ادري العنوان ماصل
.
.
.
الليقا ... ضعف دوري والا قوه ؟
سؤال في بالي وابي الجواب منكم ؟
هل اللي يقاعد يصير في الليقا ينسب الى قوة الدوري والا ضعفه مقارنه بباقي الدوريات اللي دازين الحديد
الايطالي ... الانتر مغتصب فرق الكالتشيو رايح جاي .. وحسم اللقب من الدور الاول
الانقليزي .. نقدر نقول المان محد مزحزحه عن الصداره وهالسنه ناوين على اعادة سيناريو الثلاثيه
الالماني .. محد طق له خبر
لكن تعالوا نشوف الليقا
نار ياحبيبي نار انهزم اشبيليه من خيمناستيك صاحب المركز 19..
لحظه ! ... اشبيليه ماكانوا ملزخين البرسا والريال ؟ شلون انهزموا ؟
تعادل برشلونه والريال وشبوا في بعض بالاهداف 
فالنسيا يتعادل مع اوساسونا صاحب المركز 13 ترتيب اول 6 فرق
برشلونه 50
اشبيليه 50
فالنسيا 47
ريال مدريد 45
سرقسطه 43
اتلتيكو مدريد 43
بين المتصدر والخامس 7 نقاط (وجه منقز عيونه) انواع الطقاق على المراكز الاولى :p
(وجه واحد يبي يطق اوليقير)
برشلونه عليه ضغط كبير لانه بطل الموسم الماضي واللي قبله وبعد ماطلع من دوري الابطال زاد الضغط عليه
عشان يطلع هالموسم بلقب
اشبيليه فريق لحس مخ باقي الانديه من بدا الدوري وهو يلزخ في هالانديه ومحد موقفه لابرشلونه ولا ريال مدريد ولاغيرهم
فالنسيا بداية الموسم هبلت بهم الاصابات تقول بينهم تحدي من اكثر لاعب تجيه اصابات
ريال مدريد الله يعينهم من مدرب جديد الى رئيس الى اصابات .. ومجرد انهم يقعدون 4 سنوات بدون بطوله فهذي بحد ذاتها مصيبه
هل سيحقق برشلونه اللقب للمره الثالثه على التوالي ؟
اشبيليه هل يقصي البرسا والريال ويفجر مفاجأه في الليقا ؟
فالنسيا هل يستعيد امجاد 2003 ؟
ريال مدريد من عام 2002 بدون بطوله .. هل راح يفعلها مع الدون ؟
الى الان لم يعلن عن بطل الدوري بشكل رسمي واتحدى احد يتوقع من البطل
باقي 12 جوله في الليقا ؟ من بيقدر يحافظ على سجله نظيف من التعادلات والهزائم ؟
في نهاية الدوري ..
من المتصدر ومن الوصيف ومن سيلعب في دوري الابطال الموسم القادم ؟
.
.
.
اتمنى اشوف رايكم
قفله
* وتقولون الليقا بايخ * !! 
الليقا ... ضعف والا قوه والا وش السالفه ياقدعان 
الوضع الشجري
