أعــطني " الـحظ " وإرمـــني فـي الـــنوكامب - صفحة رقم 2 - نادي الهلال السعودي - شبكة الزعيم

M O U R I N H O · #1 11/03/2007, 08:27 PM

أبقـول كلام ممكـن يُغضـب البرشلونييـن .. لكـن هذي الحقيقـة

البرشا دائماً محظـوظ .. وماراح أجيب أمثله لمواسـم قديـمة .. لكـن بجيب أمثله للموسـم هذا

مع تشيلسي ذهاباً واياباً .. كان تشيلسي الأفضـل .. وفي الاياب على الكامب نو روبـن وايسيـان وبالاك ضيعوا العديـد من الفـرص

بينما البرشا 3 كـرات أتـى منها الأهـداف ..

وأيضاً مع الليفـر الموسـم هذا على الأنفيـلد رود .. الليفـر ضاغـط وكورتيـن بالعارضة وبالأخيـر يفـوز البرشا 1 - 0

بالنسبة لمباراة الريـال اعذروني ماتابعتها لذلك ماقـدر أحكـم ..

Andres Iniesta · #2 11/03/2007, 08:45 PM

إقتباس

الرسالة الأصلية كتبت بواسطة رونالد10ينو


	أبقـول كلام ممكـن يُغضـب البرشلونييـن .. لكـن هذي الحقيقـة البرشا دائماً محظـوظ .. وماراح أجيب أمثله لمواسـم قديـمة .. لكـن بجيب أمثله للموسـم هذا مع تشيلسي ذهاباً واياباً .. كان تشيلسي الأفضـل .. وفي الاياب على الكامب نو روبـن وايسيـان وبالاك ضيعوا العديـد من الفـرص بينما البرشا 3 كـرات أتـى منها الأهـداف .. وأيضاً مع الليفـر الموسـم هذا على الأنفيـلد رود .. الليفـر ضاغـط وكورتيـن بالعارضة وبالأخيـر يفـوز البرشا 1 - 0 بالنسبة لمباراة الريـال اعذروني ماتابعتها لذلك ماقـدر أحكـم ..

ياخي عشان برشلونة الموسم الحالي مستواه مب ذاك الزود بديت تقول انهم فرق حظ .. ياخي ليش ماتكلمت عن الموسم الماضي .. مباراة تشيلسي وبرشلونة بكل الملعبين بالموسم الماضي .. اقدر اقول انكم حمدتوا ربكم على نتيجه كل المبارتين انتهت على هالحال

... وفيه الكلاسيكو الموسم الحالي بالبرنابيو شف الحظ وحمارة جودينسن .. هذا اللي عندي اللحين

ThE MaGiCiAn 10 · #3 11/03/2007, 09:29 PM

رونالد10ينو

تلعب على نفسك انت؟

ابسألك بالله

لو هجمة جوديونسون وجولي ضد تشيسيكم جت في المرمى

بيطلع تشيلسيكم متعادل؟

بعدين الحظ ابتسم لأنترناسونالي في نهائي كاس العالم

من هجمه وحده وباخر الدقايق جت قول

وبلنتي لرونالدينهو ما احتسب

وخسر البارسا اللقب

وتقول البرشا محظوظ؟؟!!

لا والله المحظوظ كل من بارى برشلونه هالسنه

لانه باراهم بدون ميسي وايتو

والحين ميسي وايتو راجعين من اصابه

وشف كيف بعشر لعيبه تعادلنا مع ملكيهم

وبغينا نفوز لولا مساعدة الحكم يوم انه ما يطرد ديارا ولا يحتسب بلنتي لرونالدينهو..!!

قال حظ قال...

T W I N S O U L · #4 11/03/2007, 09:43 PM

هاردلك للفريقين وآآآه يا ملكي كنت قريب من الفوز

شكرا لك يالمرهف

مارد الأسياح · #5 11/03/2007, 10:36 PM

نحن لاننكر ان برشلونه لاعب زين لأنه على ارضه وبين جماهيره وموناقصه اي لاعب

لكن في المقابل الريال يلعب خارج ارضه وناقصه لاعبين مهمين اساسيين وهم:روبرتو كارلوس وريس وكانافارو وبيكهام وسيسنهو

ومع كل هذا الريال لاعب زين ومقدم مستوى رائع ولكن الحظ خذله في ضياع الفرص السهله
واللي يقول بلنتيين لرونالدينهو اقول له رونالدينهو هو اللي يتعمد يسقط الاولى هو اللي ناطح ديارا والثانيه صراع على الكوره وفي الاخير القوه البدنيه لديارا تتغلب على رونالدينهوواعتقد التحام عادي جدا ومنافسه على الكوره دون قصد الايذاء.....
وشكرا

يوسفو 15 · #6 11/03/2007, 10:41 PM

صـراحه اهـنيكم على هـ الأداء ياعـشاق المـلكي

.. ,

وأهنيكم على عوده قـوتي تـقريباً لمستـواه .. ( هذا كله والفريق ناقص

) .. بس ولو مـيسى صـعبان عـليكم

..

بس لي تعليق على نـقطه من رد الأخ ذا ماجيكان ..

إقتباس


	ومع هذا جاب هدف اللي حنا المفروض نقول حظ رفعه وحط راسه راموس وكذا((صدافه)) تعلقت واكبر دليل شف كيف مو مصدق

ياأخي .. هل كل من جـاب هـدف وفـرح ومـاصدق انه جـاب معناتها بالصـدفه .. ؟!

هـذا عنـدك مـيسى يوم جـاب الهـدف .. فرح فرحه هـستيريه .. ومـاصدق .. نـقدر نـقول انه صـدفه ؟ .. لاتـحكم على الـفرحه ..

واذا انت تقول انه رفع راسه وطقت براسه وتعلقت بالصدفه .. ( طيب انا اقول لك ان الرجال رفع رأسه وحرك رأسه بالإتجاه الـصحيح .. ونتيجه ذلك كله انه تحركت الكوره بالإتجاه الـصحيح وخشت بالـقول .. ) ..

ليش طـيب صـدفه .. ؟! .. ارجوا انك ماتكون حكمت على الهـدف من فـرحه اللاعب ..

هـارد لك للريال على التعادل المخيب .. ومـبروك للبرشا على تعادلهم في آخر الوقت ..

M O U R I N H O · #7 11/03/2007, 11:30 PM

إقتباس

الرسالة الأصلية كتبت بواسطة Andres Iniesta


	ياخي عشان برشلونة الموسم الحالي مستواه مب ذاك الزود بديت تقول انهم فرق حظ .. ياخي ليش ماتكلمت عن الموسم الماضي .. مباراة تشيلسي وبرشلونة بكل الملعبين بالموسم الماضي .. اقدر اقول انكم حمدتوا ربكم على نتيجه كل المبارتين انتهت على هالحال ... وفيه الكلاسيكو الموسم الحالي بالبرنابيو شف الحظ وحمارة جودينسن .. هذا اللي عندي اللحين

السـلام عليكم ..

بما إنك استشهدت بمباراة تشيلسي والبرشا الموسـم الماضي .. أبسألك سؤال وجاوبني بكـل صراحة

هل طـرد ديـل هورنو بهذيـك المباراة صحيـح .. ؟

أنا لا أنكـر إن البرشا كان أفضـل .. لكـن بصراحة طـرد ديـل هورنو غلـط وهو إللي غيـر نتيجة المباراة

أتمنى الإجابة بكـل صراحة ..

تحياتي لك

إقتباس

الرسالة الأصلية كتبت بواسطة ThE MaGiCiAn 10


	رونالد10ينو تلعب على نفسك انت؟ ابسألك بالله لو هجمة جوديونسون وجولي ضد تشيسيكم جت في المرمى بيطلع تشيلسيكم متعادل؟ بعدين الحظ ابتسم لأنترناسونالي في نهائي كاس العالم من هجمه وحده وباخر الدقايق جت قول وبلنتي لرونالدينهو ما احتسب وخسر البارسا اللقب وتقول البرشا محظوظ؟؟!! لا والله المحظوظ كل من بارى برشلونه هالسنه لانه باراهم بدون ميسي وايتو والحين ميسي وايتو راجعين من اصابه وشف كيف بعشر لعيبه تعادلنا مع ملكيهم وبغينا نفوز لولا مساعدة الحكم يوم انه ما يطرد ديارا ولا يحتسب بلنتي لرونالدينهو..!! قال حظ قال...

وش رايك تجي وتسطرني علشان ترتاح

ياخوي مثـل ما أنت لك راي أنا لي راي بعـد .. ولا لازم أكـون موافقك في كل شيء ..

وتذكـر ...

الإختلاف بالرأي لا يُفسـد للود قضيحة

بالنسبة لهجمة جودينسـون وجولي .. ؟ ماذكرها .. ! إذا تقصـد مباراة الإيـاب كـان فيه كورة زافي بس

وترا حتى بالاك وروبـن وايسيـان ضيعوا كـور كثيـرة ;) واحمـدوا ربكـم طلعتوا بتعـادل على أرضكـم ;)

ولو تلاحـظ ياعزيـزي إن البرشا في الـ 3 سنوات الأخيـرة لم يستطـع الفـوز على تشيلسي إلا في حالة وحـده وهي عندمـا يُطـرد لاعب من البلوز

ومـرة ثانية ...

الإختلاف بالرأي لا يُفسـد للود قضيحة

Andres Iniesta · #8 12/03/2007, 12:23 AM

إقتباس

الرسالة الأصلية كتبت بواسطة رونالد10ينو


	السـلام عليكم .. بما إنك استشهدت بمباراة تشيلسي والبرشا الموسـم الماضي .. أبسألك سؤال وجاوبني بكـل صراحة هل طـرد ديـل هورنو بهذيـك المباراة صحيـح .. ؟ أنا لا أنكـر إن البرشا كان أفضـل .. لكـن بصراحة طـرد ديـل هورنو غلـط وهو إللي غيـر نتيجة المباراة أتمنى الإجابة بكـل صراحة .. تحياتي لك

الطرد صحيح مية بالميه ... واذا فرضنا ان الفاول اللي جا منه الطرد يستاهل كرت اصفر .. طيب بوريك صوره وعطن رايك

اللقطة الاولى تستاهل بطاقه حمراء على طول .. والثانيه كرت احمر على طول .. ولاتنسى ابي رايك

إقتباس


	شف جمهور النصر

منب متكلم عليك .. لانك توك ماعرفت المنتدى زين

M O U R I N H O · #9 12/03/2007, 12:45 AM

إقتباس

الرسالة الأصلية كتبت بواسطة Andres Iniesta


	الطرد صحيح مية بالميه ... واذا فرضنا ان الفاول اللي جا منه الطرد يستاهل كرت اصفر .. طيب بوريك صوره وعطن رايك اللقطة الاولى تستاهل بطاقه حمراء على طول .. والثانيه كرت احمر على طول .. ولاتنسى ابي رايك

اللقطة الأولى التدخـل كـان على الكـورة بالأصـل .. لو كـان الاعب متعمـد ودخـل على رجـل ميسي بهالطريقة هنـا نقول طـرد صحيـح 100 % ومافيه كلام .. لكـن التدخـل كـان على الكورة وركـز عليها بعـد مابعدها ديـل هورنو ويـن راحت

بالنسبة للقطة الثانية .. تستحـق الكـرت الأصفـر فقـط .. ولايغـرك سقـوط ميسي

وعلى فكـرة ماهو شـرط اذا الاعب ما أخذ كـرت أصفـر في المـرة الأولى وأخذها في المـرة الثانية تقـول لازم يُطـرد لأنه يستحـق الكـرت الأصفـر على المـرة الأولى .. أكيد الاعب بيكـون أكثـر حـذر وبيتجنب الشيء هذا

Milan_89 · #10 12/03/2007, 12:08 AM

مادري وراهـ أنا بعض الناس يحمقون لا قيلّهم ان فريقك محظوظ !!

بالعكس أمر طبيعي هذا .. الحظ لابد منه .. ولا وشلون تبي تفوز اذا ما كاان فيه حظ ؟؟

ولكن مع احترامي .. وقبل هذا كله .. اعتذر عن التدخل ..

لكن المباراة في الكامب نو .. الملعب فيه 98 ألف متفرج ..

الريال بأسوى حالاته .. والبرشا تقريباً حالته سيئه .. ويُطرد لاعب من البرشا .. وتتعادل معه في ملعبه .. !!

وبعدين يوم انتهت المباراة بالتعادل تقول حظ ..؟!

جماهير الريال .. لا تلقوا على غيركم ولا تكثروا من [ الحظ ] وتنسوا أنفسكم .. ! << مسوي لغة لا اصطره !!

جماهير البرشا .. لا تزعلون اذا قال لكم احد [ يا حظيظين ] .. !

بالتوفيق للجميــع .. شيكرن ..

saudi9999 · #11 12/03/2007, 12:31 AM

انقلب المنتدى

طب وش فيكم ما حضرتم المباراة

خلاص لا تزيدون الكلام المعسول إلي ما يفيد

قول بلا فعل <<< هذا إلي عندي ..

بااااااااااااي

S U L A I M A N · #12 12/03/2007, 01:28 AM

لن أبكي على اللبن المسكوب .. لكن عندي كلمتين لمساعد ( اينيستا ) .. تراي من عرفت نفسي وأنا أتكلم مع حسام ( رونالدينهو 10 ) بالمسن واحاول أقنعه بهالموضوع بس مهب راضي يقتنع

.. لاتتعب نفسك والله لو تحاول من اليوم لبكرى مهب مقتنع

G E R R A R D · #13 12/03/2007, 02:42 AM

الموضوع بدأ ياخذ منحى اخر

وشلون وصلنا لتشلسي وبرشلونه !!!

يغلق