاشل مع احترامي لعشـاقه .. ومع ذلك ملاعبهم ازين شـئ .. ومن التصاميم المميزه ..

ولا وانت رايح الملعب .. كأنك رايح لم السـوق .. او رايح لم شئ ترفيهي .. مهوب مثـل هذا كأنك رايح للسجـن !! ..

مافيه مـويه ولا ببسي والحـب ( بفتح الحـاء

) .. ماينفع تدخله بـ ’’ كـيسته ‘‘ .. لازم تـفكهـا وتنزل الحب في جـيبك .. امنيتي اعرف وش هـ الحركه .. وش لزمتها

؟؟ ..

واحد من اخوياي حصلت له مشكله .. بخصوص لازم تآمن على نفسك .. وتجيب خمس اشخاص ..

الرجال الحين التزم .. ويقولي .. انه في مباراه كان الحـضور فيها متـوسط او اعلى من المتوسط بشوي ..
اول ماطلعوا من الملعب .. وكان بـعيد شـوي عن البوابات .. وراح هو واخوياه .. ( شئ طبيعي يعني ) .. ويحمد ربه انه راح هو واخوياه .. واهو رايح في الطريق .. ويشوف ذيك الشـله اللي تدور حولهم .. ماشكـوا في شئ على ان الأمر عـادي ..

شوي يوم وصلوا لم سياراتهم .. الا والله ويقـربون ..

.. ويـشوفون البدو والحنس مجتمعين حـولهم .. !

ويحمد ربه ان اللي معه كـانوا اشكـالهم كـبار .. وكان معه شئ يدافع بـه ( عجـرا ) .. ويرفعها ويهزها قدامهم .. يعني شـوفوا ان معي شئ اطقكم به

.. ويوم شافوا انه مو صيد سهل .. راحوا لناس ثانيين !! ..

يعطيك العـافيه اخوي ..

برايفت لصاحب الموضوع ..
تعديل لعنوان الموضوع ( وداعا يااستاد الملك فـهد .. وسوف اشتاق لك ياملعب الملز ) .. لان الملز مو استاد

..

R A M O S · #4 17/03/2007, 12:02 AM

إقتباس


	متى نشوفك يابو سلطان تقدم بشكوى رسمية .. وترا المثالية راح تخلينا نهجر الملاعب للابد ..!!

ياحليلك وقسم بالله مب معطينا وجه الى لازم الفيفا

Mr.DL5 · #5 15/03/2007, 11:29 PM

الزعييي1 ييييم : هذا القهر تشوف يهايط وما تقدر تسوي له شي ...!! << << بغى يتهور ويوطى عسكري ..!!

Mr.DL5 · #6 15/03/2007, 11:30 PM

ليان : والله ما نقول الا حسبي الله ونعم الوكيل ...!!

dmdm · #7 15/03/2007, 11:30 PM

موضوع في الصميم ورائع

والله اخر زمن يمنعون الاعلام الكبيره والشا لات عشان سلامت الجمهور

والله افتقدنا العلم الكبير الي دايم يكون حاضر مكتوب عليه ركود ركود الزعيم موجود

وش بتسوي الاعلام الكبيره والشالات للجمهور

لكن فعلاً ما قدرو يوصلون للهلال قالو مالنا الا جمهورة

الوضع كل ماله ويزود لكن هم ماراح يصحون لين يصير شيء كبير كالعاده

اهم شيء جمهور الهلال الي بجدة ياخذون حذرهم من جماهير نادي الاهلي

يكفي الي صار عقب مبارات الذهاب في دوري خادم الحرمين الشرفين