في البداية أشكر كل من علق على الموضوع بدون استثناء حتى من أختلف معي
وانا ما اسب البدو ..مجرد لنتقاد لـ(بعض) منهم من سلوكيات صادرة منهم
البدو على عيني وعلى راسي ..
بس للاسف مشاكل حي النسيم والنظيم في ازدياد وكثرة
وانا ما اقول هالكلام الا متوثق منه .. وبالتحديد من ظباط عملوا بقسم شرطة النسيم
(( وما صدقوا على الله يوم جاهم نقل لمراكز اخرى من القسم هذا بعينه .. من المشاكل اللي صايره فيه ))
ودليل على كلامي والمشاكل اللي موجوده بالحي هذا
قبل فترة بسيطة تقريبا 3 اسابيع زار اعضاء المجلس البلدي بالرياض حي النظيم
والتقوا بأهالي الحي .. وسمعوا مشاكلهم واحتياجاتهم
وهذا دليل ان النسيم والنظيم يعانون من مشاكل كثيرة
برضه قبل شهر تقريبا شرطة النسيم قبضت على تقريبا 30 شخص من اهالي الحي متخصصين بسرقة حي الريان من سيارات وطب على البيوت واللي يبعد عنه تقريبا 3 كيلو
وحي الريان يعتبر حي هادئ وأهله قروشهم واجد
فلازم تتكاتف الجهات المعنية لحل مشاكل الحي ذا
بعدين احنا بعدنا عن الموضوع .. قضيتنا هذا الشخص اللي انتقم من الفتاة
هذا وغييرة محتاجين لتغيير ثقافتهم السلوكية .. الهجومية والانتقامية
بأي شكل كان ...
ولاتنسون قضية بنت الباندا من وراها .. ولد هيف ((((القحطاني )))) !!!
وباختصار
أصابع يدنا مو وحده ..والله يحفظ المسلمين من كل شر